|
Re: عاجل .. قوات الجبهة الثورية والفجر الجديد بعد خطوات من مدني ... (Re: عمر صديق)
|
Quote: وعاوزين منك فتوي بحكم انك من فقاء البورض |
مش فتوى بس .. نديك فتوتك في ايدك ومعها الفاتحـة كمان .. إنت ما عارفني في حتات زي دي بكون مفتي ومن هيئة علماء البوردان وكدا .. بعد قراءتي للمادة موضوع النزاع .. ارجو ان اوجهكم اخي الكريم .. بالضرب بيد من فولاذ مع الرجم من مسافة قريبة على السارق للمقال المعني حيث أن السرقة الالكترونية لا تجوز .. كما أرجو التشديد على الحتة بتاعت الكرتكال دي .. وإنو أخد البتاعة دي بالانقليزي .. في الحتة دي بالذات .. (تقضفوهو) شفته تقضفوهو دي معناته شنـو ..؟ بعدين الحاجة التانية .. لا تاخذكم فيه اي شفقة .. على شاكلة انو برلوم وما عارف .. هو اكان ما عارف .. بي نقط .. نقط مالو ..؟ ختاما اتمنى لكم التوفيق والسداد في مسعاكم .. وكان في صوور أرجو انكم تزودونا يعني كنحن فقهاء وكدا ..
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: tmbis)
|
(ق ف ج) وكالات عالمية فجر اليوم زحفت قوات الفجر الجديد تساندها بعض من قوات الجبهو الثورية الموحدة .. وهي في طريقها للخرتوم عاصمة امدرمان .. وكانت القوات قد مرت بي حاضرة الاقليم الاوسط مدينة ود مدني .. وقد اكد بيان للقوات المسلحة السودانية تمت اذاعته في الساعات الاولى من صباح اليوم حقيقة الخبــر .. وكان في وقت لاحق من مساء الأمس قد اعلن القائد العام للقوات المسلحة السودانية سقوط حامية سنار في يد الثوار وذلك بعد دخولهم من عدة محاور مختلفة .. وكانت نفس المدينة قد شهدت أعمال اعتقالات واسعة ابان الانفجارات الأخيرة التي شهدتها المدينة في عدة مناطق حيوية لمرافق الجيش .. ويرجح بعض المحللين أن من قام بتلك الأعمال هم أفراد من قوات الجبهة الثورية التي تعمل ضمن قوات الجيش السوداني ..
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: tmbis)
|
ههههههههههه تمبس كل ابريل وانت طيب وتامين ولامين ان شاء الله انا خائف من الناس البختفو ديل يلم في البوست ومن عنوانو وجري علي المنتديات الجبهه الثورية علي مشارف ودمدني الله اكبر الله اكبر ولانامت اعين الكيزان اها الجماعة ناس المصدر هو جاهز ليهم البوست كاتبو كوز كبير تمبس ياخ ياسلااااام معناها الكلام صاح هههههههه تسلم ياحبيب
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: سليمان القرشي)
|
Quote: يلم في البوست ومن عنوانو وجري علي المنتديات الجبهه الثورية علي مشارف ودمدني الله اكبر الله اكبر ولانامت اعين الكيزان |
الله يا ود القرشي انا ما خايف من مجاسفة البوست بي خبرو .. انا خايفم يجاسفوهو .. ويحلق ليهو كمان .. ويجيبو ليهو صورة يا كمان يجيبوني انا قاعدين يحلقو لي ناس الديش بتاع الجبهة الثورية دي وتصورني كاميرا نجلاء سيد أحمد ويكتبو عليهو خاص الفجر الجديد
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: أسامة البلال)
|
Quote: طيب يا تمبا وكت الموضوع طلع كضبة أبريل كان تخليهم يدخلوا كافوري |
كافوري شنو يا اسامـة .. ياخ ديل حصلو لحدت الكبري .. عندك محمد سليمان الشهير بي استيف ومعاهو الشهيدة تراجي مصطفى قالو لينا سلمو المفاتيح بتاعات بيوتكم .. يعني عايزني ادخلم كافوري يا اسامـة عشان الدهشــة تكتل لينا قريمان تمنية قيقا ..؟ نديهم حبه حبه كدا .. اي زول يا اسامة بنكتب ليهو في سلمو .. عليك الله هم دافعين حاجة ..؟
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: هشام عباس)
|
Quote: تمبس سلامات خبرك كذبة ابريل لكن المستبعد شنو فى مثل هذا الخبر اذا كان ام درمان ذات نفسها دخلوها نهار جهار البحمى مدنى شنو |
ااهلين يا هشام .. الدخلة دي اسهل منها مافي .. حسع ان القدامك دا ممكن ادخل ليك فيل في كباية شاي عثمان حسين .. المافي شنـو .. ؟ الدخلة اصلا اصلن ما مشكلة .. المشكلة الطلوع كيفنهو ..؟ هاك متع نفسك .. اليوتيوب مليان .. يحمد الله سيدو وزي ما دخلو امدرمان .. فزو جاريين منها
...
Quote: زغاريد نساء وهتافات الرجال فى ام درمان استقبالا لقوات خليل ابراهيم |
.. الما عارف يقول عدس .. هنا برضو في ناس قاعده تهتف وتزغرد .. للجيش .. وكان عايز هتافات وزغاريد للر ئيس برضو بنجيبه .. المسألة اسهل مما تتصور ..
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: الجنيد حمد)
|
Quote: الربع ده شكلو ربع خير عديل بالنبؤات البدت تنبهل دي واصل النبؤات ونحن نسعى لتحقيقها |
انا يا الجنيد ما من ناس النبؤات .. ولا ناس النبوت . نحن ناس امسك لي واقطع ليك .. بوردي بكري ابوبكري دا .. الانبياء البطلعو لينا النبؤات قاعدين ومالين المكان .. الواحد فيهم (يتبيّن) ومرات يتمها مويـة .. من ناحية باقية ولايـة تانية .. بالشايفو دا باقيـة .. وناس قطبي ديل اصبعم ما بيدخلوهو ..
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: tmbis)
|
عنوان مثير جدا .. تركت وركضت خلف هذا .. لكن يا تمبس انت تعرف تحكي كويس حتى لوا ختلف الواحد معاك .. عندك اسلوب استرسال تمام وتعرف تجيب حقك وبالزيادة ( متابعك من زمان ) بعدين معنى تمبس بالدنقلاوية هو ( الاخ العزيز ) امبس ( اخي ) تمبس ( اخاه ) تمبسي ( اخوانهم ) بالمناسبة اخوك برلوم .. لكن بصراحة تعرف تسترسل كويس ( شهادة من غير الناطقين ) تحياتي ليك ودمت
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: ABUHUSSEIN)
|
Quote: أهلي ناس أمبده كل يوم إسخنو في النحاس .. لأنو قالو ليهم الناس ديل جايين بي أم درمان... |
.... اها يا عادل دا الكلام الما بنفع .. حسع اخونـا هشام دا قال الجماعة قعدت تزغرد .. وانت جبت ليهم النحاس .. يعني الشغلانة بقت حفلة عديل كدا ..؟ غايتو على كل حال المرة دي محل النحاس دا الله اعلم يجو داخلين بيهو .. احتمال كبير يجو داخلين بي أركويت طالما جهزتو ليهم العدة بي امدرمان
| |
|
|
|
|
|
|
Re: عاجل .. قوات الجبهة الثورية والفجر الجديد بعد خطوات من مدني ... (Re: علي عبدالوهاب عثمان)
|
Quote: معنى تمبس بالدنقلاوية هو ( الاخ العزيز ) امبس ( اخي ) تمبس ( اخاه ) تمبسي ( اخوانهم ) |
وهل تعلم يا علي انو في فنان اسمو ( منصور تمبس ) وتاني في فنان برضو اسمو .. (ايمـن تمبس) ..؟ عليك الله مش منطقتك .. بي غير الناطقين بها ..؟ طبعا الحنك بتاع الرندوك دا أو التصريف بتاع تمبس دي ..؟ زمااان صرفتني الزميل تيسير عوووضة قلت ليها يا زولة خير مافي ايتها عوجـة .. يوم مشيت لي محل بتاع تسجيلات كاسيت هنا في الرياض .. وانا كان عندي مرضه كدا بتاعت اسمع اغاني شعبية .. ما مهم من ياتو منطقة لكن المهم انها اغانينا وحقتنا البتعبر عننا .. مشيت لي بتاع المحل كنت بدور عن شريط محدد قمته لقيت ليك شريط مكتوب فوقو منصور تمبس .. ياخ والله سرني هذا الخبر لابعد درجة خاصة انو انا علاء الدين منصور .. فقلته طالما انو المسالة رندوق وناطقين بغير بها فأكيد قاصدني انا على العموم شكرا يا أمبس علي .. لمتابعتك لشخصنا الضعيف من زمان .. وشكرا فيما يخص المدح في الاسترسال .. لكن اعمل حسابك ما يعوقوك الجماعة ديل طالما انك قلته تمبس دا زول كويس
| |
|
|
|
|
|
|
|