|
|
 في ذات يـوم والنيل دا بيشهـد إنو بلدنا دي كانت عامري ....
|
الشاعر/محمد المهدي حامد
يا أم أحمد دقي المحلب دقي المحلب فوق توب أحمد
في ذات يـوم والنيل دا بيشهـد ...
إنو بلدنا دي كانت عامري وكان الخير بى فوقا ممدد
حتى الغيم ما بخلف وعدو لما الشفــــــع ليهو يغـــــنوا
" يا ميطيرة صبي الليلة أحلبي سحابك في عـــينينا "
كان في الحال بتشيل الغيمة وتصبح ترعاً ماب تتحـدد
وكان الشفع يفرحو بيها ونفــــــرح بيهم يا أم أحمـــــد
وحتى اللوبي الشم الزيفة إنشر وطال يتراقص فرهــد
رغم بساطة الحال تلقانا قليلنا يزيدنا سعـــادة ونسعـــد
أصلوا الهم ماحـام بى فوقنا وما شفناهو وكان الأبعــــد
نصحـا على قنانة شاينـا نمشي القش عند العصـــــرية
ننـوم وحجـا حبوبـة معانـا يشــاركنـا الأحـلام يتـــــردد
فاطنة السمحـة عشقنـا جمالا عشقنا بلدنـا وطيـرا الغرد
وكنا زهـور في جناين الشاطي قريرنا هو مرتع خيرنا الأوحد
وكنـا كبـار في عيون حلتنـا وكل شـوارع الحلة بتشـهد
وكنا حريـرة وكنـا ضريرة وكنـا عديلة وزفـة وسيـــرة
وكنـا بطان في ليل أعراسنـا وكنـا فرح كل يـوم بتجـدد
يا أم أحمد دقي المحلب دقي المحلب فوق توب أحمــــد
وفي ذات يوم والشفع نامـوا
جانا ###### سنونو صفـــــر حــــلب الناقـة وإتعشـــــابـا
داك اليـوم الشفع قامـوا مع الفجراوي .. الطير ما غرد
النخلة الوارفـة في نص الدار الضللت الحبـان يوماتي
وكانت مرتـع خيـر للشفــع
بلعت ضلها رجفت كلها جفلت من غيم ليلاً أســــــــود
وحتى نسيم الصبـح السـارى اليـوم داك مزهلل جارى ..ً!!
ومافى نفس غير حس الصنـة وبـوخ الأنة وشوقاً جنّ
ودمعة تسـرسـر فـوق الخــد ..!!
غيوم العبـرة إنداحت وشاحت وسدت حلق الأفق الباكي
السارف دمعـو يشفق ... شفقو يوهدب قمــرو الجاكــي
ينـوح ... يشهق ... يتنكـد
يومـاً لبس الضـو بالقلبـة وبـدا بالليـــــل
يومـاً صارع روحنـا وغلبـا وهـدّا الحيـل
حيلنا وحيلن ناس الحلى صغار وكبار الشفع واليادوب في المهد
يا أم أحمـــــد مــــــن يوم داك وأب أحمــــــد غـــــايب
سادر فوق ديداب الراحو وأريت الغايب لو كان جايب
دافـر والقدام مجهولة وكل أركان البـــــــال مشغولــــة
والأيام بتزح مشلولة تجرجر أذيال أمـــــلو الخايــــب
وكل أحلامو تموع تتـبدد
أتارى الغربـة رفيقة الكربة شقيقة الآهـة
ال للــــوجــــدان دايمــــــاً شــــــواهــــة
تشكّع فوقو كلاب الحسرة يضيع وتضيع قبالو المسـرّة
تنّوخ فــوقــــو زوامـــــل الصــــايب وهمـاً سرمـــــد
زولاً فات الضل الوارف ولى أنفاس الحن كان كارف
ومن فيض الإحساس يوت غارف مالك قولو مفارق ضلك؟؟
وبارى سراب الغربة وعارف ليلا بهيم و صباحا مرمّد
يا أم أحمد دقى المحلب ديل سنتين واب أحمـــد غايب
جاهو ###### سنونو صـــفر لملم باقي أفراحـــو مـــشابا
ونشف ريق السيل والغيمة ويبس كم ضرعات حلابـة
وضلمت الأيـــام ضليمة بلاد الغـــربة يباب وخــــرابة
أتارى بلدنا دى ضمة رحيمة برغم الحزن الحارس بابا
ولو في ايدا فــــرد مليمة بتفــــرح بى ضيفانا وتسعـــد
بلداً نيلا براهو يطمن وصيدا إن جال في الــدارة يــجنن
وزولا أجواد ضكران ومصنن وطلتو في الحوبات بترحمِن
لا بتخاذل عند الحارة ولا بنضارى في يوم المشهـــــد
يا أم أحمد دقـــى المحــلب لى كل غايب من أوطـــانو
لى كل شاعر عاشق زيّن صدر أبياتو بحب ســــودانو
لى كل زارع بوّق أرضو وقرّن في الكروات حيضانو
وللسادّات الفَرَقَة معاكِ قـــدر ما عـــــانِنْ هُنْ بْيعانــوا
ساندات ضهر الحال إن ميّل شــان حِبانِنْ ياما كانـــوا
دقى المحلب للغايبين يمكن ذات يوم الخــطى تتســـدد
ونرجع بلد العزة الخيلا
تجَقْلِبْ في الوجدان من قُمنا وما فارقنا في لحظة صهيلا
وزى ماطيرا بيصدح يومى يرقص بالتغريد في نخيـــلا
نغنى ليها نقول يا تومى نضمـها في الأعمــاق ونشيــلا
تزغرد (نورا) تضم (حميدا) ويشرح صدر (العازة) (خليلا)
وتفرح أمدرمان وتبشر وتسرج ليل الطابية وخيلا
للعايدين الغابو وجابوا جابوا ضراعن بس لى نيلا
تَشَويمْ بيهو وتلقا شليلا ويرجــع للقمـــرية هــديلا
ويبقى العود يا أم أحمد أحمد
ويبقى العود يا أم أحمد أحمد
http://algorer.net/vb/showthread.php?s=e0fc73...d3cf2d2803e9beandt=133
|
|
  
|
|
|
|
|
|
|
 Re: في ذات يـوم والنيل دا بيشهـد إنو بلدنا دي كانت عامري .... (Re: omer osman)
|
Quote: دقى المحلب للغايبين يمكن ذات يوم الخــطى تتســـدد
ونرجع بلد العزة الخيلا
تجَقْلِبْ في الوجدان من قُمنا وما فارقنا في لحظة صهيلا
وزى ماطيرا بيصدح يومى يرقص بالتغريد في نخيـــلا
نغنى ليها نقول يا تومى نضمـها في الأعمــاق ونشيــلا
تزغرد (نورا) تضم (حميدا) ويشرح صدر (العازة) (خليلا)
وتفرح أمدرمان وتبشر وتسرج ليل الطابية وخيلا
للعايدين الغابو وجابوا جابوا ضراعن بس لى نيلا
تَشَويمْ بيهو وتلقا شليلا ويرجــع للقمـــرية هــديلا
ويبقى العود يا أم أحمد أحمد
ويبقى العود يا أم أحمد أحمد |
شكرا ليك يا رائع عطرت صباحاتنا بصرّة محلبك ومسكك وفوح قرنفلك
محبتي
| |
|
|
|
|
|
|
|
|
|
Re: في ذات يـوم والنيل دا بيشهـد إنو بلدنا دي كانت عامري .... (Re: عبيد الطيب)
|
Quote: شكرا ليك يا رائع عطرت صباحاتنا بصرّة محلبك ومسكك وفوح قرنفلك
محبتي |
هلا عبيد الطيب ...
حقيقة الشكر لهذا الشاعر الرائع/محمد المهدي حامد ...
صراحة لم اسمع به من قبل (تقصير مني) إلا يوم امس في احتفالية زين على شرف تكريم الشاعر ودبادي
حيث قام بالقاء قصيدتين من اعماله واليوم بحثت عن اعماله في النت ووجدت هذه القصيدة وغيرها من القصائد الرائعة ....
| |
|
|
|
|
|
|
|
|
|
Re: في ذات يـوم والنيل دا بيشهـد إنو بلدنا دي كانت عامري .... (Re: omer osman)
|
قبل كم أسبوع حضرت تدشين ديوان محمد المهدي حامد
تامن عجايب الدنيا قاعة الصداقه
فعلا شاعر عجيب ويعمل مدير قسم الصوت في تلفزيون السودان
سجلت الاغنيه دي كلمات و د المهدي والحان / ميرغني النجار
الاغنيه بصوت الجميل / أبوبكر سيداحمد
يامـا بريدك ريـد وأنـا كم بعزك عـز
وياما كتبت حروف لكن بيـاني عجـز
أنا جابني ليك شوقاً جـوّا الكيـان بيهـز
خلاني زى عصفور للهجـرة متجّهـز
* * * * *
آهـ يا شتيلة النيل أنا في هـواك مكتول
ريدك كبـر جُـواى فيهو الأمـل مشتول
فيض الهوى الدفاق زى المطـر مبهـول
وأنا فيك لقيت ذاتى وصرتِ العرض والطول
* * * * *
راجيك سنين وسنين حبـل الصبـر ممدود
حاضن العذاب يا ناس راجـى الغمامة تجـود
ومحلنا يروى شديـد والخضـرة ليهو تعـود
وانا ليك بدوب إخلاص وتفانى مــا محـدود
* * * * *
نتلاقى بعـد البيـن في واحـة التحنـان
يوم العديـل والزيـن يبقى الوجـود ريـان
وأنسى الضياع الفـات ومرارة الحـرمـان
وأنا وانت نحيا عشان نسعـد بنى الانسان
| |
|
|
|
|
|
|
| |
omer osman
عبيد الطيب
saidahmed shami
الشيخ سيد أحمد
فيس بوك
تويتر
انستقرام
يوتيوب
بنتيريست