|
|
 الحزب الشيوعى السودانى ببحرى
|
احتلف بالامس الحزب الشيوعى السودانى بمنطقة الخرطوم بحرى بعيد العمال
كانت امسية رائعة ترنموا فيها باشعار شاعر الشعب محجوب شريف
وفى الختام كان المسك ترنم الحضور برائعة محمد الحسن سالم حميد (ماشين فى الكة نمد)
سميت المدن النايمة
المدن التصحى فى حين
تترجى خطى العمال
اصوات الفلاحين
النفس الطالع نازل
فى صدور المسحوقين
أسميت السفن التمخر
فى نص البحر الطين
الناس ام عرقا يجهر
السرها يوما حيبين
الناس التنضح سكر
تتجرع مر وطين
التبنى قصور للقيصر
والتسكن حوش الطين
يا موج البحرالاحمر
سميتكم قاسم امين
كتلوك الناس القصر
الناس المأفونين
الناس البالة مغطى
والساسة المبيوعين
كتلوك خدم الراسمال
يا زول يا عاتى يا زين
الفرحو الامريكان
والربحو تجار الدين
كتلوك وكان قاصدين
فى ذاتك ناس تانين
الناس ام عرقا يجهر
السرها يوم حيبين
يا عادى كما العمال
والريح الحينا بحين
يا صاحى كما الآمال
فى عيون المحرومين
ماشين فى السكة نمد
من سيرتك للجايين
شايفنك ماشى تسد
وردية يا قاسم امين
فى ختام الحفل هتف الحضور بسقوط النظام
|
|
 
|
|
|
|
Shaker Hamid
فيس بوك
تويتر
انستقرام
يوتيوب
بنتيريست