|
|
|
 Re: جسر العمال بجدة ملتقى لتنفيس هموم المغتربين ( صور) (Re: تاج السر محمد حامد)
|
عنوانك مخيف لكن دفن الرؤوس في الرمال عيب لمن مهمته اطلاق وتسليط الضوء على
قضايانا المهمة فهؤلاء سودانيات يحملن الجواز السوداني ويمارسن افعال لا تستقيم
وقوانيين البلد المضيف , لكن السؤال اين الحل ؟ وما مصيرهن حتى لو تم ترحيلهن..؟؟؟
هل ذلك هو الحل لا اعتقد ونحن نشارك في المسؤولية فهلا طرحت علينا رؤية ما الحل
هل حرمانهن من السفر وحريه التنقل ؟؟؟ ام توفير لقمة عيش كريمة داخل الوطن وقتها كلنا
سنرحل من هنا ياتاج ولو جاء بصيص امل فحتى انت هنا تُمتهن بطريقة او اخرى ولو نظرت
لصراعاتنا ستجد انها تصب في خانة الاذلال بطريقة او اخرى وبلاد الله واسعة واهل الديار هنا
بكل ما يقدمونه لنا من توفير لقمة العيش لاهلنا لكنهم في بعض الاحيان يضجون من الاجانب
وانت وانا وغيرنا منهم فما الحل يا تااج .
..........................................................................................................حجر.
| |
  
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: الرفاعي عبدالعاطي حجر)
|
Quote: تسليط الضوء على
قضايانا المهمة فهؤلاء سودانيات يحملن الجواز السوداني ويمارسن افعال لا تستقيم
وقوانيين البلد المضيف |
الأخ العزيز الرفاعى
تحيتى وتقديرى وأحترامى
وشكرا لمرورك الذى يسعدنى
نعم أوافقك الرأى
الكثير منهن يحملن جوازات
سفر سودانية ..
وربما الجنسية أيضا
هنا تعقد الدهشة لسانك
وتبدو عاجزا عن الحديث
رغم تزاحم الاسئلة
وتدافعها فى دواخلك
كيف حصلن على هذه الوثيقة الهامة !!
وماهى الضوابط التى يجب إتخاذها
لاحكام الرقابة
على منح الجواز السودانى
بحيث لايحصل عليه إلا من ينتمى فعلا
للوطن القارة
ويدرك ماتعنيه عازه فى هواك
أما سؤالك أخى الرفاعى عن الحل
فهذا هو المحك الرئيسى
وتجد كلماتى تتبعثر
ولا أدرى ماذا أقول ؟؟؟؟؟؟؟
مرة أخرى تحيتى وتقديرى ..
تاج السر
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: تاج السر محمد حامد)
|
سلام وتحايا.
تاج السر اعتقد انك تتحدث عن كبرى كليو تمانية منطقة تجمع السودانييين واصحاب الدينات تحديداً .
جسر العمال حسب علمى يجمع الكثير من الجنسيات .
___________________
فعلاً حاجة كريهة وغير مشرفه للسودان.
وفى لقاء على قناة الجزيرة عقب الاحداث الاخيره بخصوص قانون العمل الجديدة مراسل الجزيرة ومن تحت هذا الكبرى تحدث عن مشاكل العمال السائبة.
وللاسف الخليفة كانت عبارة عن كوم زبالة ومجموعة من السودانيين الجالسين على كراسى مع ست شاى .
وهذا التصوير لايعنيعهم لا من قريب ولامن بعيد.
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: تاج السر محمد حامد)
|
الأخ/ تاج السر محمد حامد
ذكر الأخ/ بابكر حامد من الفيس بوك:
Quote: الاستاذ تاج السر
غالبيتهم سائقي شاحنات
ومعدتهم تعودت علي ذلك
نسأل الله ان يحفظ الجميع |
كما لاحظت يبدو المنطقة وكأنها صناعية كما تبدو الشاحنات (يعني ديل سائقين وربما لا يجدون مكان قريب غير هذا المكان للأكل والشاي)
أنا والله العظيم منذ سنوات كنت في إجازة في السودان ومشيت مع أحد أصدقائي المنطقة الصناعية في كوبر ببحري ونفس المشهد شربت موية وشاي مع إحدى الأمهات في راكوبة صغيرة صنعت من جوالات الخيش وهي تبحث عن رزقها .. إضافة للأوساخ والزيوت التي تحيط بالمكان
وأيضاً نفس المشهد العايز يشوفه أيضاً في حلة كوكو الصناعية في بحري شرق والصناعية في أم درمان بالقرب من أم بدة
( لو كنت مقيم في السودان كان جبت ليكم صور أكثر من التي رأيناها في البوست)
السؤال ( لو كانت المرأة عندها مصدر دخل أي كان من زوجها أو أخوتها .... أو صندوق الزكاة - المعروف للعاملين عليه - .......إلخ هل كانت ستلجاء لأن تبيع الأكل أو الشاي - في السودان أو خارجه - وفي الشمس الحارة أحياناً؟؟؟)
وأخيراً لك التحية مرة أخرى أخي تاج السر
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: فتحي عباس نقد)
|
Quote:
منهن جنسيات افريقية
ولكنها ترتدى الثوب السودانى
الذى يميز السودانيين
|
سلامات يا استاذ تاج
التشاديات بلبسن التوب والشنقيطيات برضو بلبسن التوب وهم بشبهونا ومننا وفينا وكلنا افارقة
فالتوب السوداني هل هناك ما يثبت هذه التسمية؟
بمعنى هل ممكن تحدد نساء اي بلد هن من لبسن هذا التوب اولاً؟
لانو التوب دا موجود في تشاد وفي موريتانيا فهل عندك ما يثبت انه زي سوداني خالص ومتفرد ومتميز ونحن اول من ارتداه؟
وبعدين والله نحنا والحبش والتشاديين والموريتانيين والصوماليين والنيجيريين وكتير من اخوانا الافارقة متقاربين جدا لبعض ولو ما الواحد اتكلم ما بتفرزوا ...فما نقعد نتبرا منهم ساي والله ديل اقرب الناس لينا شئنا ام ابينا
وخاصة في السعودية كتير بتسمع انت اثيوبي انت تشادي انت نيجيري انت صومالي....ودمك يفور ويغلي وترد بانك سوداااااني...انا نفسي حصل لي الكلام دا كتير وكنت بتضايق
لكن يوم براي قلت الناس ديل بشبهونا شديد ونحنا كلنا افارقة فليه انا بتضايق لمن يقولي انت اثيبي مثلا؟
مع انو الحبشة ارض حضارة ضاربة في عمق التاريخ الالاف السنين
بس غايتو عنجهية مننا ساي والله
ياخ مرات الحبشي ولا الصومالي يجي يرطن معاك قايلك قريبو...وانت ذات نفسك تشوف احدهم وتجزم انه سوداني حتى يبين عنه لسانه
فما نتعالى على اهلنا ديل ساي ونقعد نعمل فيها مكملين العروبة ومتميزين والاسطوانة العجيبة دي
البميزنا عنهم شنو؟
بل تكاد تكون بعض القبائل في السودان وفي تشاد واحدة وتتداخل بين البلدين بنفس السحنة والعادات والتقاليد واللبس
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: احمد سيد احمد)
|
| Quote: لانو التوب دا موجود في تشاد وفي موريتانيا فهل عندك ما يثبت انه زي سوداني خالص ومتفرد ومتميز ونحن اول من ارتداه؟ |
الأخ الأستاذ / أحمد سيد أحمد
لك التحية والتقدير والاحترام
وشكرا للمرور الغالى
وتلك التوضيحات التى نحترمها
لم اقل بأن الثوب زى سودانى
ولكنه مميز فقط للمرأة السودانية
وأظنك توافقنى الرأى ..
لذلك عندما ترى أى جنسية أخرى ترتدية
يطلق عليها سودانية
ولاتستطيع معرفتها
إلا بلسانها المعوج !!!
تحيتى وتقديرى مرة أخرى أخى أحمد
تاج السر
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: فتحي عباس نقد)
|
Quote: السؤال ( لو كانت المرأة عندها مصدر دخل أي كان من زوجها أو أخوتها .... أو صندوق الزكاة - المعروف للعاملين عليه - .......إلخ هل كانت ستلجاء لأن تبيع الأكل أو الشاي - في السودان أو خارجه - وفي الشمس الحارة أحياناً؟؟؟)
وأخيراً لك التحية مرة أخرى أخي تاج السر |
الأخ الأستاذ / فتحى عباس نقد
تحيتى وتقديرى وأحترامى
وشكرا لمرورك الذى أسعدنى
أنا لا أتحدث إطلاقا عن مصدر الرزق
فالعمل ليس عيبا
ولكن !
تاج السر
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: تاج السر محمد حامد)
|
سلامات أستاذ تاج السر,,
جزء كبير من المشاكل دى متسببة فيها السلطات السعودية نفسها!!!
كيف تسمح من البداية بظهور مثل هذه الظواهر السالبة والمتخلفة!!
صحة البيئة وصحة المواطن والمقيم على السواء تهددها مثل هذه السلوكيات
غير السليمة وهذا المنظر يندر ويكاد ينعدم فى كل دول الخليج الأخرى!!
سودانيين أثيوبيين ارتريين وصوماليين وتشاديين ونيجريين وجيبوتيين فى أحيان
كتيرة كلو عند العرب سودانيين إلى حين إشعار آخر,,
السعوديين للأسف رغم إنهم هم من سبقوا أهل الخليج فى مجالات كثيرة ولكن مقارنات
كثيرة تقول أنهم محلك سر وما زالوا يدورون حول أنفسهم وأمجادهم وبقية الخلايجة
قد تجازوزهم وأحد الأدلة هو كثرة العشوائيات والمناظر السالبة الكثيرة وعدم إحترام
القوانين و كثرة التجاوزات,,
تحياتى
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: تاج السر محمد حامد)
|
تاج السر
سلام
ما عكسته اصلا غير مستوفين شروط المواصفات والمعايير والجودة يعني على الله
لا رخصة بلدية ولا بطاقة صحية ولا عقد ايجار للمحل
وبالتالي افتراضاتك هذه تستوفي لمن هم اصلا مستهدفون نظاميا
الثوب السوداني دا في موريتانيا وجنوب المغرب واريتريا وشمال غرب اثيوبيا والصومال
وليس كل من ترتدي ثوبا هي سودانية او متشبه بالسودانيات دا فقط في والوعي الباطني لنا
دائما نردد انهن تشاديات في كل جريمة تتعلق بالاخلاق كأن السودانيات ذات عفاف لا يسقطن في هذه الجرائم
لا تجنو عليهن اي تشاديات فأخلاقنا لا تختلف من اخلاق بقية شعوب الدنيا وعلينا نزع هذه الافكار والمعتقدات التي تمجد اخلاق السوداني والسودانية وخير دليل على ما اقول عليك الان بأخلاق وقيم الشارع السوداني هل نحن في ظل مدينة ومجتمع فاضل
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: تاج السر محمد حامد)
|
الاخ
تاج السر
ما الغرابه في ذلك ولماذا نحن نتحسس في كلمة سودانه كل افريقيا ذات بشرة سمراء وإي ان كانت المسببات فهولاء هم من الذين يلتقطنه رزقهن تحت هذا الجسر وهناك جسر حلواني اخوان وكل الذين يرتادون هذه الاماكن هم سائقين الترلاات والدينات ولا معضله في ذلك وللبلد المضيف حق المنع او تركهن يقتاتون ارزاقهن بهذه الكيفية لان كمال قال لك اخي فتحي عباس وآخرين لماذا نسلط نحن الضوء علي ذلك وليس السلطات السعودية وحتي نحن عندما يكون لنا عمل في الصناعية هناك قرب الجسر نذهب ونشرب القهوة والشاي ماذا في ذلك ونحن هذا العنوان فعلا هناك تنفيس للكثيرين والاستفادة متبادلة ولك شكري.
،،،،أبوقصي،،،،
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: مجدي عبدالرحيم فضل)
|
سلام تاج السر
أتفق مع كلام الأخ فتحي نقد. بأنها بيئة منطقة صناعية ويبدو الرواد هم من عمال المنطقة أو المتعاملين معها وهي بيئة تعودوا عليها في السودان.
أقدر مدي الحرج ليكم كسودانيين تختلطوا مع الجاليات الأخري وتتفاخروا ببلدكم وعزة وكرامة مواطنة فلا يسركم مثل هذه المناظر.
الحل بالتأكيد ليس بالتحريض بعمل كشة ولكن دراسة الموضوع بين إدارات الجاليات السودانية في جدة والعمل مع سلطات البلدية لإيجاد بئية بديلة أفضل دون قطع رزق الناس
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: أسامة البلال)
|
| Quote: الحل بالتأكيد ليس بالتحريض بعمل كشة ولكن دراسة الموضوع بين إدارات الجاليات السودانية في جدة والعمل مع سلطات البلدية لإيجاد بئية بديلة أفضل دون قطع رزق الناس |
الأخ الأستاذ / أسامه البلال
التحية والتقدير والاحترام
وشكرا للمرور
كلماتك رائعة وجميلة
وتستحق الاشادة
لكن !
أين تلك الجالية ؟؟
سؤال تكتنفة الالوان الرمادية ..
ليتنا ننعم بجالية
تقف وتعمل من أجل أبنائها فى دول المهجر
شكرا أخى أسامه ..
تاج السر
| |
|
|
|
|
|
|
|
|
|
Re: جسر العمال بجدة ملتقى لتنفيس هموم المغتربين ( صور) (Re: مصعب عوض الكريم علي)
|
انا شايفك مهموم بقضايا السودانيين في السعودية .. وغيرتك على الوطن محل تقدير .
واحد سوداني شغال في مغلق بتاع ادوات كهربائية .. قال : جاء واحد لابس عراقي وسروال ودخل المغلق قال عايز كرت شحن !!
بتاع المغلق سوداني ومعاهو كفيلو يشاهد في المنظر .. قال له : ده محل ادوات كهربائية مافي كروت شحن !
بتاع (العراقي) قال : خلاص حول لي رصيد !
السعودي قال للسوداني مكفوله : دي العينة الجايبة ليكم المشاكل والكشة !
| |
|
|
|
|
|
|
| |
تاج السر محمد حامد
الرفاعي عبدالعاطي حجر
بدرالدين الطائف
فتحي عباس نقد
احمد سيد احمد
أيمن الطيب
حسين عبد المجيد
مجدي عبدالرحيم فضل
أسامة البلال
فيس بوك
تويتر
انستقرام
يوتيوب
بنتيريست