|
Re: المهرج المصرى احمد ادم مسح بكرامتنا الارض (فديو) (Re: saidahmed shami)
|
سلام..
دا اسمو جهل مطبق بالتاريخ والجغرافيا والمؤسف انه بتريق على أهلو نوبة مصر بتقليد لهجتهم مش لهجة السودانيين.
وزي دا ما بتحارب بالبكاء على الأطلال والمطالبة بسحل المهرجين والغوغاء.
علاج الحالات دي بكون بالتي كانت هي الداء يعني بمهرجين زيو يوروه ويوروا الزيو انه الله واحد.
طبعا دي الى حد ما أحلام ساي لأنو للأسف ما عندنا اعلاميين بعرفوا يردوا الهرج بفهم ولا إعلامنا واصل الناس دي.
| |
|
|
|
|
|
|
Re: المهرج المصرى احمد ادم مسح بكرامتنا الارض (فديو) (Re: saidahmed shami)
|
احمد آدم ده واحد من مليون مصري كتبوا عن نفس الموضوع في الفيس بوك او تويتر .. المشكله انو انحنا ما عندنا اعلام يقدر ينافس الاعلام المصري .. قنواتنا الفضائية بقت مرتجع للرجرجة والدهماء .. وما في اي فايدة سياسية تجنى منها ..
انحنا محتاجين للإعلام موجه نحو قضايا الوطن في الأساس .. حلايب سودانية وستظل .. وان كانت حكومة السجم ده فرطت فيها فهذا لا يعني ان الشعب سيفعل ..
عايزين اعلام موجه يا شباب ..
| |
|
|
|
|
|
|
Re: المهرج المصرى احمد ادم مسح بكرامتنا الارض (فديو) (Re: هاشم نوريت)
|
سلام الأخ هجو الأقرع أحمد أدم المصري لم يأتي بجديد . في ظل وجود أمثال الكاروري
Quote: الكاروري يطلب منح أراضي للمصريين بالشمال
الخرطوم: عز الدين أرباب: طالب الشيخ النذير عبدالجليل الكاروري باعطاء المصريين المليوني الفدان التي التزم السودان بمنحها لهم في مناطق بالسافل «الشمال» وليس في الصعيد «الجنوب». وقال الكاروري في خطبة صلاة الجمعة بمسجد الشهيد بالخرطوم امس، ان شمال السودان شهد هجرات واصبح الناس فيه قليلون بسبب قلة المياه فضلا عن قيام السدود، ونوه الى ان التكامل المصري السوداني كان امالا صاحبتها بعض الخطوات لكن النتائج كانت ضعيفة بسبب النظام السابق الذي وصف قياداته بالقطط السمان ما عطل افتتاح طرق رئيسية بين السودان ومصر بقصد عدم احداث التكامل. من جانبه اشاد رئيس مجمع النور الاسلامي بالخرطوم بحري عصام أحمد البشير بخطوة اطلاق سراح السجناء السياسيين، وقال في خطبة الجمعة امس انها خطوة في الاتجاه الصحيح، وطالب بالترفع عن الجراحات والانتماء الحزبي والحركي بالاستجابة لدعوة الحوار التي اعلنتها الحكومة. |
| |
|
|
|
|
|
|
Re: المهرج المصرى احمد ادم مسح بكرامتنا الارض (فديو) (Re: هجو الأقرع)
|
هذا هو الفرق ( بيننا ) وبينهم عند الآخرين شبر من الوطن - حتى وإن جهل المتحدث أين يقع هذا الشبر - عندهم هذا الشبر خط أحمر يجند له الساسة بكل ألوانهم الإعلام بكل فئاته الشعب بكل أفراده علموا أم جهلوا
وعندنا
الوطن ( بكامله ) ... فليدمر من أجل أن نسقط الحكومة التي عجزنا عن أن نسقطها عسكرياً أو خلال إنتفاضة أو ديمقراطياً يستوي عن أهل السياسة وأهل والإعلام تدمير الوطن وتدمير النظام ... الأهم عندهم لحظة شماتة في النظام
ليعذرنا من كان إستثناء من ( عندنا )
______________
توقعوا المزيد
| |
|
|
|
|
|
|
Re: المهرج المصرى احمد ادم مسح بكرامتنا الارض (فديو) (Re: عاطف عمر)
|
سلام يا عاطف....
تعرف أكتر حاجة بتحبط هي محاولات مساواة الجاني بالضحية...
شماتة شنو يا عاطف ياخي....
الفيل أهو داك يا عاطف ...هو البيدو كل شي...
قسم البلد براهو....
دمر البلد براهو....
باع البلد براهو....
فلو عندك طعن ياخوي الضل خخلو....
هو الشعب غير الشماتة خلو ليهو شنو...
| |
|
|
|
|
|
|
|