|
تعبنا من ثقافة الناس الطيور والتعامل مع الغجر ...!!
|
اجمل تعليق جائني في احد المنتديات السودانية من شخص عزيز جدا وقد قرأ لي وانا امجد في الانقاذ ... قال : ايا توفيق مكي ... مالي اراك قد صرت تقدس وتتعبد في محراب لاله ... خنجر غرس على ظهرك بظلام (وكان يعلم تفاصيل كثيرة عن حياتي ) قلت له : صرت اصحو وانام ثم آكل واشرب واسترخي ... ويشدني مسلسل على التلفاز مسلسل مصري قال لي ما هو قلت مسلسل دعوني اعيش
|
|
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: توفيق عيسى مكي)
|
تحية طيبة
قيل
الناس بالناس والكل برب العالمين
وقيل ايضاً
لا تخلو امة من جاهل او سفيه
وقيل ما هو مؤكد
اصابع اليد (ميها) واحد
وحكيم السودان الشيخ فرح ود تكتوك
متحكر فوق كرسيه ومعاهو صحابو
جات (فوقكم وحيدة متل اخر عبس) (شنا مرة)
اصحابوا تكلموا باشارة صوتية صامتة تفيد (دي البياخدا منو)
ود تكتوك رد باشارة صوتية صامتة تماثل ما اصدروه تفيد في المتلها
ومشى المثل كل فولة ليها كيالا
دحين يالحبيب ابقى على روحك وجيها بجيك وبتصادف الدغري الراسي
وماف حاجة نقولالك الا ربنا يعدل ختوتك ويسهل امرك محل ما تقبل
................................................................................
العزيز/ توفيق تحياتي واحترامي
تنويه
بعض الكلمات مقتبسة من قاموس الوجيز في لغة الضهاري
(تفهم) ضمن السياق العام للجملة
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: الجنيد حمد)
|
توفيق عيسي مكي مساء الخير ,,,
عارف مشكلة كبيرة أنو الواحد يركز في تعامل الناس معاهوا من غير ما يفكر في تعاملوا مع الناس ... بركز دائما في الناس غلطوا معاهوا في شنو!!! من دون ما يفكر هو غلط مع الناس في شنو .؟؟؟؟ بطرح نفسوا دائما هو الأفضل والأميز من غير ما يفكر كويس شنو الافضلية والمميزات دي وهل هي فعلا بتهم غيروا ... ولا قاصره على نفسوا وتصوراتوا ؟؟؟؟ وبالتالي بلقي نفسوا عمل عالم معزول ....
عالم أفتراضي بعيد عن الواقع ... ومع كده بتصدم في ردة فعل الناس مع أنو الواقع البسيط بقول ليك لما تتعامل مع الناس عين كويس لتعاملك بعد كده أتوقع شكل التعامل منهم ... يعني لحد كبير أنت نفسك المسئول عن علاقتك مع غيرك وشكله
ممكن التعامل الغلط يحصل من وأحد أو أتنين ... بس لما يكتر ... من الافضل تحصل مراجعة للذات
وتصحيح مهما كان صعب ... ببقي لابد منو
تحياتي
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: عبد الناصر الخطيب)
|
Quote: عارف مشكلة كبيرة أنو الواحد يركز في تعامل الناس معاهوا من غير ما يفكر في تعاملوا مع الناس ... بركز دائما في الناس غلطوا معاهوا في شنو!!! من دون ما يفكر هو غلط مع الناس في شنو .؟؟؟؟ |
اخي عبد الناصر الخطيب ... عشان ما عقلك يمشي بيك بعيد هي كده .. نحن في السودان البيخش السجن معناه حرامي ولو ليوم واحد ولما يخرج سيعاني وسيهرب منه الناس هروبهم من المجزم والابرص لو 1- كان الناس الذين كان يخالطهم غجر 2- كان الذين كان يخالطهم طيور
انا اديك مثال عشان تحاول تتفهم الوضع الصحيح شخص سنوات شغلته يلتصق بي بحكم الصداقة وكذبات مثل هذه... ايام رواج شركاتنا وهو من اعرق الاسر الخرطومية واشهرها وكفيته مالا ودرجته ليصبح مليونيرا ولما اصابني ما اصابني جئت لاستلف منه بعض المصاريف وانا خارج من مصيبة سجن مدبر لانهار وقد انهرت فعلا بعده فقال لي عندي عشرة جنيهات ساعطيك خمسة واتصرف بخمسة وكان يحكي لي قبل دقائق عن عمارته التي انهكهه تشطيبها ويحتاج اليوم لملايين لمصاريف العمال وملايين لمصاريف الخضار واللحمة فاليوم نهاية الاسبوع ثم سعى من بعد ذلك ان لا تقوم لي قائمة وقرأت تقرير عفن كتبه عني لجهة امنية عندما جاءت تستفسر عني عندما حاولت ان امارس التجارة مرة اخرى ومع ذلك ... ان وجدتنا اليوم تكاد تحسدنا من المحبة والحميمية / كله نفاق في نفاق / هو ينافق وانا اجاريه بتحفظ والسبب ... مثل الذين يمرون بمثل هذه الظروف لابد لهم من تقبل اشياء كثيرة ولابد لهم يكونوا مسااااكين عشان المجتمع الكانوا فيه من الاساس كان مجتمع طيور وغجر ولما ينتقلوا للمجتمع السليم والناس الاصحاء تكون ردة الفعل قاسية تجاه هؤلاء العواليق حاول افهمها كده .... السجن
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: الجنيد حمد)
|
سلام اخي الجنيد حمد ..
Quote: قيل
الناس بالناس والكل برب العالمين |
ده كان زماااان شزف يا الجنيد يا اخوي النظرية دي في زمن العولمة لا يوجد لها اثر كان زماااان كما قال الحوت طيب الله ثراه
Quote: بعض الكلمات مقتبسة من قاموس الوجيز في لغة الضهاري |
لغة الضهاري لغة سهلة تصل القلب مباشرة وصادقة مثلك الطفيليين من ناس الضهاري الجو سكنو الخرطوم وكتمو علينا نفسنا ديل هم مشكلتنا لزم التنويه والبيان وختى لا يحدث خلط
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: توفيق عيسى مكي)
|
قبل ان ارد على مداخلة اخي الحبيب عبد الناصر الخطيب وفي خلال يوم واحد كانت المشاهدات والقراءات تقترب من ال 500 ومن ما جبنا سيرة السجن .... العيوم طارت ... انه زمن الطيران عهد ود ابرق
هو شرف ان اكون بمجلس فيه اطول كابنت للفريق القومي السوداني واثنين من اشجع وانبل الصحفيين (احدهم ترك لهم الحمل بما حمل وسلمهم صحيفته) اي والله واثنين من المهندسين حضروا من ناسا للسودان وعالم اعشاب لا يوجد مثله في العالم اثنين ولستة تطول وتطول من نقاوة اهل البلد شرف ان اسجن 6 اشهر دون محاكمة لينهار عملي ويسلم لغجري يثري منه شرف ... وان كان المكان الذي جمعنا سجن
الفرق في نظرتنا للاشياء نظرة الشرفاء ونظرة الطيور والغجر واضيف ... وتقييم البوم (البوم لا يرى امامه الا بعين واحدة)
الفرق في خيبتنا في مثقيننا وتناولنا للاولويات
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: توفيق عيسى مكي)
|
Quote: الطفيليين من ناس الضهاري الجو سكنو الخرطوم وكتمو علينا نفسنا ديل هم مشكلتنا |
سلامة نفسك يا حبوب ،،، ------ لكن والله صحي طفيليين ،من ناس منتجة ماكلة شاربة لابسة ناكجة ، لي مهن هامشية ،والواحد يقول ليك ساكن في الخرتوم وهو تلقاه في دردوق ، والله دردوق دي بي وين انا ما عارفا ، -------------- اتوا قالوا ليكم الله دا الا في الخرتوم ؟؟؟ --------
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: توفيق عيسى مكي)
|
حكمة الله ان ربنا خلق الانسان لا يحس باعضاء جسمه الداخلية الا اذا كانت معتلة .. فانت لاتعرف اين كليتك واين كبدك واين قلبك ..الا اذا كان بها الم ..
وكذلك نحن خلقنا جماعات شعوب وقبائل لنتعارف ونتعايش ... في حياة عامة وانت لاتحس بوجود الشخص في حياتك الا اذا تعاملت معه مباشرة ..
الدنيا فيها البناء والنجار والحداد والكهربائي والشاعر والمغني وهكذا ..
لذلك ان التسميات العامة واطلاق الاحكام الجماعية لن يكون منصفا ليس للبشر فحسب بل حتى لنفسك ..
شنو حكاية ناس الضهاري والغجر والبدو وهكذا .
هم كلهم من آدم ..
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: عبدالكريم الاحمر)
|
Quote: لذلك ان التسميات العامة واطلاق الاحكام الجماعية لن يكون منصفا ليس للبشر فحسب بل حتى لنفسك ..
شنو حكاية ناس الضهاري والغجر والبدو وهكذا .
هم كلهم من آدم .. |
يا استاذ ...دي ما احكام جماعية ده كلام لناس محددين
ومنو القال ليك كلهم من آدم !!! وجد الانسان في الارض من ملايين السنين وهبط آدم من الجنة قبل اقل من 6000 عام ... راجع تفاسير القران وكتابات العلماء في هذا الامر
ولو ضربت لك امثلة وادلة وبراهين من اجناس البشرية ... المنبر ده حا يولع ناااار
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: توفيق عيسى مكي)
|
Quote:
هي ثقافة الغجر من اجمل المتع ان تشاغل الغجر فمثلا ان قلت للغجرية ساتيك زيارة ستفهم انك تريد ان تقعها وان قلت للغجري ساتيك زيارة سيفهم انك تريد ان تقتلع منه مالا هي ايدلوجية البهائم والطيور مع البشر |
توفيق عيسي نهارك سعيد يأخ خلعتنا مالك شايل حال الغجر ، علي ما أعتقد أنت رجل أعمال غايتو لو جابك الطريق علي أوربا أنا عندي غجر حبايبي عازمك عندهم ياهم طارت ليهم يا أنت طارت ليك وخرجت من الكامب ناسي إسمك
ياحبيب البشر هم البشر لا فرق بين ضهاري ولا مدن فيهم الصالح والطالح والدنيا كدة ونحن مجبرين نتعايش مع كل أصناف البشر فهون علي نفسك .
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: عادل الباهي عبدالرازق)
|
Quote: شخص سنوات شغلته يلتصق بي بحكم الصداقة وكذبات مثل هذه... ايام رواج شركاتنا وهو من اعرق الاسر الخرطومية واشهرها وكفيته مالا ودرجته ليصبح مليونيرا ولما اصابني ما اصابني جئت لاستلف منه بعض المصاريف وانا خارج من مصيبة سجن مدبر لانهار وقد انهرت فعلا بعده فقال لي عندي عشرة جنيهات ساعطيك خمسة واتصرف بخمسة وكان يحكي لي قبل دقائق عن عمارته التي انهكهه تشطيبها ويحتاج اليوم لملايين لمصاريف العمال وملايين لمصاريف الخضار واللحمة فاليوم نهاية الاسبوع ثم سعى من بعد ذلك ان لا تقوم لي قائمة وقرأت تقرير عفن كتبه عني لجهة امنية عندما جاءت تستفسر عني عندما حاولت ان امارس التجارة مرة اخرى |
مثالك هذا يبرىء ناس الضهارى ولو انى ارى ان الغلطة غلطتك لأنك لم تختبر وتمحص فى اختيارك لأصدقاءك
تحية
| |
|
|
|
|
|
|
Re: تعبنا من ثقافة الناس الطيور والتعامل مع الغجر ...!! (Re: Salah Habib)
|
Quote: ولو انى ارى ان الغلطة غلطتك لأنك لم تختبر وتمحص فى اختيارك لأصدقاءك |
الصداقة دي كلمة كبيرة وما واردة في الناس الغجر ديل يا استاذ .... المثال الضربته ده لواحد من افضل الناس الخالطتهم في رحلة تجارة تجاوزت ال 27 عاما في الاسواق السودانية على العموم (ابرئ محمد شيخ الدين احد اباطرة سوق شارع الحرية بس)
انا في زول جاني وانا مع اهلي بسوق ادرمان لافتح له مجال عمل مع كوريا وكان مربوشا ومتطربا ودايش قيل لي هل ممكن الزول الدايش ده تخلق منه زول ..... ومرت الايام ... ثم مرت ... وكل مرة يسألني اهلي بسخرية وين صاحبك الدايش داك فاقول لهم .. صاحبي عبر وبقى ملياردير كبير جدا جدا اكتر شيئ بيكرهها هو الاسمو توفيق ده (ماضي ونقطة سوداء في تاريخه) تخيل ... ثم تخيل ... ثم تخيل ... ما أقل من 100 هم اليوم بيعضو في اليد الرفعتهم فوق دي وانا صابر وما بقول اخ تعرف ليي
لانهم غجر
| |
|
|
|
|
|
|
|