|
|
 فضحتونا يا(بلويت) يامن تتسألون عن سودانية (حلايب)!
|
يا جماعة .. مطلوب النجيضة .. حلايب سودانية أم مصرية ؟
حقيقة هذه فضيحه....
ان يكتب سودانين بكل جهل هذه الاسئله الغبيه....
لما انتو ما عارفين ما تنطموا...يعني خلاص ميتن في سبيل الحق؟!
معليش لكن انا زعلانه شديد.
عارفين ليه؟!
لانه هذا ليس امر يفتي فيه في الاسافير.
لما انتو ما عارفين البوديكم تكتبوا شنو عن الامر؟!
الا تعلموا للاسف كتابتكم الجاهله هذه قد تصير (مصدر) غدا لاي متسلط انتهازي آخر؟!
الم تروا المصرين المستهبلين يحضروا في دكاترة التاريخ و الجغرافيا و العلوم السياسيه و القانون الدولي ليشاركوا كلهم في الفبركه؟!
ونحن مجرد هواة اسمهم (بورداب) عايزين يفتوا في شأن خطير مثل هذا؟!
وحقيقية لا تزعلوا ولكن يفترض الا يبتدر اي شخص بوست مثل هذا اذا كان جاهل او متشكك!
تخيل اهل حلايب الهم سودانين مائه في المائه عندما يطالعوا حروفكم هذه؟!
اهل حلايب لعلمك لا يقلوا صلة بنا عن اي ناس رجل الفوله ولا الدلنج ولا حلفا ولا ارقين ولا شندي ولا مروي ولا القضارف ولا سنار...! و لا الخرطوم ولا ام درمان ولا بحري
نحن اهل الشرق لنا دم ولحم معهم.
وكان طلاب حلايب رفاقنا بكل روابط البحر الاحمر ان كانت فرع جامعة القاهره بالخرطوم
ولا طلاب بجامعة الخرطوم ولا جامعة الجزيره ولا جامة ام درمان الاسلاميه!!
فهل تقدروا كم الفضيحه التي ترتكبوها بحقهم بجهلكم الفاضح هذا وحرصكم ان تخوضوا في الامر؟!
اي سودانين هم هؤلاء الذين يتسالون مثل هذه الاسئله الغبيه؟!
هذه الاجيال التي تعلمت في الانقاذ علي ما يبدو.
يعني ببساطه بكره (تشاد) لو نازعتنا في (الجنينه) برضو ممكن يتجرأ البعض بالكتابه بمثل هذا النحو فقط لانه ليس من تلك النواحي!!
ولا (اثيوبيا) ولا (ارتريا) تنزعنا في(كسلا) برضو تعالوا قولوا نفس الكلام الخايب ده.
دعوني احكي لكم تجربتي عن معرفتي بحلايب
حضرنا لبورتسودان منقولين من نيالا في عام 1977
وكان ابي (رحمه الله)يشغل منصب (مدير مكتب المحافظ)و كان المحافظ هو الرائع من رجالات الخدمه المدنيه الممتازين عمنا(عبد الرحمن سلمان) رحمه الله.
عم عضو المنبر د.عبد المنطلب صديق. وقد عمل معه ابي في دارفور التي انتقلنا لها في 1971 و عمل ابي بالخدمه المدينه بنيالا منقولا لها من طوكر
منذ عام 1971 الي عام 1977.
طوال هذه الفتره منذ 1977 وحتي عام 1991 ونحن في قلب الحداث السياسيه بولاياة البحر الاحمر بحكم منص و الدي.
نرجع لحلايب.....
ونحن في بورتسودان
كثيرا ما سافر و الدي مع المحافظ لحلايب سفريات رسميه مثلما كان يسافرون في كل ولاية البحر الاحمر.
ومثلما يحدثنا عن صمد وسنكات وجبيت واربعات و الرقبه وطوكر و اشت و اروما كان يحدثنا عن حلايب وشلاتين!
بل ترسخ حلايب في ذكرتنا لانهم كانوا يجلبون لنا منها حلوي (اللكوم )و وصابون (لايف بوي ) و كانت تنشط بها تجارة الحدود و (التهريب) ! اي كانت هي حدودنا مع مصر.
وكثير ما كان يحدثني ابي عن اهلنا البشارين وعن (جمالهم(الابل) الجميله) واذكر مره جاءنا بحليب ابل كثير وقال لامي وصفه له البشارين كعلاج للرطوبه!
وعاصرنا في تلك الفتره وضع حجر الاساس ل(قرية عروس )السياحيه!
وعاصرنا افتتاحها بل تمتعنا حقيقة باكثر من اجازة بها!
قرية عروس التي عرفنا لاحقا انها صارت محطه (لعمليات ترحيل الفلاشا) منها!
واذكر المسافه لحلايب كانت بعيده لذا يقضون الليل بها. ولا تكون زيارتهم في يوم واحد فقط.
ولاحقا ايضا مع انتشار (تجار العدة) البحموا بالبيوت عرف كل اهل بورتسودان انه(من حلايب يحضر المهربين) ارخص انواع(العده) من مصر!
وكانت هنالك نقطة جمارك وعساكر جمارك وعساكر بوليس وجيش!
ومضت السنين وقامت ثورة ابريل واقيل النميري و اذكر اثناء انتخابات اتحاد الطلاب وانا ادرس بجامعه بالاسكندريه ان تحدث الي احد طلاب حلايب وهو عضو معي وقتها
برابطة طلاب البحر الاحمر بالجامعات و المعاهد المصريه.
وكان حقيقي يشكوا من ظلم المركز.....وطبعا كنت وقتها مجرد برلومه ولا افقه كثير في السياسيه وصراع مركز و هامش هذا لم يكن واضح بعد بعقلي.
كان يشكي لي انه لايوجد اي بوليس ولا جيش وقتها...هذا الكلام في حدود عام 1986.
وانه اهالي حلايب ذهبوا للخرطوم في وفد واعلنوا انهم مستعدين يدفعوا رواتب العسكر بس يعينوهم ليهم لحفظ حدود السودان!! ورغم كده لم تستجيب الخرطوم!!
عرفتوا التفريط بدأ منذ متي؟!
ولا اعرف ان استجابوا لهم لاحقا ام لا.
ولن اقول آخيرا ما يجب ان يرسخ في ذهن اي سوداني......هو البطل( محمد عثمان حامد كرار )احد اهم شهداء العاشر من رمضان و الضابط الاميز في سلاح الجو السوداني
هو ابن احد عمد حلايب وهو العمده حامد كرار!
يبقى تخيلوا يا سودانين ان حلايب كان شبابها طيارين بطيرانكم وليس بطيران المصرين ويدافعون عن ارضكم وليس ارض المصرين
وان بعض اميزهم( اعدم )وهو يفكر باعادة الديمقراطيه لكم و يآتي من يتسائل بكل ضحاله وعدم مسؤليه هل( حلايب سودانيه او مصريه)؟!
تاكد اخوتي ان عظام البطل (محمد عثمان حامد كرار) قد تململت بقبره الآن حزنا على اهله البشارين.
وليعلم البشير ان جريمته تجاه اهل حلايب لا تغتفر الا يكفي انه باعدامه لنوارة شبابهم هذا (محمد عثمان حامد كرار ) قد القي بهم للتهلكه؟!
وانه عليه واجب تاريخي غير كونه رئيس كونه مسؤل عن مقتل هذا(القامه السودانيه) الا يفرط في ارض اهله؟!
ـــــــــــــــــــــــــــــــــــــــــــ
(بلويت) تعادل(جلابه) بلغة البجا
ومن يتناقش بهذه الضحاله عن بقعه عزيزه على شعب البجا
وتضم رحما لهم ودم فعلا يثبت انه غريب عن اهل تلك الديار ويتسحق وصف بلويت بلا تردد!
|
|
 
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: Tragie Mustafa)
|
الأخت الفاضلـة تراجى،
الإنقاذ نجحت فى خلق جيل جاهل بوطنـه.
| Quote: اهل حلايب لعلمك لا يقلوا صلة بنا عن اي ناس رجل الفوله ولا الدلنج ولا حلفا ولا ارقين ولا شندي ولا مروي ولا القضارف ولا سنار...! و لا الخرطوم ولا ام درمان ولا بحري |
بل نحن أقرب اليهم من كل أولائك مجتمعين.. فإن قرابـة الدم والإرث واللغة والأرض لا تدانيها قرابـة.
السودانيين فى هـذا المنبر أثبتوا أنهم مواطنى دول أكثر منهم مواطنى دولة واحـدة.
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: Tragie Mustafa)
|
الاخ الفاضل ابو الريش تحياتي
وشكرا على المرور.....
Quote:
الأخت الفاضلـة تراجى،
الإنقاذ نجحت فى خلق جيل جاهل بوطنـه.
| Quote: اهل حلايب لعلمك لا يقلوا صلة بنا عن اي ناس رجل الفوله ولا الدلنج ولا حلفا ولا ارقين ولا شندي ولا مروي ولا القضارف ولا سنار...! و لا الخرطوم ولا ام درمان ولا بحري |
بل نحن أقرب اليهم من كل أولائك مجتمعين.. فإن قرابـة الدم والإرث واللغة والأرض لا تدانيها قرابـة.
السودانيين فى هـذا المنبر أثبتوا أنهم مواطنى دول أكثر منهم مواطنى دولة واحـدة. |
معليش يا اخوي بس ما عليهم لوم صمتكم جميعا يا اخي هو من رسخ هذا الجهل...رجاء اكتبوا...واكتبوا...واكتبوا....فللشرق قضيه وكتابها قلة.
رجاء اكتبوا فهم لا صوت لهم الا نحن.....وانتم ضليعين وملمين بالحال و بكل التفاصيل وكفوا عن الصمت.
لاهلنا لابشارين علينا حقوق ولا مجال للصمت.
شكرا لك وانت من اقرباء الفاضل اعظم مؤرخين ضرار صالح ضرار....فرجاء اكتب لنا ن تلك البقاع الحبيبه.
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: الخير محمد عوض)
|
| Quote: معليش لكن انا زعلانه شديد. |
انا قبل يومين اختلفت مع زميل و صديق مصري معاي في الجامعة في موضوع طمع المصريين في السودان خاصةً مياه النيل.
و احتد النقاش عندما وصلنا موضوع اثار النوبة و عندما وصلنا موضوع حلايب اي زول مشى في درب لأن حسب اعتقادي
الموضوع ما بقبل اي مساومة و ده نهب وهمبتة عديل كده. ديل استغلوا بساطة السودانيين و سرقوا تاريخ النوبيين و وضعوا في متاحفهم و الباقي صدروه اروبا و تاني عاوزين يأخذوا حاضرنا...كلام ما مقبول.
ماما تراجي: براح على الشباب........اللغة كانت حادة شوية.
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: Sameer Kuku)
|
سلام يا تراجي ....
أكتبي ... واكتبي ... ولا تعتذري لغضبك.
البوست ده مهم شديد .... كتير من الأعضاء والقراء (إن لم يكن معظمهم) يجهلوا الكثير عن مسألة حلايب وأراضي البشاريين. حتى من ينبري مدافعاً عن سودانية حلايب - في الغالب - يفعل ذلك بدافع غيرة وطنية دون إلمام بالتفاصيل. هنا يأتي دورك ودور الأخ Abureesh وكل أبناء الشرق والعارفين بتاريخ المنطقة والعارفين بالديموغرافية.
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: هاشم نوريت)
|
Quote: حلايب ياتراجى ارض بجاوية وليست سودانية وناس البشير وبقية الدهماء لايهمهم لا حلايب ولا اوغادين ديل ناس عنب وبيع وشراء ما تحرقى دمك فيهم لان انسان السودان ليس له قيمة عندهم تقولى لى ارض
وبعدين اشعار شنو هل سكن حلايب وشلاتين غيرنا وبعض اهلنا العبابدة؟
الله فرجينى |
وما معني بجاويه وليست سودانيه...!!!!!!
هل انت بجاوي و ليس سوداني!!!!!!!
و ما الفرق بينك و بين الكيزان في تقسيم السودان للجهويات ...
اما اذا كنت تدعو للانفصال عن السودان فهذا موضوع اخر
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: هاشم نوريت)
|
يعني هسع مثلا يا استاذة لو الموضوع بتاع حلايب مشى المحكمة ..
ممكن يعتبر كلامك ده مرجع قانوني معترف بيهو ؟
معليش يعنى وصفتى الناس بالجهل وووووووووووووووو
لكن ما كتبتى معلومة عن احقية مطالبة السودان بحلايب
ووين المستندات الممكن ترجع بيها حلايب
او الحرب الممكن ترجع بيها حلايب
استهبال المصرييين .. ما بتعاملو معاهو بالحكاوي والقصص عن الطفولة وجمال المنطقة
سؤال صاحب موضوع حلايب سؤال مهم .. عشان الناس تعرف الحقائق لما تتكلم عن حلايب
لكن اذا حا نتكلم عن حلايب انها حقتنا .. استنادا على قصص تراجي وذكرياتها
ياها حلايب .. الما شفناها تانى
تحياتي
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: وضاح عبدالرحمن جابر)
|
معليش يا رفاق استاذنكم بالقفز لوضاح الجابر هذا....
يا وضاح اختشي
Quote:
يعني هسع مثلا يا استاذة لو الموضوع بتاع حلايب مشى المحكمة ..
ممكن يعتبر كلامك ده مرجع قانوني معترف بيهو ؟
معليش يعنى وصفتى الناس بالجهل وووووووووووووووو
لكن ما كتبتى معلومة عن احقية مطالبة السودان بحلايب
ووين المستندات الممكن ترجع بيها حلايب
او الحرب الممكن ترجع بيها حلايب
استهبال المصرييين .. ما بتعاملو معاهو بالحكاوي والقصص عن الطفولة وجمال المنطقة
سؤال صاحب موضوع حلايب سؤال مهم .. عشان الناس تعرف الحقائق لما تتكلم عن حلايب
لكن اذا حا نتكلم عن حلايب انها حقتنا .. استنادا على قصص تراجي وذكرياتها
ياها حلايب .. الما شفناها تانى
تحياتي |
فاكر انه دمك خفيف......
انا لا قلته انا خبيره ولا متخصصه....لكني اعرف متخصصين يهزوا ويرزوا
ومثبته حلايب سودانيه على فكره الا للجهله الزيكم....وقد نجح شباب البجا في تثبيتها في مكتبة الكونجرس الامريكي(انها سودانيه) ما تفتكر الناس نائمه!
وقد كتبت بوست من قبل بتهنئتهم بهذا الانجاز.
انا اكتب (ونسه) كما قلت للاسهام في التراث الشعبي.....
طالما انت ممكن تونسنا بذكرياتكم في مروي ولا الدمازين
لابد ان يكتب البعض ما يعرفه عن حلايب....وهذه قدرتي
المصرين لن يذهبوا بها للتحكيم الدولي لانهم عارفين انها سودانيه عشان كده عايزين حلول مثل الكانت!
وبعدين وانت بتكتب اي كلمه في هذا الشأن تأكد انه (المخابرات المصريه) باركه في هذا الموقع فرجاء كف عن الاستظراف عن قضية حلايب.
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: Tragie Mustafa)
|
Quote: فاكر انه دمك خفيف......
انا لا قلته انا خبيره ولا متخصصه....لكني اعرف متخصصين يهزوا ويرزوا
ومثبته حلايب سودانيه على فكره الا للجهله الزيكم....وقد نجح شباب البجا في تثبيتها في مكتبة الكونجرس الامريكي(انها سودانيه) ما تفتكر الناس نائمه!
وقد كتبت بوست من قبل بتهنئتهم بهذا الانجاز.
انا اكتب (ونسه) كما قلت للاسهام في التراث الشعبي.....
طالما انت ممكن تونسنا بذكرياتكم في مروي ولا الدمازين
لابد ان يكتب البعض ما يعرفه عن حلايب....وهذه قدرتي
المصرين لن يذهبوا بها للتحكيم الدولي لانهم عارفين انها سودانيه عشان كده عايزين حلول مثل الكانت!
وبعدين وانت بتكتب اي كلمه في هذا الشأن تأكد انه (المخابرات المصريه) باركه في هذا الموقع فرجاء كف عن الاستظراف عن قضية حلايب.
|
ما فاكر انو دمى خفيف .. انا متأكد انو دمي خفيف
بس انا مستغرب انك عاوزة (تحجرى) على الناس انها تتكلم عن حلايب ؟
وانو انتى وذكرياتك ليكم الحق انو تتكلمو عن حلايب ؟
طيب فى ظل سكوت الكيزان .. واصرار المصرييين .. ما مفروض الناس تتكلم عن حلايب ؟
وتجتهد فى اثبات احقية السودان لحلايب ؟
مش عشان اقناع المصريييين .. او الكيزان ... او المحكمة الدولية
عشان ما يحصل تغبيش لحلايب فى اذهان السودانييين نتيجة للسكوت وعدم الحديث عنها
من حق عضو المنتدى انو يفتح الموضوع فى تشكل تساؤل
حتى يكتب من يكتب وتزداد المعرفة ويجى (الخبرا والمتخصصين) الانتى ذكرتيهم عشان ينوروا الناس بحلايب وباحقيتنا
وهسع لو ما الزول ده كتب عن حلايب كنتى انتى كتبتى ؟ وحتى لو كتبتى زمان .. المشكلة شنو الناس تكتب كل يوم ؟
والمنبر بقروهو الالاف .. وفيهم من يعرف حلايب وفيهم من لايعرف حلايب ؟
انت عارفة خطة المصرييين شنو فى حلايب ؟
شوفى الاعلام ثبت فى ذهن المصرييين انو حلايب مصرية .. عبر برامج اعلامية مركزة شديد ونشرات وخرائط وووووووووووووو
وانتى عاوزة الناس ما تكتب ؟
حتى وان كان سؤال صاحب الموضوع مطروح بصيغة الزول الما عارف وعاوز يعرف
ده ما بعني انو متخلى عن حلايب وانو ما بتهمو وما بطالب بيها
لكن بتعنى اهتمامو .. وسعية لمعرفة الحقائق
حتى اذا طالب وناضل يناضل عن بينه
وكتر خيرو السأل
لانو افضل من عدم السؤال .. والاستسلام للأمر الواقع
تحياتى
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: وضاح عبدالرحمن جابر)
|
Quote:
طيب فى ظل سكوت الكيزان .. واصرار المصرييين .. ما مفروض الناس تتكلم عن حلايب ؟
وتجتهد فى اثبات احقية السودان لحلايب ؟
مش عشان اقناع المصريييين .. او الكيزان ... او المحكمة الدولية
عشان ما يحصل تغبيش لحلايب فى اذهان السودانييين نتيجة للسكوت وعدم الحديث عنها
من حق عضو المنتدى انو يفتح الموضوع فى تشكل تساؤل
حتى يكتب من يكتب وتزداد المعرفة ويجى (الخبرا والمتخصصين) الانتى ذكرتيهم عشان ينوروا الناس بحلايب وباحقيتنا
وهسع لو ما الزول ده كتب عن حلايب كنتى انتى كتبتى ؟ وحتى لو كتبتى زمان .. المشكلة شنو الناس تكتب كل يوم ؟
والمنبر بقروهو الالاف .. وفيهم من يعرف حلايب وفيهم من لايعرف حلايب ؟
انت عارفة خطة المصرييين شنو فى حلايب ؟
شوفى الاعلام ثبت فى ذهن المصرييين انو حلايب مصرية .. عبر برامج اعلامية مركزة شديد ونشرات وخرائط وووووووووووووو
وانتى عاوزة الناس ما تكتب ؟
حتى وان كان سؤال صاحب الموضوع مطروح بصيغة الزول الما عارف وعاوز يعرف
ده ما بعني انو متخلى عن حلايب وانو ما بتهمو وما بطالب بيها
لكن بتعنى اهتمامو .. وسعية لمعرفة الحقائق
حتى اذا طالب وناضل يناضل عن بينه
وكتر خيرو السأل
لانو افضل من عدم السؤال .. والاستسلام للأمر الواقع
تحياتى |
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: أنور سيد ابراهيم)
|
Quote: سلام يا تراجي ....
أكتبي ... واكتبي ... ولا تعتذري لغضبك.
البوست ده مهم شديد .... كتير من الأعضاء والقراء (إن لم يكن معظمهم) يجهلوا الكثير عن مسألة حلايب وأراضي البشاريين. حتى من ينبري مدافعاً عن سودانية حلايب - في الغالب - يفعل ذلك بدافع غيرة وطنية دون إلمام بالتفاصيل. هنا يأتي دورك ودور الأخ Abureesh وكل أبناء الشرق والعارفين بتاريخ المنطقة والعارفين بالديموغرافية. |
كلام سليم وجدير بالإهتمام
مع التقدير
| |
|
|
|
|
|
|
|
|
 Re: فضحتونا يا(بلويت) يامن تتسألون عن سودانية (حلايب)! (Re: Jamal Mustafa)
|
Quote: ان يكتب سودانين بكل جهل هذه الاسئله الغبيه....
لما انتو ما عارفين ما تنطموا...يعني خلاص ميتن في سبيل الحق؟! |
السؤال الأول: هل تعترف تراجي مُصطفى بالحدود التي وضعها الاستعمار والتي حدّدت من أين تبدأ أرض السودان وإلى أين تنتهى ؟
السؤال الثاني: هل تعلم تراجي مُصطفى أنّ مصر كانت شريكة في استعمار السودان ؟
السؤال الثالث: إذا اعترفت تراجي مُصطفى بالحدود التي وضعها الاستعمار للسودان .. وعلى ضوء ذلك هل ستعترف تراجي مُصطفى بتبعية حلايب للسودان أو لمصر بناءاً على هذا الاعتراف ؟
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: صبري طه)
|
Quote: أبو الريش كتب: الأخت الفاضلـة تراجى،
الإنقاذ نجحت فى خلق جيل جاهل بوطنـه.
بل نحن أقرب اليهم من كل أولائك مجتمعين.. فإن قرابـة الدم والإرث واللغة والأرض لا تدانيها قرابـة.
السودانيين فى هـذا المنبر أثبتوا أنهم مواطنى دول أكثر منهم مواطنى دولة واحـدة.
|
أعترف بأنّني درست الجامعة في عهد الإنقاذ ..
وإن جاءت دراستكم ما قبل الإنقاذ فهذا لا يمنحكم أيّ امتياز !!!
السؤال لك يا أبو ريش: هل تعترف بالحدود التي وضعها الاستعمار ؟
ــــ
ثمّ من يُريد أن يضم قطعة أرض معيّنة لبلد معيّن بناءاً على إثنية/إثنيات معيّنة .. فهذا الذي يستحق لقب الجاهل بجدارة ...
وأقول له: عليه أن يقتطع بعضاً من أراضي السودان في شرقه ويضمها إلى إريتريا .. وبعضاً من أراضي السودان في غربه ويضمّها إلى تشاد !!
ثمّ ما رأيكم أنّ يتم توزيع الأرض على حسب فحص الـ DNA 
شفتوا الجهل مُصيبة كيف ؟
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: صبري طه)
|
طريقان لا ثالث لهما
الحرب وتعود الارض المحتلة الى السودان
التحكيم الدولي ... وتعود الارض المحتلة الى السودان
الحكومة خلوها في خيباتها
والاحزاب اخير امس
الشعب هو البرجع حقو وهو البثبتوا
وفوق ده كلو لا لمنح الهبات للمصريين
لا لبيع السودان للمصريين
.................................................
الاستاذة /تراجي تحياتي وشكراً
| |
|
|
|
|
|
|
|
|
 Re: فضحتونا يا(بلويت) يامن تتسألون عن سودانية (حلايب)! (Re: صبري طه)
|
| Quote: انا اكتب (ونسه) كما قلت للاسهام في التراث الشعبي..... |
ونســة ..؟
جاية تتونسى لينا هنا في الفين وطلطاشر .. وانت من سنة ستة وسبعين تتحاومي بي عربات الحكومـة وبي قطارات الحكومـة ..؟
ووين الابوني حقك .. الكانو مدنك ليهو ناس ثورة مايو المجيدة ..
لاحظ يا عزيز ابو روضـة القارئ .. عليك الله شوف ليك جنس ونسـة زي دي ..؟
تراجي تجي تونسنا بي سنكات والرقبـة وعروس .. وابو روضـة يقتبس ..
طيب بالمناسبة دي ووين الباقر جكس .؟
الباقر جكس احد قادة الفجر الجديد ، وعودو برضو راكب في اي جلكسات مسلحة ..
اين الباقر جكس وكان في وقت سابق قد منع الونسـة منعا باتا خاصة تلك الونسة التي تجمع بين رجل وإمراة في هذا المكان .
لازم يجي يدق كاروشة في البوست دا .. ويثبت لينا الحتة بتاعت الونسة دي ..
تراجي مصطفى تونس البورداب وتفتي في موضوع حلايب وتعرصــة دول البلقـان ..
تراجي تفتي .. وابوروضـة يقتبس .. وقريمان تمنية قيقا في راحة واجازة بدون مرتب 
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: tmbis)
|
| Quote: فضحتونا يا(بلويت) يامن تتسألون عن سودانية (حلايب)! |
انت بتجي تهضربي هنا وتمشي لمن يجو الناس بالوثائق وقانون التحكيم الدولي(البصائر) ذى ما بقولو اهلنا اليمنيين هنا- والوثائق قاعدة في بوست قديم في الارشيف بجيبو هنا نسخ لصق واخلي تمبس يخلي اليتفرج يما يشتريش والله فعلا عرفت-الانقاذ دي قاعدة ليه..
بساءلك سؤال واحد
هل مثلث حلايب يقع شمال ام جنوب خط22 الذى تم تعريف السودان به في 1889 ؟؟
بالقوة ما يتقلعوها .. بعدين البلجا للتحكيم الدولي احسن يعمل حسابه لعملية الاستفتاء كمرجعية للسكان المناطق المتنازع عليها ولن يسمحو ببقاء ناس في دولة لا يحبونها ومصر تعرف ذلك وتقدم كافة الخدمات للمنطقة وحتما سيؤثر في خيارتهم المستقبلية وانت عارفة الانقاذ دي الحمار الضكر مع بقعد معاها.. ما يتخدم حتى ناس الخرطوم نفسهم ...ناس تمبس...
مش كده يا البسوس ولى لا
بعدين ان جلابي وافتخر....
لانه مفرداتك في البورد ما اطورت ابدا وكذلك وعيك
انقرعي
خليتي دارفور بعد اتمزقت ايدي سبا وجيتي الشرق..
البسوس حالك تحنن الكافر
قالت زعلانة شديد..عشان حلايب
امال انفصال الجنوب عمل ليك شنو؟؟
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: صبري طه)
|
حتى وقت قريب خريطة السودان القديمة التى عرفناها واضح مثلث حلايب فى أعلاها
على اليمين و بدأنا نلاحظ تغيير الخريطة القديمة و نجح المصريين فى تغييرها بأمتياز
دار الوثائق السودانية زاخره بالكثير و أذكر عندما أحتكم المصريين و الأسرائيلين فى لمن
الحق فى طابا ... وجدت خريطة فى دار الوثائق السودانية أثبتت أحقية مصر فى طابا
لذا على الحكومة السودانية أن تلجأ للتحكيم الدولى ... و هذا الحل .
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: Tragie Mustafa)
|
الاخت تراجي رغم اني لا اتداخل معك كثيرأ لكن اكبر فيك اثباتك واستماتتك في هذا البوست في احقية حلايب والتي هي مثل قرص الشمس في تبعيتها للسودان ولا يكابر فيها المصرين الا لانهم يدركون المواقف التي تخدمهم كثيراً حسب الظروف الانية ومن المفترض ان تفرد مساحة في التلفزيون القومي بصورة راتبة ودمج حلايب وشلاتين ضمن النشرة الجوية والاخبار يوميا في التلفزيون القومي و ان يقوم اهل السودان عامة و اهل الشرق خاصة بدفع اصواتهم في الانتخابات المقبلة لمن يقوم بارجاع حلايب الى حظيرة الوطن .
وبخصوص
| Quote: قرية عروس التي عرفنا لاحقا انها صارت محطه (لعمليات ترحيل الفلاشا) منها! |
فقط ارجوا ان تفيضي لنا عن هذه العملية التي ذكرتي عن تهريب الفلاشا عبر عروس المنطقة البحرية التي تبعد كيلومترات عن منطقة الرقبة وحلوت و التي ربما عندك الكثير على ما يبدوا حول هذه العملية.
تحياتي
احمد
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: احمد عمر محمد)
|
طيب ياتراجى ممكن تشرحى لينا الطريقة التى تناولت بها الاعلامية المصريه (لميس الحديدى) هذا الموضوع.
هل كانت بتسال عن تبعية حلايب لمصر ام السودان رغم قنعاتها ولا حاجه تانية .
وهل الكلام ده ممكن يؤثر على قناعات المتابعين للبرنامج من جمهور الشعب المصرى الذين ليس لديهم معلومة علمية مقنعه عن تبعية حلايب.
البيمنع شنو إنه نجيب معلومات من متخصصين وخبراء يفيدوا بيها الناس ويقدروا يناقشوا بيها غيرهم بصورة علمية اكتر بدل الحكى والونسه .
رغم قناعتى التامة بان حلايب سودانية تاريخا وجفرافيا وحضارة وثقافه ولغة ولكن لامانع من مناقشة الامر وإضافه معلومة تاريخية أو علمية جديده لى.
| |
|
|
|
|
|
|
|
|
|
Re: فضحتونا يا(بلويت) يامن تتسألون عن سودانية (حلايب)! (Re: بدرالدين الطائف)
|
يا بدر الدين وصبري طه
وكل من شارك في ذلك البوست
ممكن تكتبوا وبالعكس اذا تابعتم الارشيف اي عضو كتب عن حلايب حتلقوا كنت بدخل اشكره اولا ومن ثم اكتب ما اشاء
اما عنوان صبري طه مستفز وغير صحيح لغويا.
ما بهكاذ عناوين يكتب عن قضيه معترفين بها.
اقدر انه اتكتب معلومات مفيده وتابعت خرط وغيرها
ولكن العنوان نفسه كارثه!
الرجوع للحق فضيله يا صبري......
كان ممكن ان تكتب وللذين لا زالوا يغالطوا عن سودانيه حلايب
او للمصرين نقول حلايب سودانيه.....او...او....الخ.
اما ان تكتب يا جماعه النجيضه شنو حلايب مصريه او سودانيه؟!
هذا عنوان بائس بحق ويجعل النفي و الاثبات في مكانة واحده.
شكرا لك وارجو ان تقدر غضبتي المضريه.
| |
|
|
|
|
|
|
| |
Tragie Mustafa
Abureesh
عرفات حسين
الخير محمد عوض
محمد أبوالعزائم أبوالريش
waleed nayel
هاشم نوريت
وضاح عبدالرحمن جابر
فرح الطاهر ابو روضة
Jamal Mustafa
الجنيد حمد
tmbis
adil amin
على عبدالله بشير
احمد عمر محمد
بدرالدين الطائف
بجاوى
فيس بوك
تويتر
انستقرام
يوتيوب
بنتيريست