|
|
 هسع الراجل (العكليته) دا حا يركب بي وين!! صورة مجنونة ..
|
الراجل دا حمل (البسكليته) دي فوق ما تحتمل ... بطبيعة الحال عجل البسكليته (نفس) ... وطبعاً بيكون حاول يسوق على عجل حديد ... ولكن الموضوع ما ظبط ...
الأكياس الفي البسكليتة دي كلها مهمة بالنسبة له .... وكلها بالنسبة لي غير مهمة إلا كيس واحد ... لكن كيف ألقاهو مش عارف .... الكيس الفيهو (الفليسات) ...
هسع الراجل دا ممكن يكون مليونير مغمور .... بس غاوي (شحططة) ...
المنظر دا شاهدته في وسط لندن ... بل في أرقى حي من أحيائها ...
تحياتي
|
|
 
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Mohammed Haroun)
|
أخوكم ود هارون بعد ما أخد الصورة قام ماشي لحدي الإشارة الضوئية ... طبعاً كانت مولعة أحمر ... وقف أخوكم ودهارون منتظر ... بس أتلفت كدا أشوف ليك الزول (العكليتة) ماشي وراي ... يعني على بعد أمتار مني ...
بصراحة أخوكم ود هارون أخد ليهو (جفله) ... لكن لحسن الحظ الإشارة فتحت ... ما أظن أي واحد فيكم حا يستحمل فلقة بي عجل (البسكليتة) المصدي دا ... المهم الراجل غير الإتجاه ويبدو إنه ماشي يشوف ليهو دكان عجلاتي يصلح ليهو العجل المنفس ...
غايتو شكله كدا بيعرف دكان عجلاتي قريب من قصر (باكينغهام) .... لأنه في الصورة دي ماشي في إتجاه القصر ...
يعني الراجل ترك الجمل بما حمل وأخد تلاتة حاجات بس ... العجل المصدي ..والكيس الأحمر بأبيض ... والشنطة الزرقاء الكانت واقعة جمب الكيس بتاع الفليسات على ما أظن ...
تحياتي
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: حامد الغبشاوي)
|
Quote: لندن برضو فيها ناس مجازفين
يآود هارون
بيني بينك الزول ده بيكون دلالي بتاع عده واواني منزلية |
أخونا حامد الغبشاوي سلام .. آسف والله من يوم الجمعة تاني ما دخلت المنبر ... لندن فيها عجايب ... دلالي راكب عجلة في حي (نايتسبردج)؟؟ ديل أقل واحد فيهم بيكون سايق (أودي) ... هذا الحي الذي يوجد فيه (هارودز) وهو أشهر متجر في العالم ...
تحياتي وشكراً على المشاركة ..
أخوك ودهارون
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: عبدالعزيز الفاضلابى)
|
ود هارون اللندناوي المعتق سلام
الحمد لله علي سلامة العودة لنستمتع بأخبار لندن الغير
غايتو قطع شك الكيس الاحمر دا بكون كيس الغلة وعمك بكون مخصوص إختار اللون الأحمر عشان ما يتلخبط ليهو مع باقي الأكياس
وبعدين شنو حكاية الناس المحتفلة رقيص وغناء بي موت تاتشر وكمان معاها نبيشة وشتائم! الزولة دي سوت في الناس ديل شنو؟ . أول مرة أشوف ناس تشمت في الموت
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Barakat Alsharif)
|
Quote: تحية لك يا ود هارون
انا مجرد عطبراوي جذبني منظر العجلة |
أخونا بركات الشريف سلام ... تشكر على المرور والمشاركة ...
آخر مرة ذهبت إلى عطبرة في منتصف التسعينيات في مهمة ماكوكية ... لم ألحظ عدد كبير من البسكليتات في شوارع المدينة الهادئة آنذاك ...
عطبرة مدينة صناعية إرتبط اسمها بالسكة الحديد ... ناسها حلوين أووووووي ...
الراجل دا يمكن يكون عطبراوي أبت نفسه أن يتخلى عن الماضي ...
بس الراجل (العكليتة) دا بالذات التفاهم معاهو مش ممكن ... دماغه ناشفة ...
تحياتي
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Mohammed Haroun)
|
| Quote: هل تصدق انني كنت في عطبرة شهر اتناشر السنة الفاتت ولم ار ولا عجلة ـ ـ عطبرة غير. |
أخونا عبد العزيز الفاضلابي سلام بالكوم ... عطبرة عاصمة الحديد والنار ... أصبحت مدينة وادعة على ضفاف النيل ... تفرق عمالها أيدي سبأ ...
بس نهر عطبرة (الأتبراوي) مارد يشق طريقه ناحية الشرق فيسقي أهالي الشرق ... عبرته على ظهر مركب من قوز رجب غرب إلى قوز رجب شرق ...
يا أخي والله أنا سعيد بتواجد العطبراويين المكثف في هذا البوست ....
تحياتي
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Mohammed Haroun)
|
Quote: في لندن لو عاوز تأجر بسكليتة ما عندك مشكلة ... تعزل أحسن واحدة في الصف الفوق دا ... وإذا كنت ممتاز تكنولوجياً تلف في لندن لامن تفتر بمساعدة (الجي بي اس) ...
|
وفي النمسا يا ود هارون الصف من العجلات ده كلو يكون مجان.. تشيل العجلة وتمشي بيها مشوارك، وفي الحتة الوصلت ليها فيه برضو موقف زي ده توقف العجله فيها..
قاموا الغلابة بتاعين شرق اوروبا بقوا يشيلو العجلات دي ويودوها بلادهم..
قام النمساويين بقو يعملو جهاز عملة تخت العملة المعدنية يفتح ليك القفل تشيل العجلة ولمن تصل محلك تتكل العجلة وتضغط على الجهاز يرجع ليك قروشك..
برضو غلابة شرق اوروبا ما خلوها.. عجلة بيورو او اتنين يورو؟ يا بلاش!
قام النمساويين عملوها بالكريدت كارد.. تخت الكريديت كارد في الجهاز تشيل العجلة ولمن ترجعها تختو تاني يفك ليك الرهن.. بكده نجت العجلات من غزو الغلابه..
وسبب مجانية العجلات كما يقول النمساويين هو تشجيع الناس على الإقلال من ركوب السيارات لتخفيف الزحام والتلوث.. حضارة!!
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Mandingoo)
|
| Quote: غايتو قطع شك الكيس الاحمر دا بكون كيس الغلة وعمك بكون مخصوص إختار اللون الأحمر عشان ما يتلخبط ليهو مع باقي الأكياس |
يا صديقي العزيز الباشمهندس أسامة البلال سلام وشوق كتير ... غايتو كيس الغلة دا بكون فيهو عقارب جوه ... تدخل ايدك تتلدغ وتشيل فاضي ...
| Quote: وبعدين شنو حكاية الناس المحتفلة رقيص وغناء بي موت تاتشر وكمان معاها نبيشة وشتائم! الزولة دي سوت في الناس ديل شنو؟ . أول مرة أشوف ناس تشمت في الموت |
البارونة (تاتشر) عليها رحمة الرب فرمت ليك نقابات العمال فرم خاصة نقابات عمال الفحم ... ديل كانوا عاملين عصابات ومخوفين اي زول في بريطانيا ... بس ربك بعت ليهم السم القدر غداهم ... عملت إصلاحات إقتصادية جذرية حولت بريطانية من دولة اشتراكية متخلفة إلى دولة رأسمالية صناعية متقدمة ... البوليس قال ليك يوم تشييع جنازتها دا حا يكون يوم مولع نار ...
تحياتي يا با شمهندس وشكراً على المرور
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Mohammed Haroun)
|
Quote: قام النمساويين عملوها بالكريدت كارد.. تخت الكريديت كارد في الجهاز تشيل العجلة ولمن ترجعها تختو تاني يفك ليك الرهن.. بكده نجت العجلات من غزو الغلابه..
وسبب مجانية العجلات كما يقول النمساويين هو تشجيع الناس على الإقلال من ركوب السيارات لتخفيف الزحام والتلوث.. حضارة!! |
تشكر أخي (ماندينقو) على المشاركة الفاعلة في هذا البوست ... يا أخي نفسي أشوف عاصمتكم (فينا) .. قالوا حاجة فوق الخيال ...
زولي (العكليت) دا ما قاعد يظهر عندكم بي غادي؟؟
تحياتي
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Mohammed Haroun)
|
في (البريك) بتاع الغدا ... دفعني حب الإستطلاع لمعرفة أحوال البسكليته المسكينة ... وجدتها مقرشة كما ترون أعلاه والراجل العكليته حايم ... مشى يكوس الرزق ... وخلى المسيكينة دي شايلة الأسية والأكياس المنيلة دي ...
وعلى بعد خطوات منها شفت (البسكليته) الأمورة دي مقرشة ومفرهدة وشامه الهواء ... قلت سبحان الله الدنيا دي حظوظ والله ... البسكليتين أمهما بسكليتة وأبوهما بسكليت ... بس الدنيا جارت على الأولى وانعمت على التانية ... هيك الله بريد ...
تحياتي
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: وضاحة)
|
Quote: ازيك يا محمد
يا حليل زمن ركوب العجلة
عندى زكريات حلوة مع ركوب العجلة فى كاردف
كنت ممنوعة من ركوب العجلة لما تجى جدتى وجدى من السودان نهائ |
يا وضاحة سلام ومشتاقين كتير والله ... رأيك شنو في الزول (العكليته) دا ... البسكليتات ديل زي القوارير ... قلت لي (كارديف)؟ يعني إنتي من مقاطعة ويلز؟
تحياتي وخليك متابعة ... لامن نشوف آخرة الحكاية ايه ...
| |
|
|
|
|
|
|
|
|
|
Re: هسع الراجل (العكليته) دا حا يركب بي وين!! صورة مجنونة .. (Re: Mohammed Haroun)
|
الصباح مريت بالشارع زاتووو في الحي الأرستقراطي (نايتسبردج) بعد أن (قرشت) عربتي (الرينو) الكحله كما يقول الجزائريون ... أكحل يعني أسود
في الحقيقة لي يومين ما شفت الراجل (العكليته) والبسكليته حمالة الأسيه ... الله يكون في عونها ... أغلب الظن أن عربة البلدية أخدت الجمل بما حمل بقصد أو بدون قصد الله أعلم...
يمكن ناس البلدية إفتكرو إنه صاحب (البسكليته) ما عاوزها وأخذوها رحمة بالشارع وبالمارة ... أو يكون ناس HR Owen وهم وكلاء سيارات (فيراري) بلغوا البلدية وجات البلدية وعملت اللازم ..
لكن صدقوني الراجل دا ما حا يسكت وممكن يوصل الموضوع للمحكمة العليا إن استدعى الأمر ..
تحياتي
| |
|
|
|
|
|
|
| |
Mohammed Haroun
حامد الغبشاوي
Mandingoo
عبدالعزيز الفاضلابى
أسامة البلال
وضاحة
فيس بوك
تويتر
انستقرام
يوتيوب
بنتيريست