|
|
 حـظـر الـتـجـول
|
ازيّـــكـــم ..
دى طـبـعـا مـا كــذبــة ابــريــل
قصيدة .. للراحل .. المقيم فى دواخلنا ومتربّع فيها .. الشاعر طيّب الله ثراه
مـحـمـد الـحـسـن سـالـم حـمـيـد
والتى غنّاها المحبوب .. القامة .. جعله الله من اهل الجنة .. مـصـطـفـى سـيـد أحـمـد
حــظــر الــتــجــول
............................................
عمنا الحاج ود عجبنا فى الفريق ياهو الركيزة
هو البشيل حمل الرضاعة وعندو كلمة على الجماعة
فى الفريق باقينا تايه ...وكل طيب ليهو غاية
للضعيف تلقاهو ساند ..وينهر الكعب المعاند
وللضيوف ديوانو فاتح ..ديل يقومو...ديل ينزلو ..
يا ولد جيب الرتاين ...جيّهو الديوان فراشو
وأفرشو الفرشة الكبيرة ..والابارق ...والتباريق
واضبحو الحمل المدوعل
عمنا الحاج ود عجبنا من سنين ايام جهلتو
ديمة فى دعوات صلاتو ... يسال المولى السلامة
وسترة الحال والكرامة
عمنا الحاج ود عجبنا ..فى ليلة من ذات الليالى ..
فى زمن حظر التجول
جاهو ضيف فوق راس حداشر..
رحب الحاج بيهو جدا ..
فرشولو ... نزلوهو .. وكاسو للعشا ما اتلقالو ..
ما الرغيف ممحوق مقصر ..
والبلد فى حال معسر ..
وعمنا الحاج فى مقاسو .. وجبة الضيف عندو زى فريضة ..
وهسّة ضاقتبو العريضة ..وضيفو كيف يترك عشاهو
من دى زايد اختشاهو
جاتو فـــكـــرة
يمشى للفرن المجاور .. ولى لجان العيش يشاور ..
بس عشا الضيف يا جماعة .. وضيفى نازل ليهو ساعة
شاكلوهو
ودفّروهو
ونهّروهو
وجاتو دورية الطوارى .. وامسى بايت فى الحراسة
ناسو جنو وللصباح ما عرفو حاجة
وجاهم الخبر المؤكد
ود عـــجـــبـــنـــا فــى الـــحـــراســـة
ناسو ... اولادو ... وبناتو
عرفو حالو وبدرى فاتو ... راحو محكمة الطوارى
وفيها فى نص الخلايق ... شافوا حالا ماهو لايق
عمن الحاج بى جلالو ..فوقو حس السوط يولول ..فوق قفاهو
فوق سنونو وفوق رجولو .. ومن فوق فججا حشاهن
اصلو ما قايل يكونن حتى كان نزلن هجانن
الاّ لكن الليالى ...يوم ترخّص كل غالى..
حاكمو الولد المنصب ..كتفو بالدبور مقصب
انت يا حاج يا مخالف ... زول مخرف وعقلو تالف
انت يا زول ما كا دارى ..الناس فى الطوارى
اجــلــدوهــو ...
وغــرمــوهــو ...
ونفذو الحكم البهينو
شان يفتح تانى عينو
تسمع السوط صيحتو داوية .. تسمع السوط ليهو خاوية
وفوق قفا الشيخ صيحتو داوية
فجاة رفع الحاج عيونو ...
شاف بنات ولدو ....وبناتو ...
كلهن واقفات يعاينن .. دمعتن فى العين ترقرق
وجعتن فى الجوف تحرق
والحزن بيهن مغرق
دا النجيم الفى سماهن ... ودا الزمان الكان حماهن
كل سوط نازل عليهو ..زى شعاع الضوء عماهن
عمك الحاج دمــعــو ســرق
سيلو فوق اشنابو شرق
ثم حكمو وراح بيتو
نفسو مكسورة و زليلة ...
كيف ملاقاة الحليلة ...
وصحوة الروح الحليلة
فى البت الجوة غادى ...
عمك الحاج ما اعتيادى
فوقو متلمين جماعتو ..
والــثــكــيــلــى ضرب حزاينى
قالوا ناداهو المنادى ...
وفارق الدنيا المهينة
يقطع الذلة وسنينها
فوق فراش ود حاج عجبنا ... تسمع الزول البيوصى ...
اقفلوا الحوش يا جماعة .. طفوا انوار الرتاين
داك حرس حظر التجول ..من بعيد ليكم يعاين
يــا زمـــن حــظــر الــتــجــول ...
يــا زمــن حــظــر الـتجول
...............................................
|
|
  
|
|
|
|
|
|
|
|
Re: حـظـر الـتـجـول (Re: أنور سيد ابراهيم)
|
Quote: فوق فراش ود حاج عجبنا ... تسمع الزول البيوصى ...
اقفلوا الحوش يا جماعة .. طفوا انوار الرتاين
داك حرس حظر التجول ..من بعيد ليكم يعاين
يــا زمـــن حــظــر الــتــجــول ...
يــا زمــن حــظــر الـتجول |
تسلم يا الحبيب انور
| |
|
|
|
|
|
|
|
|
|
Re: حـظـر الـتـجـول (Re: الطيب شيقوق)
|
اخوى شــديييييييييد
ود شيقوق .. الله يــســلــمــك
وتسلم من كل شــر
( يا الاكلت القبانيت براك وابيت تدى بت خوجلى معاك )
هههههههههههههههههههههههههههههههههه
| |
|
|
|
|
|
|
| |
فتحي الصديق
الطيب شيقوق
فيس بوك
تويتر
انستقرام
يوتيوب
بنتيريست