|
|
 وتتقلص ايامنا في هذه المملكة
|
وتتقلص ايامنا في هذه المملكة التي عشنا فيها اكثر من نصف عمرنا, ولا اعتقد انهم سيفتقدوننا ولكننا سنفتقد اصدقاءا لنا كانوا على مدى الثلاثة عقود ونصف سواء كانوا سعوديون وغير السعوديين زملاء العمل او جيران كان اولادنا يلعبون مع اولادهم وبناتنا يحضرن حفلات اعياد ميلاد بناتهم وكذلك العكس.
السعوديون شعب طيب خاصة اذا كانوا زملاء عمل ولكنهم سريعوا النسيان اذا فارقتهم لاي سبب من الاسباب ولا يتفقدون من كانوا معهم الا ما ندر.
حاليا نعمل تمارين احماء لفك البيرق عند المطاردة من شارع لشارع ومن زنقة لزنقة وحتى اذا تم حصارنا في بيوت العزابة او الجمعيات فقد احضرنا حبالا قوية مربوطة في خزان الموية ونتعلم حاليا كيف يستعمل الحبل للهروب من الجانب الآخر دون احداث جرح في اليد وسنراوغ رجال الجوازات حتى تنتهي سريان مدة الاقامة، ومن ثم نشتري البطانية ومؤونة شهر غذاءات وحبوب الضغط والسكري ونشحن باقي عفشنا ونسلم نفسنا لاقرب رجل جوازات استعدادا للترحيل والاستعداد لنزول مطار الخرطوم ومباشرة لاقرب تجمع مظاهرات وننادي لا لا لا للسدود حتى يتم اعتقالنا ونضع فترة الاعتقال ضمن سيرتنا الذاتية لتقديمها لدول الاستكبار حتى يتم قبولنا كلاجئين سياسيين مضطهدين ونعيش باقي العمر مع جون.
|
|
 
|
|
|
|
|
|
|
|
Re: وتتقلص ايامنا في هذه المملكة (Re: مصعب عوض الكريم علي)
|
الحبيب زمراوي
لا زال هناك مجال لتصحيح الاوضاع
فاجتهد في البحث عن الكقيل المناسب واديها جكة دعوات وتوسل للمولى فلقد قال ادعوني استجب لكم
ولو مكة قريبة منك اديها عمرة كاااااربة وستجد الحل ياتيك جريا
لكن يا حبيب لو مشيت الترحيل
| Quote: لنزول مطار الخرطوم |
تشمو قدحة
ههههههها ها
| |
|
|
|
|
|
|
|
|
|
Re: وتتقلص ايامنا في هذه المملكة (Re: Zomrawi Alweli)
|
| Quote: حاليا نعمل تمارين احماء لفك البيرق عند المطاردة من شارع لشارع ومن زنقة لزنقة وحتى اذا تم حصارنا في بيوت العزابة او الجمعيات فقد احضرنا حبالا قوية مربوطة في ونتعلم حاليا كيف يستعمل الحبل للهروب من الجانب الآخر دون احداث جرح في اليد وسنراوغ رجال الجوازات حتى تنتهي سريان مدة الاقامة، |
الاخ زمراوى
تحياتى وتقديرى ..
زرقك ورزقنا على الله ..
فك البيرق تقصد بيها الجرى والانطلاق و لا البيرق بتاع ناس (ست الهناى) .....!!!
اضحكنى مكتوبك وشفقت على الجماعة ناس (الجمعية والعزابة) يا اخى ليهم الله وعيشت السوق البقت ما تحوق ولا تكفى ...
اليشوفك اليوم داك يقول (طرزان بين الرمال والكثبان) ....!!
عندى حاسة انو (ربنا حيشغلهم ويصرفهم عنك (بسبب ما تفعله من خير ) قول آآآآآآآمين ...
ومرات مرات الواحد من دواخله مع نفسه وكدة بيقول احسن زاتو الواحد يسافر غصباً عنه {وربنا ما بنسى حنكا شقاه}...
تحياتى ومودتى .
| |
|
|
|
|
|
|
|
|
|
Re: وتتقلص ايامنا في هذه المملكة (Re: عبداللطيف شريف على)
|
والله من كل قلبي اتمني ان يصدر قرار بترحيل كافة السودانين .
السودانين بس .
الناس دي كلها ترجع .
ناكله كسرة بي مويه .
ناكله ام دقوقه .
المهم الواحد يحس انوو وسط اهلو وناسو .
الصباح تصحي تسلم على الحاجه والحاج .
تتفرجخ في نصهم يجبو ليك كباية الشاي المقنن .
تطلع الشارع .
طلوع حقيقي وطلوع مجازي .
تهتف الشعب يدين تجار الدين .
تركب الموصلات شماعه .
ومرات تمشي كداري .
يا سلام ..
منعول ابو القرش البحرمنا من انسانيتنا .
منعول ابو القرش البحسسك كل يوم انك اجنبي .
منعول ابو القرش البخليك في كتير من الأحيان تجر واطي .
| |
|
|
|
|
|
|
|
|
|
Re: وتتقلص ايامنا في هذه المملكة (Re: عبداللطيف شريف على)
|
والله من كل قلبي اتمني ان يصدر قرار بترحيل كافة السودانين .
السودانين بس .
الناس دي كلها ترجع .
ناكله كسرة بي مويه .
ناكله ام دقوقه .
المهم الواحد يحس انوو وسط اهلو وناسو .
الصباح تصحي تسلم على الحاجه والحاج .
تتفرجخ في نصهم يجبو ليك كباية الشاي المقنن .
تطلع الشارع .
طلوع حقيقي وطلوع مجازي .
تهتف الشعب يدين تجار الدين .
تركب الموصلات شماعه .
ومرات تمشي كداري .
يا سلام ..
منعول ابو القرش البحرمنا من انسانيتنا .
منعول ابو القرش البحسسك كل يوم انك اجنبي .
منعول ابو القرش البخليك في كتير من الأحيان تجر واطي .
| |
|
|
|
|
|
|
| |
Zomrawi Alweli
عمار عبدالله عبدالرحمن
garjah
عماد قريش
ياسر منصور عثمان
عبداللطيف شريف على
أمير محمد ادريس
فيس بوك
تويتر
انستقرام
يوتيوب
بنتيريست