|
Re: للجادين _ البيت ده للبيع (Re: Osman Musa)
|
البيت ده من أجمل البيوت المعروضة للبيع في البلاد . تعال شوف طريقة هندسة البيت الحديثة الما زيها هندسة في أي ولاية . تعال شوف مساحة المطبخ وشكل صالة الرياضة وصالة الجلوس ..
| |
|
|
|
|
|
|
Re: للجادين _ البيت ده للبيع (Re: محمد عبد الله الامين)
|
يا محمد عبدالله كدي روح قوقلو وأتفرج سمح وبعد ما تتفرج أدرعو في الوست ده . يجوز بعد التفريجة وكم تفحيطة تقدر تجمع المبلغ . يا محمد ياخ حوض السباحة الفيو لو جابو بنطون شندي زأتو ما يقدر يقطعو . كدي روح أتفرج فيه تاني .
| |
|
|
|
|
|
|
Re: للجادين _ البيت ده للبيع (Re: مزمل خيرى)
|
يا مزمل ياخ المشوار بي تاشيرتو ومصاريف سفرو حيكلفك 7 ألف دولار لكن شوف لو بعتو حتكسب كم . ياخ حق سمسرتك بس حيجيب ليك 300 قطعة في الوأدي الأخضر الهسع رمادي . .. دحين الكع سريع
| |
|
|
|
|
|
|
Re: للجادين _ البيت ده للبيع (Re: Abd Alla Elhabib)
|
اخونا عثمان، سلامات
يأخي بالغت، هسي لو نحن بنبيع بنقو حنلم المبلغ دا؟ انا دخلت بوستك دا قلت يمكن بيت في الثوره، امبده، بالكتير الرياض، تقوم ترمي لينا قنبله ذي دي. الله يهديك وايانا. لكن بيني وبينك، البيت سمح. اقعد عافيه عثمان دُنقس
| |
|
|
|
|
|
|
Re: للجادين _ البيت ده للبيع (Re: Osman Dongos)
|
أخى عثمان تحياتى تكرمكم بالافادة بالآتى حتى نتمكن من تحديد رأينا : 1- هل بهذا المنزل عفش وأثاثات . 2- نوعية البلاط الداخلى وما نوع طلاء الحوائط . 3- كم عدد الحمامات الداخلية ( جلوس + وقوف ) . 4- هل يوجد حوض سباحة واحد أم أكثر من واحد وبالواضح كدة ( واحد للنسوان + واحد للرجال ) أم ماذا ؟ 5- هل هناك مربط لماعز شاى أو نعجة لبن ؟ . وأخيراً : هل يقبل البائع أى نوع من ( المقايطة ) المقايضة ؟ اذا وافق المالك فنحن لدينا قرية كاملة معروضة للبيع بسبب هجرة أهلها لمناطق الذهب مع العلم بأنها محاطة بجبلين وبها حوض سباحة طوييييل يمتد حتى وادى حلفا وبالعكس ..القرية بها جامع من الجالوص وختم لجنة شعبية وشرطة شعبية وحركة شعبية ومؤتمر شعبى وأجزخانة شعبية لعلاج النزلات الشعبية ... أهل القرية مستجلون ..هلا رددتم أخى الوسيط ؟
| |
|
|
|
|
|
|
Re: للجادين _ البيت ده للبيع (Re: عباس فوراوى)
|
يا عباس ياخ ختم لجنة شعبية بتاع شنو ؟؟ وشايفك بتتكلم عن نوعية البلاط . يا عباس في زي البيت ده مافي ولا بلاطة وأحدة . الشغل كلو من نوعيات المهوقني النادرة و ال Brazilian Cherry و ال Concord . البيت جميل يا عباس ما يفوتك
| |
|
|
|
|
|
|
Re: للجادين _ البيت ده للبيع (Re: Abd Alla Elhabib)
|
يا عبدالله ياخ يا سلام عليك ومشكور علي جلب البيت المدينة حاولت جلب ألبم صور البيت .. البديك صور البيت من الدأخل والخارج والبيزمينت حقو والباركينج الفي الطابق الأرضي الثالث الفي البيزمينت الباركينج البيسع عدد 70 عربية .. البيت يا عبدالله دنيا . ياخ حاول جيبو من كل الاتجاهات ألف شكر
| |
|
|
|
|
|
|
Re: للجادين _ البيت ده للبيع (Re: aosman)
|
عثمان يا حبيب،
حتى لو بتبيع بنقو لازم تكون مورِّد ورئيس كارتيل big fish، وتساعدا بهز الوسط، يعني بكلام اولاد بمبا تشتغل رأّصه على الطريقة الامريكية striper ها ها ها ها، يمكن بعد داك يمكن تلم المبلغ دا. لكن تاني بقول البيت يستاهل. إتخيل اشتريت البيت وجبت حبوبتي ولا حبوبتك وغمتا ليها عينيها ودخلتها جوا الجنينه جم حوض السباحة وفتحت عينيها، ياخوي دي حتتخيل انها ماتت وبعثت في الفردوس الاعلى التي تجري تحتها الانهار.
فتك بعافيه عثمان دُنقس
| |
|
|
|
|
|
|
Re: للجادين _ البيت ده للبيع (Re: jini)
|
هسع انا قلت البيت ده في الحاج يوسف ......................... البيت ده عاوز له زول تمساح درجه اولي
كده ركب مكنة الحضري
Quote: خلينى اركب مكنة جمال الوالي واجيك |
| |
|
|
|
|
|
|
Re: للجادين _ البيت ده للبيع (Re: Osman Musa)
|
عذراً والله .. ما دخلت بعد لصقت الإيريال فيو وبارك الله في أخونا إبراهيم نكت صورة رايعة للمانشن البديع دا إستعجل ياخ أضرب لينا اللوتري عشان نجيك زيارات ونشبع عوم في الترعة الفاخرة دي ... ياخ ده بيت يعقـد والله ، رهيب !! نحن أوضتين خلف خلاف بتكفينا ، لكن السمح بعجب والله ربنا يحقق الأمنيات يا عثمان.
| |
|
|
|
|
|
|
Re: للجادين _ البيت ده للبيع (Re: Osman Musa)
|
يا محمد المرتضي حقيقة البيت رخيس وحقيقة ده سعر دلجة وأهو يا محمد أنت عارف الاسعار في ديك النواحي . منتظرنك . هسع بيتكم القديم بتاع الأسرة ما بدقش المليون تقوم تتمتم عليهم ؟؟؟
| |
|
|
|
|
|
|
Re: للجادين _ البيت ده للبيع (Re: حامد الغبشاوي)
|
يا حامد ياخ تماسيح النيل البتتبحلط في الوأدي الأخضر دي طلعت تماسيح أي كلام . تعال شوف التماسيح الأمريكية البرية البحرية . تخيل يا حامد التمساح ده بايع بيتو ده . قال : عايز يبني بيت مختلف
| |
|
|
|
|
|
|
Re: للجادين _ البيت ده للبيع (Re: Osman Musa)
|
بفتكر البيت ده أجمل البيوت المعروضة للبيع في سنة 2013 . صعوبة الحالة الأقتصادية في البلاد هي الضربت بي أسعار البيوت الأرض زي البيت ده في أيام الرئيس كلينتون كان يكون بتاع 18 مليون دولار . ..
| |
|
|
|
|
|
|
Re: للجادين _ البيت ده للبيع (Re: Osman Musa)
|
Quote: يا محمد ياخ حوض السباحة الفيو لو جابو بنطون شندي زأتو ما يقدر يقطعو . كدي روح أتفرج فيه تاني . |
عيييييييييييييييك انته من زمن البنطون ... ياللخو الحكومة عملت لينا كبري مااااهل نتمرن في المتمة ونشرب شاي المغرب في شندي .....
لاكين بيت فااااااااااهم ويستاهل المبلغ .... الله يوعدنااااااا
| |
|
|
|
|
|
|
|