كتب الكاتب الفاتح جبرا المتوفرة بمعرض الدوحة
|
|
 أنت لا تحتاج هذا، زميلنا الحبيب عاصم البنا
|
لقد أفسدوا الثقافة.. أيضاً..!!
______
** ( زمن الأفراح الوردية)، إحدى روائع شاعرنا الجميل سيف الدين الدسوقي، شفاه الله وأنعم عليه بالعافية..من القصائد التي يحبها عشاق الشعر، ويعشقها شاعرهاً أيضاً لحد ترديدها في المنابر الثقافية دائماً وتوثيقها في كل وسائل الإعلام..لحنها الموسيقار الشافعي شيخ إدريس قبل أسابيع ، ليشارك بها المطرب الشاب محمد حسن في مهرجان إتحاد الإذاعات العربية المقام بتونس في الأسبوع الأخير من هذا الشهر..فالسودان يشارك سنوياً في هذا المهرجان بالغناء الفصيح وينال إعجاب العرب وجوائز المهرجان.. والإذاعة السودانية، عبر لجنة فنية عريقة، هي التي تشرف سنوياً على إختيار النص واللحن المراد بهما المشاركة في المهرجان.. فاللجنة الفنية يرأسها مدير الإذاعة وبها عميد كلية الموسيقى وبعض أساتذة الموسيقى والشعر، ومهامها الإستماع إلى حزمة الأعمال المقدةة من قبل الشباب، ثم إختيار العمل الأفضل ( نصاً ولحناً وآداءً) ..!!
** أعلنت الإذاعة، قبل ثلاثة أشهر، عن موعد هذا المهرجان وطرحت شروط المنافسة على الشباب في مراكزهم وإتحاداتهم وعبر أثيرها..فالنص يجب أن يكون فصيحاً، و كذلك يجب أن يكون اللحن جديداً، ولا يتجاوز عمر المطرب (35 عاماً)، هكذا الشروط ..تقدم الشباب إلى مباني الإذاعة السودانية - حيث مقر تلك اللجنة الفنية – بأعمالهم الغنائية، وفرزت اللجنة الفنية الأعمال بواسطة أساتذة الموسيقى والشعر، ثم حصرت المنافسة في ( أحد عشر عملاً غنائياً)، ثم إختارت من تلك الأعمال رائعة سيف الدسوقي (زمن الأفراح الوردية)..وتم إخطار شركاء العمل بواسطة مقرر اللجنة - الأستاذ محمد أبو سريع - بفوز عملهم، ثم طلبوا من المطرب الشاب محمد حسن النص واللحن وفق مواصفة فنية محددة، وذلك بغرض الإرسال إلى تونس قبل موعد المهرجان ..!!
** ضحى الثلاثاء الفائت، حيث موعد تسليم النص واللحن للجنة الفنية، قصد محمد حسن مقر الإذاعة ليسلم أعضاء اللجنة (النص واللحن)، حسب المواصفة المطلوبة ..ولكن، بالإذاعة، تفاجأ برد فحواه : ( معليش يا محمد، ناس التلفزيون رسلو عاصم البنا)، ثم نصحوه : ( خيرها في غيرها)..هكذا، بكل بساطة ولم يرمش لهم جفن .. أولاً، التلفزيون ليس الجهة المكلفة باختيار ممثل السودان في هذا المهرجان، بل الإذاعة .. ثانياً، لم يطرح التلفزيون شروط المشاركة على الشباب في مراكزهم وإتحاداتهم، ولم يشكل لجنة فنية لفرز الأعمال، أو كما فعلت الإذاعة.. ثالثاً، لم يكن عاصم البنا من الذين تقدموا بعمله لتلك اللجنة الفنية، أي لم ينافس مع المتنافسين في الهواء الطلق وعبر شروط ومواصفات أساتذة الموسيقى والشعر.. رابعاً، وهنا الطامة الكبرى والمحنة العظمى، عاصم البنا- ما شاء الله، وربنا يزيد ويبارك - في العقد الرابع من عمره، بل يقترب من (سن الخمسين)، بيد أن المهرجان يلزم السودان بأن يكون المشارك شاباً لا يتجاوز عمره (35 سنة)..!!
** هذا محض نموذج من نماذج البؤس التي تضج بها سوح الأداب والثقافة والفنون بالسودان..(ضرب تحت الحزام)، وتجاوز النظم واللوائح و ترسيخ الظلم وتكريس نهج (زولي و زولك)، وغيرها من موبقات الحياة السياسية والإقتصادية، لم تتبرأ منها الحياة الثقافية والأدبية أيضاً.. فالكل يجتهد لتثقيف السياسة، بحيث تكون السلطة السياسية (مثقفة وواعية)، وليمارس الساسة أنشطتهم بروح الوعي وبروح الثقافة يديروا صراعاتهم، ولكن تأملوا ما يحدث في (الوسط الثقافي)..تلوث ..علماً أن هذا الحدث مجرد نموذج، وما خفي أعظم..فالتدهور الراهن لم يعد سياسياً فقط، ولا إقتصادياً فحسب، بل (عاااام)..تدهور عام، و إنحدار شامل لحد الفنان - الذي كان رقيقاً في مشاعره وجميلاً في مبادئه ومحباً لغيره - لم يعد كذلك.. بل صارت كل معاني الفن عند السواد الأعظم منهم محض حناجر - وحلاقيم - تتقرب إلى مراكز صناعة القرار (بالكاكي والهتاف والتملق)، لتشارك - بغير حق - في تونس و (غير تونس).. عاصم البنا وآخرين، إمتداد لقيقم وشنان، أي يتحفون مجالس السلاطين بالمدح والرقص كما شعراء ملوك بني أمية، ولذلك ليس بمدهش أن يحدث ما حدث ..!!
الطاهر ساتي
|
|
 
|
|
|
|
|
|
|
 Re: أنت لا تحتاج هذا، زميلنا الحبيب عاصم البنا (Re: saadeldin abdelrahman)
|
كلماتى يا زمن الافراح الوردية
فى ماضى الايام القاسية المرة
كلماتى تعبر موج البحر وتصل اليك
وتحط على فرع ٍفى حقل فؤادك بين يديك
وتقول انا اهواك
احببتك حين الحب بارضك غير مباح
ممنوع بالقانون ممنوع يا سمراء
لأن الحب هناك جنون
وانا مجنون تعرفنى كل الاشعار
يعرفنى الليل المسدل سترته
وشقاء الفن وكل نهار
لا احسن ان ابقى من غير الحب
والحب حرام فى الصحراء
وأنا يا انت ايا سمراء احساسى لا يعرف طعم المال او البترول
الشاعر يسمع صوت الحسن ويحسن كل فنون القول
لكن ان يحيا فى ارض جفاف
ان يصنع اعصاباً من الياف
لتكون مكان الحس على الانسان
فمحال ذلك ليس من الامكان
ولذلك حين عبرت البحر الى السودان
غنيت سعيداً كالاطفال
ونسيت حلاوة طعم المال
ورجعت اغرد بالافياء بكل مكان
وركعت اقبل امدرمان
هذى العاصمة الانثى
اهواها مذ كنت غراماً فى عينى امى وابى
وحملت الحب معى بدمى فى رحلة هذا العمر
واحمله حتى القى ربى
كلماتى يا زمن الافراح الوردية
عبرت موج البحر لتصل اليك
لتقول انا مشتاق
لتطل قليلا فى عينيك
ولتحمل عذرى فى سفرى
فانا يا سمراء الصحراء هذا قدرى
اما أن اعشق عاصمة أنثى
أو اعشق أنثى الانسان
تلك المحبوبة امدرمان
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: مهدي صلاح)
|
اولا التحية للاستاذ الطاهر ساتي على نبش هذا الموضوع الهام
كما اسجي التحية للاخوه الزملاء الاستاذ عاصم البنا والاستاذ محمد حسن مع تمنياتي لهم بالتوفيق في مشوارهم الفني ...
واشاطرك الراي اخي في ان عاصم البنا لا يحتاج لفرض نفسه في هذه المشاركة على الرقم من اني اعلم ان هناك ايادي خفيه هي التي زجت بعاصم البنا في هذه المنافسة وهكذا حال السودان ( المال عند بخيله والسيف عند ########ه) اي بمعنى ان الواسطات والمعارف هي التي تلعب دورا كبيرا في مسالة الظهور في الفن والغناء بالتحديد لذا هذا الشي ليس بغريب على مجتمعنا الفني في السودان فما نراه اليوم في اجهزة الإعلام خير دليل على هذا الهرج وهذا المرج الحاصل فكثير من المؤدين للغناء واشباه الفنانين يجدون حظ وافر من الظهور في الاعلام المرئي والمقرؤ والمسموع في حين ان هناك فنانين موهبين ومتمكنين لا يجدون حتى من يعيرهم ادني تقدير او اهتمام ولا اريد ان اخوض في المساءل الفنية والامكانات الفنية لكل منهم ولكن الجميع يعرف هذا ..
على العموم اتمنى ان ياتي زمن نعرف فيه قيمة الفن والفانانين الحقيقين دون رياء او واسطات او معارف حتى يستقيم الوضع ويعود فننا إلى ما كان عليه سابقا ..
تحياتي : ياسر العيلفون
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: Mahmoud Mustafa Mahmoud)
|
| Quote: تحياتى .....عصام فنان صنعتة الظروف وساعدة كثيرا انة من اسرة فنية عريقة ولاكنة حسب راى شخصى وغير فنى (كمستمع ) انة لا يملك كارزما فنية وقد كبر الرجل فى السن مما جعلة يتلغف الفرص عن طريف المجاملات و الرشاوى حتى يكون لة رصيد فنى |
يا أخي العزيز لايجوز أن تتجاوز أدب الحوار بهذه الصورة السافرة
صاحب البوست قال عايز نقاش موضوعي
ماممكن تختصر عظمة عاصم البنا في أنو فقط من أسرة فنية
الظروف لم تصنعه ولكن الظروف أهدتنا فنان عظيم (بغض النظر عن الخلاف حوله)..
بعدين دي مسألة نسبية في ناس بتحب وردي و ناس بتحب الجابري و ناس ترى أن هبه قرض هي ملكة الغناء السوداني...
مع احترامي للجميع عاصم البنا فنان خلوق من أسرة محترمة وعريقه ولها بصمتها في تاريخ السودان الغنائي و السياسي
و أرجو الا تستعجلو الاحكام كعادتنا دائماً و أكيد الحقيقة غير كده
مع احترامي للجميع
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: Mahmoud Mustafa Mahmoud)
|
| Quote: عاصم زميل عزيز لنا في هذا المنبر |
يعنى دة ما بدينا الحق انو نقول ليو انتا غلطان ومافى داعى بما انك استتنفذت كل الفرص وبقينا مجبورين نسمعك على مر السنين فى برامج الاحتكار الرمضانية وكانك استاذ للموسيقى يلوح بيدية يورينا بانو الفرقة الموسيقية غلطانة فى (الكوبلية ) الفلانى بى (صرة الوش ) وما قفلت الغنية بالطريقة الصاح ..وفى ترديت اغانى ال50 سينات مع المدعو (فرفور ) راى الشخصى ان يتجة الى المديح لانو مرارتنا اتفقعت وخايف على الباقى فى رمضان الجاى كان واصل السر قدور وكهول (الغناء الشبابى )فى الظهور رجالة
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: Ayman Khalifa)
|
يا أيمن ده كلو لا زال تحت بند الرأي الشخصي
و لا يفيد قضية البوست من قريب أو بعيد.
عندنا مقال أخونا الطاهر و الموضوع يتعلق بتمثيل تقرر فيه لجنة.
و البوست مقصود للفت نظر الأخ عاصم و المهتمين و ليس للأساءة له.
تولى هذا النقد قبلك أخوة كرام هنا و قتل بحثا هنا
فرجاءا ما تدخلنا الفيلم ده تاني قبل ما نسمع منه و لا نعرف بقى على شنو،
مش احتمال الراجل انسحب او يقرر الانسحاب؟
شكرا
| |
|
|
|
|
|
|
|
|
 Re: أنت لا تحتاج هذا، زميلنا الحبيب عاصم البنا (Re: ود الباوقة)
|
سلام الأخ سعد الدين صاحب البوست ولكل الإخوة الأعزاء زوارك الكرام
Quote:
عاصم ود ناس البنا
عندو البدل كيمان
والعلاقات أطنان
ولا تطبق عليه قرارات اللجان.....
وغصباً عنكم يمثل السودان....
آها بتودوا وشكم وين...؟؟
ودايرين تسوا شنو يعني..؟؟ |
بالعكس لو حصل كده فعلا ! يبقى عاصم هو الغلطان
وهو الحا بودي وشو وين ؟ مش القرآء
مشكلتنا الحقيقية نحن كسودانيين المجاملة المشاترة
إحترامي الشديد ليك اخوي ازهري
لكن لو فعلا الحصل حصل بالنص كما كتب الأخ الزميل الطاهر ساتي
يبقى عاصم غلطان وخت نفسه في موقف لا يحسد عليه على الإطلاق
بالنسبة لي انا تحديدا الأخ عاصم اخ وصديق وزميل ومعرفة اسرية قبل يكون فنان معروف
حا اقولها له بدون اي رتوش ، يجب ان يعتذر عن الرحلة دي لو لسة ما سافر، وأن يعتذر إن كان هناك سوء فهم
ويوضح للإعلام ما حصل بالضبط ، ويطلع نفسه من الموقف المحرج والمزعج ده !
وفعلا كما قال الأخ سعد الدين لا نرضاها لك يا عاصم , ويا ريت تجي توضح الحاصل بالضبط وتبريء نفسك ، من الإتهامات دي!
لا اوافق الأخ ياسر السر في حكاية أيدي خفية هي الورطت عاصم
عاصم صاحب صوت جميل وسمعة فنية عريضة ما محتاج ان يزج بنفسه في مواقف مثل هذه لا تغني ولا تسمن من جوع !!
تمسح تاريخه الفني بكلمات شجب من اصحاب اقلام وقرآء من حقهم التعبير بصدق.
ذنبه شنو المطرب ( محمد حسن ) الذي أخذ الإذن من شاعر الكلمات وتعب في التجهيز والألحان ونجح بجدارة في الحصول على المنافسة ؟؟
هل لأنه ما مشهور مثلا ؟ يصدم بقرار رفضه بهذه الصورة المجحفة حقا !!!
بالجد ادمنا الإحباط بالأشياء الغريبة البنسمعها تحدث يوميا في السودان!! تصرفات غريبة ومخجلة تصيب بالغثيان !!!
لكن يجب على كل إنسان واعي ان يبعد من تلك الشبهات ليكفي نفسه شر الفتن وسوء السمعة والإحراج !!!
أتمنى من الأخ عاصم التوضيح للجميع من أجله رسالته الفنية ومن أجل جمهورة ومحبيه
مع تحياتي له والأسرة الكريمة
شكرا اخي سعد الدين
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: اسماء الجنيد)
|
Quote:
قرار صائب
عاصم صاحب صوت طروب وحضور فعال
محمد حسن لا يصلح لهذه السفرية اطلاقا
لضعف صوته
وشكرا
كفاية مجاملات |
ود الباوقة سلام
المجاملات ياها دي البتسوي فيها إنت هسه أمام رؤوس الأشهاد
كفاية كسير تلج وعرضة في شيء ما عندك عنه خلفية !!!
قريت المقال الفوق ده كويس ؟ بامانة ؟
قال ليك في تحديد للأعمار سن معينة للمشاركة !!!
ثانيا الإنت بتقول عليه لا يصلح للسفر إطلاقا ده ! هل سمعت صوته ؟ هل إنت ادرى من لجنة الإختيار الإختارته ؟
وعلى اي اساس بنيت قرارك الغريب ده ؟
قسما بالله لا اعرف ولا حصل سمعت بالأخ محمد حسن !
لكن هذا لا يعني إنه فنان غير معروف ! او لا يصلح للسفر كما قرر السيد ود الباوقة !
الثقة في لجنة الإختيار هي الحد الفاصل هنا
وننتظر توضيح من الأخ عاصم
غير ذلك يجب إحترام حقوق الغير
تحياتي للجميع
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: اسماء الجنيد)
|
الأخت العزيزة الأستاذة/ أسماء الجنيد
تحية وأحتراما وبعد،
ما تم إقتباسه من مداخلتي هو أس الأزمة وليس تكبير لكوم عاصم البنا بأي حال من الأحوال وحالة عاصم دي، ليست هي الأولى ولن تكون الأخيرة. ولو أمعنتي النظر في باقي الإقتباسات من حديث الأستاذ/ الطاهر ساتي التي أوردها صاحب البوست المحترم وبالذات التي أتت باللون الأحمر والأخيرة التي أتت باللون الأخضر في مداخلتي أعلاه، فهذه مصيبة كبيرة جدا....
وتعالوا هسي نخلي عاصم البنا ده بعيد... وخلونا نشوف صاحب القرار ده منو؟؟؟؟ وكيف تمكن من إلغاء قرار وتجاوز صلاحيات لجنة مشكلة وصاحبة إختصاص... وبمعليش وخيره في غيره وكلام فارغ زي ده.... قد تمكن من تقرير من يمثل السودان؟؟؟
| |
|
|
|
|
|
|
|
|
 Re: أنت لا تحتاج هذا، زميلنا الحبيب عاصم البنا (Re: Azhari Nurelhuda)
|
Quote: يعنى دة ما بدينا الحق انو نقول ليو انتا غلطان ومافى داعى بما انك استتنفذت كل الفرص وبقينا مجبورين نسمعك على مر السنين فى برامج الاحتكار الرمضانية وكانك استاذ للموسيقى يلوح بيدية يورينا بانو الفرقة الموسيقية غلطانة فى (الكوبلية ) الفلانى بى (صرة الوش ) وما قفلت الغنية بالطريقة الصاح ..وفى ترديت اغانى ال50 سينات مع المدعو (فرفور ) راى الشخصى ان يتجة الى المديح لانو مرارتنا اتفقعت وخايف على الباقى فى رمضان الجاى كان واصل السر قدور وكهول (الغناء الشبابى )فى الظهور رجالة
|
شــــــــــــــــــــــــرحو
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: معاوية عبيد الصائم)
|
Quote: الأخت العزيزة الأستاذة/ أسماء الجنيد
تحية وأحتراما وبعد،
ما تم إقتباسه من مداخلتي هو أس الأزمة وليس تكبير لكوم عاصم البنا بأي حال من الأحوال وحالة عاصم دي، ليست هي الأولى ولن تكون الأخيرة.
ولو أمعنتي النظر في باقي الإقتباسات من حديث الأستاذ/ الطاهر ساتي التي أوردها صاحب البوست المحترم وبالذات التي أتت باللون الأحمر والأخيرة التي أتت باللون الأخضر في مداخلتي أعلاه، فهذه مصيبة كبيرة جدا....
وتعالوا هسي نخلي عاصم البنا ده بعيد... وخلونا نشوف صاحب القرار ده منو؟؟؟؟
وكيف تمكن من إلغاء قرار وتجاوز صلاحيات لجنة مشكلة وصاحبة إختصاص... وبمعليش وخيره في غيره وكلام فارغ زي ده.... قد تمكن من تقرير من يمثل السودان؟؟؟ |
حبابك أزهري أخوي أريتك طيب وكل المعاك إن شاء الله ,, تسلم والله
فعلا اتفق معك في سؤالك : من هو الذي قرر فجأة وتمكن من إلغاء قرار لجنة الإختيار ! وفرض رأيه فوق الكل ، وكسر القوانين !!!
وحكاية خيرها في غيرها وعفا الله عما سلف دي !! ياها المغتسة حجر زلط البلد .
أيضا رجعت قرأت مداخلتك مرة أخرى,, واعذرني لم افهم المداخلة كما شرحتها الآن ,,, الكبر وكده يا خوي .. والله صحي
لك العتبى حتى ترضى ،،،، وعداك العيب يا ود عمي نور الهدى ,, عشان كده عاتبتك بالعشم السمح , ولقيتو تـــب ، ما خيبت ظني كالعادة .... تسلم يابا
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: اسماء الجنيد)
|
في افتتاح اولمبياد بكين ...الصيينين -اصدقاء المؤتمر الوطني ياود الباوقة- استبعدوا الطفلة ذات الصوت الجميل لأنو (شكلها ما سياحي) وركبوا صوتها على صوت طفلة اخرى وهي من ظهرت امام الحضور والكاميرات
ان وجدوا لها سبيلا حركة زي اللي عملوها الصينيين دي قد تروق للمسؤولين الذي يشايع ود الباوقة حكومتهم
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: مهدي صلاح)
|
| Quote: تتقرب إلى مراكز صناعة القرار (بالكاكي والهتاف والتملق) |
محمد حسن زاتو لبس الكاكي ما عارف المشكلة شنو...؟؟؟
عاصم البنا لغاية الآن ما قال الحاصل شنو ....
مش ممكن هم اللي جابوهو قالو ليه تعال مثل السودان .....
السادة المناضلين ختيتو عاصم في حتة داعم للحكومة و قعدتو تردمو .... كعادتكم في الإساءة لكل من تعادونه
عاصم البنا فنان متمكن و زول بطرب الناس اللي بتحس و بتفهم في الغناء
حكاية طالع من أسرة فنية و ناس غناء و ناس شعر و ناس حقيبة دي أنسوها خالص
لأنو عاصم فنان بمعنى الكلمة و زول متمكن
فنان و مطرب و بطرب سواء غنى أغانيه أو غنى الحقيبة أو الأغاني الحديثة
فنان بطرب الناس و بطرب نفسو و دي ما موجودة اليومين ديل
لو عايزين تناقشو المشكلة موضوع البوست أهلاً و سهلا لكن حكاية إجي واحد للإساءة لعاصم في شخصه دي أبعدوا منها أحسن
تحياتي صاحب البوست و شكراً ليك لأنك طرحت الموضوع للنقاش و أنت تشرح قصدك النبيل من النقاش
تحياتي و إحترامي
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: إبراهيم عبد الحليم)
|
Quote: والله انا المحيراني الشاعره الكبيره اسماء الجنيد دي بعد ما رتعت في تلفزيون الحكومة ايام سلطنه عمان
اول من قدت السلك لي اوربا عملت فيها مناضله و تردم في ود الباوقة عليكم الله ارجعو لي كتاباته في منبركم قبل ما تقطع البحر لي اوربا |
سلام الأخ طارق علي
اولا حسن ملافظك لأنها محسوبة عليك , وربنا من فوق شايف وبسمع
بعدين يا خوي قبل ما ترمي كلامك ساي بدون دليل .
حبابك في اي نقاش وبالدليل وأمام الجميع
اولا اتحداك عديل تجيب اي كتابات لي لو كنت في عمان ولا اوربا تساند حكومة الكيزان !
وياهو ده إرشيف بكري جيب منو إنت ده براك.. ليه تطالب الناس تقرأ كتاباتي القديمة؟ وريني دليل واحد بس .
ثانيا من يومي ضد حكومة الكيزان والمؤتمر الوطني واديك دليل دامغ، وهو هجوم الهكر على عنوة بسبب كتاباتي الما بتعرف بين بين
وبسببها غير بكري إسمي الكنت بدخل بيه من سنة 2002 وهو soma لي أسماء الجنيد
وعشان اثبت ليك معلوماتك كلها مغلوطة، ما عندي ولا تسجيل لتلفزيون السودان القومي ، بالعكس مكجنني لي الله سيدهم، لأني ما مؤتمر وطني !
وتسجيلاتي كلها في النيل الأزرق
أخيرا , مداخلتي الفوق لي ود الباوقة الغلط فيها شنو ؟ عشان أعتذر ليه ، جل من لا يغلط ...
ومهما إختلفنا في الرأي , الإحترام سيد الموقف بالتأكيد ,, وشكرا
شكرا غزيرا الأخ الفنان إبراهيم عبد الحليم ,, لرفد البوست بالتسجيل الخاص بالمطرب محمد حسن
صوته جميل ، ربنا يوفقه إن شاء الله
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: ABUHUSSEIN)
|
Quote:
يا سوما إنتي السلام و صفة الأخ دي بتديها لي أي زول ....!!!!!
لو كلفتي نفسك و مشيتي صفحتو في الفيس اللي بكتب منها الكلام القذر دا ما كان كلفتي نفسك مداخلة
تحياتي و إحترامي |
ابو حسين حبابك يا خوي ,,
كيفك وكيف الجماعة إن شاء الله طيبين
والله ما بعرف عنه أي شيء الزول الإسمو طارق ده ,, ولا في سبب بخليني افتش صفحتو
لكن قلت النبادر بالطيب , والسلام لي الله ...
لكن فعلا شكلو داير يغالط ليس إلا ,,
والدليل إنه ما عارف اي معلومات صحيحة عني ,,
اولا تسجيلاتي الأخيرة نصها من أوربا ,, ومافي سبب واحد بمنعني امشي السودان
البورد ده قبل كده إتهكر بسبب مقالي الكتبتو عن سهرة التلفزيون مع أم البشير
وبكري غير لي الإسم بسبب الهكر ده,, لأنه الهكر كانو الكيزان وده شيء معروف للبعيد والداني
لكن لقيتو ما داير يكلف نفسو ويشوف مكتبتي ويتأكد بنفسه إنه انا بكتب ضد بنو كوز من زمن سلطنة عمان
غير كده هو متأكد تماما إني ضد المؤتمر الوطني من سنين ,, لكن داير يكاجر وما عنده منطق خالص !!!
كتبت قصيدة صرخة حق في كجبار أيام المجزرة ،،
وردي الله يرحمه قال لي دي ملحمة يا سوما ,, وكان زمنها وردي موجود في مسقط
علقت جوليا صاحبتي الله يطراها بالخير ,, قالت لي يا سوما الله يكفيك شرهم
والله رد وردي الله يرحمه : قال ليها مافي زول إتكلم عن الحكومة زي ,, المهم الزول يكون مقتنع وصاح ..
وده الحصل مشيت ورجعت كم مرة والحمد لله ما بنخاف إلا من الله
الشيء التاني كوني ارطب في عمان ولا في اوربا دي خيارات شخصية ,, إنت المزعلك شنو؟
اي واحد في الدنيا دي بفتش على الأحسن ، هسه إنت لو لقيت وضع كويس بتجري جري ,,
لكن النقد المشاتر ده اصبح مكاجرة,, ودي آخر مداخلة اكتبها بخصوص الموضوع ده
عذرا يا أخي سعد الدين ، غيرنا ليك إتجاه البوست دون قصد,,
لكن على قول ود الصائم , بكري العملها فينا إلا يحلها برااه!!!
شكرا يا ابو حسين, ولا يهمك يا خوي ,, الحياة دي بتعلم كتير
بس بنقول حسبي الله ونعم الوكيل
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: اسماء الجنيد)
|
Quote: عاصم البنا فنان متمكن و زول بطرب الناس اللي بتحس و بتفهم في الغناء
حكاية طالع من أسرة فنية و ناس غناء و ناس شعر و ناس حقيبة دي أنسوها خالص
لأنو عاصم فنان بمعنى الكلمة و زول متمكن
فنان و مطرب و بطرب سواء غنى أغانيه أو غنى الحقيبة أو الأغاني الحديثة
فنان بطرب الناس و بطرب نفسو و دي ما موجودة اليومين ديل
|
شكرآ أبو حسين
أرجو أن أضيف أن عاصمآ هذا مثقف من طراز فريد..و وسط المغنين دي صفة نادرة
لم أقل معدومة
يفهم الشعر و يناقشه بمنتهى العمق
قبل أن يغنيه
واضح من أدائه للفصيح أن (النحو) فيه مشكلة
و هو شيء يمكن إجادته في شهرين!! (قصدت ما يحتاجه من النحو لأغراض الغناء و التقديم)
شكرآ لصاحب البوست و ضيوفه...و هذه عرضـــة، لحد كبير، برة الدارة بتاعة عاتبني و ارمي اللوم علي
.
| |
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: saadeldin abdelrahman)
|
الأخ ازهري نور الهدى
سلامات
Quote:
عاصم ود ناس البنا
عندو البدل والكرفتات بالكيمان
والعلاقات أطنان
ولا تطبق عليه قرارات اللجان.....
وغصباً عنكم يمثل السودان....
آها بتودوا وشكم وين...؟؟
ودايرين تسوا شنو يعني..؟؟
|
اتفهم مدى حزنك لما يجري، لكنا لا نملك الا محاولة النصح و تسليط الضوء على الموضوع
ونتمنى أن يساعد ذلك على توضيح الخطأ و تصحيحه.
تحياتي
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: saadeldin abdelrahman)
|
Quote: شكرآ أبو حسين
أرجو أن أضيف أن عاصمآ هذا مثقف من طراز فريد..و وسط المغنين دي صفة نادرة
لم أقل معدومة
يفهم الشعر و يناقشه بمنتهى العمق
قبل أن يغنيه
واضح من أدائه للفصيح أن (النحو) فيه مشكلة
و هو شيء يمكن إجادته في شهرين!! (قصدت ما يحتاجه من النحو لأغراض الغناء و التقديم)
شكرآ لصاحب البوست و ضيوفه...و هذه عرضـــة، لحد كبير، برة الدارة بتاعة عاتبني و ارمي اللوم علي |
ليس هذا فقط بل موسيقى وعازف عود بارع. اذكر اننا ضياء الدين ميرغنى - هولندا وشخصى كنا على جزع عندما رأيناه مصاب بيده باصبع السبابة اليسار بحلقات اغانى واغانى الاخيرة خوفا ان تكون اصابة الاصبع بليغة فتؤثر بذلك مباشرة على عزفه للعود فنفقد عازف عود ماهر آخر.
هل كاتب كلمات اغنية عصفور هو الشاعر الفنان الفرجونى؟
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: saadeldin abdelrahman)
|
الأخ الحبيب / مهدي صلاح
Quote:
الطاهر ساتي لا يلقي الكلام على عواهنه ابدا بس مسكين كأنوا بيأذن في مالطا فطوفان الفساد جارف والناس متعايشة مع الفساد
بل ويجملوا هذا الواقع الفاسد بالسكوت عنه وفينا من يحاول ركوب موجته عشان يطلع ليهو بي حاجة
|
نحيي الطاهر على اداء دوره المهني و نشد على يده و ندعو الله أن يوفقه في ما سخر قلمه له.
و نربأ بأخينا عاصم من أن ينجرف في ما لا يشبهه !
احترامي
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: saadeldin abdelrahman)
|
الأخ ياسر العيلفون
سلام
Quote: اولا التحية للاستاذ الطاهر ساتي على نبش هذا الموضوع الهام
كما اسجي التحية للاخوه الزملاء الاستاذ عاصم البنا والاستاذ محمد حسن مع تمنياتي لهم بالتوفيق في مشوارهم الفني ...
واشاطرك الراي اخي في ان عاصم البنا لا يحتاج لفرض نفسه في هذه المشاركة |
شكرا على النصح القيم.
تحياتي
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: saadeldin abdelrahman)
|
وعلى الأجفان لغزا لايفسر وعلى الخدين نورا يتكسر وعلى الأسنان سكر وفما ـ كالأسد الجوعان ـ زمجر يرسل الهمس به لحنا معطر
عليك الله زول عندو المواصفات دى والله يمشى مسابقة جمال الكون الافريقى عيدل ........وين المدعو مالو ما جاء ......عدادو راااااامى مالو ومال الكلام الفارغ والمقدقد نرفع الفراش دة نحنا والله بننفخ فى قربةمقدقدة 100 قد والبركة فى امة محمد
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: Ayman Khalifa)
|
| Quote: عليك الله زول عندو المواصفات دى والله يمشى مسابقة جمال الكون الافريقى عيدل ........وين المدعو مالو ما جاء ......عدادو راااااامى مالو ومال الكلام الفارغ والمقدقد نرفع الفراش دة نحنا والله بننفخ فى قربةمقدقدة 100 قد والبركة فى امة محمد |
أيمن البوست مفتوح للوصول لي حقيقة مشاركة السودان في مسابقة عربية
ما عارف إنت مجتهد في الإساءة و الإستخفاف بي عاصم البنا ليه ....؟؟؟؟
الناس اللي بحبو عاصم البنا كفنان ما لجأو لي أسلوبك دا بالتقليل من مكانة محمد حسن
ليه إنت مصر تسيئ لي عاصم البنا....؟؟؟
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: ABUHUSSEIN)
|
بغض النظر عن السيناريوهات المطروحة سؤال واااحد بس الإجابة عليه ح تفك الإرتباط في القصة دي:
هل من شروط المسابقة أن يكون عمر الفنان المتقدم للمسابقة لا يتجاوز ال 35 ؟؟؟؟؟
تخريمة :
كان محمد حسن كان عاصم البنا بتاع أسة ..ده يلتخوا بي ده ..
هييييييييه .. الله يرحمك يا محمود يا اخوي..
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: saadeldin abdelrahman)
|
أختى العزيزة
اسماء
Quote: بالعكس لو حصل كده فعلا ! يبقى عاصم هو الغلطان
وهو الحا بودي وشو وين ؟ مش القرآء
مشكلتنا الحقيقية نحن كسودانيين المجاملة المشاترة
إحترامي الشديد ليك اخوي ازهري
لكن لو فعلا الحصل حصل بالنص كما كتب الأخ الزميل الطاهر ساتي
يبقى عاصم غلطان وخت نفسه في موقف لا يحسد عليه على الإطلاق
بالنسبة لي انا تحديدا الأخ عاصم اخ وصديق وزميل ومعرفة اسرية قبل يكون فنان معروف
حا اقولها له بدون اي رتوش ، يجب ان يعتذر عن الرحلة دي لو لسة ما سافر، وأن يعتذر إن كان هناك سوء فهم
ويوضح للإعلام ما حصل بالضبط ، ويطلع نفسه من الموقف المحرج والمزعج ده !
وفعلا كما قال الأخ سعد الدين لا نرضاها لك يا عاصم , ويا ريت تجي توضح الحاصل بالضبط وتبريء نفسك ، من الإتهامات دي!
لا اوافق الأخ ياسر السر في حكاية أيدي خفية هي الورطت عاصم
عاصم صاحب صوت جميل وسمعة فنية عريضة ما محتاج ان يزج بنفسه في مواقف مثل هذه لا تغني ولا تسمن من جوع !!
تمسح تاريخه الفني بكلمات شجب من اصحاب اقلام وقرآء من حقهم التعبير بصدق.
ذنبه شنو المطرب ( محمد حسن ) الذي أخذ الإذن من شاعر الكلمات وتعب في التجهيز والألحان ونجح بجدارة في الحصول على المنافسة ؟؟
هل لأنه ما مشهور مثلا ؟ يصدم بقرار رفضه بهذه الصورة المجحفة حقا !!!
بالجد ادمنا الإحباط بالأشياء الغريبة البنسمعها تحدث يوميا في السودان!! تصرفات غريبة ومخجلة تصيب بالغثيان !!!
لكن يجب على كل إنسان واعي ان يبعد من تلك الشبهات ليكفي نفسه شر الفتن وسوء السمعة والإحراج !!!
أتمنى من الأخ عاصم التوضيح للجميع من أجله رسالته الفنية ومن أجل جمهورة ومحبيه |
تسلمي على صدحك بالنصيحة و نصرك لأخيك ظالما أو مظلوما و دي ياها المحرية فيك
للأسف، يبدو أن الامر ماضٍ رغم كل هذا و لم نسمع اي رد من الأخ عاصم بعد!
و هذا لعمري شيء مؤسف جدا .
كوني بخير
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: Salah Habib)
|
Quote: عاصم البنا فنان متمكن و زول بطرب الناس اللي بتحس و بتفهم في الغناء
|
أبو الحسين سلااام...
والله حتى قبل قراءة تعليقك الفوق ده كنت قايل نفسي بفهم وبحس الغنا وكمان بمارسو ...
لكن يطربني عاصم ده وإنو فنان متمكن و و و
دي نظرية ماااا ظابطة ..
فيا إما أنا ما بفهم ولا أحس الغنا وكل تاريخي مع المزيكا أشوف ليهو صندوق زبالة أرميهو فيهو ..
ولا عاصم ده لا مطرب ولا بطيخ ...!
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: عثمان دغيس)
|
Quote: { الترشيح للمهرجان - حسب الأستاذ "يس إبراهيم" - يتم بالتبادل كل عامين بين (الإذاعة) و(التلفزيون)، وهذه الدورة من المهرجان... من نصيب (التلفزيون) وليس (الإذاعة)، فعلى أي أساس شكلت الإدارة المعنية في الإذاعة لجنة لاختيار فنان للمشاركة، دون أي وجه حق؟!
لجنة الإذاعة أدخلت الفنان الشاب (المهذب) "محمد حسن الخضر" في حرج بالغ، وضيّعت وقته، وأهدرت طاقته، وشغلته بإجراءات التقديم لها، في وقت أغلق فيه المهرجان أبواب الترشيح، وقضي الأمر، وانتهى الجدل بالترشيح المبكر للجنة التلفزيون (الواعية) - صاحبة الحق - للأستاذ "عاصم البنا"، الصوت الطروب والمثقف.
{ الآن.. وبعد أن صار "عاصم" ممثل الشعب السوداني (الشرعي) في مهرجان "تونس"، بموجب الأوراق والمستندات (الرسمية)، وملف الأغنية (لا تغضبي) التي كتب كلماتها الشاعر "الفرجوني"، وقام بتلحينها "عاصم" نفسه، ووّزعها موسيقياً وكيل كلية الموسيقى في "حلوان" بجمهورية مصر العربية الدكتور "محسن السيد".. الآن.. يصبح أي حديث (عبثي) عن خلل أو خطأ أو تزوير في إجراءات ومستندات مرشح (السودان)، طعناً في السودان، و(ضربة) للفن السوداني، لا تقل جرماً وبشاعة عن ضربة "أم روابة" و"أبو كرشولا".
|
إنت يا عثمان دغيس بتبطل العبثية بتاعتك دي متين...؟
الراجل ياخ ود ناس البنا أولاً وأخيراً
وتانياً علاقاتو مع المسئولين كتيره زي البدل بتاعتو
وتالتاً لجنة التلفزيون الواعية دي إختارت عاصم
وعاصم صوت طروب ومثقف على حسب رأي المسؤلين
وعاصم ممثل السوداني الشرعي بموجب الأوراق والمستندات الرسمية
آها يا أخوي تاني النقة في شنو..عاد؟
Quote: والله حتى قبل قراءة تعليقك الفوق ده كنت قايل نفسي بفهم وبحس الغنا وكمان بمارسو ...
لكن يطربني عاصم ده وإنو فنان متمكن و و و
دي نظرية ماااا ظابطة ..
فيا إما أنا ما بفهم ولا أحس الغنا وكل تاريخي مع المزيكا أشوف ليهو صندوق زبالة أرميهو فيهو ..
ولا عاصم ده لا مطرب ولا بطيخ ...! |
والنظرية حقتك وتاريخك العملي في التذوق الموسيقي...شئ...
وكلام الحكومة شئ....
دي الحكومة يا راجل ...
إنت بتتكلم كيف...؟
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: Azhari Nurelhuda)
|
الأخ العزيز/
عثمان دغيس
سلامات ياخ، و لعلكم و ودوحة الخير في اطيب حال
معذرة على الرد المتأخر
Quote:
فيا إما أنا ما بفهم ولا أحس الغنا وكل تاريخي مع المزيكا أشوف ليهو صندوق زبالة أرميهو فيهو ..
ولا عاصم ده لا مطرب ولا بطيخ ...!
|
ياخ حاشاك و انت موسيقي أن لا تفهم في موهبتك و عزفك، المسألة اذواق ليس الا.
عاصم له جمهوره و معجبيه، بالتالي حاشاهم هم ايضا عدم الفهم و الغناء.
القضية هي هنا ليس مدح أخونا عاصم أو القدح به، بل محاولة تصحيح لوضع خاطئ.
تحياتي و احترامي
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: محمد المرتضى حامد)
|
هلا مولانا،
اشرق نورك بين شمسين :)
كنت احسب أن البرنامج مقدم على النيل الازرق و يحمل توضيحا اكثر لمقاييس المسابقة في ما يخص المؤدي
و عمر العمل نفسه، كذلك عمر المؤدي، حبيبنا عاصم مصدق طبعا في ما يخص الطريقة التي قدم بها و انه لم تكن
له خلفية كاملة عن شروط المسابقة. لكن الفيصل هنا هو شرح شروط المسابقة و مدى الالتزام بها من اللجنة و مقاييس العمل و مواصفات المؤدي،
لم نر شرحا لهذا الامر من الاستاذ يس للأسف، لو تعرض لهذه التفاصيل لما ترك شيئا يقال و لحسم الأمر فعلا،
اما الآن فلا اظن أن الفيديو اعلاه - جزيل الشكر لسيد الحوش- كافٍ لازالة اللبس.
محبتي
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: محمد المرتضى حامد)
|
حبيبنا المرتضى
و عليكم السلام ..
اتمناك طيب و على ما يرام ..
لم اشاهد عرض النيل الأزرق للموضوع بعد، ما وددت قوله هو أنه لو كان بنفس طريقة
تناول الفضائية السودانية للموضوع كما اشار الأخ ملاسي ، تبقى المحصلة انهم لم يعالجوا شيئا للأسف.
مجهودات زميلنا عاصم و مشروعه الفني الضخم تجد عندي كل احترام و اعجاب، و اربأ به
أن يلطخ أو يسيء لنفسه و لمشروعه هذا بالاستعجال و طرق الباب الخطأ، لهذا تمنيت من كل قلبي- في مطلع البوست-
أن يصحح الخطأ الذي حدث - بدا لي من الفيديو انه كان نتيجة تقدمه قبل احاطته بشروط الترشيح- و يعتذر و ينسحب
و حتما سيجد فرصة انسب لطرح مشروعه بعيدا عن هذه الزوبعة. اراء الخبراء و الاساتذة بشير عباس و هلاوي تجد طبعا كل تقدير
تماما كمشروع عاصم الذي - كما اسلفت- اثمن مجهوداته و سعيه للوصول الى قمم اعلى و ينبغي أن يحظى بكل تشجيع و دعم، لكن مشروع عاصم و امكانياته هذا ليس مقامها .
المقام هنا هو مقام مشاركة بشروط واضحة يجب على المتقدمين استيفائها بدون استثناء.
تشجيعي شخصيا لعاصم و دعمي له هو ببذل النصح ، اشعر بكثير من الحرج أنه على رؤوس الاشهاد، لكن الامر كله مبذول و لم يعد يخفى علىى أحد ،
على الحبيب عاصم معالجة الامر بصورة مباشرة و مراجعة ما قد فات عليه حتى لا يهدم مشروعه بنفسه قبل أن تقوم قواعده.
صادق محبتي
| |
|
|
|
|
|
|
|
|
|
Re: أنت لا تحتاج هذا، زميلنا الحبيب عاصم البنا (Re: Hussein Mallasi)
|
من خلال إستماعي لكلام عاصم البنا وطريقة شرحه للتقديم للمسابقة
تأكد لي بأن عاصم البنا بريء تماما من أي نقد وجه له هنا بشأن
مشاركته في المهرجان.
وعاصم فنان متمكن يحق له أن يشارك...ولو فتح باب المشاركة
من جديد سينتزع هذه الفرصة...لأنه الاحق بها ولا يحتاج لمجاملة
من أحد...فمشروعه الذي إستمعنا له هنا في سودانيز عبر بوستات
الرجل الفنان محمد المرتضي حامد يستحق أن يخرج
للعالم وهذي هي الفرصة...بل كانن من واجب التلفزيون ولجانه
أن يخلقوا فرصة لعاصم البنا لطرح مشروعه الغنائي الجديد
لا ان يدخلوه في منافسة مع آخرين.
أما الذين يتحدثون عن العمر وأن عاصم أكبر من 35 سنة
وان الشروط يمكن أن تنطبق علي صلاح بن البادية..
فلربما رفض عاصم الغناء في سطوحهم (Just Kidding
فذلك سيكون صحيحا لو انه سيشارك في سباق الضاحية
أدعموا عاصم البنا وسيشرفكم بدل هذا القدح
| |
|
|
|
|
|
|
| |
saadeldin abdelrahman
Ayman Khalifa
omer osman
Azhari Nurelhuda
مهدي صلاح
ياسر السر
Mahmoud Mustafa Mahmoud
ALGARADABI
Hussein Mallasi
اسماء الجنيد
waleed dawash
معاوية عبيد الصائم
ABUHUSSEIN
إبراهيم عبد الحليم
الطيب بشير
عمر الفاروق
Yassir Tayfour
بكرى ابوبكر
محمد المرتضى حامد
nazar hussien
علاء سيداحمد
فيس بوك
تويتر
انستقرام
يوتيوب
بنتيريست