|
|
 اقول ليك بى امااانه عمليتك ماظريفه وحــــركتك جبااانه (بالصوره )
|
لليله يادووووب عرفته الســـكى الحراااامى منو :
المشهد شارع ابو السودان الجديد المناضل :على عبد اللطيف وانا نازل من المكتب لى موضوع مهم اثنين من بوليس المرور يوقفون كادحاً وهو ماراً (بعجلة عيش) فاااااااااااااضيه ولا قرقوش مافيها , احد افراد الشرطه يقول له الجابك بى جاااى شنو بى قلبى قلت ليهو التقول شارع ابوووك (وذاك اضعف الايمان) تلعثم ذاك الكادح فى الاجابه الا انه استجمع قواه من هذه الدهشه التى لفتت نظر جميع الماره فى الطريق وقال له انا ماشى على تجاه جامعة النيلين (اى محل كتلو البت فى يوم الوقفة بتاعت عيد الحب) اها البوليس قال ليهو طلع 30 جنيه رسوم إيصال مخالفه الشارع ده ممنوع تمر بيهو العجلات .... طوالى انا نطيت واستلمتا الموضوع قلت ليهو مش من المفترض يكون فى إشاره مروريه توضح ممنوع مرور العجلات وفى العجلات ما العجلات الرولكس عجلات الرغيف والحاجــــه التانية لو إفترضنا انو الشارع ده ممنوع فيهو مرور العجلات وستات الكسرى الزول ده لو قطعتو ليهو ايصال او حررتو ليهو مخالفه ح تكتبو ليهو نمرة من وين ؟؟؟ المهم واضح انو كلامى ماعجبهم طوالى نط واحد يازول انت البدخلك شنو انت بتعارض فى شغلنا (بفتش لى طريقه عشان يفتح لى الماده 99 من القانون الجنائى طبعا )قلت ليهو انا مابعارض فى شغلكم وبى قلبى قلت اى حتى نمشى نقول فيها حاجه يقولو ليك انت بتعارض لقايت ماحسيت بى انى عااااارض مش معارض بس المهم انتهى السجال بالاستفراد بصاحب العجله ولمن مالقو عندو قروووش شوف عينى واحد من البواليس دنقر فى الواطه دى وهااااك يانفيس وبقى شغال ينفس فى اللساتك بتاعت العجله ....
توصيات البحث ده :
مافى حل غير ننفس عن نفسنا ونبقى كلنا عوااارض ونسقط الوهميين ديل ...
دى الصوره :
اخر حاجه:
تانى مااشوف لى زول ساااكى ليهو حرااامى ......
|
|
 
|
|
|
|
صفوان عبد المنعم ابوبكر
ثروت سوار الدهب
فيس بوك
تويتر
انستقرام
يوتيوب
بنتيريست