|
|
 جقلبة في التنك
|
السناير يجقلبو والعتب على البرالمة
والمافي شنو على قول الخلوق قيقراوي ما دام الكل عاير وبمختلف الحالات
وبدون ما يدوها سوط كمان
بتلقى حالة مستعدة انها تفنجط ومرات تجد سطر وكأنما استنهض كاتبه همة موخرته لتجد منه ريحة نتنة
ولا يجدي لحظتها البخور وكل ملطفات الاجواء وعلى الله بشوية تنفعك
ستار يا عليم
او تستغفر الله العظيم
وتتخارج
واجرك على انفلونزا العقول الالكترونية
وفي البلد الما لايقة وجيع دي وفي رحاب اسافيرنا المهرية بمجرد الضغط على ذر الماوس الايسر
او الايمن في عملية من النسخ واللصق قادرة على ان تدخلني في وهم الشهرة والمشاهير والانصام تسعين درجة
ويا دينا ما فيك الا انا وشوفني قلت وكتبت
حتى كتبت في اوهام عقلي الباطن من جملة الكتاب العظماء واقول لي شكسبير انت زح وخليني اقعد في مكانك
وسمحة المقدرة
واحسن نسطره ونبداها من جديد ما دام كله خمج في خمج واريت القدلة بي بتخترة لا تنتن ولا دنت
هو انحنا الفاقدنو شوية
والبلد الما فيها حرية راي وعسكرة مدور ليل ونهار بقدل فيها نافع والنذاهة البغييب منها ديوان المراجع العام
تبرير امين حسن عمر ببقى كما اللوح المحفوظ
والعاجبه عاجبه وما عاجبه يدي لوحة المفاتيح ام دلدوم
او يقفل جهازو ويدمدم ينوم
وبرضه اهلنا قالوا (( ابو الجعران عند امه جوهرة ))
والطشاش في بلاد العمي شوف وربنا بس يلهمنا الصبر ونحتزم ونتلزم
وبرضه سمحة الجقلبة
وفي مخارجة المخارجة
مرات تلم في ناس تفتكرم نصاح ومتناصحين تلقى نصيحم جنو مصيد يبقى ما عندك حل غير انك تملاء (( عب جلابيتك ))
حجار وتلم في خلق الله تطقــــــــــــــــــــع
(( وشقي الحال بس هو البقع في القيد ))
ويا ناس هوي انحنا بي (( بتابنا يا ريتنا نملاء جرابنا ))
وما في داعي للبوبار وفك الزرار في بيت الايجار كلنا اولاد تسعة
والغبن الحقيقي في البلد المهزومة فينا ومننا
وفي تارك الصلوات ومفتكر انو امام برحمته بعمنا
وبين قوسين
البلد
هاصت
وجاطت
وناصت
ودرت
هربت جرت لامن فترت
وانحنا ما لينا غير الحكايات الوجع
وكع
كرع
يلا اشرب كاسك
انسبط وفرح ناسك وجنس شرذمة
؟؟
تخريمة
انتو دحين الدنيا دي تاني فيها نبي ينشلنا من الانحنا فيه دا
ولا انا عندي باقي ملاريا
وبقول في
الخـــــــــــــــــــــــــــــــــــــــــــارم بارم
وكل منيتي في الدنيا كورس حقن كلوركين وبس
واخخخخخخخخخخخخخخخخ من الوجع
مع التحيييييييييييييييييييييييييية
|
|
 
|
|
|
|
فرح الطاهر ابو روضة
فيس بوك
تويتر
انستقرام
يوتيوب
بنتيريست