|
|
 وسيصورون لنا (جمال الوالي) باعتباره المنقذ الوحيد للمريخ !!!
|
وهم يعلمون بأن هزيمة الأمس لم تكن نتاج الأمس فحسب بل هي امتداد لسياسات الفشل الاداري
والتخبط وعدم الجدية وغياب العلمية التي ارساها جمال الوالي في المريخ !!!
بالله ما دايرين اى حديث عن طابق شاخور والنجيلة ......... الخ
ويكون احسن ترجعونا محل ما انقذتونا ....... على الأقل في الكورة والمريخ 
|
|
  
|
|
|
|
|
|
|
 Re: وسيصورون لنا (جمال الوالي) باعتباره المنقذ الوحيد للمريخ !!! (Re: omer osman)
|
يا جنابو
العقلية البتسجل هيثم مصطفي وعلاء في المريخ مكاواة للهلال دي عقلية عايزا كنس وغسيل نظيف قبل ما نشوف
الممكن يكون رئيس المريخ منو .
بالمناسبة القون التاني بتاع أمس دا كان بى سبب هيثم مصطفي أولا وعلاء الدين شلاليت لا غيرهما..
هيثم مصطفي الراجل شات الكورة من قدامو ولو كان فيهو مروة كان نط فيهو وقفلو قبل ما يشوت لكن طبعا
للسن أحكام وللغيرة على الشعار أحكام أقوي ...
وعلاء الدين شلاليت سارح في مكان تاني ومشغول بدفير لاعبي الخصم وسوء السلوك كالعادة
لأنو الحتة الشاتو منها الكورة دي حتتو .. شفت كيف انو العقلية القلتا ليك عليها دي سبب البلاوي
دي كلها ؟؟؟
| |
|
|
|
|
|
|
|
|
|
Re: وسيصورون لنا (جمال الوالي) باعتباره المنقذ الوحيد للمريخ !!! (Re: طلحة عبدالله)
|
Quote: العقلية البتسجل هيثم مصطفي وعلاء في المريخ مكاواة للهلال دي عقلية عايزا كنس وغسيل نظيف قبل ما نشوف
الممكن يكون رئيس المريخ منو . |
فعلا ياطلحة مشكلتنا في (العقلية) لاتسجل حسب الخانات او احتياجات الفريق
فقط تسجل فلان لان ناس الهلال عاوزنو او الهلال يسجل علان عشان ناس المريخ عاوزنو ...
اما سوء سلوك علاءالدين وبلة جابر حقيقة حير الطب والطبيب بالمناسبة علاءالدين امبارح مفروض
ياخد كرت احمر في الشوط الأول بس رجل الخط عمل نايم (ضرب ليهو زول كف وال بونية ما عارف)
| |
|
|
|
|
|
|
|
|
 Re: وسيصورون لنا (جمال الوالي) باعتباره المنقذ الوحيد للمريخ !!! (Re: omer osman)
|
انت ما سمعت " سعادتو " م ح ج امس قال شنو؟
قال ليك لو المريخ غلب انا حا امشي ابقي حركات مسلحة ..
تقول لي غدارة ووالي وطلحة عبد الله وهلمجرا...
يآخي قوموا لفو كدة اتعبتونا والله بالهلال والمريخ واغاني وأغاني ...
أها ما تقول لي خسرت حق تذكرة ودخلت الاستاد كمان.. تكون بالغت هسع كان فطرت بيها في مطعم الوادي - والا هو اسمو شنو الجنبك بتاع المشويات - ما كان أرمم لعضمك وافيد لبدنك
ـــــــــــــــــــــــــــــ..
شوف يا سعادتك المريخ دا عشان حاله يتعدل عاوزين زي طلحة عبد الله في إدارته او حايلفو كدة زي ساقية جحا..
تحياتي
| |
|
|
|
|
|
|
|
|
|
Re: وسيصورون لنا (جمال الوالي) باعتباره المنقذ الوحيد للمريخ !!! (Re: طلحة عبدالله)
|
بعد السلام يا سعادتك ....المشاكل كثيرة اولا الاعلام الرياضي اصبح اسلوبه مثل اسلوب الاغاني الهابطة او اغاني المطاعنات بين الفنانات ..
لا يوجد تحليل فني او رياضي انما هو تضخيم باسلوب المفاخره بشئ لا يستحق ولناس لا يسووا ..
يقول لك لاعبي المريخ او الهلال في المعسكر يهربوا عشان ياكلوا بوش ويشربوا شيشة ..
مثلا في لقاء مع لاعب مثل دروقبا هو في عمر الخمسة وثلاثين عاما لا زال يكون انشط وافضل لاعب في اي فريق يمثله .. يقول عن نفسه لا ينتظر الساعة التاسعة مساء مستيقظا ولا يشرب سائل سوى الحليب ..ويحافظ على التمارين يتمرن في اليوم ست ساعات .. هذه هي وصفة جاهزة للاعب يريد ان يحترف كرة القدم ..
ومن زمان قلنا ان تتحول اندية الهلال المريخ الى مؤسسات اسثمارية شركات .. بدلا عن احتكار الاد الاغنياء لهم وتحيلهم الى قطاع من قطاعاتهم الخاصة ... حتى تكون بعد ذلك الادارة نفسها محترفة .. ليس ادارة تقود النادي بعاطفة من ع ( صر لي وشو .. ما سلم .علي .. تاني ما بيدقها لو كسر رقبتو ..)
| |
|
|
|
|
|
|
|
|
|
Re: وسيصورون لنا (جمال الوالي) باعتباره المنقذ الوحيد للمريخ !!! (Re: omer osman)
|
سلام للجميع
ما تقعد نلف وندور ... و كنا وكنا و نحنا الاسسنا الاتحاد الافريقي و الكلام المابجيب حاجه ده ..
الزمن تغير و الموضوع اصبح تمويل و تخطيط ....وعمليه اداريه
معظم الانديه تدار بعقول تستقي ادارتها من نظرية المؤامره... و معظم الاداريون فاشلون و يحاولون التسلق اجتماعيا عبر الانديه.
والله لو منت الامسئول لوكت امر النادي الرياضي لمدير متفرغ تماما و شخص عالم ...و دارس... انظر الا جميع انديه العالم التي تقدمت ، تجد هنالك مدراء مسئولون مسوليه كامله تجاه مجلس الاداره..
جيبو الوالي وصلاح ادريس للناديين و بلاش مكابره.. فهما انجح الاداريزن الذي مروا على الناديين على الاطلاق.
وقولي هذا مشفوع بان في عهديهما صرنا نقارع انديه شمال افريقا و مصر و ديك كانو بيلطشونا في دقايق.. و الهلال لم يغب عن المربع الذبي لسنوات خلت و كذا المريخ بسبب الاداره.
قبلنا او رفضنا الموضوع قروش و اداره لها...
مــــــودتي
| |
|
|
|
|
|
|
|
|
 Re: وسيصورون لنا (جمال الوالي) باعتباره المنقذ الوحيد للمريخ !!! (Re: omer osman)
|
Quote:
وسيصورون لنا (جمال الوالي) باعتباره المنقذ الوحيد للمريخ !!!
|
يا جنابو
سلامات
أتّفق معاك 100%
والوالـي عـملـها ظاهرة
زول كُلّـما الـمرّيـخ يتـمرمط
النّاس تتكلّـم عن الفشل الإداري وعن الـمنهجيّة الـخاطئة
وعن إدارة الرّجل الواحد للنّادي العظيـم وإلـخ ...
فاستقال وخلّـى الرئاسة عشان ناس تانية تشتغل
وقال حايدعـم الـمرّيـخ حتّـى وهو خارج الـمـجلس كأنّـما هو داخل الـمجلس
ويـن الدّعـم والـنّجيلة شُفنا حالـها ؟
شنو قصّة قروش اللعيبة الـما إندفعت وهو الدّاعـم كـما فـي الـمجلس ؟؟
وشنو قصّة الـحضري ؟؟؟
الـحضري البيلعب للـمرّيـخ والوالـي موجود
وما بيلعب والوالـي ما موجود
وبـماكلـمة من الوالـي بيقول سـمعاً وطاعة
وليه الـحضري قال لـمّا غادر لألـمانيا ثُـمّ لـمصر بدل يلـحق الـمرّيـخ :
حادثت الوالـي ونصـحنـي أن أغادر ؟؟؟؟!!!!
دا غيـر نتائج الـمرّيـخ
فـي لعب حاصل يا جنابو
عشان يبان شكل الـمرّيـخ فظيع كيف بدون الوالـي كرئيس
وعشان عودة الوالـي تكون خطوة يهـلّل لـها الـجّـميع
ويصـمت كُلّ من وقف ضدّه
تـحاياي
| |
|
|
|
|
|
|
|
|
|
Re: وسيصورون لنا (جمال الوالي) باعتباره المنقذ الوحيد للمريخ !!! (Re: لؤى)
|
Quote: فـي لعب حاصل يا جنابو
عشان يبان شكل الـمرّيـخ فظيع كيف بدون الوالـي كرئيس
وعشان عودة الوالـي تكون خطوة يهـلّل لـها الـجّـميع
ويصـمت كُلّ من وقف ضدّه |
بالضبط يالؤي هذا هو المطلوب وقد تحقق ...
والظريف قال انو الوالي (وافق) على رئاسة لجنة التسيير .. لا بالله احسن مايوافق
والاظرف من كده تركوا ليهو حرية اختيار باقي اعضاء اللجنة !!!
للأسف الزول ده اشتري المريخ عديييل كده !!!
| |
|
|
|
|
|
|
| |
omer osman
طلحة عبدالله
HAIDER ALZAIN
Abdlaziz Eisa
محمد نور عودو
لؤى
الامين موسى البشاري
عباس محمود
ياسر منصور عثمان
فيس بوك
تويتر
انستقرام
يوتيوب
بنتيريست