|
Re: بدري الياس رزق بمولود ، مبروك ابواحمد (Re: ناصر احمد الامين)
|
Quote: الف مبروك للزميل بدري الياس و خير الاسماء ما حمد و عبد و ان شاء الله يتربي في عزك و أعتذر لك اخي عصام في عدم تمكني للحضور لمواساتك في فقد الوالد جعل الله الجنة مثواه
لكما مني كل الود و الاحترام |
جزيل الشكر لك يا ناصر وان شا الله يجوك في السّمِحْ.. وربنا يتقبل دعاك.. ، تسلم وتحياتنا عبرك لكل أبوظبي.. ،
| |
|
|
|
|
|
|
Re: بدري الياس رزق بمولود ، مبروك ابواحمد (Re: وليد محمد المبارك)
|
Quote: الف مبروك يا بدري يا صاحب
والله الرجال الواحد حتى لو بقى تقدمي لاذم تكون في جناته جندره يعني هسع جايب البكر ولد ليه ؟ لو ما جندره منك ساكت !!
يتربى في عزنا |
غايتو يا وليد اصلك ما بتخلي محنك العجيبة.. الله يسعدك بقدر ما ضحكتني ياخي.. وتعرف يا صاحبي، الحقيقة الواحد ماب يختا من الجندرة، وبيني وبينك لو كان جبت اي حاجة تاني كان إلا اشوف لي بلد امشي فيها من أمي (فتأمل؟) على قول صاحبك.. تقول لي تقدمي وما عارف سفنجة خدره؟ وبرضو عندي اصحاب زيك كده مليانين بنات كانوا راجين فيا يوم.. وانا زاااتي كنت راجي معاهم، لكن اهو ان شا الله في الجاية نرضيهم.. ، ربنا يحفظ ويغتي عيالك واسرتك من كل سوء ويديك لامن يرضيك.. تسلم يا الحبيب.. ،
| |
|
|
|
|
|
|
Re: بدري الياس رزق بمولود ، مبروك ابواحمد (Re: الزنجي)
|
Quote: ألف مبروك لزميل البورد بدري الياس وحرمة المصون المولود ويتربي في عزكم وربنا يجعله من الابرار وحمد الله علي سلامة والدتة |
العزيز الزنجي إن شا الله يوم شكرك ما يجي.. تقديري وامتناني لحضورك هنا وهناك.. ، تسلم وربنا يديك العافية.. ،
| |
|
|
|
|
|
|
Re: بدري الياس رزق بمولود ، مبروك ابواحمد (Re: abas)
|
Quote: الف مبروك الحبيب بدري وان شاء الله يتربي في عزكم
والتهنئه موصوله للاهل والاحباب
والف حمدا لله علي سلامت ام احمد |
عباس يا حبوب، ربي يديك العافية والذرية الصالحة والدراهم البلا عدد.. شكري الجزيل يا معتز على التهنئة وان شا الله دعواتك مجابة. ، تسلم ياخي من كل شر وتحياتي لكل العين وأهلها.. ،
| |
|
|
|
|
|
|
Re: بدري الياس رزق بمولود ، مبروك ابواحمد (Re: عصام علي أحمد)
|
Quote: رزق زميل المنبر الحبيب بدري الياس بمولود اختار له اسم احمد
الف مبروك ابواحمد ويتربي فى عزكم
والتهاني موصولة للاهل بالخرطوم والزومة |
طبعاً يا عصام أول شي حا تعفى لي التأخير ده كلو، وتانياً إنت اصلو شكرك عندي راقد "بالجرانين" زي ما قالت حبوبتنا "بتد خير".. وأزيد عليهو شكري على فتح البوست ده، مصحوباً مع بوست ود شامي، والغريبة لميت في التاني يمكن قبل اسبوع، أما ده فأظنو كان غاطس السبعة أراضي.. وناس الزومة والخرطوم برضهم شاكرنك علي التهاني، ويا وللا قالو الزومة اللتنا زاااتا ولدت لها واحدي تاني ووا جيدلنا ووا حلالنا.. وبرضو اوصل شكري لي أم عمرو علي وقفتا معانا، وان شا الله في الأفراح. ، تسلم حبيبي وان شا الله في فرحتنا بي تخريج عمر. (عرسو يكبرنا ينتهي مننا اخير نمسك في التخريج ده).. ،
| |
|
|
|
|
|
|
|