فى ذكرى عملية عملية الزراع الطويل من داخل جهاز الامن احدثكم

Quote: eeg Mohamed Alsayd · جامعة النيلين كلية القانون الاخ الغالي شقيفات المحترم ، اجد ما تقوم به من توثيق مهم لتلك الأيام الحالكة من تاريخ السودان ، وقد شاهدت بأم عيني اعتقال الناس من المواصلات العامة علي الهوية ، اما بالنسبة للشخص المذكور علي أنه (شايقي) سائق حافلة فهذا جاري وقد شاركت في عزاءه وهو من ابناء شبشة الشيخ برير ، ومتزوج من حفيدة الشيخ برير وقد ترك اطفال صغار ، وليس له علاقة بالسياسة ، ومن الصدف انني قابلت احد افراد الأمن الذين كانوا موجودين وقت وفاته وقد ذكر لي انه كان يشكو مر الشكوي من الألم وقد مات متأثرا من التعذيب..... وكنا قد اعددنا ايام طيب الذكر مركز الخرطو لحقوق الانسان مذكرة فيها اكثر من اربعين شخص وقدمناها لوكيل النيابة الأعلي للجرائم الموجهة ضد الدولة قدمناها علي انهم مفقودون وغير معلوم مكان اعتقالهم ، وقد امسك بابكر عبد اللطيف بالقائمة بعد مماطلة وأشر علي بعض الاسماء وذكر انهم موجودون بطرف نيابة امن الدولة اما الآخرون فهو غير مسئول عنهم ولا يعرف مكانهم واذا اردتم ان تعرفوا عنهم اذهبوا لجهاز الأمن.... رد · · منذ ‏4‏ ساعات

Quote: وقذف مبنى هيئة الاركانجوار السلاح الطبى

Quote: . ِشكرا يا الغالي على هذا السرد. هاك قصتي: بعد عملية العدل و المساواة باسبوع او عشرة ايام كنت عندي معاينة شغل مع شركة الراجحي في بربر, ركبت البص من موقف شندي في بحري لعطبرة و لمن وصلنا قريب من شندي على ما اعتقد, قام ناس جهاز الامن اوقفوا البص و نزلوني مع بعض الشباب معتمدين على سحناتنا الغرباوية وساقونا ببوكس لعطبرة او مكان قريب من عطبرة بدون اي كلام معانا و عرفنا ان الموضوع ليه علاقة بالعدل و المساواة...و في بيت تابع لجهاز الامن على ما اعتقد بدأ الضرب و هاك يا كفوف وشلاليت و شتائم.....و اتهمونا باننا تابعين لخلية تخريبية مستهدفين ولاية نهر النيل و قالو جاتهم تقرير من الخرطوم بانو بصنا فيه طابور و لأني زول اخلاقي ضيق و الاستفزارات ما بنفع معاي قمت اتضاربت مع واحد منهم و شاف حجمي صغير افتكر ممكن يرميني في الصراع.. اقسم بالله الزول رميتو بلدي بحجمو الكبير ده لمن امن و لكن بعداك خمسوني لمن عرفت حاجة انا ذاتي....المهم.. الشباب المعاي فكوهم بعد يومين و قالو لي انت العامل فيه فرعون ده نوريك دراما هنا لمن تعرف حاجة. بعد 5 خمسة يوم كده جاء واحد ضابط و قاليهم الزول ده فكو خلوه يمشي و تاني قعدوني اسبوع بعداك لكن بقو كويسين و ما قاعدين يدقو, بس كل يوم انضف ليهم المكان...و بعد 12 يوم قام واحد فتح الشهادات بتاعي و لقاني خريج جديد من هندسة الخرطوم....قام قال لي: مالك ما قلت للجماعة ديل اانت خريج من جامعة....قربت اقول ليهم جماعتك ديل اميين ما الشهادات دي قروه مليون مرة لكن لاوزت. المهم قال لي بعد بكرة انا ماشي الخرطوم و لو داير تمشي معاي بوديك....قلت ليه خلينا اطلع من هنا انا بعرف بمشي براي و طلعت مشيت. _______________________________________________________________________________________________ القصة طويلة و فيه حاجات كتيرة و تفاصيل, بس ما قاعد احب اشارك بيهو الناس.

Quote: احمد ادم بجيت

Quote: ده احمد ادم بخيت ...منسق الخدمة الوطنية(منسقية الموسسات) في المقرن في نهاية التسعيانات...كان شخص متسلط جدا و ضيع على عدد من الخرجيين سنوات من عمرهم

Quote: العزيز الغالي صاحب البوست والأخ سمير لكما التحية والتجلة على هذا التوثيق، عندي صديق وزميل دراسة من أيام الجامعة وهو رفيقي في المعتقل حيث كان آخر عهدي معه بمعتقل الداخلي والتوجيه وبيت أشباح جوار شركة كنانة وبيت آخر في الحاج يوسف وبيت تاني في دار السلام غرب سوق ليبيا وهو عبد الله نتدقي من عيال دار فور وللأسف الشديد كان من يعذبنا أيام الجامعة عيالنا عيال الغرب نفسهم والكثير منهم الآن مناضلين ضد النظام لا داعي لذكر الأسماء، وكان المشرف عليهم واحد أسمه سعد وآخر اسمه أبو عاقلة طير السقد. وعرفت لاحقا أن صديقي عبد الله تم اعتقاله بعد أحداث أمدرمان وحُرق دكانه في سوق ليبيا. ويقال الآن انه في غرب أفريقيا أو في توجو. وفي مرة من المرات تم رشنا ببخاخ حارق في مناطق حساس ظلت جراحها أكثر من 6 شهور لم نتعافى منها إلا بالقطران البلدي على يد عمنا البصير موسى ود السوقي رحمه الله شيخ حلة أم كمار جنوب المزروب. أحمد