كتب الكاتب الفاتح جبرا المتوفرة بمعرض الدوحة
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
( 2 )
الزُقاق ...
نفس الفِلِــــم ...
تقول لاعبين دافوري في زقاق ناس فلان ...
خلاص حاجة معروفة ...
ناس فلان ساكنين في الزقاق البي وراكم ...
عااادي ...
والزقاق لي كل زول معرف بأسم زقاق ناس فلان ...
وزقاق ناس علان ...
ولو اي زول ما ساكن في الزقاق ... بيحق ليهو تماماً يقول انا ماشي لي زقاق ناس فلان ... لأنو لازم يعرّفوا ...الزقاقات كتيرة ...
لكن لو زول ساكن في نفس الزقاق ... و لو حتي كان الزقاق مسمي بي اسمه ...
ما بيقدر يقول انا ماشي ( الزُقاق ) ...!!!
لأنو الشعب السوداني قرر ...انو لو زول قال ماشي ( الزُقاق ) ...فل أستوب ...
معناتها ماشي ...( الحِلّــــــة ) ...
مش حاجة تحيّر ...؟؟
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
قبال ما ( أنداح ) في باقي الكلمات ...
اعرج شوية علي موضوع التسدير ...
اول شي كلمة تسدير ... وسدّرو ...ديل جو من وين ...؟؟
انا لفيت قدر ما لفيت في الدنيا دي ...
فكرة التسدير دي ما لقيتها الا عند شعبنا البديع ...
يعني الزول يغلط يقول أ آآآ ...
تسمع فنون و عجائب في التسدير ...
شي ( سفيرغانا ) ... و شي خبتتين في اقرب تربيزه ...!!!
لا و الحرفنه في السرعة ...
يعني لو المُسَدِّر ... ما سريع ... ما بتطلع التسديرة حلوة ...
ما بتعجب المجموعة ...
طيب ما كل العالم بيقول ...أ آآآآ ...
اشمعني السودان ؟؟
تاني حاجة تحيّر ... !!!
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
يحي..حبابك يا صديقي كل سنة و انت طيب ياااااخ (المناسبة ذكرى عابرة جميلة تأبي ان تغادر الذاكرة..!!)..
ايام الجامعة.. قمنا جبنا ناس الهيلاهوب ..وكت داك دوبك انشقوا من (الجو الرطب)..يعني الإنشقاقات ماها سياسية و بس..المهم.. اخونا ربيع طه..قام قال ليهو قصيدة..فيها واحدة اسمها الرضية.. فقال: الرضية دي.. بتسف و بتسجر.. و بتسب الدين و بتســدر..
اها بعد الحفلة.. بعض الصديقات قامن ماشات على الداخلية..واحدة شليقة كده..شافتني جات راجعة..قالت يا اخي دايرة اسالك من معني كلمة بتسدر دي شنو؟ ياخي غايتو جنس هرشة واحدة..و قبل ما ابدا الإندياح.. نادتني صديقة تانية..و ما سمعتها ، كويس ، قالت شنو..و بكل براءة قلت ليها:آآآآآآآآآآآ...!!! صاحبتك ما صدقت ، تووش خشت شمال و قالت لي: آآآآآآآآآآآ تجيب مطر.. يا ود انت اطرش..!!!! قلت لصديقتي السائلة.. اها دي التســـديرة... ياخ الزولة اتحرجت جنس حرج واحد..!!!
اها مسئول من الخير.. صاح المحجوب سدر في البرلمان بتسديرة (سفير غانا)؟!!!
و نرجع ليك تاني كن اتذكرنا حاجة..
و دمت.. كبر
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
سلام قباني طبعاً كلامك ده كلام ( حصري ) كلام ناس كبار وناس عاصمة كمان ..... بكدة أكون اتفقت معاك في الجزئية الأولى ( أشيمط ) واختلفت معاك في الثانية (إقليمي ) لأنو في الأقاليم ليهم أساليبهم الخاصة في ( التسدير ) و ( الرندوق ) وفيها أيضاً تلقى الطلبة ليهم أسلوبهم وكذلك الفنانين ، وناس الكورة ... لكن في أشياء بشترك فيها الجميع . الأجيال الحديثة أيضاً لهم مصطلحاتهم الخاصة بيهم ، بل حتى طريقتهم في الحياة بتختلف عننا . الموضوع جميل وشيق للشياب الزينا لأنو فيه تشبث بالماضي وهذا أحلى شيء للإنسان عندما يكبر .... أمبارح كنت بشاهد في تلفزيون السودان فجابوا جمال النحاس بغني صباح النور عليك يا زهور ... يا أخي في واحد من العازفين كان متكيف بصورة ما عادية وبضحك .... أنا قلت الراجل أكيد ركب قطار الذكريات وهو بعزف ................ يعطيك العافية
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: د.يوسف محمد طاهر)
|
التسدير واشتقت منه أيضاً: 50 عندنا واحد صاحبنا مدمن تسدير في مرة ابوه .. اللي هو أبووووه يعني جدع كلمة مستحييييل تتفوت النوع البجيب وجع الكليوات داك ههههههههه بقى يقول ليه يا حاج الكلام دا كيف يا ابوي قول بسم الله لما في النهاية اتضايق مسك في الباب وقال يابا اقول ليك حاجة؟ ياخي والله خمسيييييييييييين وهرب بعد داك ههههههههه . . . . . . . عندنا الكتير من الحكايات في الموضوع دا .. لكن ممكن تودي التوج
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: نادر النور آدم)
|
Quote: سلام قباني طبعاً كلامك ده كلام ( حصري ) كلام ناس كبار وناس عاصمة كمان ..... بكدة أكون اتفقت معاك في الجزئية الأولى ( أشيمط ) واختلفت معاك في الثانية (إقليمي ) لأنو في الأقاليم ليهم أساليبهم الخاصة في ( التسدير ) و ( الرندوق ) وفيها أيضاً تلقى الطلبة ليهم أسلوبهم وكذلك الفنانين ، وناس الكورة ... لكن في أشياء بشترك فيها الجميع . الأجيال الحديثة أيضاً لهم مصطلحاتهم الخاصة بيهم ، بل حتى طريقتهم في الحياة بتختلف عننا . الموضوع جميل وشيق للشياب الزينا لأنو فيه تشبث بالماضي وهذا أحلى شيء للإنسان عندما يكبر .... أمبارح كنت بشاهد في تلفزيون السودان فجابوا جمال النحاس بغني صباح النور عليك يا زهور ... يا أخي في واحد من العازفين كان متكيف بصورة ما عادية وبضحك .... أنا قلت الراجل أكيد ركب قطار الذكريات وهو بعزف ................ يعطيك العافية |
يا دكتور سلامات ياخي ...
الكلام ده جزء من ثقافات متعددة كانت موجوده في زمننا ...
وانحنا لازم نوثق ليها ...
انا متأكد جدا انو في عدد كبير من عنوان البوست ... ابي يدخل ...
خوفا علي الشكل الاجتماعي ... ( البرستييج ) ...
وانا اوجه ليهم رسالة ...
من لم يُسَدِّر ... ومن لم يتم تسديره من قبل ...
فليرمي هذا البوست بحجر ...
وعموما البوست لم يفتح لثقافة التسدير فقط ... انما للمفردات المستخدمة بمفاهيم مختلفه ...
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
(4) كلمة ( كبيـــر )
يقولو ده اخوهو ( الكبير ) ...
او ده ( كبير ) العائله ...
كلام جميل وعادى و يدل علي الاحترام ...
حتي في الزعل ... يشاكلوا الولد ...
انت يا ( كبير ) يا عوير تعمل ( كده)
سمح اخوانك الصغار يعملوا شنو ؟؟؟
لحد هنا تمام ...
بقدرة قادر ... اول ما تجي كلمة ( كده ) ... قبل كلمة ( كبير )
ويقول الزول لي زول تاني ...
( كده يا كبير ) ...
المسأله دخلت في النبذ و اشياء اخري ... _____________________________ مش حاجة تحير ؟؟؟
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
لاقتني واحدة _ السنة الفاتت القريبة دي في شارع واحد وأربعين، كانت تحمِد سيدا _ تقلّب في الكفل ذات اليمين وذات الشمال، وتتلاعب به نواحي شل أجب وموبيل وتوتال . لم أشك أبداً أنها شرّامية من طريقة مشيتها، وتوبها الحرير الربط . المهم أنا عملت صديق سرحان وبدأت أرعى في غنم إبليس، حتى أدركت مرابط القلابات . وفي الخاطرِ مقطع : قلب المخضوب فوق للفاقِل دلّى اليمنى ومشى مُتّاقِل . المهم فجأةً كدي لقيت نفسي على بعد نصف خطوة من ديار القوم . ألتفتت ونظرت لي بحدّة، وقالت : مالك في شنو إنت يا زول ؟؟؟ . لم أتوقع ردّة فعلها وقلت بعد تمتمة وتأتأة وبشتنة حال _ متسائلاً : آآآآآآء ؟؟ . قالت لي : أنطّط :) .
بين قوسين
الله يكفينا شرّك
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
Quote: استاذ قباني يشهد الله كل ما اشوف إسمك في موضوع او آخر مشاركة معناه كليك ع طول ، متعة ما بعدها. يأخ تحياتي ليك كتير. |
علي حمد الشاطر ...
الله يجبر بي خاطرك ياخ ...
انت زول جميل ...
Quote: (يا عمك) من المصطلحات الحديثة يعنى لو سمعت واحد ناداك يا عمك ما تستغرب لانو انت فى الحقيقة ما عمو اخو ابوهو وفى نفس الوقت اضاف كلمة عم كنوع من الاحترام |
سلامات يا محمد خليفة ...
ما قاعد أدقق يا حبيب ...
انا عمري 53 ... الشايفني عمو ... مرحب بيهو ود أخوي طوالي ...
تسلم يا ملك ...
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
البنات زاتم ما ساهلات اسمعو دي
ايام السيول واحدة خايضة في الموية عايزة تقطع الشارع في شباب عاملين فيها شرامة ومقددنها قاعدين في الضل يعاينو ليها والبت كل ما تمشي سقف الموية يرتفع .. وهي ترفع فستانها لي فوق واحد من الاولاد كورك ليها باعلى صوت : اوعى البوبينا .. اوعى البوبينا !! البت اتلفتت وقالت ليه ساخرة : يا معفن المكنة جاز !!
------------------------------------ اها يا فيسل فتحتت ليك السكة ادخل يا معفن
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: celecon)
|
إنا لله .......... العجايز إتلمو !!!!
البوست بدا بي مفردات عديدة (الحلة) ... (الزقاق) ... (التسدير) .... (الشربة) ..... (كبير). قلت أدخل وخايف يبقى التركيز على (التسدير) ....... وقد كان.
التسدير لو إتعمقتو فيهو (مع وجود فيصل خليل وخالد العبيد) ...... بيوديكم الخور بالمزيكا.
زيك أنا والله يا يحي ... قعدت أفتش على معنى الكلمة، غلبني كلو كلو .... برضو في كلمة تسدير ما ليقيت ليها تفسير، وهي ((أُف))
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: محمد أبوالعزائم أبوالريش)
|
سلامات يا قبانى,,
جماهة مدورين حريق تقيل والعصر حاصل واحد عامل ما معصور والتلفزيون شغال توالى وما توالى وسال يااخوانا شيخ حسن دا قاصد شنو بالتوالى دا !!!
الجنبو قال ليه دى يا حبيب تسديرة القرن,,
__________________________________________________________________ حكى السنى دفع الله وقال مرة فرقة الأصدقاء مشت تقدم عروض فى الأقاليم ومشوا ليهم حلة بعييييييييييييدة كدا والحلة كلها جات تشوف الفرقة الجماعة الجايين من امدرمان ديل ومعاهم جكس كمان,,
أها الجماعة ديل وضح إنهم ما بضحكوا ولا قادرين يفهموا الناس ديل بقولوا فى شنو زاتو!! والمصيبة العمدة قاااعد والضحك ساى عند الجماعة ديل عيبتو كبيرة,,
واحدة من الممثلات فى نص المسرحية قالت (آآآآآآآآ) المسرح كلو قام فوووق و ختو ليها التسديرة فى محلها زاتو خالس ,,
السنى قال تمينا ليهم العرض كلو (آآآآ آآآآآ آآآآ آآآآ) والحلة كلها بى عمدتا ذات نفسو سدّروا لمن فتروا,,
الله يديك العافية يا السنى ويسلم قلبك النبيل,,
تحياتى,,
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: محمد أبوالعزائم أبوالريش)
|
أزيك يا قباني .. وضيوفه
ياخ حكاية التسدير دي عجيبة جداً ..
واحد من أقاربنا راجل لذيذ ودمه خفيف لكن كان مدمن موضوع التسدير ده
أول ما تقول آآآه .. تاخ يقول ليك بالتلج .. شويتين لول واحد مع آخر
في المواصلات بتونس وسمع كلمة آآآآه .. تاخ يرص ليك بالتلج ..
مرة عزمته معاي لمناسبة زواج لأسرة صديقة ولهم بنات كل واحدة صاقعة أكثر من الثانية
آها بعد الحفلة البنات بيودعو فينا أجملهن قالت لي ياخ ما عرفتنا على قريبك
ده قلت ليه ده فلان قامت قالت آآآه .. وصاحبنا طوالي رص ليها بالتـ ووقف هنا ولكن
تخرج التسديرة ولا ترجع فعدلها سريعاً لتصبح بالثلج .. بدلاً عن بالتلج ..
غايتو عالم...
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: هشام الطيب)
|
Quote: إنا لله .......... العجايز إتلمو !!!!
البوست بدا بي مفردات عديدة (الحلة) ... (الزقاق) ... (التسدير) .... (الشربة) ..... (كبير). قلت أدخل وخايف يبقى التركيز على (التسدير) ....... وقد كان.
التسدير لو إتعمقتو فيهو (مع وجود فيصل خليل وخالد العبيد) ...... بيوديكم الخور بالمزيكا.
زيك أنا والله يا يحي ... قعدت أفتش على معنى الكلمة، غلبني كلو كلو .... برضو في كلمة تسدير ما ليقيت ليها تفسير، وهي ((أُف)) |
قربت ازوغ من البوست يا دفعة ...
قدر ما اوديهم الحلة ...يجروني للتسدير ...
وجاء ود العبيد يكحلها ... عماها و طرشها .... هههه
لكن برضو نمشي و نشوف ( الحدود ) ... وين ...
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
محمد احمد و محمد موسي ... اهل الفيس بوك ...
والله التسدير شكلو خشم بيوت ....
و زووووط الشغالين بيها ناس الكورة ما ياها تسديرة زمان ... بس الناس نست
وكانت بتنتم بكلمة جوة ... اللي هي deep حقة اولاد العم سام ...
____________________________________________________________ ثقافة موازية ... يمارسها الكل ولو في اضيق المجالات ... ويستحي البعض من المجاهرة بها ...
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: يحي قباني)
|
Quote: طيب ما كل العالم بيقول ...أ آآآآ ...
اشمعني السودان ؟؟
تاني حاجة تحيّر ... !!! |
[أستاذنا هباني شكرا وما أجمل أيام التسدير الذهبية بس التسدير المهذب ما بكيف وأسهل صيد للتسدير الأيام دي الحناكيش ( والتجميع ) زمان حتى في السينما لو ممثل قال آآآآآآآه السنما كلها وبالذات ناس ( الشعب ) ما عندهم غير ( زوووووط) ( للليفة ) ( أنا وخالي ) ، والله مرة جلدونا فصل كامل عشان واحد سدر الأستاذ وبالمناسبة دي يا ريت تمد البوست ليشمل المعاني المقلوبة ( ديل عايزين يزبطوني أغنية لمصطفى قمر ) ( تكل أبشر خشه الجنينة عابدين عوض طه القرشي خيرالسيد ) دي الفبركة منو ؟ تحياتي ضوالبيت
| |
|
|
|
|
|
|
Re: الحِلّة .. و الزُقاق .. والتسدير في الهوا .. وعجائب العامية السودا (Re: الصادق عبدالله الحسن)
|
[green]
وبعيداً عن السياسة:
هناك "التسديرة" والطرفة المشهورة في تلفزيون السودان في برنامج المسابقات الذي كان يقدمه المذيع (الأستاذ محمد سليمان) قبل عدة سنوات ،
عندما أجابت تلك الفتاة البريئة على السؤال المتعلق بعدد الأيام التي يمكن للجمل أن يمضيها في الصحراء و أن يبقى حياً بدون ماء. .... ولأن تلك الفتاة شطحت وبالغت في تقدير المدة...
كان ذلك التعليق التلقائي للمذيع الأستاذ (محمد سليمان) ..... ... .. . (والله ده إلا يكون................. إنتي)...... ... .. . فبهت كل من كان يتابع البرنامج من داخل الاستديو وساد الصمت للحظات.......... .
ثم انفجرت قنابل الضحك ترج أنحاء الأستديو
| |
|
|
|
|
|
|
|