|
بترول بولاية نهر النيل
|
بس شاحد الله اطلع بعد الجماعة ديل اشتتو لانو ناس جمال الوالي وبقية الرهط بلحسوه في بيرو
Quote: رجحت مصادر واسعة الإطلاع وجود بترول ومعادن نفيسة بالمنطقة الخلوية لمحليات المتمة وشندي والدامر بولاية نهر النيل ، بينما عبّر ملاك الحجار التاريخية بمشروع النقع الزراعي وملاك البهائم في مراعي الخلاء عن سخطهم لما سموه تضليل المسؤولين لهم بأن مستثمرين أجانب من دول عربية يرتبون لبداية عمل في مشاريع زراعية في المنطقة الخلوية ، وقال عدد من الملاك أن احد المستثمرين وفي اجتماع عقد برئاسة محلية المتمة في الفترة الماضية قال لهم أن مشروعا زراعيا ينوي تنفيذه مثل " المشط " وفسر بقوله بأن المشروع يقترح أحياناً من القرى ويبتعد عنها تارة في الخلاء مما حملهم على ترجيح وجود البترول والمعادن النفيسة .
وكشفت مصادر عن ترتيبات يقودها أهل الحق بمحلية المتمة لتحويل ملف أراضيهم الضائعة إلى القضاء . وكان أهل الحق قدموا اعتراضات وسلموا مذكرة شديدة اللهجة إلى مكتب معتمد محلية المتمة مؤخراً ، اعتبروا فيها الأراضي خطاً احمر ، وحذروا من التعتيم عليها لما بعد انتهاء فترة الاعتراض .
وفي السياق قال عمر النور شيخ العرب بمحلية المتمة انه سمع بوجود ذهب وبترول ، وحذر احدى الشركات من بدء العمل قبل أن يأخذ الناس حقهم ، وقال : " اليلحسو حلمة اضانن " ، وأشار شيخ العرب إلى انه سمع بمعلومات بوجود أخدود بترول يبدأ من نيجيريا إلى حدود مصر ويمر بجبل الحسانية " جبل الجلف " بخلاء المتمة ، منذ عهد نميري ، بجانب ما وجد من كنور في منطقة السبلوقة . |
المصدر
|
|
|
|
|
|
|
|
Re: بترول بولاية نهر النيل (Re: بريمة محمد)
|
أسامة بابكر حياك الله
خلاص الكيزان قبلوا علي مشروع النقع الزراعي قبل كدة جابو لينا الشيخ عبد الباسط لحس المزارعين وشتت غايتو النجيضة عندنا حجر ورث والله الا يتحدد بالسيارة أي لعب من الكيزان في مشروع النقع الزراعي معناها الدم ركب .
| |
|
|
|
|
|
|
Re: بترول بولاية نهر النيل (Re: عادل الباهي عبدالرازق)
|
Quote: أسامة بابكر حياك الله
خلاص الكيزان قبلوا علي مشروع النقع الزراعي قبل كدة جابو لينا الشيخ عبد الباسط لحس المزارعين وشتت غايتو النجيضة عندنا حجر ورث والله الا يتحدد بالسيارة أي لعب من الكيزان في مشروع النقع الزراعي معناها الدم ركب . |
ود الباهي( ابن عمي ) اخبارك والغجريات علي حسك ؟؟؟ ... يازول لملم شنطك وتعال متراوح واقيف عند حقك ... والله الكيزان ديل انا خايف اهلنا ورانا يكونوا باعوهم ...
| |
|
|
|
|
|
|
Re: بترول بولاية نهر النيل (Re: usama Babiker)
|
مقال عجيب جدا ركيك متنافر وما عندو موضوع .. معلومات زي دي مفروض تكون صادرة من جهات حكومية فنية او ادارية ، عنوان المقال وجود بترول ، لمن تدخل في المقال مافي جهة قالت انو في بترول ، كلام بتاع ناس ساي .. اما موضوع الاراضي ، دا موضوع براهو ، الحكومة معروفة ما عندها مانع تبيع اي حاجة ، موضوع النقع ده في ظني اتكتل تحت تحت و ناس الحكومة خايفنو يطلع بالذات في الايام دي .. سيبك من ناس المتمة ، اسي ناس ودحامد العوضهم منو في المشروع الخلوي العامل زي مفاعل ديمونة ده كان تدخل تشوفو ساي عايز ليك واسطة ...
يا حبيب ده كلام ناس مشتهين البترول ساي ..
يا عادل الباهي سلامات : شنو الحصل في موضوع مشروع السيال ؟
سلامي جميعا
| |
|
|
|
|
|
|
Re: بترول بولاية نهر النيل (Re: صبري طه)
|
Quote:
ود الباهي( ابن عمي ) اخبارك والغجريات علي حسك ؟؟؟ ... يازول لملم شنطك وتعال متراوح واقيف عند حقك ... والله الكيزان ديل انا خايف اهلنا ورانا يكونوا باعوهم ... |
يابن عمي الغجريات كلو مايكبرو بيصغرو هم حكومة والناس أهالي هههههههههه
لالا اصلا شنطتي ما بلملن لكن أي مستثمر يدقس او الحكومة زاتها تزرع او تعمل اي مشروع في أراضي النقع بدون المفاهمة مع الملاك لا مصير لها غير الحرق بنولع فيها طوالي
| |
|
|
|
|
|
|
Re: بترول بولاية نهر النيل (Re: عادل الباهي عبدالرازق)
|
Quote:
يا عادل الباهي سلامات : شنو الحصل في موضوع مشروع السيال ؟ |
عبد الله إدريس طابت أوقاتك بكل خير والله ياحبيب أنا طولت من هناك فماعندي فكرة لكن بستفسر ليك لكن حكومة الجن دي لو كتلت مشروع النقع الزراعي تحت تحت بتكون فتحت علي نفسها أبواب جهنم هم والمستثمر المشتري
| |
|
|
|
|
|
|
|