|
|
|
 Re: بنك السودان وتوجيهات جديدة فيما يخص العملات الاجنبية (Re: Al-Shaygi)
|
سلامات ياهندسة
شخصيا ارفض التحويل عن طريق البنوك مهما كانت المغريات
يعني هم لم يتزنقو يجونا جارين عشان نفك ليهم زنقتهم
ولما زنقتهم تتفك يقوموا يزنقونا نحن !!
ممكن افكر اوافق على التحويل عن طريق البنوك في حالة الاستجابة لكل طلبات المغتربين العادلة جدا
والتي اقلاها حسب تصوري ..
الغاء تأشيرة الخروج نهائيا
الغاء الضرائب واي رسوم مفروضة على المغتربين
تدمير جهاز المغتربين تدميرا شاملا واعتذار الدولة رسميا على انشاء هذا الجهاز
وطلبات اخرى كثيرة يتفق عليها المغتربين
تحياتي ياهندسة :)
| |
 
|
|
|
|
|
|
|
 Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
الجيد في الامر الان هو ان يستلم اهلك هناك المبلغ المحول لهم بنفس العملة (يعني دولار او ريال او درهم ....الخ)
مسالة الحسابات الشخصية هذه تحتاج نظرة فهي ان تم الالتزام الصارم بها طريقة لاجتذاب مدخرات المغتربين والمهاجرين
الشعب السوداني اظنه الوحيد بين فئات المهاجرين من الشعوب الاخري الذي لا يفكر البتة في التحويل لحسابه بالعملة الصعبة
والسبب عدم ثبات السياسة النقدية لبنك السودان
كيف سيكتسب بنك السودان الثقة وقد لدغ الناس من جحره مئات المرات ووجد المواطنين مدخراتهم وقد اكلها التضخم وانهيار سعر صرف العملة الوطنية ؟
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: خالد عبدالوهاب)
|
Quote: سلامات ياهندسة
شخصيا ارفض التحويل عن طريق البنوك مهما كانت المغريات
يعني هم لم يتزنقو يجونا جارين عشان نفك ليهم زنقتهم
ولما زنقتهم تتفك يقوموا يزنقونا نحن !!
ممكن افكر اوافق على التحويل عن طريق البنوك في حالة الاستجابة لكل طلبات المغتربين العادلة جدا
والتي اقلاها حسب تصوري ..
الغاء تأشيرة الخروج نهائيا
الغاء الضرائب واي رسوم مفروضة على المغتربين
تدمير جهاز المغتربين تدميرا شاملا واعتذار الدولة رسميا على انشاء هذا الجهاز
وطلبات اخرى كثيرة يتفق عليها المغتربين
|
سلام يا باش وشكرا على تسليط الأضواء ...
ويا خالد عبد الوهاب ..مطالبك في السلك ...لاكنها حالمة شديييد ...
وما في ليها مجال مع حكومة أمسك لي وأقطع ليك دي ...
الله في .
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: ibrahim fadlalla)
|
سلام ابراهيم
فعلا مطالب خالد ومع انها شرعية وعادلة ولكن في المشمش زي ما بيقولو
المغتربون الان عددهم تضاعف وهم يمكن ان يكون اكبر رافد لاصلاح ميزان المدفوعات والسبب في استقرار سعر الصرف
الحوافز التي يجب ان تقدم لهم يجب ان تكون مغرية وقد طرحتها في بوست بتاريخ 26-7-2011 يوم ان وصل سعر الريال تقريبا الى 800 جنيه
بنك السودان ووزارة المالية الاثنان هما اللذان في استطاعتهما اصدار سياسة مالية ونقدية لاجتذاب مدخرات المغتربين فبدلا من الاحتفاظ بها هنا يتم تحويلها للسودان
وعادة المغتربين او غالبهم يحتفظون بمدخراتهم في الخارج على شكل سيولة مالية مجمدة في حسابات مصرفية جارية او في شكل مضاغ ذهبية
فلو تم تحفيزهم بشكل مغري وتمت اعادة الثقة بينهم وبين النظام المصرفي لتم تحويل هذه المدخرات الى السودان لتكون في صالح الاقتصاد السوداني ككل
خطوة بنك السودان خطوة جيدة ولكن يجب ان تتبعها سياسة مالية اخرى بتقديم محفزات للمغتربين
سانقل مداخلتي في البوست القديم الى هنا عسى ولعل
مستعد احول بالبنك وادفع ضرائب يا جهاز المغتربين
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
الدقس حيتلحس ... عجزوا عن وضع سياسات وبرامج تعيد بعض استقرار للجنيه المغلوب على امره فلجأوا لكل وسائل الاحتيال والخداع والكذب من تضييق على الناس في تداول وبيع وشراء العملات وبث اشاعات من وجود ودائع ومساعدات قطرية سترد لعملتنا كرامتها وان عودة ضخ بترول الجنوب ستسند عملتنا الفاقدة سوايل وهسي طالعين للناس بموضوع بنك السودان ... نتطلع لمن ينبري للبنك المركزي ليقول له شرطا بصوت جهير مسموع: قوم لف
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
سلامات يا ابراهيم ويا ود ابراهيم
اذا كانو ماحايستجيبو للمطالب العادلة دي اذا خليهم يغتربوا هم ويحولو عن طريق البنوك :)
ياهندسة اقراحاتك جميلة ومفيدة وفعلا فيها حل للمسألة
لكن حقيقي ماعارف كيف انتو قادرين تعاينو للموضوع بشكل منفرد وعقلاني كده كيف ؟!
القصة دي كلها انا بالنسبة لي بكج واحد .. يعني بالاضافة لاقتراحاتك دي ياهندسة لازم يرفعوا عني الظلم الواقع علي في جهات تانية
شخصيا واتمنى ان يكون كل المغتربين مثلي .. ليس لدي اي استعداد لمجرد التفكير في التحويل عن طريق البنوك حتى لو تم تنفيذ مقترحاتك مالم يتم حل جميع الاشكاليات التانية الواقعة على المغترب
فيا ايها المغتربون .. ورقة الضغط الوحيدة الفي يدكم ياها تحويلاتكم دي
فاذا فكيتوها من يدكم بدون تنفيذ جميع مطالبكم فلا تلوموا الا انفسكم
الا هل بلغت ... اللهم فاشهد
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: خالد عبدالوهاب)
|
تحياتي للاخت نجوي من المتداخلين عبر الفيس بوك
| Quote: بنك السودان ما عارف البسويه لانه هو من يتاجر العملة والموظفين الكيزان في كل البنوك تجار عمله |
كل المتعاملين في العملة في خارج لديهم مصدر يملك سيولة كبيرة جدا ونفوذ يحميهم من الملاحقة
اللهم الا بعض صغار المتعاملين
الحكومة لو فعلا جادة في محاربة الاتجار بالعملة خارج النظام المصرفي لديها من الوسائل والامكانيات التي تعينها على ذلك
ولكن وللاسف الشديد كما تضح مؤخرا بعد فضيحة موظف الكهرباء ان الحكومة نفسها ونافذيها والغون في الاتجار بالعملة وليس باموالهم ولكن باموال الشعب السوداني
وازيد على ذلك ان مصرفي كبير جدا ومن البدريين ناشط جدا في تهريب الذهب الى دبي ويستخدم زوج ابنته غطاءا لذلك !!!!!
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
تحياتي مهدي
| Quote: نتطلع لمن ينبري للبنك المركزي ليقول له شرطا بصوت جهير مسموع: قوم لف |
ههههههه
صدقني اتمنى ان يصدق بنك السودان وتصدق الحكومة في ذلك
وهذا يتم بتبني سياسات داعمة ومحفزة للمغترب لارسال مدخراته للسودان في شكل عملة صعبة
الرابح على المدى الطويل هو السودان واقتصاده والنظرة القاصرة من الحكومة ومحاولة استعمال الفهلوة للاستيلاء على مدخرات المغتربين لن تحل ازماتهم المتصاعدة
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: خالد عبدالوهاب)
|
نحن كمغتربين يا خالد اعتقد ايدنا في النار وكرار التهامي كان مغترب وايدو زينا في النار
وحقيقي بعض المغتربين (انا ما منهم ) تفاءلوا بتعيين مغترب وزير للمغتربين
الحكومة السودانية نظرتها قاصرة جدا وشغالة بنظرية اختف البع واختفي
وبنقول ليهم انتو محتاجين لينا طيب ادونا حاجاتنا البسيطة وناكل بقلاوة الاتنين
نعيد طلباتنا هنا
الغاء تاشيرة الخروج (يعني من بيتنا على المطار) على طول
الاعفاءات الجمركية للسيارات مربوطة بمعدل تحويل معقول يعني مرة واحدة كل خمسة سنوات او سبعة سنوات
معاملة طلاب الشهادة العربية ماليا مثلهم مثل الطلاب الممتحنين من السودان (يعني ندفع زي ما بيدفعو ناس السودان)
الاعفاء النهائي من الخدمة الوطنية الالزامية
وتعالو شوفو البقلاوة الحتجيكم في ميزان المدفوعات
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: خالد عبدالوهاب)
|
| Quote: الشعب السوداني اظنه الوحيد بين فئات المهاجرين من الشعوب الاخري الذي لا يفكر البتة في التحويل لحسابه بالعملة الصعبة والسبب عدم ثبات السياسة النقدية لبنك السودان |
المشكلة يا محمد كما عرفت من كتير من الأصدقاء والمعارف هي إستحالة فتح حساب بالعملة الصعبة بالنسبة للناس الما عندهم من المقيمين بالخارج، لأنو عندهم كمية من الشروط التعجيزية.. ودا بالمناسبة ينطبق حتى على الحسابات المحلية، ما عارف الحاجة دي بتكلفهم شنو.. برضو عكس كل البنوك الشفناها في مختلف الدول التي تسهل عملية فتح الحسابات لأنو أصلاً دي الحاجة العملوا البنك عشانا.. يعني ناس البنوك لو جاهم مغترب ولو فعلاً السياسة هي تشجيع التحويل للحسابات المفروض يفتحوا ليهو الحساب بكل ترحيب دون أن يطالبوه بعدد من الكفلاء بشروط مختلفة وبحوالي عشرين ألف دولار نقداً الخ.. زي ما قال أخونا خالد؛ وهو برضو دا حال سياسة الحكومة دي من يومها الجات: نظام رزق اليوم باليوم وسياسات وإجراءات فقط ودايماً لفك الزنقة الحالية بعد أن اكتشفوا أن (وهمة) قروش ترحيل البترول ما جايبة همها ولن تخفض من سعر الصرف أو السلع بشكل ملحوظ..
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: سيف اليزل برعي البدوي)
|
في عام 90 اقترح الدكتور على الحاج رئيس وفد السودان في مفاوضات السلام يومها ،على وزيرة الخارجية الامريكية مادلين اولبرايت تشكيل لجنة وزارية عليا لحل القضايا المعلقة بين الخرطوم وواشنطن..
وبعد ان هللت الحكومة السودانية لهذا المقترح العبقري العظيم وسكب كتاب الراي الكثير من الحبر حول الاثر المعنوي والاقتصادي والسياسي والتجاري لقيام هذه اللجنة الوزارية العليا ، وبعضهم قال ان علي الحاج سار على درب وزير الخارجية الامريكي الاسبق هنري كيسنجر الذي تمكن من اذابة الجليد بين واشنطن وبكين، ومضى اخرون الى القول ان جون قرنق رئيس الحركة الشعبية لتحرير السودان فقد اهم حليف ،وان واشنطن ستنصح قرنق بالعودة الفورية الى طاولة المفاوضات.. بعد كل هذه التحليلات كان رد وزيرة الخارجية الامريكية واضحا وصريحا .. العلاقات بين امريكا والسودان لا تحتاج الى لجنة وزارية بل تحتاج الى شاويش يطرد حماس والجهاد من الخرطوم ..
واليوم جذب مدخرات واموال السودانيين بالخارج لا يحتاج الى اي اجراءات ولا سياسات .. فقط يحتاج الى القبول بتسليم التحويلات في الخرطوم بالعملات الاجنبية واعتماد سعر صرف حقيقي للدولار وليس سعر رسمي تتكسب من ورائه الصرافات وتجار العملات وسماسرة التحويلات والحكومة نفسها..
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: سيف اليزل برعي البدوي)
|
السيد محمد على
| Quote: كيف سيكتسب بنك السودان الثقة وقد لدغ الناس من جحره مئات المرات |
لقد صرنا مؤمنين وأيماننا طفح الكيل ودفق ملى الواطة ... لذلك لن تعرف لنا العقارب والحيات طريقاً
لتلدغنا ...
وما يدريك لعله يمكر أو ينكص...؟؟
مؤسساتنا فى السودان تفتقد للمؤسسيه وتخضع لنظام الكوز ومزاجه ومصالحه لذلك أنصح جموع الشعب
السودانى المشرد فى المنافى أن لا يتم خداعه .. فلوسك وانت سيد نفسك ..
هندسة والمعقبون ..
قواسيب من الود
| |
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: أحمد الشايقي)
|
تحياتي عيسى
| Quote: لمشكلة يا محمد كما عرفت من كتير من الأصدقاء والمعارف هي إستحالة فتح حساب بالعملة الصعبة بالنسبة للناس الما عندهم من المقيمين بالخارج، لأنو عندهم كمية من الشروط التعجيزية |
بالطبع الاجراءات العقيمة للمصارف السودانية احد اسباب تدني سعر صرف العملة الوطنية
فالبنوك فعلا تشترط اشتراطات تعجيزية لمن يريد فتح حساب معهم سواء بالعملة المحلية او الاجنبية
وحتى اذا فتحت حسابا لديهم يتم ارهاق كاهلك بالرسوم و الجبايات في حال سولت لك نفسك سحب مبلغ من رصيدك حتى لا تحدثك نفسك مرة اخرى بارتكاب جريرة مثل هذه
مثلا هنا في السعودية بعض البنوك يفرض غرامة على الارصدة التي تقل عن مبلغ معين (خمسون ريال كل شهر لاي حساب رصيده يقل عن خمسة الاف ريال) ولكن مؤسسة النقد السعودي الزمت البنوك بالغاء مثل هذه الغرامات
لان كثير من الوافدين او حتى المواطنين تودع مرتباتهم لدى البنوك وهي في مجملها تقل عن الخمسة الاف
الان صارت العملية اسهل وفتح الحساب صار اكثر يسرا بل وتطاردك البنوك بالمغريات لتحويل راتبك عليهم
اعتقد طبعا ان لبنك السودان (لو اراد) المقدرة على تشجيع وتحريك القطاع المصرفي ودفعه ليكون جاذبا لرؤوس الاموال ومدخرات المواطنين وخاصة المغتربين
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
تحياتي سيف
Quote: طالما الدولة ما زالت محاصرة دوليا من ناحية اقتصادية فلن يكون هناك حل حتى ولو تنازل الجنوب من كل بتروله للسودان الشمالى
وطالما استمر حكم السودان بنفس المنوال منذ العام 1989 |
وكلام اخونا الطاهر عثمان في نفس البوست
Quote: لو كانت الحكومة قدرت تقنع الناس بان القروش البتدخل البلد حتدخل في الاقتصاد
كانت تحويلات المغتربين فقط كفيلة بتغطية العجز ولكن |
شكرا لك يا سيف
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
تحياتي الامين كامل
| Quote: طرح جميل وحل اجمل لمشاكل المتغربين ( قصدت المتغربين دى ) ومشاكل الدوله ،، ياريت كلامك دا يجد من يسمعه وكلنا معك مستعدين نحول بالبنك وندفع ضرائب اذا وجدنا من يقدر ذلك ويشجعنا بقليل من مطالبنا العادله |
الحكومة تتسول في كل دول العالم وشايلا قرعتها وبرضو مش لاقيه شي
جربو مرة اتسولونا نحن المغتربين ديل وشروطنا ليست قاسية مثل شروط المانحين ومقدور عليها وهي في صالح البلد والمواطن بالداخل
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
تحياتي دكتور عبد المطلب
| Quote: واليوم جذب مدخرات واموال السودانيين بالخارج لا يحتاج الى اي اجراءات ولا سياسات .. فقط يحتاج الى القبول بتسليم التحويلات في الخرطوم بالعملات الاجنبية واعتماد سعر صرف حقيقي للدولار وليس سعر رسمي تتكسب من ورائه الصرافات وتجار العملات وسماسرة التحويلات والحكومة نفسها.. |
فعلا الموضوع يحتاج الى قرارات شجاعة والالتزام بها
تحرير سعر الصرف فعلا لا قولا فالحكومة تحرر سعر الصرف لمن يشتري منها ولكن تقيده لمن يريد ان يبيع !!!!
لذا لابد ان يتبع توجيهات بنك السودان اجراءات من وزارة المالية محفزة للمغتربين لتحويل مدخراتهم
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
تحياتي الصادق
Quote: لقد صرنا مؤمنين وأيماننا طفح الكيل ودفق ملى الواطة ... لذلك لن تعرف لنا العقارب والحيات طريقاً
لتلدغنا ...
وما يدريك لعله يمكر أو ينكص...؟؟
مؤسساتنا فى السودان تفتقد للمؤسسيه وتخضع لنظام الكوز ومزاجه ومصالحه لذلك أنصح جموع الشعب
السودانى المشرد فى المنافى أن لا يتم خداعه .. فلوسك وانت سيد نفسك |
دي الازمة التي اوقعت الحكومة فيها نفسها
انعدام الثقة والتي ليس بالسهل استعادتها فالاعتماد على سياسة الفهلوة واخبت والبع واختفي ادت لان يفقد المواطن ثقته بالنظام المصرفي عموما
وهذه بدات من ايام الانقاذ الاولى وعملية تبديل العملة (وهي فعلا م تكن عملية تبديل عملة بل كانت عملية اجرامية كاملة الاركان للاستيلاء على اموال المواطنين)
منذ تلك اللحظة صار المواطن لا يثق في بنك ولا في موظفي البنوك الفاسدين ولا سياسة بنك السودان المتقلبة حسب اهواء السياسة الكيزانية
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
استاذنا احمد الشايقي تحياتي
| Quote: لخصخصة وحرية التصرف في النقد والأصول الأخرى في السودان مجرد (كلام جرائد) والدولة عودت الناس على الحديث عن حرية الاقتصاد إعلامياً وتقييده والمنافسة فيه فعلياً وحتى الحريات التي يسمح بها فهي مخصصة لحاجة آنية معينة وتعود القيود فور انقضاء الحاجة |
فعلا لازال الكلام هو فقدان الثقة
المواطن وللاسف الشديد فقد الثقة بكل سياسة تصدر من الحكومة وصرنا بعد صدور اي قرار نبحث يمينا وشمالا بحثا عن المستفيد من هذا القرار
لاننا تعلمنا بالتجربة ان جميع القرارت الصادرة من الحكومة ليس المقصود بها مصلحة الشعب السوداني ولكن تماسيح الانقاذ واصحاب النفوذ
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: الفاتح شلبي)
|
سلامات يا هندسة
أعرف اسرة من نوع المغتربين الكان عندهم بيت في واحد من الاحياء الراقية في الخرطوم وكان مستأجر لحاجة كدا تبع الامم المتحدة وكان ايجارو كم ألف دولار
وكان يودع الايجار في حسابم في البنك ولفترة طويلة جدا (يمكن حوالي 18 سنة) لم يتم سحب اي مبلغ من الحساب
توفي المغترب ولما جا تقسيم الورثة ... ناس البنك قالو ليهم كان طلعت القمرة وجيت مافي ليك غير بالسوادني..... مافي دولار مافي دولار وطبعا بسعر صرف البنك
المهم الجماعة خلوا قروشم في انتظار لقرار زي دا.. واتمنى انهم يكونوا هم المستفيدين من القرار دا
تفتكر يا هندسة الناس ديل ممكن يخلوا ليهم جنية سوداني (خليك من دولار) تاني في حساب لو لقوا طريقة يسحبوا قروشم دي
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: سيف اليزل برعي البدوي)
|
تحياتي الفاتح شلبي
| Quote: أنا متنازل عن بقية شروطك للتحويل فى حال إيفائهم بـ إلغاء ما يسمى بجهاز المغتربين والإعتذار رسمياً عن إنشاء هذا الجهاز |
لوووول
الاعتذار كمان دي ما تعشم حتى لو ذهبت الحكومة دي وجاءت حكومة ديمقراطية الاعتذار ده عندنا هنا في المنبر بس :)
من الافضل تحويل الجهاز لمدافع عن المغتبين بدلا من جهاز للهمبتة
يعني يكون عونا لنا بدلا من ان يكون عونا علينا
| |
|
|
|
|
|
|
|
|
|
Re: بنك السودان وتوجيهات جديدة فيما يخص العملات الاجنبية (Re: محمد إبراهيم علي)
|
تحياتي ابو طالب القرشي
Quote: عرف اسرة من نوع المغتربين الكان عندهم بيت في واحد من الاحياء الراقية في الخرطوم وكان مستأجر لحاجة كدا تبع الامم المتحدة وكان ايجارو كم ألف دولار
وكان يودع الايجار في حسابم في البنك ولفترة طويلة جدا (يمكن حوالي 18 سنة) لم يتم سحب اي مبلغ من الحساب
توفي المغترب ولما جا تقسيم الورثة ... ناس البنك قالو ليهم كان طلعت القمرة وجيت مافي ليك غير بالسوادني..... مافي دولار مافي دولار وطبعا بسعر صرف البنك
المهم الجماعة خلوا قروشم في انتظار لقرار زي دا.. واتمنى انهم يكونوا هم المستفيدين من القرار دا
تفتكر يا هندسة الناس ديل ممكن يخلوا ليهم جنية سوداني (خليك من دولار) تاني في حساب لو لقوا طريقة يسحبوا قروشم دي |
الناس دي طبعا الدين عندها قشرة وقشرة
اموال اليتامى والارامل عندهم حلال بلال
فعلا الناس فقدت الثقة بصورة كبيرة واستعادتها تحتاج الى جهود وافعال اكثر من الاقوال
| |
|
|
|
|
|
|
| |
محمد إبراهيم علي
Al-Shaygi
ibrahim fadlalla
مهدي صلاح
سيف اليزل برعي البدوي
محمد عوض السيد
د.عبد المطلب صديق
الصادق سيكا
أحمد الشايقي
الفاتح شلبي
فيس بوك
تويتر
انستقرام
يوتيوب
بنتيريست