|
|
 عـمـي الـبـطـل زول كـتـآب كـلآمـوا كُـبـآر دُرآب دُرآب ...
|
عاد أنا ما لآحقني حلِف المرّة دي ما أفوّت الفرصة.
لمتين يا ود المدير ستظل مغمور ومدفون ومردوم بالطوب ؟؟؟
لمتين يا ود المدير ستظل زي الصارقيل غاطس في الطين ؟؟؟
لمتين يا ود المدير ستظل مجدوع ومنسي كما الشلتوت في الكوشة ؟؟؟
لمتين يا ود المدير ستظل مطمور في المطمورة ؟؟؟.
أهو الفرصة جاتك تتبختر علي كرعينها اللِتنين، وبعد دا كان
فوتها إياك الما قامت لك قايمة، وإياك اللِتكِلت رماد فوق رمادك.
بسيطة يا ود المدير،
ما عليك إلا أن تكتب إسم مصطفى البطل في عنوان
البوست وبعد داك هوووووووبا:
تتعلى ما تِدلآ، وتسير بإسمك الركبان ويغنينك
الغيد الحسان، وتعمي بصرك فلآشات الكمرات،
والجكس يمطرك بوابل من القُبلآت، فإلي عالم
الشهرة المتعب يا ود المدير.
ايّ زول، أو زولة عندو، أو عندها اوتقراف عايز، أو عايزة
توقعوا رسلوهو لي بالإميل.
عندي زيارة لبلآد الواق الواق الشهر الجاي، لو زول عاوز
يتصور معاي فأنا مستعد بكل تواضع.
لكم محبتي معجبي الكرام...
|
|
 
|
|
|
|
|
|
|
 Re: عـمـي الـبـطـل زول كـتـآب كـلآمـوا كُـبـآر دُرآب دُرآب ... (Re: معاوية المدير)
|
عمي البطل زول كتّاب
كلآموا كُبار دُرآب دُرآب
مرّة سياسة ومرّة رياضة
وكمان بيعرف في الأنساب
عمودوا دسم في كل جريدة
وغزير بالكِسرة والويكاب
حريف في النقد والتفنيد
وممتع أكتر في السكناب
في علم الدين طويل الباع
خطير لو يكتب ليك حجاب
عمي البطل زول كتاب
الينكر قدرتوا زول كضاب
عمي البطل جد كتاب.
السكناب: أسألوا منها فايز ود القاضي...
| |
|
|
|
|
|
|
|
|
 Re: عـمـي الـبـطـل زول كـتـآب كـلآمـوا كُـبـآر دُرآب دُرآب ... (Re: معاوية المدير)
|
Quote: آخر ملاحم علي حمد إبراهيم النضالية أنه كتب مقالاً ينضح خزياً وجهالة، أراد من خلاله
أن يمارس حلاقة النضال فوق رأسي، وأن يتبذل ويتسفل في ذات الوقت الى أشباهه من مناضلي الأسافير،
ويتودد إليهم. ولا عجب، فتلك هي القاعدة الوحيدة المتاحة، التي تمنح أمثاله الإحساس الكاذب – كما الحمل الكاذب – بأنهم
مناضلون، أهل مبادئ، وأصحاب قضايا. وقد بدا لي السفير علي حمد، الذي عرفته دوماً مهموماً بصورته الحسية والمعنوية
أمام الناس، صغيراً مثل فأر وهو يضع اسمي عنواناً على رأس مقاله، متشبهاً بأولئك الصغار الذين يضعون اسمي على
عناوين كتاباتهم المفتعلة المهاترة، طلباً للشهرة وذيوع الصيت وكثرة النقرات! |
Quote: وهو يضع اسمي عنواناً على رأس مقاله، متشبهاً بأولئك الصغار الذين يضعون اسمي على
عناوين كتاباتهم المفتعلة المهاترة، طلباً للشهرة وذيوع الصيت وكثرة النقرات! |
من أقوال البطل الماسورة.
بالجد ماسورة...
| |
|
|
|
|
|
|
|
|
 Re: عـمـي الـبـطـل زول كـتـآب كـلآمـوا كُـبـآر دُرآب دُرآب ... (Re: حامد بدري)
|
Quote: لقاء العمالقه معاويه المدير ومصطفي البطل
ياناس البرج العالي سلام انا من المعجبين قبل الشهره والنجوميه |
سلآمات يا محمد خليل،
وشكراً يا معجب.
أهو بركات عمنا البطل بدات تظهر. ما قتلكم الزول دا إيدو
لآحقة. غايتو بعد دا أجهّز نفسي لمتاعب الشهرة وإزعاج
المعجبين أمثال محمد خليل وباقي المسيرة المليونية.
لك كامل مودتي أخي محمد،
وشكراً يا بطل، لولآك ما قامت لود المدير قايمة...
| |
|
|
|
|
|
|
| |
معاوية المدير
حيدر حسن ميرغني
حامد بدري
garjah
WIDTH=710 HEIGHT=510>
فيس بوك
تويتر
انستقرام
يوتيوب
بنتيريست