الأخ شهاب لك الود والتحايا الطيبات الفيديو لا يحمل عندي وقد بذلت كل ما أعرف من تكنولوجيا ولكنني فشلت فرجاءً لو أمكن وضع رابط الفيديو على اليوتيوب حتى أتمكن من رؤيته ودي وتقديري ....
05-23-2013, 07:52 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
انت السماء بلسان أخوانا الإثيوبيين ......... والتاثر ده قديم .... لانوا في إثيوبيا وجارته أرتريا بتلقي محمد وردي بتعده من كبارهم زي تلهون ومنليك ومحمود احمد وعلى باريه وجارهم الارتراوي يماني بارية .................
الأكثر تأثر على الإطلاق اخونا الأمهره وفي البال أمبراطورهم الراحل ومدي إحتفائه وتكريمه للعمالقة زي أحمد المصطفي ( العميد ) الله يرحموا .......
والامهره مع الأرومو الاكثر إجادة وعشق في اداء فن جيرانهم ويمكن معظم الفنانات البغنوا سوداني من الارومو وهم رغم اختلاف لغتهم الكبير من لغتنا الاكتر ترديد للغني السوداني ....
**** مقابل الفيديو الرائع للصاعد ابراهام أسّفة نهديك المخضرم على باريه من كبار فناني إثيوبيا من شعب الأرومو في غنية كابلي المعروفة شذي زهر
*اخوانا الحبش بحبوا وردي شديد بس يندر للغاية فناننهم يغنوا اغنيات جيرانهم مع أنو تركيب غناهم وكتير من الحانهم هو الاقرب لينا على الاطلاق خصوصا نمط غناهم القديم بي الكرار/ الطمبور
تحياتي
05-23-2013, 08:34 PM
nour tawir nour tawir
تاريخ التسجيل: 08-16-2004
مجموع المشاركات: 17638
*ملاحظتى الاخيرة بالتأكيد ما حتشمل ارتريا ....... والفيها قوميات كتيرة بيكاد يكون الغني السوداني اساسي عندهم ومسموع بصورة وأسعة جدا بتابع تلفزيونهم مرات وعندهم برنامج المواهب ( شنقرواه ) ......زي اغاني واغاني وكتير من مواهبهم بيكون اختيارهم يغنوا غني سوداني وبغنوا بإجادة وبلقي تفاعل ماعادي
***الزول ده من كبار مغنينهم وبغني لخوجلي عثمان الله يرحموا
*** المهم في الاول والاخر بنشكر الجيران ديل وجيران كثر غير أهل شرق أفريقيا من غرب أفريقية بيظل الفن والغني السوداني بلقي عندهم صدي جيد وهم عندهم إهتمام حقيقي بيهوا
تحياتي
05-23-2013, 09:30 PM
عباس محمود عباس محمود
تاريخ التسجيل: 11-26-2004
مجموع المشاركات: 1441
Quote: *** المهم في الاول والاخر بنشكر الجيران ديل وجيران كثر غير أهل شرق أفريقيا من غرب أفريقية بيظل الفن والغني السوداني بلقي عندهم صدي جيد وهم عندهم إهتمام حقيقي بيهوا
حباب السوداني وارثه وتاريخه وثقافته بصمة وانتشار وحبابك مرات استاذ عبد الناصر الخطيب
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
05-25-2013, 08:09 AM
شهاب الفاتح عثمان شهاب الفاتح عثمان
تاريخ التسجيل: 08-28-2006
مجموع المشاركات: 11937
إضافتي البحب اوصلة في الحته دي أنو في غني سوداني كتير حال حاجز اللغة أنو يكون مسموع عند الجيران ... والغني ده غنو الجيران بلغتهم ( الامهرنجة ) يمكن في بالى عزة في هواك الغناها عملاقهم الراحل تلهون والكان بصل فيها لدرجة البكاء تأثر ....
حاهدي ليك غنية العميد احمد المصطفي بغنيها الجيران بلغتهم ... وبحافظوا على روح الاغنية واللحن يعني حتى مع أختلاف اللغة البحسب للناس انهم مجتهدين معنا شديد ......الله يديهم العافية
*ويمكن دي الحالة المثالية لتوسيع قاعدة السمع لجيران ما عندهم إحتكاك لغوي بينا فبتالي حيحرمنا وبحرمهم حاجز اللغة كتير من الروائع هنا وهناك ..........
Quote: إضافتي البحب اوصلة في الحته دي أنو في غني سوداني كتير حال حاجز اللغة أنو يكون مسموع عند الجيران ... والغني ده غنو الجيران بلغتهم ( الامهرنجة ) يمكن في بالى عزة في هواك الغناها عملاقهم الراحل تلهون والكان بصل فيها لدرجة البكاء تأثر ....
حاهدي ليك غنية العميد احمد المصطفي بغنيها الجيران بلغتهم ... وبحافظوا على روح الاغنية واللحن يعني حتى مع أختلاف اللغة البحسب للناس انهم مجتهدين معنا شديد ......الله يديهم العافية
.الله يديك و يديهم العافية استاذ عبد الناصر الخطيب يا غالي
وهدية من ايدك مقبولة .. الف شكر
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
05-31-2013, 06:07 AM
شهاب الفاتح عثمان شهاب الفاتح عثمان
تاريخ التسجيل: 08-28-2006
مجموع المشاركات: 11937
سلامات ياشهاب ـ يارجل يارائع حلوة لما يقول: ماذا ألـَ يْكِ إذا نزرنا ولما يقول: واستأسمت بالـ بؤد أنّا. ولما يقول: هلا رَهـِمْتا. اخبار المريخ كيف ـ المريخ هو الوطن الذي نحمل جنسيته.
05-31-2013, 08:05 PM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
أخي الدكتور شهاب لك الود والتحايا الطيبات لك جزيل الشكر على الترحيب ولك الشكر كله على رابط الفيس بوك فقد تمكنت بعد صعوبة من رؤية الفيديو .. على الرغم من متابعتي اللصيقة للأغاني السودانية التي يتغنى بها إخوتنا الحبش .. ومتابعتي للأغاني الأثيوبية عموماً إلا أنني صراحة ولأول مرة أستمع لهذا الصوت الجميل وقد حاولت التعرف إلى إسمه ولكني لم أنجح .. أغاني الراحل سيد خليفة لها معجبين كثر في أثيوبيا وهم يفخرون به كثيراً .. وعموماً هم يفخرون بالسودانيين ويعترفون بأن الأغنية السودانية ساهمت في تقدم الأغنية الأثيوبية .. هذا الصوت الجميل للفنان مادينقو آفاوورك يتغنى بنفس مدخل أغنية على الجمال إلا أن الكلمات تحتلف .. هدية لك ولضيوفك الكرام .... أنت كونجو .. وتعني أنت جميلة .... ودي ومحبتي ....
Quote: سلامات ياشهاب ـ يارجل يارائع حلوة لما يقول: ماذا ألـَ يْكِ إذا نزرنا ولما يقول: واستأسمت بالـ بؤد أنّا. ولما يقول: هلا رَهـِمْتا. اخبار المريخ كيف ـ المريخ هو الوطن الذي نحمل جنسيته.
حبابك استاذ الفاضلابي
اللغة العربية صعبة النطق , واجتهاد المغني جميل
المريخ هواء يومنا واكثر
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
شهاب الفاتح عثمان
حيدر حسن ميرغني
بابكر قدور
nour tawir
عباس محمود
عبدالعزيز الفاضلابى
فيس بوك
تويتر
انستقرام
يوتيوب
بنتيريست