|
|
|
 Re: جـو عجـيـب .... لا حـر لا بـرد ... جـو فـول ( اكـيد صـور) (Re: خضر الطيب)
|
مرحب بيك هجو مختار
فى جووو نا يا ضلنا
Quote:
الصور جميلة
ومن شدة ما جميله الشاشه بتاعت الكمبيوتر قربت تقول طق
دي صور منفوخه بي صحن فتة فول ولا كيف
خضر سلامات ياخي |
الكوالتي مهم يا حبيب بخلى اي حاجة تطقطق
لا دي مامنفوخه بصحن فول , انت مازول فول دي منفوخه بي شيتن كوتر
جوك عندي هنا ,, هاك البقدلي دا 
اعمل ساتر وادفن دقن ماتكلم زول 
| |
 
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: طارق جبريل)
|
سلام دكتور طارق
مرحبتين حبابك والجو الجميل الليله جابك
Quote:
دة جو حاجة بشتروها من ابو روف |
ابو روف وين حدد ؟ شارع النور عنقره , ولا بهناك لنادي الزهره؟
اوع تكون قاصد بهنااااااك .. ود المدني
هو غايتو الجو مفتوح لكل الاحتمالات , فى واحدين فى المورده ممكن يعتبروه جو مــكوه
حرم مابتفوت ساي يا السنجك دواك عندي ...متع نفسك الكواميت دي دايرا ليها شغل ذي دا
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: مبارك محمداني)
|
حبيبنا ود المدير
تراحيب الهمبريب
Quote: يا خدر نحنا الجو عندنا في اتبرا أظرف مكان
تمشي تعدل فيهو مزاجك، يعني جو إنبساطة
بدون وآسطة.
والله صحي... |
والله عطبره بلد ما ساهله , مشيت ليها مره واحده فى طريقى لبورتسودان
عليك امان الله نزلتى من القطر قبضوني , قالوا القطر بتأخر اطناشر ساعه
الظاهر السكه لي قدام فيها صيانه ولا القطر حيتأخر فى الورشه , المهم معاى صاحبنا
قال بعرف البلد فى حته جنب البحر اسمها الداخله ولا المارقه , اها يامؤمن يامصدق مشينا
قعدتنا كده يجونا اتنين مباحثيه , المقعدكم هنا شنو وانتو من وين ,. ؟ قلتا ليهو من السودان
المهم اتلامضو معانا اتلامضنا معاهم , ودونا التمنه , الصول عرفنا مسافرين فكونا
ومن ديك لى يوم الليله مادخلتها ,
لكن لى جيتك دي هاك سف وادي اخوك يسف والحقوني حي ( الحلفا )
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: طارق جبريل)
|
مرحبتين حبابك مبارك
Quote:
أخونا خضر سلام بس محل العصيدة شايف لي صحن صغير فية حاجة ذي الكول كدة لو كول والله ماعافي ليكم ! صورة تجوع المابجوع . مودتي |
لا يا مبارك الصحن الصغير دا صحن شطه خضرا , لكن الصينيه من الغرب ,اصحاب الصينيه ديل يكونوا نسو الكول , هسي كان سالتهم منو يقولوا ليك الكول دا جنى منو ؟
كان عندي حبوبتي فاطمه بت على الله يرحما ويغفر ليها هي الربتني كانت متخصصه فى الكول والمرس , ومما اتوفت لي يوم الليله انا ما اكلت كول ولا مرس
غايتو مالقيت ليك كول مطبوخ بديك حقك ناشف اتصرف فيهو ان شاء الله تدقو تسفو
لكن مابخليك تفوت ساي مغوبش , هاك الكداد دا كدو
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: مبارك محمداني)
|
مرحب اخونا محمد جمال
فيس بوك مان
Quote: Mohamed Jamal · الأكثر تعليقا · سكرتير تنفيذي في AL-AMR GROUP
يا خضر دا جو مستفز جدا بالنسبة لينا.
في عهد سابق كنا نسميه جو معصية
رد · · منذ 11 ساعة |
والله يا محمد المعصيه دي ما دايرالا جو معين , لكن كان لقتو ببقو دراويش لاقو مداح
هسي عليك الله جو الطايف دا فى احسن منو فى بلد درجة الحراره فى الرياض بتصل خمسين براحه
مره مشينا شغل فى جزيره اسمها فرسان فى الجنوب وكان وقت الصيف
عندهم مهرجان اسمو مهرجان صيد السمك , الجزيره دي الوصول ليها ببواخر بتقوم من جيزان
الجزيره دي فيها سخانه انا لى يوم الليله لما اتذكرا بقيف للمطره تدقني
والمصيبه الاكبر غالب اوكل قوت اهل البلد السمك , تاكل سمك فى الحر دي وتشرب مويه
كلما تشرب تعطش زياده , بطنك تكون مليانه وريقك ناشف , غايتو كانت خمستاشر يوم فى جهنم
انا بتخيل الحته دي فاتحه على جهنم او تكون مقترحه انها تكون جهنم
اما طايفكم دي سمحه عدددديل , جو وكده من الصور دي ما شايف فى فرق كبير بين الطائف درة المصايف وهنا
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: Suleiman Todi)
|
الحكاية للراوي
حكي لي احد الاستاذ السابقين بمدرسة خور طقت
بانة في جو مماثل لجوكم دا والدنيا اجازة
فجلس المعلين فى الحوش كدا وفى الكراسي وقررو يعملوا ليهم قعدة مدنكلة علي حس الجو الرهيب
فنادوعلى الفراش وجمعوا قروشهم زارسلواة يجيب ليه مالمزه والشية والسطلة وباقي المستلزمات للقعد
فى الاثناء خرج عليهم معلم التربية الاسلامية
سالوة : الجو رهيب يا استاذ فلان
قال ليهم طبعا فى غاية الروعه
قالوا لية الجو دا جو شنو يا مولانا
قال ليهم الجو دا جو تلاوة
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: الزنجي)
|
مرحب اخ سليمان تودي
Quote:
سلام يا خضر وضيوفك
بوست بخصوص الجو لكن فيه حاجات تانية كويسة المهم.
انا غرابي لكن اول مرة اسمع لي بملاح كدود او كدادة في الصورة دي
وبالمناسبة
في سنة من السنين مكثت حوالي كم شهر في مدينة بورثموث والله عجبني الطبيعة المنطقة الممتدة من لندن حتي المد ينة
الجو والله عندكم
هاك الجو عندنا في علمك نحن في فصل الربيع مارس |
ملاح الكداد دا ما اكل بتاع غرب يا سليمان دا اكل بتاع ناس الشماليه , وهو عباره عن نوع من النبات بقوم وسط الزراعه ( بقوم براهو بروس) وفى بعض المناطق اسمو التمليكه
بالنسبه لبلدكم ديك الجليد فيها مبالغه , هنا الجليد ماكثير , انتو لانكم قريب للمتجمد الشمالي , ربنا يكون فى عونكم
المنطقة الممتده من جنوب لندن وحتى بليموث وبورتثموث ونيوبورت مرورا بكاردف هي من اجمل المناطق
حالة كونك هناك لازم تاكل حاجه خفيفه ذى دي
وتحلي بي دي . غايتو التحليه دي ما عارف حتاكلا ولا حتصورا
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: وضاحة)
|
سلام حبيبا لى نورا
فى دي صدقتا , انا ماعارفك بتتحاوم بي هنا , كنت راعيت فروق الوقت
هسي انتو مالكم , تحمدو ربنا حاكمكم مرسى وموفر ليكم الببسي
لو حاسى انها كتمت افتح الشباك او اطلع البلكونه كالعاااااده ,ماتقوم تشرق علينا وتجهجه باكاتنا باقى الليل دا
وبالمناسبه دي بهدي ليك جوك الطبيعي يابتاع البتاعات
هاك خش السينما دي يا بتاع الافلام وبعد السينما ماتسالني من اكل .. تاكل الحمط رمت
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: Suleiman Todi)
|
سلام عبد الله ود اللمين
فيس بوك مان
Quote: عبدالله ود اللمين · يعمل لدى اعمال حره
جوعتونا ياخضر ياخي
رد · · منذ 22 ساعة |
والله يا عبد الله يا اخوي الجوع حاصل , غايتو انحنا بنستغل الجو دا فى الاكل ماعندنا ليهو شيتا تاني
المشكله الوحيده فى جو ذى دا انو الواحد مابشرب مويه ودي مساله خطيره جدا , غايتو الواحد بحاول ماينسى المويه
اما اذا دار محور سؤالك عن العضه , انتظرني بجيهك طب
انت ظاهر عليك زول دفسيبه يعني عضه متنوعه , وكميه مريحه
كدي هاك دي اكل وشبع الطير والحدي
كت اوت:
كنت عاوز اديك تحليه , لكن خشمك دا ما خشم تحليه
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: خضر الطيب)
|
مرحب حباب الزنجي
Quote:
الحكاية للراوي
حكي لي احد الاستاذ السابقين بمدرسة خور طقت
بانة في جو مماثل لجوكم دا والدنيا اجازة
فجلس المعلين فى الحوش كدا وفى الكراسي وقررو يعملوا ليهم قعدة مدنكلة علي حس الجو الرهيب
فنادوعلى الفراش وجمعوا قروشهم زارسلواة يجيب ليه مالمزه والشية والسطلة وباقي المستلزمات للقعد
فى الاثناء خرج عليهم معلم التربية الاسلامية
سالوة : الجو رهيب يا استاذ فلان
قال ليهم طبعا فى غاية الروعه
قالوا لية الجو دا جو شنو يا مولانا
قال ليهم الجو دا جو تلاوة |
بالمناسبه الجو هناك فى موسم الخريف جد مماثل , وبديـــــع
لكن اصحابك ديل غايتو يا خلو الطشمه وبقو مشايخ , يا كمان شافو للشيخ دا مدرسه تانيه نقلوهو عليها
دخلتو كانت فى حته صعبه شديد بعد ماجهزوا مشاعرم
الجو عندكم فى الامارات او فى الخليج عموما جميل جدا فى الشتاء , لكن فى الصيف شئ لا يطاق
كنت فى زياره لابوظبي وكان صيف شدييييد وصلتا بالليل بعد الافطار بساعه تقريبا
كانوا منتظرني جماعه فى المطار بعد السلام , قلت ليهم الدخــــان , انا تمانيه ساعات معلق فى الجو مادخنتا
قمت طلعتا بره المطار وفجاءه يلفحني ليك سموم ذى الزول الرشوهو بموية غلايه
رغم انو فى مظلات فيها مراوح كده ذى مرواح الطياره وبترش رذاذ ( دا المرض ذاتو) , دا كلو مانفع , طفيت السيجاره واتخارجتا
لكن بلدكم سمحه عديل مافيها كلام :
الامارات
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: خضر الطيب)
|
سلام وضاحه
مرحب بيك
وشكرا على الاغنيه
اما اذا دار محور سؤالك عن بلدك فهي بلاشك حلوه والناس لطيفه جدا
بس فيها نسبة تلوث بيئى عاليه جدا فى الجو , انا زرتها مرتين , مره فى الصيف ومره فى الشتاء
فى الصيف شئ مبالغه سخانه ورطوبه غير عاديه , اما فى الشتاء فيعتبر صيف اوروبي رائع
كنت لما اشوف الناس لابسين بطاطين وحايمين فى الشارع بقول ديل شافو البرد وين
اما الكورنيش فبيكون شبه فاضى
الصوره الاخيره دي فى اليوم الوطنى الناس ماشين على الكورنيش مكان الاحتفال, عشره مليون بنقالى وهندي
كت اوت :
غايتو عندكم حالول و شاي الكرك , متعه
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: خضر الطيب)
|
مرحب بيك جمال
فيس بوك مان
Quote: Gamal Babiker
يا سلام جو بهجة
رد · 1 · · الثلاثاء، الساعة 11:28 صباحاً |
كان زمان وجبر , خلال اقل من ساعه تغير الجو بصوره مبالغ فيها
الجو كان كدا فى الصوره دي
فجاءه فى دقائق بقى كدا
شفتا الحاله دي كيف ياجمال ... سبحان مغير الاحوال من حال الى حال
يعني الويكند دا القعاد فى البيت اجباري
وطبعا الجو بارد بصوره فظيعه مع رياح شدييده من كل الاتجاهات مشبعه بزخات الجليد
طبعا اذا سألت عن الاكل فى جو ذي دا , فى حاجتين ساهلات جدا ومريحات جدا , اي زول ممكن يعملن
الاولى شوربة الخضار بالشوفان والشعيريه ودي عشان الجو البارد دا يفهم حاجه 
والحاجه الثانيه , كفتة البطاطس , ودي مافى اسهل منها , لازم انت طالع تاكل نازل تاكل , ايوه بالزبط ذى المنشار
لو ما التزمتا بالاكلات دي فى الجو دا حتلم فيك (هايبوثيرميا) بتوديك التوج , الجارى عليك مابحصلك .... وسلامتكم
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: خضر الطيب)
|
يتواصل لليوم الثالث على التوالى تساقط الجليد ومن المتوقع على حسب ادارة الارصاد الجويه ستشهد الايام القادمه المزيد مع انخفاض حاد فى درجة الحراره
وصل الى درجة الصفر فى بعض المناطق
وهناك عدد من الوفيات جراء هذا السقوط المتواصل للجليد مع عواصف جليديه
Weather: Man Dies In Snow Trying To Get Home
A young man died in a "very tragic incident" after trying to get home in the snow in Burnley after a night out with friends.
The man's body was discovered in deep snow by a farmer yesterday afternoon but emergency services struggled to get to the area because of the weather conditions.
Chief Inspector Derry Crorken, of Burnley Police, said: "Early indications suggest that it appears to be a very tragic incident where a young man has been out with friends and has become caught up in the weather last night on his journey home.
"The snow and ice has been severe in the area with many roads not passable. I would urge people to take precautions and only go out if it is necessary and if you do go out then make sure friends and family know where you are and that you have suitable clothing on and your phone with you."
Snow: Man Who Died Walking Home Is Named
The man who died trying to walk home in the snow has been named as 25-year-old Gary Windle.
Mr Windle's body was discovered by a farmer in a village near Burnley. Police said he was trying to make his way home after a night out with friends.
Lancashire villages close to where Mr Windle's body was found are cut off and are "running out of food", according to Chief Inspector Derry Crorken.
He said that police "simply cannot get to" villages including Brierfield, Wycoller and Briercliffe to make sure residents were coping.
Mr Windle's death was the second of three tragedies in the recent cold snap.
On Friday, police in Looe, Cornwall, found a body in a block of flats that had been flattened by a landslide thought to have been triggered by torrential rain.
A 57-year-old hill walker died in the Scottish Highlands, although police said it was not clear whether his death was linked to the poor weather.
At least 20,000 people are still without power after heavy snow, with the RAF called out to help in some of the worst affected areas.
Engineers are working to restore supplies to around 12,500 homes in Northern Ireland and 10,000 in Scotland, as well as 500 properties on the Isle of Man.
A search and rescue team from RAF Valley in Anglesey, Wales, was drafted in to help police in Northern Ireland.
They also landed on the Isle of Arran to fly an elderly woman suffering from hypothermia to hospital.
الشاب دا عمرو خمسه وعشرين سنه بعد سهره مع اصحابو اتحرك للبيت فى احدي القرى , والظاهر تفاجأ بالعاصفه الثلجيه , اكتشف الجثه احد المزارعين مغطيه بالثلوج
تعذر على الاسعاف والشرطه الوصول لهذه القريه ومناطق كثيره من بريطانيا عن طريق السيارات , تم استخدام الاسعاف الطائر لانقاذ عدد من المواطنين المتاثرين بهذه الموجه
الشرطه نبهت المواطنين لخطورة الوضع والبقاء فى المنازل وعدم الخروج الا فى حالة الضروره مع اللبس الواقي ومعرفة الاسره بمكان ذهابهم مع حملهم لموبايلاتهم للاتصال فى حالة الطوارئ
دي الهايبوثيرميا الذكرتها فوق
على حسب ادارة الارصاد الجويه البريطانيه انو جو ذي دا اخر مره ضرب بريطانيا قبل خمسين سنه
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: جميلة ابراهيم السيد)
|
مرحب جميله
عساك طيبه والعيال بخير
Quote:
اسة دة تلج يوقفوا لي حال البلد؟
قادر الله
خضر وضيوفك اريتكم طيبين |
دا اخر مره جا كده كان سنة 1963م يعني قبل خمسين سنه , وبعدين ياجميله ربنا بدى الغتا على قدر البرد .. ولا موهيك
غايتو ذي بتاعكم داك لو جا هنا صدقيني مابفضل بني ادم حي درجة الحراره هسى انخفضت لدرجتين تحت الصفر
كويس انو صادف الويكند , لكن اليوم الاثنين يوم عمل رسمي ربنا يجيب العواقب سليمه
ونواصل .............
| |
|
|
|
|
|
|
|
|
|
Re: جـو عجـيـب .... لا حـر لا بـرد ... جـو فـول ( اكـيد صـور) (Re: وضاحة)
|
الحمد لله اخيرا انتهت موجة الجليد , ويبدو ان الربيع قد اطل
او كما قال الشاعر : اتاك الربيع الطلق يختال ضاحكا ... من الحسن حتى كاد ان يتكلما
هذه الصور اخذت منتصف هذا الاسبوع من امام منزلى .. بقايا الجليد على سطح المنزل والبوابه الخارجيه
اخيرا بدت الشمس تطلع , وهي اصلا ذى لمبة التلاجه تشوفا لكن مابتحس بحرارتا
| |
|
|
|
|
|
|
| |
خضر الطيب
فيصل محمد خليل
احمد محمد بشير
Haju Muktar
طارق جبريل
Mahmoud Mustafa Mahmoud
معاوية المدير
مبارك محمداني
Suleiman Todi
حبيب نورة
الزنجي
وضاحة
جميلة ابراهيم السيد
فيس بوك
تويتر
انستقرام
يوتيوب
بنتيريست