كتب الكاتب الفاتح جبرا المتوفرة بمعرض الدوحة
|
|
 النجيضة : البرير ضيًع الهلال
|
ما وصل اليه حال فريق الكرة في نادي الهلال الان يتحملة البرير وحدة وليس شخص سواه ..البرير يدير نادي الهلال الان وكانه يدير محل تجاري ورثه من والدة ..اساءات واهانات مباشرة للاعبين افقدتهم عدم الرغبه في تقديم شيء في ظل هذا الوضع المذري ..لاتوجد ادارة فنيه للفريق ولا تنفيذيه في النادي ..لا توجد ادارة اعلاميه غير التي يدفع لها البرير لتمجيدة ..لا يوجد مجلس ادارة ...حتي الجمهور ترك المدرجات والنادي ..والقادم اسوأفي ظل النفوروالاحباط من وضع الهلال الحالي
|
|
  
|
|
|
|
|
|
|
 Re: النجيضة : البرير ضيًع الهلال (Re: أسامة البلال)
|
قلناها من قبل و سنقولها مرات ومرات
لن نجد فريقآ اسمه الهلال فى المستقبل القريب طالما على راس ادارته هذا البرير
لذلك نناشد اهل الحل و العقد ان يتحركوا لينقذوا هذا الكيان قبل ان تاتى ساعة الندم و اظنها قريبة جدا
| |
|
|
|
|
|
|
|
|
|
Re: النجيضة : البرير ضيًع الهلال (Re: حيدر بشير)
|
| Quote: لذلك نناشد اهل الحل و العقد ان يتحركوا لينقذوا هذا الكيان قبل ان تاتى ساعة الندم و اظنها قريبة جدا |
المشكلة يا حيدر مافي خيار متاح غير الكاردينال او خلطة مؤتمر وطني تجي تمحي الباقي ..نقنع بس طالما ارتضينا بي حكم الرجل الواحد من تاسيس النادي
| |
|
|
|
|
|
|
|
|
|
Re: النجيضة : البرير ضيًع الهلال (Re: أسامة البلال)
|
والله يا اسامة الوضع الاداري -الحالي- في الهلال أسوأ من كل التصورات والتوقعات ..الناس كانت علي امل انو الراجل دا يستفيد من الاخطاء ويقدر ويحترم ويشعر انو هو حاليا رئيس نادي من اكبر الانديه السودانيه والافريقيه وعندو مكانه وسمعه ..لكن شكلو في خلل في تركيبة شخصية البرير ما بتعالج بي الزمن والمناصب
| |
|
|
|
|
|
|
|
|
|
Re: النجيضة : البرير ضيًع الهلال (Re: Shaker Hamid)
|
سلام يا مغربي | Quote: ما وصل اليه حال فريق الكرة في نادي الهلال الان يتحملة البرير وحدة وليس شخص سواه |
دا كلام صاح مية مية ..
وتعرف المشكلة بدأت متين ؟ بدت في افتتاحية الموسم الفات لما طلعت في راسو انو عايز لاعبين طوال القامة
لشنو ما تعرف !! فقام سجل جمعة علي ومعتز رابح وصالح الامين ونزار وسك ضفر والحمد لله ان الصفقة فشلت
وقام بشطب حمودة واتير توماس افضل لاعبي وسط في السودان ... لم ينجح منهم سوى نزار ..
وبدا التخبط ... ثم جا الموسم دا وجاب اكبر كارثة في تاريخ الهلال وهو غارزيتو وقام بشطب عضم ظهر الفريق علاء وهيتم
وهيثم اكبر بكثير من مجرد لاعب وهو لا يدري هذه الحقيقة ...
المهم هو الآن يعد نفسه ليأتي من جديد ... حقو الناس تشوف الطريقة المناسبة لمنعه ... ولكنه تحوط لذلك وللأسف استخدم سلطاته وقفل باب العضوية
انا غايتو شايف الهلال دا نسيبو نهائي بلا وجع قلب ...فترنا وزهجنا ذاتو ... ويحلنا الحل بلة ...
المهم انو لن يكون هنالك هلال ولن تقوم له قائمة مع هذا الكارثة الاسمو البرير
| |
|
|
|
|
|
|
|
|
|
Re: النجيضة : البرير ضيًع الهلال (Re: عبدالوهاب علي الحاج)
|
| Quote: انا غايتو شايف الهلال دا نسيبو نهائي بلا وجع قلب |
سلامات يا وهبه
دي غايتو الفايدة الوحيدة الجنيناها من البرير ..الواحد زمان ما كان بيقدر يفوت كورة للهلال وممكن يلغي يدك مواعيد او اشغال مهمه بي سبب كور الهلال ..حاليا اكضب عليك لو قلت ليك ممكن اقعد احضر كوورة للهلال او اهتم اني اعرف الهلال لاعب متين او لعب متين ووين والمناسبه شنو ! الحمد لله وبفضل اللمين البرير طوينا صفحة حاجه اسمها الهلال من ملفاتنا
| |
|
|
|
|
|
|
|
|
|
Re: النجيضة : البرير ضيًع الهلال (Re: Shaker Hamid)
|
السنة دي يا شاكر لو لمينا في التالت نحمد الله ..واحتمال انو نمثل في 2014 ضعيف جدا ..رغم انو ما شلنا كاس افريقي لكن وصول الهلال للادوار المتقدمة في الابطال والكونفدراليه كان بيدر عائد مادي كبير لخزينة النادي (جمهور + حوافز من الاتحاد الافريقي) بتدي الفريق دفعات كبيرة ..خروجنا المبكر السنة دي + عزف الجمهور حا يضاعف الوضع المذري الحالي والنتائج الكارثيه لسه قدام
| |
|
|
|
|
|
|
|
|
|
Re: النجيضة : البرير ضيًع الهلال (Re: لؤى)
|
Quote:
أكبر خطأ هو الاستغناء عن غارزيتو في هذا التوقيت
مشكلتنا ما بنصبر وعايزين نتائج سريعة.. |
نفس كلامك دا قالو لي قبل يومين الكابتن حمد كمال المدرب الذي كان يعمل معه
بقول غارزيتو حاول يبني في فريق والناس مستعجله
قلت ليهو لكن البرير سلم رقبته للبرير وعمل على محاربة هيثم مصطفى من غير اي مبررات
المهم الكلام كان طويل
لكن ياجماعه والله البنشوف فيهو دا ماعندو علاقة بالكوره
اول مره اشوف عنف بالطريقة دي في الدوري السوداني
اصلا الناس دي لو عندها قوه قدر دا ما يشيلوها سلاح بعد دا
بالله الخصم في كور ةالقدم زي العدو
في الدول المتقدمه بقولو ليك الحكم يحمي اللاعبين الموهبين
يعني لاعب زي هيثم مصطفى دا لو لاعب كشر ليهو سااااااااااااكت تكون فاول
ديل شنو ديل لاعبننا يفلحون لازية بعض فقط ...
ههههههههههه
قعدت اضحك قلت لحمد ديل كان يتعلموههم شنو في الهلال .. المباراة الى ان انتهت مافي زول ضرب كره بالراس صاح
نطح بس نطح
| |
|
|
|
|
|
|
|
|
|
Re: النجيضة : البرير ضيًع الهلال (Re: وليد عبد اللطيف)
|
سلامات لؤي ووليد
البرير الايام دي داخل في دور جديد اكثر سواءا وعبطا ..صرح للصحف انو مشكلة الهلال الحقيقه في اللاعبين وليس في التدريب او الادارة وصدق التصريح دا وبدا يدفع للصحفييين عشان يوصلوا المعلومة دي للجمهور ..حاليا صحافة البرير شغالة ضد لاعبي الهلال ######رت نفسها لتشوية صورة لاعبي الهلال لدي المشجع الهلالي ..نفس الدور دا قامت بيهو الصحافه في تشوية سمعة هيثم وعلاء وسادومبا وغيرهم من اعمدة الهلال السابقين
| |
|
|
|
|
|
|
| |
Maawya Hussein
الامين موسى البشاري
أسامة البلال
Shaker Hamid
عبدالوهاب علي الحاج
لؤى
وليد عبد اللطيف
فيس بوك
تويتر
انستقرام
يوتيوب
بنتيريست