كتب الكاتب الفاتح جبرا المتوفرة بمعرض الدوحة
|
Re: افخم كابينات الطائرات - صور (Re: هشام المجمر)
|
نحن فى شنو و الحسانية فى شنو.
نحن بنتحارب و بندافع عن الارض و العرض و يموت اطفالنا و نسائنا بالعشرات كل يوم و الحسانية بيضيعوا و قتهم فى عمل حاجات زى دى.
تبا للحسانية.
المهم...
كما يقول تبارك
| |
|
|
|
|
|
|
Re: افخم كابينات الطائرات - صور (Re: هشام المجمر)
|
يا باشمهندس سلامات ياخي إنتو ناس ما ( وطنيين ) ابداً عيب لي سودانير ، الفرق شنو بينها و بين الصورة الأولى غير ( قزازة ) العطر المختوتة في الصينية ، و كمان تلقاها عطر وارد المنتطقة الحرة في دبي
| |
|
|
|
|
|
|
Re: افخم كابينات الطائرات - صور (Re: kamal omer)
|
Quote: عيب لي سودانير ، الفرق شنو بينها و بين الصورة الأولى غير ( قزازة ) العطر المختوتة في الصينية ، و كمان تلقاها عطر وارد المنتطقة الحرة في دبي |
حد جاب سيرة القزاز هنا..
حالتك صعبة يا كمال
| |
|
|
|
|
|
|
Re: افخم كابينات الطائرات - صور (Re: هشام المجمر)
|
سلام يا هشام ...
دي صور لكابينات في طائرات تجارية ... مش كده ؟
يعني أدفع ... وإستمتع بالرحلة ... لكن ..
أمشي لكابينات الطائرات الخاصة ...
وطائرات الوليد بن طلال كمثال .. وتشوف العجب العجاب ..!!
الناس دي ناسية الآخرة والقيامة .. والعذاب بعديين ..
يبدو إنه دي جنتهم ..
-------------
بس ما تقارن حالنا بحالهم .. خليهم هم في جنتهم دي .. ونحن نتفرج عليهم ..
والله كريم علينا ... نحن طمعانين في إنه جنتنا تكون بعديييين ...
ويجوا هم ... ويتفرجوا علينا ...
| |
|
|
|
|
|
|
Re: افخم كابينات الطائرات - صور (Re: عبد الله كسلا)
|
Quote: بس ما تقارن حالنا بحالهم .. خليهم هم في جنتهم دي .. ونحن نتفرج عليهم ..
والله كريم علينا ... نحن طمعانين في إنه جنتنا تكون بعديييين ...
ويجوا هم ... ويتفرجوا علينا ... |
الخاذوق يا عبد الله يجو يتفرجو علينا و نحن فى النار
| |
|
|
|
|
|
|
Re: افخم كابينات الطائرات - صور (Re: عبد الله كسلا)
|
Quote: بس ما تقارن حالنا بحالهم .. خليهم هم في جنتهم دي .. ونحن نتفرج عليهم ..
والله كريم علينا ... نحن طمعانين في إنه جنتنا تكون بعديييين ...
ويجوا هم ... ويتفرجوا علينا ... |
هههههه انت عارف يا عبدالله جاني خالي زيارة هنا في بريطانيا و ديتو مدينة ساحلية والجو كان جميل و المناظر كانت مبالغة.......
في لحظة تجلي قال لي الناس ديل ح يخشو الجنة معانا.....
قلته ليهو شنو يا خال انت ضامن الجنة ولا شنو.....
قال لي انت عوير و لا شنو و الله ناس السودان ديل اول ناس في الجنة.......
ود المجمر ازيك ياخ..........
| |
|
|
|
|
|
|
Re: افخم كابينات الطائرات - صور (Re: هشام المجمر)
|
كيفك ياهشام والعيال عندي عمي رحمه الله معجب باداعات التكنولوجيا دي وخاصة في الستينات والسعينات حتى اشتهر باسم "روسيا" عندما كان الأتحاد السوفيتي في أوج العظمة وقاقرين يحوم حول الأرض. كانوا في الجلسات الخاصة (أعمامنا طبعا) يجزمون بانهم في النار- أي هؤلاء الروس_ وكان رد عمنا روسيا: " أها كان ربنا دخلهم الجنة ... بتظقو". أحلى قفشاته عند زيارة وفد آباء لأبنائهم في مدرسة دارمالي الوسطى قرب عطبرة ف ي الستينات عندما كان مستوى عطبرة يقل عن ادنبرة بشوية درجات قليلة وكانت المجموعة آتية من قرية مجهولة _ حتى اللحظة- . تم احضار جك بتاع موية بالتلج الباااارد للجماعة في صيف تقارب فيه الحرارة الخمسون مئوية. وبعد أن شرب عمنا حصته الباردة المدنكلة ..استعدل في جلسته وصلح التواب البنقالي والفاشري الماخمج وتنحنح قائلا لزملائه (رحمهم الله جميعا):
" هسع بي صحكم الناس الأخترعو التلج دا يدخلو النار وانتو تخشو الجنة؟"
| |
|
|
|
|
|
|
Re: افخم كابينات الطائرات - صور (Re: Nader Abu Kadouk)
|
Quote: كده يا باشمهندس حيرته عبدالله............. |
مع إني ما شفت الفيديو لأني في المكتب .. بس قدرت أتخيل محتواه من كلامك يا باشمهندس ..
بس بعتقد والله أعلم .. إنه الزول ده ما عندو معانا فرصة بعدين ...
ياخ ده مقابض الأبواب والدواليب في الطائرة الخاصة من الذهب الخالص ... معقولة بس !!
وفي ناس بتموت من الجوع في دول أفريقية مسلمة ... ؟؟
| |
|
|
|
|
|
|
Re: افخم كابينات الطائرات - صور (Re: عبد الله كسلا)
|
Quote: ياخ ده مقابض الأبواب والدواليب في الطائرة الخاصة من الذهب الخالص ... معقولة بس !!
وفي ناس بتموت من الجوع في دول أفريقية مسلمة ... ؟؟ |
اركز يا عبدالله
الزول ده انا سالت عنو قالو بطلع زكاتو كاملة حتى مقابض الدهب دى مزكيها.. وقال اما بنعمة ربك فحدث
اها عندك طريقة معاهو
| |
|
|
|
|
|
|
Re: افخم كابينات الطائرات - صور (Re: هشام المجمر)
|
والله يا هشام حيرتني فعلاً ...
إذا كان بيصلي ... ويطلع زكاة المقابض دي زاتها ...
وشغال عملاً بالآية البتقول "أما بنعمة ربك فحدِّث" ...
خلاص .. أنا ما عندي معاهو طريقة تبْ ...
وياهو زي ما قلت إنت .. زول جنتو هنا ...
وبعدين معانا إن شاء الله ...
وإن شاء الله ربنا يتقبل منه ومننا ..
| |
|
|
|
|
|
|
Re: افخم كابينات الطائرات - صور (Re: عبد الله كسلا)
|
نادر ابو كدوك ...
سلام يا حبيب ..
معقولة ياخ تسيب بلدنا من غير ما تدينا خبر ولا تودعنا ؟؟
خالك ده وديتو وين زي ما قال ليك هشام ...؟؟
لكن فعلاً كلام خالك ده صاح .. بعد عذاب الدنيا ده ..
والنجاض المنجضيننا ليهو الجماعة ديل !!
الشعب السوداني ده كلو مفروض يمشي الجنة بدون حساب ...
| |
|
|
|
|
|
|
Re: افخم كابينات الطائرات - صور (Re: هشام المجمر)
|
Quote: لشعب السوداني ده كلو مفروض يمشي الجنة بدون حساب . |
يا أخوانا ( سب الدين ) بيمنع الزول من دخول الجنة ؟ لأني لاحظت الناس في السودان لي أتفه سبب (تصرف ليك دين تكعيب ) بكل بساطة ، فيا عبد الله يا أخوي معقول بس في الدنيا الناس ديل منجضننا ، و في الآخرة تنجضنا النار غايتو نسأل الله السلامه
| |
|
|
|
|
|
|
Re: افخم كابينات الطائرات - صور (Re: kamal omer)
|
Quote: يا أخوانا ( سب الدين ) بيمنع الزول من دخول الجنة ؟ |
زمان يا كمال لما كنا صغار و بنكون فرق كرة و نعمل الوائح كان غرامة سب الدين فى التمرين قرشين.. اى والله
ولا بد انك تذكر نكتة عشرة من البرميل..
قصة سب الدين ظاهرة قديمة فى السودان ولا اظن ان الناس يقصدون بها سب الدين فعلا
| |
|
|
|
|
|
|
|