|
بين قوسين
|
بين قوسين
افتح قوس و دون شيتن بقا حديث الساعه0 شايلنو شفع ويكوركو هناك مع الباعه0 بلدا نفض ايدو ومرق من بيت الطاعه0 ومنو الماسمع بالسمسار والبلد القسموهو ووزعوهو وكل واحد شال حقو بضاعه0 المهم اتفقو لو بى قناعه0 اوبى عدم قناعه0 وناسن مامحتاجين للبيعه بس عملوها وعلقوها على الشماعه0 وكدى افتح اى تلفزيون او اى اذاعه0 تلقا الخبر الموت والحروب والمجاعه0 والخواجة جاهز وشايل السماعه0 ويشخص للبلد المريض اوجاعا0 وناس محمد ود الخير وجنا سمساعه0 ضاربين الخلا وساكين الفقاعه0 والعصفور تحت الزير مدسى من الهجير وراجيهو يسيل ويشرب من نقاعا0 وام الخير خرمانه لى كباية شاى بى نعناعه0 والكل صابرين وراجين منو الشفاعه0 نقفل القوس ونبدا حكاية البلد التانى0 قامو عيالو بى ثورة وبدو يحنو للقديم من تانى0 وعواد وسعيد وود وردانى0 اتقاسمو البلد والادوار واها ياربى الدور على منو ومنو التالى والتانى0 اوعه تقرا كلامى البين قوسين0 وماهى احلقيقه ومابتغالطو فيها اتنين0 وبس بقينا مبنفرق بين السمح والشين0 وطنا ناسو عانو الامرين0 وراجين الخلاص بى بركة دعاء الوالدين0 شعبا عايش على الكفاف والدين0 ومنو الماعندو كراس للجرورة ودين0 سؤال بسيط واصلو السمع مو متل شوف العين0
|
|
|
|
|
|