|
|
|
 Re: يا (الجيب) الما بتراعــي الحرمتنا من (المراعي)! (Re: الامين موسى البشاري)
|
أما العبارة الفوق والتي جاءت في عنوان البوست
فهي عبارة شهيرة لسوداني جاء للعمرة وزاغ ليهو فترة كده
لغاية ما يوم اتقبض واترفع في الجيب ...
والظاهر صاحبنا كان بحب منتجات شركة المراعي شديد
اها صاحبنا وهو في الباخرة وهي متحركة في رحلة العودة القسرية للسودان
من بعيد شاف ليهو جيب من جيبات الشرطة دي..
فقال عبارته أعلاه وهو يتحســـر على فراق منتجات المراعــي 
| |
  
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: محمد عثمان)
|
أها اليومين دي في كشات شديدة جدا في السعودية
الحاجة المتعارف عليها الكشات كانت لغير المقيمين
أو الذين لا يحملون اقامات نظامية ...
أها المرة الكشات اختلفت بعد قرار مجلس الوزراء السعودي الأخير
وهو أي زول ما شغال مع كفيله اصبح عماله سائبة وزائده عن الحاجة
وديل تحديدا المستهدفين بالكشات دي...
وديل لأنهم ناس مقيمين اقامات نظامية فهم متعودين على المراعي
ويعز عليهم فراقه بهذه السهولة .....
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: أيمن محمود)
|
و الله يا أمين زولك ده ما عندو موضوع ساي، مراعي شنو عليك الله ؟
بقى بي كم هسه ؟ غايتو انا بتذكر انهم كل يوم كانوا بزودوه ريال. جماعتك فلسوا يا امين و غلبهم البسوه ده إلى جانب الاضطرابات السياسية و ارتفاع
وتيرة التذمر الشعبي للدرجة التي جعلت مجلس الوزراء يصدر قرارته المزعومة هذه لتشتيت انتباه الناس و اشغالهم بقضايا جانبية بعيدا عن القضايا
الحقيقية من فساد و صراع على السلطة ظهرت بوادره و فاحت رائحته.
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: علي محمد الفكي)
|
Quote: البشاري
لبن شندي نادر
والله صحي |
علي فكي شندي متين بقى فيها لبن؟
وما تخليني أقول لك كما قال جحا حينما تم سؤاله عن ايهما اطيب
بالفطير باللبن أم الأرز باللبن؟
فقال جحا: أنا لا أحكم على غائب هاتوا بالفطير والأرز باللبن لأتذوقهما ثم احكم
فدحين يا اخوي المراعي دا انا جربته تب
بس لبن شندي دا اول مرة اسمع بيهو
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: حامد بدري)
|
Quote: البشاري وانا جارررري كاك صباحك صافي
صدقني الصافي طعمو غيير |
حامد بدري أخـــوي نحن فطومنا بالمراعي ..
الصافي طعمه حامض وينفع في ملاح الروب
..
..
Quote: الحركة دي في البوسطي بتاع المهارات مالقيتا وبي هناك عندك ساهلة
هنا غلبني خد راحتك وتشكراتي ليك ياهندسه |
موجودة يا حامد أخوي .. وكان غلبتك رن لي العصر بديك ليها
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: محمد عمر الفكي)
|
Quote: افة هذا المنبر هي عدم المصداقية
جيبك الفوق دا ما عنده علاقة بالكشات، دي صورة الجيب ربنا يكفيك شره |
هووووي يا بطحاني عليك الله ما تغالط في جيبات الرياض ونجران
للنكته بقية يا محمد عمر بل نكات
غايتو الحالة بقت صعبه ... المغترب قال لبت عمو:
يا بت عمي اسمعي كلامي دا الحالة بقت شلش
سنة للبشير ..
وسنة للكفيل ..
وسنة للتدبير ..
قالت ليهو والله أخير منك زول العمرة والتسفير
ابوي قال تاني ما بنتظر كتير
دا كلام واحدة راجيه ليها مغترب ...
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: الامين موسى البشاري)
|
بالله استعدلت الكيبورد وداير اكتب مشاركة
اعاين بي قزاز المكتب اشوف ليك الجيب جايى قاشط فوووووو ولمباتو تبرق بس سحاب قبلي
قلت لا اله الا الله الجيب من قدامك ومن وراك
كااااااااااااك
تعرف يا اللمين لى فى البلد دى قريب الستاشر ... لحدى الليله دى ما بكون شربت لى رطلين لبن
ستاشر سنه وانا ما قادر (استسيغ) طعم لبنهم المصنوع ده
ياااخى ده موية ساااى .. مراعي ولا الصافي ولا غيرو
ياخوى كباية لبن محلوبة من الضرع ... اظنها هنا تعمل ليها 5 ارطال بالميت كده ...
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: وضاح عبدالرحمن جابر)
|
Quote: بالله استعدلت الكيبورد وداير اكتب مشاركة
اعاين بي قزاز المكتب اشوف ليك الجيب جايى قاشط فوووووو ولمباتو تبرق بس سحاب قبلي
قلت لا اله الا الله الجيب من قدامك ومن وراك
كااااااااااااك |
والله يا وضاح قعدته اضحك زي المجنون في المكتب
غايتو حالة صعبه خلاث ...
Quote: تعرف يا اللمين لى فى البلد دى قريب الستاشر ... لحدى الليله دى ما بكون شربت لى رطلين لبن
ستاشر سنه وانا ما قادر (استسيغ) طعم لبنهم المصنوع ده
ياااخى ده موية ساااى .. مراعي ولا الصافي ولا غيرو |
ستاشر سنة مع كفيلك ولا لا؟
قالوا في واحد جاب ابوه زيارة لمدة شهر واحد
وعمك بدأ يضرب ليك في المراعي
زولنا قعد 3 شهور وجددوا ليهو 3 شهور تاني
وما مقتنع يرجع كلو كلو ...
فدحين يا أخوي النعمة دي ما تضيعها ســـاي
عشان لو الجيب مسكك ما تندم بعدين
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: الامين موسى البشاري)
|
Quote: احدهم حكى لى حكاية العربى المشى يرعى ابل عند البدو وحين ذهابه الى السودان انشد قائلا:
شراب الدلة والشاى الخفيف الحب .... طلّع دينا يا العرب البتاكلو الضب
وحين جلوسه مع اهله مدة الاجازة وفلسه الشديد انشد قائلا:
طرينا اب خمسمية والبدو الطيبين .... الجابنا للسودان جاب الحمار للطين
ورغم هذا فالسعوديه ليست هى الحل |
الطيب عبد الله
تحياتي وشكراً على المشاركة الظريفة دي ياخ
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: الصادق سيكا)
|
واحد صاحبنا يا امين كان عامل نفسو سمسار فيز جاب ليهو واحد سعودي دايرليهو راعاوية، المهم صاحبنا ساق السعودي سوق الناقة
عشان ينقي من البضاعة بمزاجو، اها لموا في واحد مثقف في البل شديد قعد يكلمهم عن الجمال و انواعها و طباعها لامن السعودي اتكيف.
السعودي في النهاية قال بس عايز الزول ده، و الزول ماعندو نية اغتراب و ما داير البهدلة، قام السعودي قال ليهو يازول تمشي معاي و بديك
الف و خمسمية في الشهر زولنا طوالي رد ليهو: انا بديك الفين و خمسمية انت اقعد معي قبلك هني ده.. كاااااك و تاني كاااااك.
دي حصلت بالجد و الله صحي.
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: سيف النصر محي الدين)
|
Quote: واحد صاحبنا يا امين كان عامل نفسو سمسار فيز جاب ليهو واحد سعودي دايرليهو راعاوية، المهم صاحبنا ساق السعودي سوق الناقة
عشان ينقي من البضاعة بمزاجو، اها لموا في واحد مثقف في البل شديد قعد يكلمهم عن الجمال و انواعها و طباعها لامن السعودي اتكيف.
السعودي في النهاية قال بس عايز الزول ده، و الزول ماعندو نية اغتراب و ما داير البهدلة، قام السعودي قال ليهو يازول تمشي معاي و بديك
الف و خمسمية في الشهر زولنا طوالي رد ليهو: انا بديك الفين و خمسمية انت اقعد معي قبلك هني ده.. كاااااك و تاني كاااااك.
دي حصلت بالجد و الله صحي.
|
من المفارقات يا دكتور
راعي سوداني فى السعودية سألته ... كفيلك ده عندو كم من البهايم .. حسب لى كده ما اكتر خمسة جمال .. على غنم ما بزيدو من عشرين
ببيع ويشترى فيهم للمواسم ..
فقلت ليهو انت فى السودان عندك كم ؟ قال لى انا واخوى عندنا اكتر من مية راس ضان .. وعندنا بقر وووووووووو
طيب شغال هنا بى كم .. قال لى بى 1.500 ريال
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: سيف النصر محي الدين)
|
Quote: قام السعودي قال ليهو يازول تمشي معاي و بديك
الف و خمسمية في الشهر زولنا طوالي رد ليهو: انا بديك الفين و خمسمية انت اقعد معي قبلك هني ده.. كاااااك و تاني كاااااك.
دي حصلت بالجد و الله صحي. |
تحياتي مرة تانية يا دكتور سيف
عارف القروش بتخلي الزول يفتكر انو اي حاجة ممكن تشتريها بالقروش
ياخ انا بعرف ناس لو اديتهم السعودية دي كلها ما بطلعوا من السودان
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: الامين موسى البشاري)
|
Quote: فقلت ليهو انت فى السودان عندك كم ؟ قال لى انا واخوى عندنا اكتر من مية راس ضان .. وعندنا بقر وووووووووو
طيب شغال هنا بى كم .. قال لى بى 1.500 ريال |
يا وضاح
عارف المشكلة مش في الكم ولكن في الكيف
مرة قابلت لي واحد زي صاحبك دا كفيله كل العنده 10 نياق ومعاهم فحل
قال لي أنا راتبي بطلع بس من حليب النياق دا
أما الفحل دا فقصته قصه ياخ..
قال لي : الفحل دا سعره فوق ال 10 ملايين ريال
وناس الحلال التانية يجيبوا ليهو النياق (زي ناقة فيصل ) ديك
عشان يعشـــرها وبعد ما العملية تتم يدفع صاحب الناقة ما بين 30 - 50 ألف ريال للكفيل
شفته كيف؟
الناس ديل ما بشتغلوا شغل وهم زي بتاعنا داك ياخ
تحياتي
| |
|
|
|
|
|
|
|
|
|
Re: يا (الجيب) الما بتراعــي الحرمتنا من (المراعي)! (Re: صبري طه)
|
صبري طه
حبابك يا عريس ياخ ..
اتا يا صبري فاكرني زول خراطيم وأم درامين ولا شنو؟
اخوكـ شرب اللبن في القرعة ومباشرة من الضرع لي
نحن بنتكلم عن زول تاني يبدي تحسره على فراق المراعي
اصلا ماف وجه مقارنه بين طعم أي حاجة هنا وفي السودان
..
..
___
تعال كدي ضوق بتيخ نجران وبعدين احكم
يمكن تغير رأيكـ
وبالمرة جرب الموز والمنقه .. جد حاجة ما تخلص
عارف ليه لأننا قريبين من اليمن اضافة الى عذوبة المياه الجوفيه هنا
| |
|
|
|
|
|
|
| |
الامين موسى البشاري
علي محمد الفكي
أيمن محمود
سيف النصر محي الدين
محمد عمر الفكي
حامد بدري
جمال السنوسي
وضاح عبدالرحمن جابر
الصادق سيكا
فيس بوك
تويتر
انستقرام
يوتيوب
بنتيريست