|
Re: للشوق هنا طعم البيوت --- للنيل هناك عطر السلام (Re: لؤى)
|
أباذر ... وللشوق إلى حضورك هنا طعم تراب الوطن ومذاق شربة موية من جوف النيل
قعدت حداكى رجيت جية الشموس الغايبه ليها أزل اتمنيت تجى وتحضر لقانا وندهت معاكى ريحة المطر البتاوق فوق شقانا والمواسم كالحة بى جمراتو طافيها المحل يا صفصافه مين ودر صباح نهرك ؟ جدع ليلك بعيد يا قمريه وينو غناكى ؟ مين شتت هديل عمرك ؟ سرق خرس البيوت حسك ولا السكات هزم النشيد ؟ يا عطريه وينو شذاكى ؟ مين دنس صلاة زهرك ؟ دفن جوه الفيافى مناكى حلمك رهاب جوه العطش محبوس دمك يباب مسمر فى الأسى الجواكى ونحن ليهو نكوس
رجيت جية الشموس الغايبه ليها أزل عبيت قِرب ليلك عذاب قبال تصل ومرقة بدرى زى عمرك يتيمه صباحا بعيد وما ملحوق وفتحتَ فى العينين مسارب سويت دروب سيلك سراب مرقة غنا الناس القراب تفضح بالحنين أمرك والمواويل القديمه هدت حيلك الممحوق مضاريا بالشوق المحل
رجيت جية الشموس واستنيت غيماتك الفسلا قعدت براى زى عشم الأرض مدسوس يا جايينا من جوانا اتمهل يا حابسنا جوه دمانا اتمهل يا طافينا بى نيرانا اتمهل شيل ضو الصبر فانوس وعاين فى ضلام دنيانا بى مهلا
رجيت جية الشموس الغايبه ليها أزل قبال مواعيد الخفوت شمسك مكتفه بالضلام قبال مراكب الليل تصل لملم شراع حزنك وفوت للشوق هنا طعم البيوت للنيل هناك مليون سلام
للشوق هنا طعم البيوت للنيل هناك ريحة الوئام
للشوق هنا طعم البيوت للنيل هناك عطر السلام ***
| |
|
|
|
|
|
|
Re: للشوق هنا طعم البيوت --- للنيل هناك عطر السلام (Re: شمس الدين ساتى)
|
Quote: قعدت حداكى رجيت جية الشموس الغايبه ليها أزل اتمنيت تجى وتحضر لقانا وندهت معاكى ريحة المطر البتاوق فوق شقانا والمواسم كالحة بى جمراتو طافيها المحل يا صفصافه مين ودر صباح نهرك ؟ جدع ليلك بعيد يا قمريه وينو غناكى ؟ مين شتت هديل عمرك ؟ سرق خرس البيوت حسك ولا السكات هزم النشيد ؟ يا عطريه وينو شذاكى ؟ مين دنس صلاة زهرك ؟ دفن جوه الفيافى مناكى حلمك رهاب جوه العطش محبوس دمك يباب مسمر فى الأسى الجواكى ونحن ليهو نكوس |
شكرا الجميل أبا ذر يا غيمة إبداع في سمانا يا زول يا دعاش يا مطر العينة الهاطل اروانا وشال الجدب الممحل دنيايا وخضّر غصن الذوق جوانا وغنّت بلابل الدّوح طربانا وعاد قمرينا الفاتنا رشاش محبتي
| |
|
|
|
|
|
|
|