إلى الأميرة نانسي عجاج .. أنا آسف جدا والله

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-11-2018, 10:26 PM الصفحة الرئيسية

مدخل أرشيف الربع الثانى للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
31-10-2012, 09:09 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


إلى الأميرة نانسي عجاج .. أنا آسف جدا والله

    أول مرة أشوف الرابط دا http://www.facebook.com/nansy.3agag وإلا لكنت قيلت وبت فيهو يوماتي..
    لا والله قيلت وبت شنو ؟؟؟؟؟ المفروض أصلا أكون أنا العملتو لأنني وبدون فخر أو غرور أجزم بأنه لا أحد أشد إعجابا بك
    مثلي ( فنا وشكلا ومضمونا ) .. يالك من رائعة كالبدر المنير في ليلة تمامو .. لا بل إتي الأنجم الزواهر ومنك يأتي قوس قزح
    الجمال ..
    كل سنة وإتي طيبة والسنة الجاية إن شاء الله وبإذن الله أجمل وأنضر ( رغم أنو كدا كتير علينا والله ) ..
    ...........................

    الاخ الحبيب تامبا الملقب بعلاء الدين منصور رحمك الله حاول خلي أخلاقك فنية ( بما أنو ما عندك أخلاق رياضية) وبالله
    أمانة عليك تقطع إضنيك نزل لينا إن شاء الله مقطع واحد من حفلة الأميرة نانسي الأخيرة في دبي ( الجهاز بتاعي ما بنزل) ..
    والكلام دا ينطبق على فاعلي الخير من الأخوة أعضاء المنبر غير تامبا ..
    .........................
    ملحوظة 1/
    ربما كانت هذه آخر كوتاتي لهذا اليوم ولكن حتما سيستمر هذا البوست حينا من الزمن حتي ولو جيت عملت ( لايك ) لنفسي براي
    ورديت على بوستيني براي وأشدت بيهو براي وإستمتعت بتطريب الأميرة براي .
    ملحوظة 2/
    أعتذر لمعجبي الأميرة لنقلي رابط موقعهم ولكن ليعتبروا ذلك مساهمة مني في الترويج له ..
    إمضاء المعجب حتي الثمالة الخبير الروائع / طلحة .
    يتبع إن الله هون .
                   |Articles |News |مقالات |بيانات

31-10-2012, 09:20 AM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31125

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)


                   |Articles |News |مقالات |بيانات

31-10-2012, 09:24 AM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    طلحة كل عام وأنتم بخير .. وعفيتك ياخ

    صفحة الفيس بوك التي جلبتها أنت عدد معجبيها حتى تاريخ هذه المُداخلة هو 621

    وهذه الصفحة اضغط هنا عدد معجبيها حتى تاريخ هذه المُداخلة هو 37.793


    ولك وللأستاذة نانسي عجاج كل التحية والتقدير ،،،
                   |Articles |News |مقالات |بيانات

31-10-2012, 10:08 AM

tmbis
<atmbis
تاريخ التسجيل: 19-10-2002
مجموع المشاركات: 24862

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: صبري طه)

    والله حقو بكري يعمل لينا ايقونة تحويل رصيد ..
    ..
    لكن اديك ميزة يا طنظير ..
    امبارح قدرته شوية كدا لاحظ شوية دي .. قدرته اتعامل مع الموضوع عادي .. كنت قاعد اغسل في العدة في المطبخ وغسيل العدة طبعا شي ضروري في البيت واشدد على انو الواحد يغسله قبال ما تنشف فيها بقايا الطعام لانو شنو بقايا الطعام ممكن تلملم لينا البكتريا الضارة وتنبعث بعد ذلك الروائح الكريهة وإلخ ..
    المهم زميلة البورد نادتني قالتي لي تعال بسرعة شوف دا شنو ..؟
    جيت لقيت ليك البرنامج بتاع ام بي سي .. لجين عمران حسن صالح قاعدة معاها نانسي .. تخيل من دون ما اشعر قلت شنو:
    قلت خلاص الليلة الا نشوف لينا بورد غير بورد بكري دا .. لانو الأخ طنظير الملغب بي طلحة عبد الله او اي كان اسمو .. ح يكرهنا البورد والبوردات المجاورة ..
    المهم ..
    حسيت بي رضا نفسي شوية كدا على الاقل .. جابو لينا نانسي زولة بتعرف تتكلم بعيد عن مثقفة والكلام الباقي دا .. لانو ي صراحة الفترة الاخيرة دي اتقدينا عديل كدا .. بعدما اصبح وجهنا المشرق في الغناء وحاجاتنا السودانية ناس ستونتكم مجروس وبعض اللواتي تسهل ليهن الامور عشان يمشو مركز جورج واشنطون في امريكا او اي كان اسمه ليتغنوا في شكل انهن فنانات سودانيات .. وبتاعات تراث كمان
    ياخ تراث شنو يا سلمى العســل ومركز واشنطون شنو ..؟
    المهم ..
    كلامي دا تلقاك حسع دي رجعته الكرسي حركة ورا وقعدته تضحك ملي شدقيك .. نووووووو .. طالما انو نانسي بتاكل في الكلام وتغمض لسة الفورة الف معاك .. كنت عايزه ما تغني بس تتكلم مع الزولة دي ..
    اها اديك ميزة تانية ..
    شريط نانسي قاعد في عربيتي وعامل منو CD و MP3 .. قصرته معاك ..؟
    لكن انت قايل بسمعو متين .. بسمعو لما امر لي بي مكان صاني ما فيهو احساس بي حركة ولا فيهو احساس بي ضجيج
    ربما يوما ما .. اقدر اسمعو في محلات فيها حركة .. وضجيج واتعامل مع الامر بشكل طبيعي .. لكن مسالة اني استلف احساسك واسمع بيهو نوووووووووووو تاني مرة .. دي تلقاها عند زول ما عندو حديدة ..
    ..

    يا صبري .. عليك الله سؤالين من الكيس كدا صاحبك دا لمبة مداخلاتو ولعت .. اردمو عليك الله بسؤال زي بتاع المليون شهيد بتاعين الجزاير ديلاك .. الزول دا لو ما لقى زول يقعد ليهو .. والله يفرج فينا البوردات المقابلة ..

    ..
    اهو بختك ضري عيشك .. ابو حسين ارضى غرورك وطموحاتك

    ذبحتنا يااااخ
                   |Articles |News |مقالات |بيانات

31-10-2012, 10:19 AM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: tmbis)

    أخي تمبّس لك التحية .. وكل عام وأنتم بخير ...
    Quote: يا صبري .. عليك الله سؤالين من الكيس كدا صاحبك دا لمبة مداخلاتو ولعت .. اردمو عليك الله بسؤال زي بتاع المليون شهيد بتاعين الجزاير ديلاك .. الزول دا لو ما لقى زول يقعد ليهو .. والله يفرج فينا البوردات المقابلة ..

    المُشكلة هو قال عدد مداخلاته محدود .. لذا عفيتو من الجرجرة الكتيرة .. يعني حيجاوب على شنو ويخلّي شنو ؟
                   |Articles |News |مقالات |بيانات

01-11-2012, 09:40 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: صبري طه)

    أبو حسين يا حبيب ياخي أنا عايز أقولك كلام حلو بس مش عارف أقولك إيه .. لكن الأنا متأكد منو إنك عارف إني عايز أقولك إيه ..
    صبري طه يا قلب شكرا ليك لأنك عفيتني من السؤال.. وتاني شكرا ليك لأنك نبهتني للموقع التاني .. وشكرا ليك مرة تالتة من الأميرة نانسي ..

    تامبا يا حبيب .. إذا كان عندك الحاجات القلتها دي كلها في عربيتك، وكمان بتسمع الأميرة وقت الأصيل والغسق والشفق فدا يؤكد حقيقة أنك معجب
    بملكة التطريب، (نانسي عجاج) أكتر مني أنا هيم سيلف، وأن ما تقوله تلميحا أو تصريحا بخصوص أنها عادية إنما هو تمويه وتعمية ربما خوفا من
    العين والحسد باعتبار أن من يعجبه غناء الأميرة الكثيف التطريب إنما هو إنسان مرهف تحتشد دواخله بالأحاسيس التى تضعه مباشرة في مصاف
    الخبراء والشعراء وملوك الرومانسية .. اللهم صلي ع النبي .
                   |Articles |News |مقالات |بيانات

01-11-2012, 11:01 AM

Isa

تاريخ التسجيل: 29-11-2004
مجموع المشاركات: 1321

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    سـلام يا شباب..
    Quote: بعض اللواتي تسهل ليهن الامور عشان يمشو مركز جورج واشنطون في امريكا او اي كان اسمه ليتغنوا في شكل انهن فنانات سودانيات .. وبتاعات تراث كمان
    ياخ تراث شنو يا سلمى العســل ومركز واشنطون شنو ..؟

    هـو إنت لسه فاكـر :)؟ ياخي الكـلام دا كان في القرن الماضي تقوم تقول عليهو (الفترة الأخيرة).. بعـدين إنت قلتها براك: بسّهلوا ليهن الأمـور.. يعني سلمى تبقى ما ظالمة لامن تغني في مركز جورج بوش دا على قول قريبنا..
    الحبيب طلحة: الأميرة أو الأستاذة على قول ناس السودان نانسي سبق وأن دارت بيننا حوارات ممتعة بالنسبة لي عنها هنا مع الأصدقاء تمبس وعمر الفاروق.. بالنسبة لي ـ تاني ـ في عامل تاني برضـو مؤثر لامـن أتكلم عن نانسي يمكن ما قلتو في حواراتنا المذكورة دي إنو أنا وآخرين عرفنا نانسي في هولندا أخت وصديقة وبنت أخ كريم وعم عـزيز وأستاذ جليل وصديق أيضاً قبل أن نعرفها كفنانة محترفة..
                   |Articles |News |مقالات |بيانات

01-11-2012, 12:28 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: Isa)

    Isa كل عام وأنتم بخير
    بت عجاج توجت نفسها أميرة التطريب العالي وفرضت نفسها نجمة لامعة في الشارع الفني السوداني وفي فترة
    وجيزة جذبت عشرات الآلاف من المعجبين لأنها تحترم فنها وإبداعها وتحرص دائما على البقاء في القمة والمنزلة الرفيعة
    التى وصلت لها كما يظهر ذلك بوضوح ليس فقط من خلالها إختيارها لكلمات أغانيها بل وللعناية بمظهرها وصورتها في
    وسائل الإعلام وطريقة حديثها..
    أنا آسف جدا والله لوجود هذه المبدعة في وسط يمور بالمكايدات والحسد والغلبة فيه دائما للخانعين وأصحاب الوساطة والمصنوعين
    من مسوخ الغناء الذين إمتلأ بهم الشارع حتي فاض وقال الرووووب عديل .
    أنا آسف والله أن تمارس الأميرة نانسي عجاج إبداعها من على البعد سواء كان ذلك طوعا أو كرها في حين يتنعم غيرها من فاقدي الموهبة
    والمدعين والمتشعبطين بدفء الوطن والأهل والمعجبين .
    أنا آسف غاية الأسف أن ظللت أستمع قبل ظهورها (مجبرا أخاك لا بطل) لهابط الغناء ومشروخ الأصوات وأنكرها من الذين فرضوا علينا فرضا
    من أصحاب الأجندة والمصالح الذاتية المندسين في وسائل الإعلام إذاعة وتلفزيون وصحافة وغيرها .
    آسف جدا والله عشان الأميرة .
                   |Articles |News |مقالات |بيانات

01-11-2012, 02:16 PM

خالد عبد الله محمود
<aخالد عبد الله محمود
تاريخ التسجيل: 28-11-2004
مجموع المشاركات: 5393

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)


    تنظير
    عليكـ الله طلب صغير
    قول لي أميرتكم دي فكي لينا درب إبراهيم عوض الله يرضي عليكـ و حاولي كوني نفسكـ شوية




                   |Articles |News |مقالات |بيانات

02-11-2012, 07:06 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: خالد عبد الله محمود)

    خالد عبدالله محمود
    إختشي
    يتبع ......
                   |Articles |News |مقالات |بيانات

02-11-2012, 11:01 AM

محمد الكامل عبد الحليم
<aمحمد الكامل عبد الحليم
تاريخ التسجيل: 04-11-2009
مجموع المشاركات: 1966

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    تحية..

    وما المانع يا اخانا طلحة أن يكون للمذكورة الحانها الخاصة...يتعهدها جهابذة الملحنون يتخيروا لها ما يتفق ولونيتها الصوتية..بدلا عن تكرار واستهلاك اغاني الغير ...
                   |Articles |News |مقالات |بيانات

02-11-2012, 12:43 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: محمد الكامل عبد الحليم)

    حسي أنا ذنبي شنو ؟ الإسم " لجين " عاجبني

    :)
    أقوم الله يديني بنية آخر عمري ده أسميها لجين تكبر يقولو ليها الشفاتة " عاملة فيها لجين عمران !! "
    أها أمشي وين أنا لامن تجي تعمل لي مظاهرات ؟
    كده كويس بلاهي يا طمبس
                   |Articles |News |مقالات |بيانات

02-11-2012, 01:47 PM

MOHAMMED ELSHEIKH
<aMOHAMMED ELSHEIKH
تاريخ التسجيل: 21-03-2008
مجموع المشاركات: 9701

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: عمران حسن صالح)
                   |Articles |News |مقالات |بيانات

03-11-2012, 07:58 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: MOHAMMED ELSHEIKH)

    أخانا محمد الكامل السلام عليك .. لا يوجد مانع من أن يكون للأميرة ألحانها الخاصة ويتعدها جهابذة الملحنون .. كما
    لا مانع أيضا من أن تردد أغاني جهابذة الفنانين طالما تم ذلك برضائهم وطالما أجادت وأبدعت .

    عمران صالح السلام عليك ومشكور ع المرور

    محمد الشيخ السلام عليك ومشكور على الإضافة وأتمني معاك أن ترفد الأميرة مكتبة الغناء بالمزيد من أعمالها الخاصة .
                   |Articles |News |مقالات |بيانات

03-11-2012, 09:30 AM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

                   |Articles |News |مقالات |بيانات

03-11-2012, 12:27 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: صبري طه)

    يا صبري طه ياخ ما عدمناك ( أنا والأميرة ) ...
    وين السؤال ؟
                   |Articles |News |مقالات |بيانات

04-11-2012, 09:24 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    لايك

    يتبع ......
                   |Articles |News |مقالات |بيانات

07-11-2012, 08:33 AM

tmbis
<atmbis
تاريخ التسجيل: 19-10-2002
مجموع المشاركات: 24862

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    Quote: إنما هو إنسان مرهف تحتشد دواخله بالأحاسيس التى تضعه مباشرة في مصاف
    الخبراء والشعراء وملوك الرومانسية .. اللهم صلي ع النبي .

    عاين . كلامك دا ما بياكلني .. قلت ليك بسمع نانسي لما يكون في غبار كثيف والرؤية غير واضحة .. شنو شابكني رومانسية .. ولحظة شهيق وبتاع معاك .. إنت بقيت (اقريطي ) واللا شنـو ..؟
    ..
    Quote: سبق وأن دارت بيننا حوارات ممتعة بالنسبة لي عنها هنا مع الأصدقاء تمبس وعمر الفاروق
    .. والله النصيحة لي الله يا عيسى الحوارات معاك في الغناوي .. مممتع .. مممتع لحد بعيد جدا .. برضو العزيز سفيان نابري .. لانو انتو ناس سميعييين وشوافين وما عايز اقول حساسين عشان يجي سيدنا طلحة طنظير ويقوم يصنفني معاكم اصلو الايامات دي رايح ليهو تصنيف ..
    Quote: إنو أنا وآخرين عرفنا نانسي في هولندا أخت وصديقة وبنت أخ كريم وعم عـزيز وأستاذ جليل وصديق أيضاً قبل أن نعرفها كفنانة محترفة..
    .. مش قلت ليك يا عيسى انت زول فنان جدا .. نانسي زولة سودانية واكيد بتكون بتحمل الصفات الجميلة دي ... واكيد لو انا كنت معاكم كان بدخل معاكم في نفس الفهم دا .. زي ما بنعرف كتير من الفنانين والفنانات وعلائقنا الاجتماعية معاهم جميلة جدا .. لكن في نفس الوقت ما بيمنع انو نقول ليهم الكلام الواحد بحس بيهو طالما انو بنكن ليهم التقدير والاحترام للبقدموهو وطالما انو مهمومين بي اعمالهم ..
    الحاجة الغريبة يا عيسى ..
    اذكر انو الصديق الراحل ,, خالد الحاج :
    كان قد قام بعرض فيديو من حفل في هولندا للاستاذة نانسي عجاج .. وكان الحفل وقتها بمصاحبة (البيانو) .. وكنت وما زلت مدمن للمغنية العالمية Alica Keys وكل من يتغنى بمصاحبة (البيانو) لصعوبة ذلك ..
    للحقيقة كانت اول مرة استمع فيها لنانسي تقريبا بمصاحبة والدها الراحل .. بالرغم من عدم جودة الفيديو إلا انو وقتها اتبسطته زي المنظراتي المسكين طلحة دا لانو الاسلوب الكلاسيكي عجبني وكان الصوت مع البيانو في حالة اقرب للتيونن وكان وقتها يظهر انها تدربت على ذلك كثير جدا وانا من الناس البعجبني الفنان او الفنانة البتدربو عشن يطورو صوتم لانو الشغلانة ما كواريك سااااي ولمليم عدادات وكنجالات .. ولو كانت نانسي مشت بي نفس الطريقة دي .. والله حسع دي طلحـة دا كان تلقاهو بلالالاوي ليك في ناس جزيرة الفيل وهلال الساحل والعصمة الكاملين ويجي داخل بوستات زي دي يلقوهو دايخ بعدما يفتح عينو يقول لينا دا شنو البتعملو فوقو دا يا ( رايعين )
    غايتو لحدت الان .. نانسي لو خلت اكل الكلام دا وكررربت شغلها واتمرنت كويس ورجعت تغني بالبيانو .. ممكن نرشحه للعالمية وناس طلحة ديل زاتم يتجدعوا وممكن الواحد فيهم يوقع ليك اوتوجرافات في حفلات افتتاح الالبومات بدل الســت نانسي ..
    ..
    يا عمران حسن صالح .... هههههههههه .. انت بتتململ مالك حسع ..؟

    يتبع ..
                   |Articles |News |مقالات |بيانات

07-11-2012, 12:17 PM

tmbis
<atmbis
تاريخ التسجيل: 19-10-2002
مجموع المشاركات: 24862

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: tmbis)

    الايامات دي قاعد اسمع في يوسف البنا وود الشلهمة .. وبيناتم في النص كدا بيدخل الاستاذ بادي محمد الطيب ..
    مافيش مشكلة ممكن أعمل ليك تخفيضات .. بعد شوية كدا وانا طالع من المكتب ممكن احاول اتوب واسمع ليك السـت نانسي لكن ما كتير طبعا ما تفتح لي خشمك دا كدا وتتبسم ..
    طبعا يا طنظير بي طريقتك دي لو الواحد عايز يتوووب ما بتديهو فرقـه زاتو في تاريخ حياتو عشان يتووب بيها ..
    ..

    إن شاء الله بكري يشيل منك بقيت الرصيد المديك ليهو دا .. عشان تقعد توصف بس ..
                   |Articles |News |مقالات |بيانات

08-11-2012, 09:24 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: tmbis)

    Quote:
    بسمع نانسي لما يكون في غبار كثيف والرؤية غير واضحة
    طيب ما ياها دي ذات النقطة بت ال ك لب المتفقين عليها أنا وإتا كمرهفي إحساس وأصحاب ذوق سامي يا تامبا ..
    أنا شخصيا بسمع الأميرة لما أكون :
    * متضايق عشان أرتاح
    * زهجان عشان أفرفش
    * شايف الدنيا ضلام عشان تنور
    * زعلان عشان انبسط
    * عندي صداع عشان يروح
    * بارد عشان أسخن والعكس
    * عايز آكل عشان نفسي تتفتح
    * بلعب في chess عشان أغلب
    * الخ الخ الخ الخ ..
    يا تامبا حاول مرة أخري لكن تأكد انو مهما حاولت تداري اعجابك بالأميرة كمبدعة إستثنائية تثبت العكس ..
    صدقني نانسي فنانة وهيجة في زمن خبا فيه بريق النجوم وإستعاضو عنو ببطاريات الحجارة .
    إستسلم ...

    (عدل بواسطة طلحة عبدالله on 08-11-2012, 09:25 AM)

                   |Articles |News |مقالات |بيانات

09-11-2012, 08:44 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    Quote: إن شاء الله بكري يشيل منك بقيت الرصيد المديك ليهو دا .. عشان تقعد توصف بس
    كتا عايز أكتب ليك ما يستفاد من كلامي الفوق دا لكن نفذ قدر الباشمهندس ( الباشمهندس أبو صلعة لا يرحم ) على
    وزن عودة سنتانا ... هههههههههههه
    المهم عايز أقول ليك أنو لجوءك للإستماع إلى الأميرة في ظل ظروف تحسب ضدك سواء كانت كتاحة أو مطرة زرتك أثناء ما
    قاعد تبنشر في اللستك الطرشق ليك وإتا في منتصف طريق صحراوي وأقرب منطقة مأهولة ليك تبعد 200 كيلو على الأقل
    دا يعني إنك قاعد تلقي السلوي والشجن في صوت الأميرة تماما كما أفعل أنا عندما يكون عندي وجع رأس أو جيعان أو متنرفز
    أو شفت صورة الحضري قدامي أو عايز أهضم الكوارع الأكلتها في العشاء معي إني لا أطيق الكوارع وسلطة الأسود والشاي بالقرفة.
    الأميرة يا تامبا جاءت لتملأ الساحة الفنية نورا ووعدا وتمنيات جميلات بعد أن ملئت بالغث والهابط والوهمات من مصنوعي الغناء
    الذين غزو الوسط الفني كغيمة جراد وسط الحصاد ..
    أنا أستمع للأميرة إذن أنا مرهف الإحساس ورومانسي ودربي أخضر ويومي حتما جميل فيهو رزاز المطر وريحة الدعاش والفراشات
    الملونة .
    إستسلم .. ولا تكابر يا تامبا ..
                   |Articles |News |مقالات |بيانات

12-11-2012, 08:15 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)



    شكرا جزيلا يا جمال محمود والله ما قصرتا معانا أبدا .

    (عدل بواسطة طلحة عبدالله on 12-11-2012, 08:17 AM)
    (عدل بواسطة طلحة عبدالله on 12-11-2012, 08:35 AM)

                   |Articles |News |مقالات |بيانات

13-11-2012, 10:26 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)
                   |Articles |News |مقالات |بيانات

13-11-2012, 10:35 AM

omer osman
<aomer osman
تاريخ التسجيل: 09-06-2007
مجموع المشاركات: 15202

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    فعلاً اميرة الغناء السوداني ......

    بعدين شايف في كم واحد من الاخوان اتكلم عن الغناء الخاص بنانسي وضرورة ابتعادها عن اعمال الغير

    ياجماعة نانسي عندها انتاجه الخاص ولقي قبول منقطع النظير من قبل الجمهور السوداني وديل مثالين

    1- اغنية (رفقة) مشاهدات على اليوتيوب اكثر من 40 ألف مشاهدة



    2- اغنية (بلداً هيلي أنا) مشاهدات على اليوتيوب فقط اكثر من 121 ألف مشاهدة



                   |Articles |News |مقالات |بيانات

13-11-2012, 11:19 AM

سارة كرودى
<aسارة كرودى
تاريخ التسجيل: 06-05-2009
مجموع المشاركات: 764

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: omer osman)

    - اغنية (رفقة) مشاهدات على اليوتيوب اكثر من 40 ألف مشاهدة

    -----------------------------------------------

    انا بحلف انو نصيبك براك 39000 الف مشاهدة هههههه

    الوشوش الخضر ابت تنزل ....
                   |Articles |News |مقالات |بيانات

13-11-2012, 11:24 AM

omer osman
<aomer osman
تاريخ التسجيل: 09-06-2007
مجموع المشاركات: 15202

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: سارة كرودى)

    Quote: انا بحلف انو نصيبك براك 39000 الف مشاهدة هههههه


    لييييييه يااااخ اصلو انا ودالصايم وال كمال على الزين

    كلها 5 ألف مرة غير الجمع والعطلات الرسمية تجي تعمليها لي 39 الف
                   |Articles |News |مقالات |بيانات

13-11-2012, 11:45 AM

singawi
<asingawi
تاريخ التسجيل: 18-02-2002
مجموع المشاركات: 2211

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: omer osman)

    الحبيب طلحة بن عبيد الله
    سلام الله عليك ورحمته وبركاته
    أما بعد
    أرييييييييدك ياخي .. والبريد الشيخ أنا يا ناس بريدو
    ولكن ...
    من مقام الإنبهار اتلومت في السلطانة نانسي عجاج يا عشاي
    سميتها الأميرة وتلك لعمري دقسة لسانية نعلم في مقام الأقطاب
    أنك لا تقصدها وأنك حينها كنت تائها بين مدارج السالكين ، ومعارج العارفين
    حيث يتلاشى سلطان العقل والقلب عن اللسان فيغرف ويحشد ، ويتحدث بما لا يقصد
    ونبشرك أنك في آخر مراحل الارتقاء إلى مقام الصامتين الذين تحملوا ستر التسلطن والهوى فضاحُ
    متفوقين على الذين تهتكوا .. عند التسلطن ذاهلين فصاحوا
    لذا .. اعلم أنها السلطانة وكفى .. فإذا علمت فافهم ، وإذا فهمت فاكتم ، وإذا كتمت فالزم ، وتأخر ولا تتقدم ، وإذا سئلت فقل لا أعلم
    ولا تماري أهل الكتاحة ، والفتاوي الماها صاحا فهم ما زالوا في مقام السامعين ومن سار على الدرب وصل وسيفعلون .
    التوقيع :
    خادم مقام الأقطاب ببلاط السلطانة
    وحامل لواء الولاء
    سنجاوي
                   |Articles |News |مقالات |بيانات

14-11-2012, 08:07 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: singawi)

    يا جنابو عمر
    مشكور لجلب الرحيق النانسي هنا ..
    من جهة اخري ما تغالط في حقيقة مشاهداتك للأميرة .. مشاهداتك أكتر من الرقم القلتو دا أنا شفتك .
    ............................

    الحبيب سنجاوي المتبتل في محراب السلطانة كما تريد ..
    أنا كمان أريييييييييييييييييييدك أس مليون وإنت تنافسني في هذا الوله الكثيف بمبدعة شدت
    من العصب الحي وترا للدوزنة والشدو الأنيق كقمر تخلص من قيود الكون وتدلي مترنحا
    على سلاسل الدهشة ليسقي جذور الحلم والتمنيات ..
    هنيئا لك بسلطانة توضأت بماء الروعة قبل أن تسرج للإبداع فرسا حلقت به فوق هامة الثريا، ثم عادت من بين الغيوم
    وعدا منيرا ، ثم أناخت راحلة إبداعها متوهطة القلوب قبل أن تتبرج كفلق الصبح سحرا ومنبرا للتغريد .
    لايك شديد يا سنجاوي ياخ ...

    (عدل بواسطة طلحة عبدالله on 14-11-2012, 08:10 AM)
    (عدل بواسطة طلحة عبدالله on 14-11-2012, 10:31 AM)

                   |Articles |News |مقالات |بيانات

16-11-2012, 06:50 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    يا جماعة حاولت أشغل الفيديو بتاع ولي المساء دا أوتو حسب شرح جمال محمود فاستعصي علي ..
    يا أبو مروة .
    يتبع .......
                   |Articles |News |مقالات |بيانات

17-11-2012, 06:38 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    يتبع .........
                   |Articles |News |مقالات |بيانات

17-11-2012, 07:02 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    ياسلام عليك ياطلحة ياخي

    يمين اخوك عيان عيا وااااااااااعر

    بس الصباح ده اتجمل بجمال سلطانة الطرب

    الاميرة نانسي .....

    انا ماعارف الزولة دي جايبة الاحساس العالي ده من ويييييييين....؟

    حقيقة تستحق لقب سلطانة الطرب والتطريب
                   |Articles |News |مقالات |بيانات

17-11-2012, 07:33 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: haroon diyab)

    طبعا دي نحلت جسمنا عدييييييييييييييييل

                   |Articles |News |مقالات |بيانات

17-11-2012, 07:36 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: haroon diyab)

    ياخفيف الروح هو هذا نداك

    ام ندي الازهار

                   |Articles |News |مقالات |بيانات

17-11-2012, 07:53 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: haroon diyab)

    شكرا الحبيب هرون دياب والعيا كفارة إن شاء الله ياخ
    الأميرة نانسي يا هرون تتمتع بإحساس كثيف جدا حتي ليخيل لك أن كل خلجة من خلجاتها
    تذوب نغما وتطريبا، إلى جانب طبعا مخارج حروفا الواضحة وتعابيرا الجياشة بكلمات الأغنية ..
    نانسي يا دياب ملهمة .. ملهمة كزهرة ندية موضوعة على شرفة صباحاتي أراها يوميا وهي تراقص النسيم وتضحك
    لقطرات الندي فتمنح يومي إشراقا وحبورا ووعدا .
    ربنا يحفظا .
                   |Articles |News |مقالات |بيانات

17-11-2012, 08:14 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    شكرا ياحبيب وربنا يسلمك

    عندي جزء من حفلة الدوحة

    احاول انزله هنا لو ربنا ادانا العافية

    نانسي تستحق الاحتفاء وعارف انا ماحصلت فكرت في

    انها تؤدي اغانيها او اغاني الغير ... المهمتغني وتطربني

    تحاياي ياصديقي
                   |Articles |News |مقالات |بيانات

18-11-2012, 06:51 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: haroon diyab)

    Quote:
    عندي جزء من حفلة الدوحة
    وبالمرة كدا لو قدرت يا هرون تميت جميلك ونزلت لينا جزء أو كل حفلة دبي .
                   |Articles |News |مقالات |بيانات

21-11-2012, 09:39 AM

tmbis
<atmbis
تاريخ التسجيل: 19-10-2002
مجموع المشاركات: 24862

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)
                   |Articles |News |مقالات |بيانات

21-11-2012, 10:41 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: tmbis)

    Quote: أمسك قزقز في البوست دا يا مسكين لحدت ما نقعد ليك في الويك اند دا .. ونشوف برنامجك شنو بالضبط كدا

    بوست نعمات لقيتو من ست صفحات كاملة الدسم فسألت نفسي (قبل أن يسألني صبري طه ): إشمعني داك
    كسح كدا وبوستيني دا مازال كأبي القدح الأعرج الذي يعاني من أبو شهيق مزمن؟ ولأن الإجابة على هذا
    السؤال الكمين دونها خرط القتاد فمقدما كدا ضربت كف بى كف وقلت لنفسي برضو : مخير الله .
    بالنسبة لبرنامجي يا تامبا فهو كالآتي :
    في العصرية أسمع أية أغنية بصوت الأميرة أثناء ما قاعد ألاعب جاري المصري في ال ch يس .
    في المساء أضرب تلفون لمحمد عبد القادر الذي بنواحي الخرطوم لأجتر معه ذكري الأيام الخوال في زقاق الرأي العام،
    المزيونة بمكاواة بكري الهلالابي بتاع المطبعة وغتاتة الشايقي كمال بتاع الكهرباء، وثقالة الحاج المصحح، ثم أسكر (بكسر الكاف)
    منو الخط لأتحول لمشاغلة صاحبي التلفزيوني السمين محمد فضل الله وأحكي ليهو أية نكتة قديمة لأستمتع بضحكاته الطفولية المجلجة
    التى أضطر معها أحيانا لإبعاد التلفون عن طبلة أضاني خوفا في الفتق والرتق (رغم أن النكتة قديمة واتقالت بدل المرة ألف ) .
    بعد الساعة تزعة أدخل في معركة حامية ال و ط ي س مع زهجة معتادة تنتابني ما بين تزعة وعشرة فأنتصر عليها
    كالعادة بمشاهدة فيلم أجنبي ويا حبذا لو كان بطولة أنجلينا جولي أو توم كروز.
    بعد نهاية الفيلم أو أثنائه أنوم وأنا أحلم بإجازة قصيرة في نواحي الريف الهولندي .



    لأنو ال و ط ي س داخلا في التشفير عشان كدا :

    (عدل بواسطة طلحة عبدالله on 21-11-2012, 10:48 AM)

                   |Articles |News |مقالات |بيانات

21-11-2012, 11:03 AM

tmbis
<atmbis
تاريخ التسجيل: 19-10-2002
مجموع المشاركات: 24862

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    Quote: بعد الساعة تزعة أدخل في معركة حامية ال وط ي س مع زهجة معتادة تنتابني ما بين تزعة وعشرة فأنتصر عليها
    كالعادة بمشاهدة فيلم أجنبي ويا حبذا لو كان بطولة أنجلينا جولي أو توم كروز.
    بعد نهاية الفيلم أو أثنائه أنوم وأنا أحلم بإجازة قصيرة في نواحي الريف الهولندي .
    برنامجك بعد الساعة تسعــة آسف جدا وعاضي ..
    خاصة الفقرة المتعلقة بالريف الانقليزي دي ..
    ريف شنو يا هداك الله ..؟ هو نحن كدا ما مرتاحين تمشي تطلعه في الريف الانقليزي ..
    في واحد مسكين في بوست بي هناك .. قال انا بكتب هنا للسودانيين ..
    يعني انت حسع دي تمشي الريف الانقليزي وتجي بعداك تحلق لينانحن نفس السودانيين ديل ؟؟ ..
    عليك الله سلم لينـا علي محمد عبد القادر دا شديد لينا فترة طويلة ما سمعنا صوتو ..
    بعدين البوست داك كسح لانو كان بنكهة الشطـة والبهارات الشرقية .. انت بوستينك دا يا كافي البلاء ما فيهو اي نكهـة .. ولا ثمرة اجتهد معانا شوية وطعمو لينـا بي صور بي تصريحات صحفية لم تنشر بعد .. كلم صبري طـه يجي يعمل ليك مسابقة اسئلة واجوبـة .. المهم مشي حالك ما تقعد لينا كدا وتقعد تشكي ..
                   |Articles |News |مقالات |بيانات

22-11-2012, 08:33 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: tmbis)

    Quote:
    برنامجك بعد الساعة تسعــة آسف جدا وعاضي ..
    خاصة الفقرة المتعلقة بالريف الانقليزي دي ..

    أبدا والله يا تامبا .. الريف الهولندي الذي فيه الهدوء ضاجا والنسمات عاصفة والطبيعة محمولة على أكف الأحلام ، والجمال
    من كل لون ونوع قد إنتشر في الربوع كالسحر .
    الريف الهولندي غير يا تامبا خاصة على الشواطي المفتوحة على دنياوات التحرر المطلق وكأنها قطعة سقطت من الجنة مباشرة
    هناك .
                   |Articles |News |مقالات |بيانات

24-11-2012, 10:20 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    الأمارة مستمرة *
    كتا عايز اكتب النسنسة ** مستمرة ولكن خفت بعض أصحاب القلوب الرهيفة يفهموني غلت .






















    * الأمارة : مشتقة من الأمير أو الأميرة
    ** النسنسة : من النسناس والنسناس هو القرد
                   |Articles |News |مقالات |بيانات

26-11-2012, 08:51 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    كتب الشاعر المعروف إبراهيم الرشيد صاحب (يا زمن وقف شوية) في مدح الأميرة :
    يا نانسي كروان الطرب
    يا الفقتي فيروز العرب
    ومشيتي في الدرب الصعب
    وسويتي للناس العجب
    صوتك فريد نادر وحيد
    يحكي ويعيد طرب الرشيد
    في زمنه والعهد التليد
    زمن المزامير والنشيد
    سطرتي للتاريخ حروف
    وهزيتي شتلات الجروف
    وخليتي كل الناس تطوف
    مع صوتك النادي الولوف
    لله درك يا كنار
    إنشلنا من زمن الودار
    خلينا نطرب ننتشي
    ونفرح ونمرح كالصغار.
    .....................
    منقول من رسالة في إيميلي ..
    يتبع ........
                   |Articles |News |مقالات |بيانات

14-01-2013, 10:43 PM

شهاب الفاتح عثمان
<aشهاب الفاتح عثمان
تاريخ التسجيل: 27-08-2006
مجموع المشاركات: 11922

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    Quote: أنا شخصيا بسمع الأميرة لما أكون :
    * متضايق عشان أرتاح
    * زهجان عشان أفرفش
    * شايف الدنيا ضلام عشان تنور
    * زعلان عشان انبسط
    * عندي صداع عشان يروح
    * بارد عشان أسخن والعكس
    * عايز آكل عشان نفسي تتفتح
    * بلعب في chess عشان أغلب
    * الخ الخ الخ الخ ..



    شغب شديد اخي طلحة ياخي ,
    نانسي واناقة الطله والفكر والحضور
    ..

    ___________________________________________
    ليتهم يعلمون ان عمر اللحظـه في بعـدك يا خـرطـوم سنين طـوال
    د شهـاب الفاتح ـ كوالالمبـور
                   |Articles |News |مقالات |بيانات

12-01-2013, 09:10 AM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9333

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: tmbis)

    شكراً يا تمبس انك اتذكرتنا في البوست دا و صراحة كدا انا البوست دا (براعي) ليهو ساااااي من الربع الفات داك
    و بقراهوا (و ادي ربي العجب) و صراحة اكتر يا (تمبس) اي زول في الدنيا دي انت عارف تمام من حق يعمل
    المقتنع بيهو و اخونا طلحة دا اهو شايف كدا ودا من حقوا تب و ان شاء الله يرسل ليها معلقات ، لكن معلقاتوا دي
    نحنا عاااادي ممكن نجي نقول راينا فيها وكدا .

    Quote: غايتو لحدت الان .. نانسي لو خلت اكل الكلام دا وكررربت شغلها واتمرنت كويس ورجعت تغني بالبيانو .. ممكن نرشحه للعالمية

    و (في الحته الفوق دي) خليني اقول ليك يا تمبس :-
    ترشحه برااااك انا شخصياً في المحلية دي ما بقدر ارشحه نهائي .
    يا تمبس خليني اسالك سؤال واضح و صريح :- حمد الريح دا فنان مشهور و كبير و ليه معجبين ولا لع؟
    طيب حمد الريح دا ليه لي يوم الليلة بفرق ؟ ليه لي يوم الليلة بمسك زمنو بالضرب على صدره؟
    مالوا يعني ما قاعد يتمرن و يتدرب و يكرب شغلوا ؟
    و على هذا خد معاك :- اللحو و ...و الخ
    يا تمبس يا اخوي جيب الدليب كايقاع و جيب بلداً هيلي انا ككلمات و اديها لي (سميرة جرجير*) و خليها تغنيها و بعد داك انشر الأغنية دي في الوسايط
    بتاعة الميديا و شوف بكرة (سميرة جرجير ) ح يجي كم واحد يرسل ليها معلقة و كم يرسل ليها كم آسف (جداً و الله) .
    نفس التجربة الفوق دي يا تمبس اعمله برضو في اغنية (اندريا) بس (الفرق الوحيد) اندريا دي اديها لي (علوية شنكل**) و النتيجة انا ضامنة شهرة تفوق
    الدهشة .
    يعني ببساطة يا تمبس عايز اقول ليك ال(الكنته) في ال(إيقاع) لانو الإيقاعين بتاعة الأغنين الفوق ديل إيقاعات شعبية و قريبة لوجدان السودانيين رغم الاختلافات الظاهرة .

    يا تمبس سؤال اخير:- لو تم سحب ال(الاغنيتين) السابقات الذكر اعلاه من نانسي عجاج البيكون موجود شنو في وجهة نظرك؟

    و تحياتي لكم جميعاً و تحياتي لطلحة .

    ــــــــــــــــــــــــــــــ
    * فنانة مشهورة في غرب الحارات
    ** فنانة مشهورة و منافس شرس
    لانفة الذكر.
                   |Articles |News |مقالات |بيانات

12-01-2013, 11:10 AM

Isa

تاريخ التسجيل: 29-11-2004
مجموع المشاركات: 1321

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: سفيان بشير نابرى)

    إزيكم يا شباب، ويا طلحة كدة خليني أونس ليك سفيان دا شوية.. في البداية الصراحة ما فهمت العلاقة شنو بين (فرقان) حمد الريح وغيره، وبين إنو نانسي ممكن تبقى فنانة بحسب راي تمبس لو عملت الحاجات القالا، وأوافقو بالمناسبة في توضيح المخارج رغم إنو نانسي في الحتة دي برضو تحسنت كتير جداً.. وبالمناسبة تاني ومع أني قلت ليك ما فهمت كلامك كويس.. لكن الفرق بين نانسي والآخرين في راي هو الذكاء والموهبة الكبيرة والحس العالي (الحس أو الإحساس كتبتها إرضاء لطلحة وصاحبو هارون دياب)..
    أما كلامك عن أن إيقاع بلداً هيلي أنا أو أندريا هو سبب شهرتهم (عليك الله أعفيني من الكتابة بصيغة المثنى عشان بكرها كدة بس، وأحسن حاجة في اللغات الأفرنجية إنو مافيها المقشر دا!).. مش عشان غناء أو أداء أو صوت نانسي دا أفتكر كلام ما دقيق.. ببساطة لأنو في ملاييييييييين الأغاني بإيقاع الدليب أو غنا الجراري.. فخليه علوية ترمس أو غيرها يغنوهم ويلقوا نفس الشهرة.. وعلى فكرة يمكن بلداً هيلي أنا أغنية جديدة لكن أندريا دي موجودة من زمن قديم جداً كأغنية أو لزمة.. لكن كتّر خير نانسي الخلت ناس زي ود الصايم يندهشوا وكأنهم أول مرة يسمعو جراري أو إيقاع زي دا.. ومثال للتوضيح: أغاني زي الليموني أو دار أمبادر غنوها فنانين كبااار زي صديق عباس وعبدالرحمن عبدالله وغيرهم لكن مافي زول عمل ليها شنة ورنة زي لامن نانسي غنت أندريا.. النجيضة إذن: أداء وصوت نانسي هو الكنتة على قولك.. ولو ما مقتنع أنا قدام الشباب بجيب ليك غنا جراري كتيير أو نسوق حوا عويش دي البلد تسمع لايف وخليها تختار البعجبا وتجي تغنيه في الخرطوم ونشوف مدى إحتفاء الناس بيها كيف..بعـدين سؤالك لتمبس عن ما يبقى لنانسي غير الأغنيتين ديل.. فقبل ما يجي سيد الشي زاتا وتسمع من (خشيمو!) فأنا أذكر ويمكن إنت زاتك تذكر برضو وفي زحمة إحتفاء الشباب بأندريا لامن طلع الشريط؛ لكن تمبس الفنان فتح بوست عن: أنا فوق نيلك شوفني كيف بغرق وتونسنا فوقوزييين.. ودا مثال بس.. ومن ناحية تانية نانسي ما قدُر حمد أو اللحو ال ضربت بيهم إنت المثل لكنها في بديات الطريق وما يزال أمامها مستقبل كبير، يعني سؤالك دا تسألوا بعد عشرين سنة كدة، دا لو إنصلح الحال في السودان، لأن حال الثقافة والفنون عموماً سيكون آخر ما ينصلح.. يعني تالي لصلاح السياسة والتعليم والصحة والخدمة المدنية وعييييك.. يعني العشرين سنة ممكن نخليهم خمسين.. ولو اشتغلنا بنظرية دكتور الأفندي القال المعارضة عايزة مية سنة تاني لتكون جاهزة للحكم ممكن بقى نخليهم ميتين بالنسبة لموضوع الغنا! ومعليش دخلت الكلام في الكلام.. وتحية في البدء والختام...
                   |Articles |News |مقالات |بيانات

12-01-2013, 11:33 AM

tmbis
<atmbis
تاريخ التسجيل: 19-10-2002
مجموع المشاركات: 24862

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: Isa)

    يا سلالالام ياخ ..
    سفيان وعيسى ..؟
    بالمناسبة لما اللقى اسم ي واحد فيكم .. قاعد استمتع بي اني قاعد اقرا في نجيضـة ..
    ..
    غايتو بختك يا طلحـة .. انا قلت ليك اكان تركته درب ود البشرى المنظراتي وتابعتني والله تستفيد .. حسع الله بسالك تنظير زي دا تلقاهـو ووين ..؟
                   |Articles |News |مقالات |بيانات

12-01-2013, 02:15 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: tmbis)

    أنا في الحتة دي عايز أشكر تامبا الذي رفع البوست الذي صممت أن أصطحبه معي إلى كل ربع إن الله هون عشان عيون الأميرة ..
    كما أشكر عيسي الذي رد على سفيان فكفي ووفي كعادته ..
    وأقول لأخونا سفيان أخوكم طلحة أضانو نضيفة وذوقو الفني رفيع وأنيق ههههههه
    وح يجىء يرد ليكم برضو برغم أنو عيسي ما قصر .. بس اتخلص من المشغولية الصغنونة دي ..
    وقبل ما أرجع عايز أسألكم يا سفيان أخونا :
    إتا اخوكم صبري طه قريبكم واللا يقرب ليكم يعني ؟ عشان برضو قاعد تجنن السعولات جن أحمر .
    جاوب وانتظرني .
    وتاني شكرا للأميرة نانسي عجاج .
                   |Articles |News |مقالات |بيانات

13-01-2013, 10:06 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    كدا أولا إستراحة صغيرة مع الجمال دا ( جمال وأناقة من مجامعيو ماشاء الله ودقر يا عين ) :

    إستمتع يا حبيبنا سفيان وأدعو لينا معاك
                   |Articles |News |مقالات |بيانات

13-01-2013, 05:17 PM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9333

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: Isa)

    Quote:
    إزيكم يا شباب، ويا طلحة كدة خليني أونس ليك سفيان دا شوية.. في البداية الصراحة ما فهمت العلاقة شنو بين (فرقان) حمد الريح وغيره، وبين إنو نانسي ممكن تبقى فنانة بحسب راي تمبس لو عملت الحاجات القالا، وأوافقو بالمناسبة في توضيح المخارج رغم إنو نانسي في الحتة دي برضو تحسنت كتير جداً.. وبالمناسبة تاني ومع أني قلت ليك ما فهمت كلامك كويس.. لكن الفرق بين نانسي والآخرين في راي هو الذكاء والموهبة الكبيرة والحس العالي (الحس أو الإحساس كتبتها إرضاء لطلحة وصاحبو هارون دياب)..
    أما كلامك عن أن إيقاع بلداً هيلي أنا أو أندريا هو سبب شهرتهم (عليك الله أعفيني من الكتابة بصيغة المثنى عشان بكرها كدة بس، وأحسن حاجة في اللغات الأفرنجية إنو مافيها المقشر دا!).. مش عشان غناء أو أداء أو صوت نانسي دا أفتكر كلام ما دقيق.. ببساطة لأنو في ملاييييييييين الأغاني بإيقاع الدليب أو غنا الجراري.. فخليه علوية ترمس أو غيرها يغنوهم ويلقوا نفس الشهرة.. وعلى فكرة يمكن بلداً هيلي أنا أغنية جديدة لكن أندريا دي موجودة من زمن قديم جداً كأغنية أو لزمة.. لكن كتّر خير نانسي الخلت ناس زي ود الصايم يندهشوا وكأنهم أول مرة يسمعو جراري أو إيقاع زي دا.. ومثال للتوضيح: أغاني زي الليموني أو دار أمبادر غنوها فنانين كبااار زي صديق عباس وعبدالرحمن عبدالله وغيرهم لكن مافي زول عمل ليها شنة ورنة زي لامن نانسي غنت أندريا.. النجيضة إذن: أداء وصوت نانسي هو الكنتة على قولك.. ولو ما مقتنع أنا قدام الشباب بجيب ليك غنا جراري كتيير أو نسوق حوا عويش دي البلد تسمع لايف وخليها تختار البعجبا وتجي تغنيه في الخرطوم ونشوف مدى إحتفاء الناس بيها كيف..بعـدين سؤالك لتمبس عن ما يبقى لنانسي غير الأغنيتين ديل.. فقبل ما يجي سيد الشي زاتا وتسمع من (خشيمو!) فأنا أذكر ويمكن إنت زاتك تذكر برضو وفي زحمة إحتفاء الشباب بأندريا لامن طلع الشريط؛ لكن تمبس الفنان فتح بوست عن: أنا فوق نيلك شوفني كيف بغرق وتونسنا فوقوزييين.. ودا مثال بس.. ومن ناحية تانية نانسي ما قدُر حمد أو اللحو ال ضربت بيهم إنت المثل لكنها في بديات الطريق وما يزال أمامها مستقبل كبير، يعني سؤالك دا تسألوا بعد عشرين سنة كدة، دا لو إنصلح الحال في السودان، لأن حال الثقافة والفنون عموماً سيكون آخر ما ينصلح.. يعني تالي لصلاح السياسة والتعليم والصحة والخدمة المدنية وعييييك.. يعني العشرين سنة ممكن نخليهم خمسين.. ولو اشتغلنا بنظرية دكتور الأفندي القال المعارضة عايزة مية سنة تاني لتكون جاهزة للحكم ممكن بقى نخليهم ميتين بالنسبة لموضوع الغنا! ومعليش دخلت الكلام في الكلام.


    سلاما يا عيسى و حالك و اهوالك؟
    عارف يا عيسى أنا متاكد أنك بتكون ما فهمتني في كل مداخلتي السابقة و السبب بسيط شديد وهو :- انو الكلام انا موجهوا لتمبس على خلفية نقاشات طووويلة و قديمة خالص خالص عن ذات هذه الفنانة ... لكن ما مشكلة هسي ببساطة ح اقول ليك الأتي:-
    بالنسبة للمثل بتاع حمد الريح و اللحو اها بسم الله ما شاء الله بعد تدربهم المستمر (سنين عددا) الحال في حالو و بي كدا نانسي لو اتدربت شنو داك حيكون حاله ذات الحال و برضو لسبب و اضح وهو :- النجومية و الآلميعة و الشهرة الوصلت ليها نانسي حالياً ما ح تخليها (تشوف عوجة رقبته) ... دا كان قصدي لتمبس على خلفيات قديمة
    و يا عيسى الأمثلة كتيييره شديد لفنانين رغم شتارتهم و فرقهم و صلو للنجومية و لسه حالهم نفس الحال و المتضرر الاول و الاخير نحنا ديل بالواضح كدا .
    اما قصة الموهبة و الاحساس و الذكاء الاتكلمته عنها انت انا بتفق معاك في واحده فقط فيهم وهي الذكاء .
    و يا عيسي برضو على خلفية حواراتي مع تمبس جاء كلامي عن بلداً هيلي أنا و عن اندريا و طالما انت عايز تناقشه انا ح اوضح ليك كلامي و هو :- انا ما قصدته انو (الأغنيتين)ديل هم الاشهروا نانسي لا لا انا اتكلمته عن إيقاع الاغنيتين و قلته انو الإيقاعين هم ايقاعات محبوبة جداً و معشوقه في سودانا (الفضل) دا .
    ويا عيسى هسي ايقاع الدليب دا رغم انو ايقاع شعبي لمجموعة اثنية محدده لكن اهو بقى محبوب و مطلوب من كل نواحي السودان و بيسمعوهوا كل السودانيين و كذالك الجراري .
    و شايفك يا عيسى سحبته كلامي عن الميديا و الانتشار عبرها القتو نانسي و لما انت تسحب كلامي دا ببساطة يا عيسى بقول ليك (سميرة جرجير و علوية شنكل) – ياخ ما تلخبت ليهم اساميهم ياخ و تشبكهم ترمس و عويش و غيرها- ما حينتشروا نهائي و العكس صحيح ... فهمتني؟
    يا عيسى بلداً هيلي انا الجديد فيها الكلمات فقط عشان كدا (برضو تمبس فاهم قصدي دا) انا قلته (الايقاع هو الكنته) ... اما بخصوص اندريا ايوة نعم انا عارف انها قديمة شديد (اي كتر خير نانسي نفضت منها الغبار بالنسبة لناس زي حمودي ابو جضوم) لكن برضو (الكنته) الإيقاع.
    و يا عيسي (الزيط من الله ياخ) مافيش حد حيقدر يقول ليه صح؟ فعشان كدا ما تجي تخت صديق عباس و عبد الرحمن عبدالله في الحته دي .
    يلا جيب الجراري و زبط لينا الميديا و الانتشار و ليك على بعد شهرين بس (علوية شنكل او سميرة جرجير) حيطالبوا بمشاركتهم في اكبر مهرجان عالمي .
    بخصوص ماذا يتبقى لنانسي لو تم سحب اندريا و بلداً هيلي انا (برضو لحوارات قديمة بيني و بين تمبس انت بعيد عن مقصدي) متاكد انو لما يجي سيد الشي ذاتو (بخشيمو) حيقول بفضل ليها الغناء الكبير للفنانين الكبار امثال ابراهيم عوض و سيد خليفه و غيرهم و حيقول ليك دي اغاني كبيرة خالدة في وجدان كل السودانيين عشان كدا محبوبة شديد خصوصاً لما تغنيها (شابة ذكية) زي نانسي لكن في نهاية الامر لا يتبقى لها شي سوى انها آدت اغاني الكبار و نهاية الامر الشديد الذكاء وحده غير كافئ لها كفنانة يرجى منها الكثير .
    نرجع تاااني لحمد و (الديبة اللحو) – لانو فعلاً الكلام انت دخلتو في الكلام- يا عيسى زي ما قلته ليك فوق انا بوضوووح قاصد الشهرة و النجومية الوصلت ليها نانسي حتكون حجر عثرة كبيرة شديد لانو النجم و المشهور ما من السهولة يقتنع انو لسه محتاج شغل و صدقني لو جاءت هي ذاته هسي قالت :- انا لسه في بداياتي و لسه محتاجة اتدرب و اتمرن و و و و و الطريق قدامي طووووويل ... كلامه دا كلووووو بكون مجرد انشاء ليس الا صدقني جد .... و كلمتك و قلته ليك اهو في شباب كتاااااار هسي (كيف كيف) بقوا جماهيريين و مشهورين (واذننا اذية) ليس اولهم شكر الله ولن يكون اخرهم المهندس .

    و تحياتي يا غالي .

    Quote:
    كما أشكر عيسي الذي رد على سفيان فكفي ووفي كعادته
    وح يجىء يرد ليكم برضو برغم أنو عيسي ما قصر

    يا طلحة قبيل تمبس رسل ليّ مسج في تلفوني قال لي فيهو :-
    (ركز مع عيسى لانو طلحة دا سمعوا على قدر كورتو الحبه دي)
    و صراحة لاننا صفوة زي بعض و تمبس دا رشاشه الكلام دا ما ارضاني
    فياخ اوعك تخزلني تعال ورينا انك (سيد الشئ ذاتو).
    بخصوص سؤالك عن صبري (السأل) فياخ كمان ما تبالغ ياخ !!!
    انا سألته سؤال وااااحد و صبري داك بخصص بوستات للأسئلة ياخ!!.
    محبتي و مودتي .



    يا تمبس بطل (تلفت) و ابقى داخل ياخ.

    معليش مافي اي تعديل بس عايز اضيف شكر بخصوص هدية طلحة
    و يا طلحة مشكور عليها بس القصة عندي ما جمال و اناقة لو جمال
    و اناقة يمين عندنا عمالقة فن ما كان قالوا (أم بِغم).

    (عدل بواسطة سفيان بشير نابرى on 13-01-2013, 05:49 PM)

                   |Articles |News |مقالات |بيانات

14-01-2013, 03:03 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: سفيان بشير نابرى)

    Quote: يا طلحة مشكور عليها بس القصة عندي ما جمال و اناقة لو جمال
    و اناقة يمين عندنا عمالقة فن ما كان قالوا (أم بِغم).

    يا سفيان الأناقة والجمال برضو من مميزات الفنان وتصب لمصلحة قبوله في المسرح أو التلفزيون .. القبول مكمل لرسالة الفنان ويساعد في سرعة وصولها
    للمتلقي ..
    خضر بشير كان أنيق وجميل الحضور لخفة ظلو وتفاعلو الفكاهي مع الغناء .. والنور الجيلاني من بعدو نفس الشىء، وأبو داوود ومحمد الأمين وغيرهم
    لكل واحد فيهم ميزته التى تجعل منه مقبولا مسرحيا وتلفزيونيا وقس على ذلك أناقة نانسي في الشكل والملبس والوقار والحضور .
    بعدين يا سفيان والله أنا احترت في الشىء الممكن يرضيك شنو في الفنان إذا نانسي كلها ما قادرة ترضيك ؟؟
    نانسي فنانة ذكية جدا والذكاء دا هو نفسه الذي قادها لتصبح في فترة وجيزة جدا (جوة وجدان) المستمع ونبض الشارع الفني الذي رحب بها بكل اعجاب..
    ذكاء نانسي يا سفيان جعلها تطرق باب البداية بالبوم ( سحر النغم ) الذي حوي أغنيات مألوفة لدي المستمع بغرض مد جسور التواصل معه مثل فلق الصباح
    وولي المساء وفي الضواحي وغيرها من الأغنيات التي لم تجيد تقديمها كما فعل أصحابها فحسب بل أضفت عليها لمسات تطريبية تخص لونية
    صوتها العميق، وذلك بفضل امكاناتها العالية وإجادتها التحرك في منطقة صوتية حرة. .
    وبعد ألبومها الأول الذي حرك الوسط الفني برغم حداثة التجربة قدمت الألبوم الثاني ( رفقة) الذي انتظره الجمهور بلهفة ممزوجة بالفضول والترقب فلم
    تخذل معجبيها فجاء الألبوم الثاني ليؤكد نجاح الأول بل ويبصم بالعشرة إن نجاح البدايات لم يكن وليد صدفة بل قام على أساس متين ولا عجب
    فالقاعدة التي انطلقت منها الأميرة قوية وراسخة ( نشأتها في أسرة فنية ) لذلك لم تجد صعوبة في الدخول (تووووووش) إلى قلب المستمع السوداني لتبدأ
    مهمة عظيمة في أحياء جذوة الأصوات النسائية التي خبت بعد الفلاتية والخير والعبادية وحنان النيل ولكن بشكل أداء صوتي تبنت خلاله
    المعني كما يقولون.
    ذكاء نانسي يؤكده اختيارها وتدقيقها في الأعمال التي تؤديها للجمهور فغنت مثلا (جسمي المنحول) للشاعر الفذ محمد بشير عتيق تلك الأغنية
    التي تغني بها عمالقة الحقيبة كرومة وداوود وبادي وأولاد شمبات لتتغلغل في وجدان المستمع السوداني فوضعت عليها بصمتها الصوتية المميزة،
    وبرغم المراوغة الصوتية التي أجادتها صعودا ونزولا فهي لم تخل أبدا بجوهر كلمات الأغنية ومدلولها الفني بقدر ما أضافت بعدا استثنائيا انيقا
    يؤكد على مقدراتها الصوتية والتطريبية العالية.
    * غنت (شقي ومجنون ) للعملاق الراحل صديق الكحلاوي فأجادت وأمتعت وزاد ذلك من رصيدها في بنك المعجبين لأن الكحلاوي
    فنان مميز يمتلك خامات وإمكانات صوتية استثنائية تجعله قادرا على التطريب الصوتي والتحرك كما شاء له في المساحات الفنية التي
    تلامس مشاعر المستمع بما يجعل التغني باغانية مغامرة يخشاها الجميع إلا من يثق في إمكاناته ومقدراته الصوتية والتطريبية كنانسي عجاج .
    * صحيح أن السمة الغالبة على صوت الأميرة هي الحزن الذي تحسه حتي في تعابير وجهها لكن هذا هو بالضبط ما ميزها وساعد في بلوغ النضوج الفني
    لأنهاأجادت توظيف مسحة الحزن وزينتها بإطار إبداعي خالصا ومخلصا بما يؤكد بما لا يدع مجالا للشك أنها تتمتع بوعي فني كبير وادراك
    حسي فائق بالغناء كرسالة فنية مهمة في حياة المجتمع، ومع كل ذلك فلصوت الأميرة وأدائها لمسات ومسحات أخري متنوعة تجذب إليها الجميع
    دون استثناء فهي مثلا تجعل الجمهور يتفاعل معها طربا وانتشاء عندما تؤدي أغنيات تراثية ( اندريا) أو أغاني الوطن (بلدا هيلي أنا) وأغاني
    الحنين والوله والعتاب ( مسامحك يا حبيبي) وغير ذلك من الوان الغناء.
    * نانسي يا سفيان فنانة ملتزمة تحرص على إتقان ما تقدمه، من أعمال تخاطب العقل والوجدان بعيدا عن الشكل المألوف والمكرر، فالغناء بالنسبة لها كما
    وضح من خلال تفاعلها مع ما تغنيه مرتبط أرتباط وثيق بالمشاعر والأحاسيس، فهي مثلا حريصة جدا على الظهور في المسرح بمظهر لائق
    شكليا ونفسيا، بنفس حرصها على اختيارها للأغاني التي تقدمها فهي تغني للحب والشوق والأنين لكنها في ذات الوقت لم تنس المشاركة في هموم وقضايا
    المرأة بفكر تقدمي كأي فتاة من بنات جيلها لها تصوراتها وأفكارها التي تؤمن بها كما وضح خلال أحاديثها وحواراتها في وسائل الإعلام.
    وأزيدك من الشعر بيوت وقوافي أن تواجدها الطويل نسبيا في المجتمعات الأوربية لم ينسيها أبدا ضرورة الاحتفاظ بالخصوصية والنكهة المعروفة عن
    الغناء والموسيقي السودانية وهذه في حد ذاتها ميزة نادرة ضمن مزاياها المتعددة .
    يبقي القول إن بعض الهنات الصغيرة في أداء الأميرة ( أدائها لأعمال ابراهيم عوض مثلا ) لا يمكن أن تحسب عليها بمعزل عن المنتجين والشركات الفنية
    التي تعاملت معها فربما أخفقت نوعا في التعامل مع إمكاناتها الغنائية صوتا وتفاعلا وحضورا وهذه هنات عادية لم ينج منها مطرب ماضيا وحاضرا
    ومستقبلا ومن الظلم القياس عليها .
    الاميرة غير يا سفيان فهي سحابة تجمعت تحت سماء الغناء السوداني لتمطره تجديدا ووعدا وإخضرار وهي بالفعل كما قال أحدهم :
    نانسي هي سفيرة الغناء إلى القمر اذا كانت فيروز سفيرته إلى النجوم .
                   |Articles |News |مقالات |بيانات

14-01-2013, 09:09 PM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9333

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    Quote: يا سفيان الأناقة والجمال برضو من مميزات الفنان وتصب لمصلحة قبوله في المسرح أو التلفزيون .. القبول مكمل لرسالة الفنان ويساعد في سرعة وصولها
    للمتلقي ..
    خضر بشير كان أنيق وجميل الحضور لخفة ظلو وتفاعلو الفكاهي مع الغناء .. والنور الجيلاني من بعدو نفس الشىء، وأبو داوود ومحمد الأمين وغيرهم
    لكل واحد فيهم ميزته التى تجعل منه مقبولا مسرحيا وتلفزيونيا وقس على ذلك أناقة نانسي في الشكل والملبس والوقار والحضور .
    بعدين يا سفيان والله أنا احترت في الشىء الممكن يرضيك شنو في الفنان إذا نانسي كلها ما قادرة ترضيك ؟؟
    نانسي فنانة ذكية جدا والذكاء دا هو نفسه الذي قادها لتصبح في فترة وجيزة جدا (جوة وجدان) المستمع ونبض الشارع الفني الذي رحب بها بكل اعجاب..
    ذكاء نانسي يا سفيان جعلها تطرق باب البداية بالبوم ( سحر النغم ) الذي حوي أغنيات مألوفة لدي المستمع بغرض مد جسور التواصل معه مثل فلق الصباح
    وولي المساء وفي الضواحي وغيرها من الأغنيات التي لم تجيد تقديمها كما فعل أصحابها فحسب بل أضفت عليها لمسات تطريبية تخص لونية
    صوتها العميق، وذلك بفضل امكاناتها العالية وإجادتها التحرك في منطقة صوتية حرة. .
    وبعد ألبومها الأول الذي حرك الوسط الفني برغم حداثة التجربة قدمت الألبوم الثاني ( رفقة) الذي انتظره الجمهور بلهفة ممزوجة بالفضول والترقب فلم
    تخذل معجبيها فجاء الألبوم الثاني ليؤكد نجاح الأول بل ويبصم بالعشرة إن نجاح البدايات لم يكن وليد صدفة بل قام على أساس متين ولا عجب
    فالقاعدة التي انطلقت منها الأميرة قوية وراسخة ( نشأتها في أسرة فنية ) لذلك لم تجد صعوبة في الدخول (تووووووش) إلى قلب المستمع السوداني لتبدأ
    مهمة عظيمة في أحياء جذوة الأصوات النسائية التي خبت بعد الفلاتية والخير والعبادية وحنان النيل ولكن بشكل أداء صوتي تبنت خلاله
    المعني كما يقولون.
    ذكاء نانسي يؤكده اختيارها وتدقيقها في الأعمال التي تؤديها للجمهور فغنت مثلا (جسمي المنحول) للشاعر الفذ محمد بشير عتيق تلك الأغنية
    التي تغني بها عمالقة الحقيبة كرومة وداوود وبادي وأولاد شمبات لتتغلغل في وجدان المستمع السوداني فوضعت عليها بصمتها الصوتية المميزة،
    وبرغم المراوغة الصوتية التي أجادتها صعودا ونزولا فهي لم تخل أبدا بجوهر كلمات الأغنية ومدلولها الفني بقدر ما أضافت بعدا استثنائيا انيقا
    يؤكد على مقدراتها الصوتية والتطريبية العالية.
    * غنت (شقي ومجنون ) للعملاق الراحل صديق الكحلاوي فأجادت وأمتعت وزاد ذلك من رصيدها في بنك المعجبين لأن الكحلاوي
    فنان مميز يمتلك خامات وإمكانات صوتية استثنائية تجعله قادرا على التطريب الصوتي والتحرك كما شاء له في المساحات الفنية التي
    تلامس مشاعر المستمع بما يجعل التغني باغانية مغامرة يخشاها الجميع إلا من يثق في إمكاناته ومقدراته الصوتية والتطريبية كنانسي عجاج .
    * صحيح أن السمة الغالبة على صوت الأميرة هي الحزن الذي تحسه حتي في تعابير وجهها لكن هذا هو بالضبط ما ميزها وساعد في بلوغ النضوج الفني
    لأنهاأجادت توظيف مسحة الحزن وزينتها بإطار إبداعي خالصا ومخلصا بما يؤكد بما لا يدع مجالا للشك أنها تتمتع بوعي فني كبير وادراك
    حسي فائق بالغناء كرسالة فنية مهمة في حياة المجتمع، ومع كل ذلك فلصوت الأميرة وأدائها لمسات ومسحات أخري متنوعة تجذب إليها الجميع
    دون استثناء فهي مثلا تجعل الجمهور يتفاعل معها طربا وانتشاء عندما تؤدي أغنيات تراثية ( اندريا) أو أغاني الوطن (بلدا هيلي أنا) وأغاني
    الحنين والوله والعتاب ( مسامحك يا حبيبي) وغير ذلك من الوان الغناء.
    * نانسي يا سفيان فنانة ملتزمة تحرص على إتقان ما تقدمه، من أعمال تخاطب العقل والوجدان بعيدا عن الشكل المألوف والمكرر، فالغناء بالنسبة لها كما
    وضح من خلال تفاعلها مع ما تغنيه مرتبط أرتباط وثيق بالمشاعر والأحاسيس، فهي مثلا حريصة جدا على الظهور في المسرح بمظهر لائق
    شكليا ونفسيا، بنفس حرصها على اختيارها للأغاني التي تقدمها فهي تغني للحب والشوق والأنين لكنها في ذات الوقت لم تنس المشاركة في هموم وقضايا
    المرأة بفكر تقدمي كأي فتاة من بنات جيلها لها تصوراتها وأفكارها التي تؤمن بها كما وضح خلال أحاديثها وحواراتها في وسائل الإعلام.
    وأزيدك من الشعر بيوت وقوافي أن تواجدها الطويل نسبيا في المجتمعات الأوربية لم ينسيها أبدا ضرورة الاحتفاظ بالخصوصية والنكهة المعروفة عن
    الغناء والموسيقي السودانية وهذه في حد ذاتها ميزة نادرة ضمن مزاياها المتعددة .
    يبقي القول إن بعض الهنات الصغيرة في أداء الأميرة ( أدائها لأعمال ابراهيم عوض مثلا ) لا يمكن أن تحسب عليها بمعزل عن المنتجين والشركات الفنية
    التي تعاملت معها فربما أخفقت نوعا في التعامل مع إمكاناتها الغنائية صوتا وتفاعلا وحضورا وهذه هنات عادية لم ينج منها مطرب ماضيا وحاضرا
    ومستقبلا ومن الظلم القياس عليها .
    الاميرة غير يا سفيان فهي سحابة تجمعت تحت سماء الغناء السوداني لتمطره تجديدا ووعدا وإخضرار وهي بالفعل كما قال أحدهم :
    نانسي هي سفيرة الغناء إلى القمر اذا كانت فيروز سفيرته إلى النجوم .


    إش..إش..إش
    أيوة كدا يا طلحة عشان تسكت تمبس الرشاشه دا

    طيب تمام نبدأ معاك ..
    مافي شك انو الاناقة و الجمال مهمات بس هم مش كفاية و نحنا بنسمع (باضنينا) الصوت حتى نشوف بعيونا الأناقة و الجمال .
    قصة القبول دي صدقني (توفيق) من رب العباد لا عندها علاقة بالصوت لا بالاناقة لا الجمال و ما عايز اكرر كلام قلتو فوق .
    يا طلحة (ما تلخبت) خضر بشير و ابوداؤود و النور و ود الامين ديل قصتهم مش الاناقة ديل ناس اصواتهم عجيبة و جميلة
    و طروبة و اصوات لن تكرر بسهولة ، شايفك مركز على اناقتهم و حضورهم المسرحي و تفاعلهم مع الجمهور اوعك تكون قلته
    كدا و انت قاصد انو عندهم الاناقة و الحضور المسرحي لكن هم ما جميلين!!؟
    يا طلحة انا البيرضيني عدم التكلف و عدم التصنع و بيرضيني الحفظ السليم و عدم الغلط في كلمات الاغاني و دا كلو يكون مصحوب
    فعلاً بصوت قوي يلعب في كل النوته الموسيقية وحتى لو ما لعب فيها بقوة في كلها يكون بيعرف يتحائل بذكاء شديد للوصول للحتات
    الحادة في هذه النوته ...دا البيعجبني يا طلحه فهمتني؟
    الالبوم بتاع (سحر النغم) دليل اي على ذكائها لانها غنت فيهو المطروق و الخالد لكن ذات الالبوم يا طلحة برهن انو نانسى فنانة غير
    مغامرة و اختارت الآداء القدر امكانيته الصوتيه فقط و وضح ليّ و لي ناس كتيرين الإمكانية الصوتية الضعيفة لنانسي .
    و العايز يحجز مقعد قوي في خارطة الغناء السوداني لابد أن يغامر و يعتمل التجريب (الواعي) وقبل دا كلو يكون (خيالو عآلي جداً
    و يستطيع أن يطوع كل امكانياته الصوتيه و غيرها و يوظفها بدماغه) - يا طلحة مثلاُ معتز صباحي دا الحلي و الحركات البعمله بي
    صوتو دي هي في صوتو ولا هو بيعمله بي صوتو عبر تحكموا عليها بدماغه !؟(دا ما سؤال دا مثل واجابتو واضحه) .
    بخصوص كلامك عن نانسي احيت جذوة الاصوات النسائية فبقول ليك هي صوت نسائي مافي شك لكن اصلاً ما اميز من (عافية
    ولا اميز من إيمان توفيق ولا ولا ولا ) نانسي لسه محتاجه كتيييير انها تنتبه لطريقة دا عشان تقدر تصل و عشان كلامك يكون صح
    فيها.
    اما اللبوم (رفقة) - و تحياتي لاصدقائي يحي فضل الله شاعر (رفقة) و ضياء ميرغني (ملحن رفقة) بالفعل الجمهور انتظر الالبوم دا
    بفارغ صبر كبير لكن للأسف جاء مخيب لانتظارهم و عكس لكلامك البتقول فيهو دا يا طلحة .
    يا طلحة النشأة في (اسرة فنية) ما كفاية انو نانسي تستلم عرش الغناء لانو في ناس كتاااار قاموا في بيوت فنية لكن اهو حظهم من الفن
    زي (حظ الهلال في الكاسات المحمولة جواً) - صديق الكحلاوي دا عندو مجدي صديق الكحلاوي ... مجدي دا حافظ غناء ابوهو كلو
    لكن اهو لا بقى فنان ولا شغال بالقصة دي ... كذالك غسان محمد الأمين و ..و.. الخ و ليس اخراً عزة عبد العزيز داؤود.
    يا طلحة بمناسبة صديق الكحلاوي و مناسبة آداء نانسي ل(شقي و مجنون) عايزك تمشي تاني تسمعه كووووويس و تعال و ريني ملاحيظك
    هنا ، عشان ما نتغالط ساااي !!.
    بقيت كلامك يا طلحة مجرد احاسيس تخصك وانا اجد من حقك تمام تقوله فعشان كدا ما عندي عليها اي تعليق .
    و محبتي الخالصه
                   |Articles |News |مقالات |بيانات

14-01-2013, 10:02 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: سفيان بشير نابرى)

    Quote: عشان ما نتغالط ساااي !!.

    ههههههههههههه
    هو الغلاط دا كيفنو يا سفيان أخوي ؟؟
    أ
    أقول ليك واثقة من إمكاناتا وأجيب ليك الدليل ... تقول لا ما واثقة .. كدا ساي بس بدون أي تدعيم ..
    أقول ليك ذكية لأنو دقت الباب أول باعمال معروفة عشان تعرف الناس بامكاناتا وتمد بينا وبينم جسور تواصل تجىء تقول لي البوما
    الأول وجد تفاعل لأنو كان فيهو أعمال محبوبة للناس ... طيب ما هو نفس كلامي القلت ليك أنو دليل على ذكاء إختيارها للبداية ..
    أقول ليك ألبوما حرك الشارع الفني ووجد تفاعلا واسعا والدليل كثافة الحضور الجماهيري لحفلاتا وآخرا بتاعت الريفيرا الأول أمس دي .
    تقول لي لا الجمهور خاب أملو ... والغريبة كلامك كلو مجرد كلام ما عندو أي برهان أو دليل على صحتو .
    أقول ليك نانسي طروبة تقول لي لا عافية وأيمان توفيق وما عارف منو وفي النهاية تقول لي دي أحاسيس ووجهة نظر تخصك ..
    طيب بنفس المفهوم بتاعك دا إتا برضو كلامك الفوق والتحت وتفضيلك لعافية وأيمان دا أحاسيس ووجهات نظر تخصك مع العلم
    أنو وجهة نظري وأحاسيسي مدعمة بقرائن ودلائل ذكرتها ليك فوق عكسك تماما ..
    عموما يا حبيب وريتك مميزات نانسي وقدرتا التطريبية وذكائها وحضورا المسرحي والتلفزيوني وثقافتا العالية وطموحاتا الفنية الخ الخ ...
    بعد كدا غالط علي كيفك ..

    ملحوظة :
    كلامي الفوق دا يا سفيان ما عشان تمبس رسل ليك واتا رسلت ليهو .. لا .
                   |Articles |News |مقالات |بيانات

14-01-2013, 10:54 PM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9333

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    Quote: هو الغلاط دا كيفنو يا سفيان أخوي ؟؟
    أ
    أقول ليك واثقة من إمكاناتا وأجيب ليك الدليل ... تقول لا ما واثقة .. كدا ساي بس بدون أي تدعيم ..
    أقول ليك ذكية لأنو دقت الباب أول باعمال معروفة عشان تعرف الناس بامكاناتا وتمد بينا وبينم جسور تواصل تجىء تقول لي البوما
    الأول وجد تفاعل لأنو كان فيهو أعمال محبوبة للناس ... طيب ما هو نفس كلامي القلت ليك أنو دليل على ذكاء إختيارها للبداية ..
    أقول ليك ألبوما حرك الشارع الفني ووجد تفاعلا واسعا والدليل كثافة الحضور الجماهيري لحفلاتا وآخرا بتاعت الريفيرا الأول أمس دي .
    تقول لي لا الجمهور خاب أملو ... والغريبة كلامك كلو مجرد كلام ما عندو أي برهان أو دليل على صحتو .
    أقول ليك نانسي طروبة تقول لي لا عافية وأيمان توفيق وما عارف منو وفي النهاية تقول لي دي أحاسيس ووجهة نظر تخصك ..
    طيب بنفس المفهوم بتاعك دا إتا برضو كلامك الفوق والتحت وتفضيلك لعافية وأيمان دا أحاسيس ووجهات نظر تخصك مع العلم
    أنو وجهة نظري وأحاسيسي مدعمة بقرائن ودلائل ذكرتها ليك فوق عكسك تماما ..
    عموما يا حبيب وريتك مميزات نانسي وقدرتا التطريبية وذكائها وحضورا المسرحي والتلفزيوني وثقافتا العالية وطموحاتا الفنية الخ الخ ...
    بعد كدا غالط علي كيفك ..

    الغلاط ياهو كلامك الفوق دا يا طلحة
    مداخلتي اهي ديك ليها فوق انا فندته ليك كلامك السابق و ضربته ليك امثلة و اتكلمته ليك عن الاصوات و اتكلمته ليك عن انو الاسرة الفنية ما اصل
    و اتكلمته ليك بدقة عن ضرورة استخدام الخيال و التحكم فيهو بالدماغ و عييييييك ما خليت ليك حاجة تجي تقول لي دليلك وينو !!!؟
    يا طلحة ياخ بطل خم .
    و حتى لما قلته ليك امشي اسمع شقي و مجنون و تعال قلتها ليك لانو نانسي بتغلط فيها رسمممممممي و بالمرة اسمعه بتغني ( ما نسيناك) و برضو
    بتغلط فيها ، ولو سمعتها و ما قبضته (غلطاته) راجع (اضنيك) عند دكتور.
    أنت يا طلحة فاكرني بسمع بعيوني ولا شنو !!!؟
    و تمبس انا ما رسلته ليهو هو الرسل ليّ.
    فيا تمبس ياخ ما ترسل ليّ في تلفوني طلحة دا شكلو زعل .

    مودتي و محبتي .
                   |Articles |News |مقالات |بيانات

15-01-2013, 06:42 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: سفيان بشير نابرى)

    سفيان يا بطل خلاص أنا بغالط ساي وح أراجع أضنيي عند الحكيم واحتمال أعمل ليهم جبيرة صناعية واللا أبخهم
    بي بف بف عشان تاني يسمعن زيك وزي الناس البتعرف لأنو أنا غلطان غلطان غلطان واتا كلامك عداهو العيب .
    وأنا آسف وسافي التراب لأنو زعلت عشان تمبس رسل ليك في تلفونك وإن شاء الله تقرصني نملة رغم أنو والله
    ما عارف اتا عرفت كيف شكلي بزعل عشان تمبس برسل ليك لأنو ما في أي سبب بخليني أزعل لو في زميل منبر رسل
    لي لزميل تاني واللا بارك ليهو الحج أو اداهو هدية بمناسبة الختوبة .. لكن طالما إتا قلتا كدا فأكيد متين في المية كلامك صاح
    معقول أغالط في دي كمان .. ؟
    أها أظنو يا للخو كدا العفو والعافية .
                   |Articles |News |مقالات |بيانات

15-01-2013, 08:47 AM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9333

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    Quote: سفيان يا بطل خلاص أنا بغالط ساي وح أراجع أضنيي عند الحكيم واحتمال أعمل ليهم جبيرة صناعية واللا أبخهم
    بي بف بف عشان تاني يسمعن زيك وزي الناس البتعرف لأنو أنا غلطان غلطان غلطان واتا كلامك عداهو العيب .
    وأنا آسف وسافي التراب لأنو زعلت عشان تمبس رسل ليك في تلفونك وإن شاء الله تقرصني نملة رغم أنو والله
    ما عارف اتا عرفت كيف شكلي بزعل عشان تمبس برسل ليك لأنو ما في أي سبب بخليني أزعل لو في زميل منبر رسل
    لي لزميل تاني واللا بارك ليهو الحج أو اداهو هدية بمناسبة الختوبة .. لكن طالما إتا قلتا كدا فأكيد متين في المية كلامك صاح
    معقول أغالط في دي كمان .. ؟
    أها أظنو يا للخو كدا العفو والعافية .

    ههههههههههه يا طلحة ياخ العفو و العافية من جوة القلب و الله
    يا صاحبي القصة كلها اني بقول ليك كلامي فيهو دلائل وفيهو شرح و اضح
    و حددته ليك نموذجين فيهم اخطاء حفظ(مكرر) و قلته ليك اسمعهم .
    مش زي ما جيت رديت ليّ انت و قلته ليّ كتبته بدون إي ديل .
    دي كل القصة يا طلحة و تاني بقول ليك كلاميّ فوق ارجع شوفوا .
    و قصة تمبس و ما تمبس دي ياخ مشاغلااات مشاغلااات ساي .

    برضو العفو و العافية و المحبة .
                   |Articles |News |مقالات |بيانات

15-01-2013, 10:02 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: سفيان بشير نابرى)

    هههههه أنا برضو يا سفيان لكن بصراحة في البداية خفتك تكون زعلتا مني وبما أنك ما زعلان فممكن أواصل معاك
    بس بالله خلي لي إضنيي ديل قاعدات في محلهم ما تقول لي وديهم الحكيم واللا كب ليهم تلج عشان ما أزعل منك
    يلا كدا أبدأ ليك من كلامك دا :
    Quote: نانسى فنانة غير
    مغامرة و اختارت الآداء القدر امكانيته الصوتيه فقط و وضح ليّ و لي ناس كتيرين الإمكانية الصوتية الضعيفة لنانسي
    معقول يا سفيان ياخ ؟؟؟؟؟؟؟؟؟؟
    طبعا لو رديت ليك أنا من نافوخي وفهمي ح تستسهل المسألة وح تعتبرا زي ما اعتبرتها فوق مجرد أحاسيس خاصة عشان كدا هاك أها أقرأ
    الناس ديل :

    الموسيقار محمدية قال :
    Quote: نانسي فنانة تمتاز بقدرة عالية على التطريب والتنوع في الأداء وثبات في الحضور المسرحي.. لو إستغلت خامة صوتها
    التى تستخدمها بطريقة ملفتة للنظر بلا شك ستصل لمبتغاها ..


    عوض أحمودي :
    Quote: نانسي صوت من الزمن الجميل ولها موهبة تطريبية عالية وهي تختار الأعمال التى يصعب أداؤها بشكل عام
    لكنها متمكنة من صوتها وتستطيع تطويعه بطريقة جيدة وجاذبة.


    الشاعر فضيلي جماع :
    Quote: نانسي لها مقدرات عالية في التعامل مع طبقات صوتها وأداؤها خضع لتدريب علمي شاق لذا كان نتاج
    ذلك تطريبا راقيا.



    شوقي بدري معلقا على اندريا
    Quote: ما تقوم به نانسي عجاج اليوم يذكرني ما قام به عبد الكريم الكابلي في نهاية الخمسينات وبداية
    الستينات عندما أحيا كثيرا من أغاني التراث والحماسة والمناحات وعرف السودانيون الجدد ما هو الفرق بين الفافنوس والبوس ومفردات
    كثيرة كانت قد ماتت



    دا قليل من كتير قاله أهل الاختصاص والنقاد في حق موهبة حقيقية صوتها سري عبر الأثير ... وياله من صوت .
    دا طبعا بالإضافة لمئات الالاف من المعجبين من جمهور الأميرة أو الست الذين تمتليء بهم الأسافير وكل فج عميق في السودان وغيرو .

    (عدل بواسطة طلحة عبدالله on 15-01-2013, 10:07 AM)
    (عدل بواسطة طلحة عبدالله on 15-01-2013, 10:11 AM)

                   |Articles |News |مقالات |بيانات

15-01-2013, 10:27 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    وعايز أضيف وأقول ليك :
    يا سفيان خليتك لى الله إتا والمكابرين المحاججين الزيك لو عايزني أكضب إضنيي النضاف ديل وجمهور أهل الإختصاص
    والنقاد الفوق ديل بالإضافة لمئات الالاف من المتيمين بالأميرة وأقتنع بي كلامك إتا دا ..

    ودا عشان ما تزعل
                   |Articles |News |مقالات |بيانات

15-01-2013, 06:30 PM

Isa

تاريخ التسجيل: 29-11-2004
مجموع المشاركات: 1321

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    سـفيان ياحبيب.. برضو كيف الهال والأهـوال :).. والهالة واهـد يا زول:).. خليني أبدا بقصة سريعة كدة.. عـندنا قريبنا وهو زول زهجي رغم شبابه.. مرة جاتو صحية وافتكر الدنيا أصبحت، فقام صلى الصبح ورجع نام.. بعد شوية أخوه صحاه للصلاة، فقال ليه أنا صليت.. قال ليه ياخي هو يادوب أذن إنت صليت بتين.. فرد عليه بنهرة: يازول أنا مالي ومال الأذان:).. أها إنت كـلامك كلو طلعتو لي أنو دي ونسة قديمة وكتيرة مع تمبس، ومضطر أقول ليك: يازول أنا مالي ومال تمبس وونستكم معاه.. قصدي لو أي زول قال عن واحد من الفنانين الشباب الأنا شايف إنو يرجى منهم الكتير لأجل المساهمة في إثراء وتطوير غنانا.. لو زول قال عن واحد إنو ما بعرف بغني الخ زي كلامك عن نانسي، فأنا بشوف من واجبي أبرئ نفسي وأقول راي المخالف غض النظر عن (الصياغ) الإتقال فيهو كلامك..على أية حال: إنت قلت أنا سحبت كلامك عن (الإعلام) ال لقتو نانسي وهو فقط ما يميزها عن: عشان ما تزعل:) سميرة جرجير وعلوية شنكل (والله كتبت أسماءهم في ورقة عشان أكتبها صاح، ياخي أنا ما كنت قاصد ألخبطها لكن بالنسبة لي طبعا الجرجير زيو زي القش والبرسيم ولامن ينشف ببقى إسمو عويش:)..المهـم: نحنا في السودان أصلا ما عندنا إعلام بصنع النجوم أو قنوات موسيقى متخصصة أو فيديوكليب الخ.. لاحظ الأغاني أو الأغنيتين الإنت ذكرتهم ديل إنتشروا ووجدوا القبول زي ما قلت إنت لامن طلعوا في شريط كاسيت وأظن ألبوم موجة كان منو سي دي برضو.. يعني دا كل العملتو نانسي.. لكن زي ما قال طلحة لغاية حفلتها القبل أسبوع أو أقل الناس جاية في البرد الشديد عشان يسمعوا أندريا.. عموماً أنا ما شايف أي تمييز لنانسي في الإعلام إلا إذا كنت بتفتكر فيديوهات اليوتيوب البنزولها الشباب المعجبين (بكل معاني الإعجاب) ـ وهي إما بعض الحفلات الحية أو مقابلات تلفزيونية قليلة أو تركيب صورة لأغاني mp3 بتعبرها من الميديا البتخلق الفنان أو النجم.. على فكرة بتفق معاك جزئياً على أن القبول من الله.. يعني ممكن نقول الكلام دا عن فرفور أو ندى القلعة لكن ما ممكن نقول والله وردي ولاّ محمود عبدالعزيز ديل بقوا فنانين كبار ومحبوبين كدة بس من الله!.. بعـدين لو طبقنا فيك (نظرية!) أخونا طلحة.. فكلامك كلو.. على الأقل في ردك لي بنيتو على إفتراض بسيط لكن تعاملت معاه بإعتبارو يقين قاطع للشك: وهو إنو نانسي ما ح تتطور لأنها بتفتكر إنها خلاص بقت نجمة كبيرة! ودا كلام ما صاح.. كنت داير أقول ليك ممكن نسألها بشكل مباشر لكن لقيتك كاتب:
    Quote: صدقني لو جاءت هي ذاته هسي قالت :- انا لسه في بداياتي و لسه محتاجة اتدرب و اتمرن و و و و و الطريق قدامي طووووويل ... كلامه دا كلووووو بكون مجرد انشاء ليس الا صدقني جد
    فقلت أنسى يا أبوعيسى.. سفيان قال كان طارت عنزاية:).. ياتمبس ياخي أنو برضو مع سفيان أخوك بقوليك ياخي الله يرضى عليك تعال قوليهو إنو الزولة عندها حاجات تانية حامياني..
    برضو شوية تعليق سريع على كلامك الأخير مع طلحة: تكلمت عن إمكانيات نانسي الصوتية:
    Quote: نانسى فنانة غير مغامرة و اختارت الآداء القدر امكانيته الصوتيه فقط و وضح ليّ و لي ناس كتيرين الإمكانية الصوتية الضعيفة لنانسي .
    و العايز يحجز مقعد قوي في خارطة الغناء السوداني لابد أن يغامر و يعتمل التجريب (الواعي) وقبل دا كلو يكون (خيالو عآلي جداً
    و يستطيع أن يطوع كل امكانياته الصوتيه و غيرها و يوظفها بدماغه) - يا طلحة مثلاُ معتز صباحي دا الحلي و الحركات البعمله بي
    صوتو دي هي في صوتو ولا هو بيعمله بي صوتو عبر تحكموا عليها بدماغه
    على فكرة وبرضو في ونستنا مع تمبس في بوست قديم قلت ليهو الإعجاب بصوت فنان معين دي الحاجة الممكن الناس تختلف عليها وتتفق عادي لأنو ما عندو مقاس أو ميزان.. لكن الحاجة البنتفق عليها إنو ما يميز نانسي أنها بتعرف تغني صاح.. وعندي إنو في مسااافة بين زول صوتو جميل وزول بعرف بغني صح وكمان ذكي وموهوب (أيوة موهوب) زي نانسي يعرف كيف يوظف خامة صوته للحد ال optimum بدون ما يكون عندو مقدرة إنو يكون ماسك صوتو في يدو يلعب بيهو زي ما عايز أو يكون زي الهادي حامد أو الأمين عبدالغفار..
    من ناحية تانية: شايفك أكتر من مرة قلت إنو نانسي بتغلط في شقي ومجنون.. قد يكون كلامك صحيح.. أنا معاك إنو الفنان مفروض يكون حافظ الكلمات واللحن زي العازف برضو.. لكن الحاجة الشايفا إنو تسعة من عشرة من الفنانين خاصة الشباب) ما حافظين كلمات أغاني الحقيبة بدقة.. في رأي السبب هو أن شعراء الحقيبة ـ ومثلهم بعض الشيوخ المادحين ـ لزموا لزوم مالا يلزم.. عشان كدة الفنانين الشباب ممكن يدخل نشطر بيت أو بيت كامل مكان بيت تاني دون أن يختل الوزن أو القافية أو حتى المعنى والحاجة ما بلاحظها إلا زول أصلاً حافظ الأغنية صم أو عارف الطريقة دي.. ح أختار ليك مثال عشوائي رغم إنو متأكد إنك فاهمني: مثلا في: جوهر صدر المحافل:
    تمنع طيفك لي يغازل داخل قلبي انا ليك منازل
    يا لايم لا تبقى هازل انا في الحب لي روحي باذل
    هل عاشق يسمح لعاذل خلي نصيحتك عني زيلا .. هنا القافية (آزل أو آذل).. ثم:
    لي طيفك ما لقيت وسائل غير بسط النسمات رسائل
    اغرب شي واعجب مسائل حلم الصاحي ودمعو سائل
    لو شكيت فى امرى سائل البدرين كونـك مثيله (مثيلا).. مع إنك ممكن تدخل أي واحد من ديل مع بعض دون ظهور خلل واضح في التركيب لكن لو دخلت أو قافية غير (سائل) في الكوبليه؟ الأخير يبقى طوالي بتعرف إنو في حاجة غلط حتى لو أول مرة تسمع الأغنية.. والحاجة دي برضو لاحظتها عند محمود في بداياته أو بداية إستماعنا ليهو قبل كم وعشرين سنة! فهو أيضاً الله يجزيه الخير نفض الغبار عن أعمال كتيرة خاصة من الحقيبة كنت أسمعها لأول مرة.. لكن لو دخلت كلمة مكان تانية بنعرفها على طول..لكن ذلك لم ولن يقلل ذرة من حبناوأعجابنا بيه وبموهبتو الخارقة.. يعني ما تركّز على حتة حفظ الحقيبة دي شديد:).. وعلى قول طلحة يتبع كان الله طلق.. وجديد التحايا..
                   |Articles |News |مقالات |بيانات

16-01-2013, 09:45 AM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9333

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: Isa)

    حبيبنا عيسى التحيات العاليات و كيفك ؟
    سعيد شديد بالاخد و الرد معاك و مستمتع للطيش ذاتو .
    برضو خليني ابدأ ليك بحكاية هههههههه ... عندنا و احد بلدياتنا (زول الله و شغلو زراعة حيضان و فدانات بالعود ساااي) اها الزول دا مرة قال جاي الخرطوم زيارة سريع و يرجع فقام اخوهو الاصغر (نوعاً ما متعلم) و صاهو وقال ليهو:- عليك الله تمشي للناس الببيعو الشرائط بتاعة الغناء و تجيب ليهم منهم شريط نانسي بالعود ههههههه زولك و صل لمحل الكاسيت و قال ليهو :- عايز شرئط نانسي بالعود ... صاحب المحل رده قائل:- و الله ما عندي نانسي بالعود ... زولك نطه قائل :- طيب عندك نانسي بالحوض؟.

    طيب يا صاحبي نبداً بنقطة مهم اوضحه وهي ضمنياً في كلامك دا :-
    Quote: أها إنت كـلامك كلو طلعتو لي أنو دي ونسة قديمة وكتيرة مع تمبس، ومضطر أقول ليك: يازول أنا مالي ومال تمبس وونستكم معاه.. قصدي لو أي زول قال عن واحد من الفنانين الشباب الأنا شايف إنو يرجى منهم الكتير لأجل المساهمة في إثراء وتطوير غنانا

    يا عزيزي انا لما كررته (بيني و بين تمبس ) دي كتير ما قصدي احجر عليك (ولا اجروء) و امنعك من ابداء كلامك ابداً كل قصدي انو في حوارات قديمة بينا الاتنين و واصلين فيها حدود مافي داعي لتكراره ، دي كل الحكاية .

    بعدين يا عيسى انا ابداً ما قلته (نانسي) ما بتعرف تغني و لا ح اقدر اقول كدا نهائي :-
    Quote: لو زول قال عن واحد إنو ما بعرف بغني الخ زي كلامك عن نانسي، فأنا بشوف من واجبي أبرئ نفسي وأقول راي المخالف غض النظر عن (الصياغ) الإتقال فيهو كلامك

    و فعلاً لابد انك تبرئ نفسك و يكون عندك راي مخالف اذا انا قلته انها ما بتعرف تغني بس انا قلته انها ما بتغامر بصوته و امنيتي انها ما ترضخ و تستكين للوضع الحالي الفيها هي (حالة النجومية و الشهرة) و تحاول التجريب لانو الفنانين المغامرين الما بستكينو ديل هم الاصبحوا خالدين و كلامي دا يا عيسى في مصلحة نانسي و اصلو ما ضدها ولا شئ و ذات كلامي دا قالو الأستاذ محمدية في الاقتباس الجابو اخونا طلحة فقوق .
    Quote: إنت قلت أنا سحبت كلامك عن (الإعلام) ال لقتو نانسي وهو فقط ما يميزها عن: عشان ما تزعل:) سميرة جرجير وعلوية شنكل (والله كتبت أسماءهم في ورقة عشان أكتبها صاح، ياخي أنا ما كنت قاصد ألخبطها لكن بالنسبة لي طبعا الجرجير زيو زي القش والبرسيم ولامن ينشف ببقى إسمو عويش:)..المهـم: نحنا في السودان أصلا ما عندنا إعلام بصنع النجوم أو قنوات موسيقى متخصصة أو فيديوكليب الخ.. لاحظ الأغاني أو الأغنيتين الإنت ذكرتهم ديل إنتشروا ووجدوا القبول زي ما قلت إنت لامن طلعوا في شريط كاسيت وأظن ألبوم موجة كان منو سي دي برضو.. يعني دا كل العملتو نانسي.. لكن زي ما قال طلحة لغاية حفلتها القبل أسبوع أو أقل الناس جاية في البرد الشديد عشان يسمعوا أندريا.. عموماً أنا ما شايف أي تمييز لنانسي في الإعلام إلا إذا كنت بتفتكر فيديوهات اليوتيوب البنزولها الشباب المعجبين (بكل معاني الإعجاب) ـ وهي إما بعض الحفلات الحية أو مقابلات تلفزيونية قليلة أو تركيب صورة لأغاني mp3 بتعبرها من الميديا البتخلق الفنان أو النجم..

    بخصوص سميرة و علوية و اني قلته ليك ما تلخبت ليّ اساميهم هههههه انا طبعاً بهظر معاك هههههه و دي حركات ساي حتلقاها كتير معايّ فما تتعب نفسك و تكتب في ورق لانو لو واصلته معاي كدا ح تكمل دفاتر - بس اوريك طريقة اكتبهم في الويرد هههههههه -
    ايوة نعم يا عيسى ما عندنا اعلام بصنع النجوم بتفق معاك تمام بس اتفق معاي انو قدر الاعلام العندنا دا برضو بتفتح بطرق غير متساوية و محكوم بعلاقات و معارف و كدا و دي نقطة مهمة طبعاً .
    اما الاغنيتين المذكورات و انهم انتشروا و وجدوا القبول بعد الشريط إي برضو معاك بس السبب الرئيسي في (وجهة نظري) الإيقاع بتاعهم - مثلاً في اغنية (باص الرصيرص) الأغنية دي قديمة ومعروف انها تبع منطقة محدده بس جاء الجمري حامد غناها و انتشرت و ذاع صيتها و هسي معروفه في كل السودان بل بقت نغمة ثابته في الموبايلات تتباع بالقروش و السبب هو الايقاع و الموسيقى في الاغنية في ناس ما مركزين مع الكلمات و في غالبية عظمى من الناس ديل ذاتهم ما سمعوا بالجمري حامد و لا بعرفوهو- اتمنى المثل دا يكون شرح قصدي من قصة الإيقاع و الميديا الما موجودة بنخصص دي.
    Quote: على فكرة بتفق معاك جزئياً على أن القبول من الله.. يعني ممكن نقول الكلام دا عن فرفور أو ندى القلعة لكن ما ممكن نقول والله وردي ولاّ محمود عبدالعزيز ديل بقوا فنانين كبار ومحبوبين كدة بس من الله!

    ايوة بتفق معاك و ممكن ازيدك اكتر و اكتر من فرفور وندى و ديل ... بخصوص و ردي و محمود يا عيسى انت (جيتني) في قصة المغامرة و التجريب الانا مصر عليها بخصوص نانسي و بخصوص كل فنانين و فنانات السودان ... وردي ومحمود و معهم قلة (جميلة) ما خلدوا الا لانهم فاقوا مسمى الفنان للسموا بفنيتهم و لانطلاقهم وعدم استكانتهم بالاتيح لهم ...
    الخلاني اقول :-

    Quote: صدقني لو جاءت هي ذاته هسي قالت :- انا لسه في بداياتي و لسه محتاجة اتدرب و اتمرن و و و و و الطريق قدامي طووووويل ... كلامه دا كلووووو بكون مجرد انشاء ليس الا صدقني جد

    هو فعلاً اني منتظر التغيير منها و متابعه متابعه دقيقة و هي مصرة على الحذر ، و كلامي دا ما (كان طارت عنزاية) لكن اهو المتابعة و اللالبومات طوااالي نانسي بتقنعني انها مركزة فقط فيما وصلت له ولا شي اخر .
    Quote: ياتمبس ياخي أنو برضو مع سفيان أخوك بقوليك ياخي الله يرضى عليك تعال قوليهو إنو الزولة عندها حاجات تانية حامياني..

    انا برضو عايزي يجي (يدلوا بدلوه) مع انو غتيت و بكون قاعد يتفرج و يضحك .

    برضو ح اعلق على كلامك البيني و بين طلحة ...
    Quote: على فكرة وبرضو في ونستنا مع تمبس في بوست قديم قلت ليهو الإعجاب بصوت فنان معين دي الحاجة الممكن الناس تختلف عليها وتتفق عادي لأنو ما عندو مقاس أو ميزان.. لكن الحاجة البنتفق عليها إنو ما يميز نانسي أنها بتعرف تغني صاح.. وعندي إنو في مسااافة بين زول صوتو جميل وزول بعرف بغني صح وكمان ذكي وموهوب (أيوة موهوب) زي نانسي يعرف كيف يوظف خامة صوته للحد ال optimum بدون ما يكون عندو مقدرة إنو يكون ماسك صوتو في يدو يلعب بيهو زي ما عايز أو يكون زي الهادي حامد أو الأمين عبدالغفار..

    ايوة الناس ممكن تختلف و تتفق حول الاعجاب بصوت فنان ... بس هل انت و تمبس في و نستكم الاتفقتوا فيها بانو نانسي بتعرف تغني صح هل قاصدين بصح دي حفظها للكلمات و لا قاصدين بيها مخارج الحروف في الصوت و لا قاصدين بيها الاتساق مع اللحن و و الموسيقى ؟ اي لانو انا ببساطة الزول البغني (صح) لازم و لابد اجادته لشروط محددة عشان نطلق عليهو انو بغني صح .
    و بتفق معاك في انو في ناس اصواتهم جميلة لكن (دماغهم) كابس فبتضيع حلاوة و جمال الصوت دا ... (و العكس صحيح - ودا هسي مسبب ليّ ضربة قلب مع فنانين و فنانات كتااااار في سودانا الفضل دا- .
    و يا عيسى عجبتني انك قلته (ماسك صوتو في يدو) و يلعب بيهو زي ما عايز .... اها شفته كلامك دا هو ذااااااتو كلامي بس الصوت يا عيسى بمسكوهو (بالدماغ) ما باليد ودي و الله العظيم النقطة الجوهرية للفنان العايز يبقى فنان جد جد ... ياخ في ناس صوتهم جميل اي نعم بس اضعف من ضعيف ذاتو لكن لانهم عارفين الكلام دا تمام قاموا سيطروا عليه بالدماغ و عرفوا كيييييف يطوعوها و يشغلوهوا لدرجة تدهش شديد ياخ لدرجة انك ما تحس بانو الزول دا صوتو ضعيف نهائي .
    Quote: من ناحية تانية: شايفك أكتر من مرة قلت إنو نانسي بتغلط في شقي ومجنون.. قد يكون كلامك صحيح.. أنا معاك إنو الفنان مفروض يكون حافظ الكلمات واللحن زي العازف برضو.. لكن الحاجة الشايفا إنو تسعة من عشرة من الفنانين خاصة الشباب) ما حافظين كلمات أغاني الحقيبة بدقة..

    ايوة بتفق مع كل كلامك دا و كلامك التحت كلو بخصوص شعراء الحقيبة بس خلافي هنا بيرجعني لنقطة فووق وهي انو نانسي مستكينة لوضعها الراهن و ما عايزة تتحرك للأمام ود الخلاني فووق اخت الكلام الانت قلته بي سببو (يا ابو عيسى انسى هههههه) فهمتني؟

    غايتو يا عيسى انا وانت (نجقلب) في البوست و الشكر لي طلحة
    يا طلحة عمنا في الرحاية لحد ما اتعلمنا اما الكاسات فاسكت ساي شي موية خيران و شي موية ترع
    لحدي ما بقينا ناس (حدود الجمل) .

    محبتي لكم .
    التعديل بسبب حرف خطأ

    (عدل بواسطة سفيان بشير نابرى on 16-01-2013, 10:05 AM)

                   |Articles |News |مقالات |بيانات

15-01-2013, 08:56 PM

سفيان بشير نابرى
<aسفيان بشير نابرى
تاريخ التسجيل: 01-09-2004
مجموع المشاركات: 9333

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    يا طلحة اخوك من (قومة الجهل) الزعل ما فالو ههههههه انضم نضمك و ما تشيل هم ياخ الدنيا ايه غير لمة ناس في خير؟
    و عساك طيب و عافية
    اها (اضنينك ) في حتتهم ولا يهمك هههههه
    وحتى لو رديت من نافوخك يا طلحة انا باخد و ادي معاك و عايزك تفهم اني ما مجرد الأميرة من الفن (ولا استطيع) ياخ انا قلته انها ذكية وببقي فنان دي حاجة ما ساهلة و الدليل انها هسى (نجمة مشهورة) بس كلامي اني عايزة (تغامر) بصوته عشان تصل لمكانة عصية جداً ودي الحاجة الخلت فنانين احتلوا مرتبة لن تتضعضع مدى الدهر .... فهل كلامي دا كعب ولا ظلم ليها !؟
    طيب نجي لكلام الاساتذه :-
    Quote: نانسي فنانة تمتاز بقدرة عالية على التطريب والتنوع في الأداء وثبات في الحضور المسرحي.. لو إستغلت خامة صوتها
    التى تستخدمها بطريقة ملفتة للنظر بلا شك ستصل لمبتغاها .

    الفوق دا كلام الأستاذ محمدية و اهو بعد اشادتو جاء قال (لو) استغلت خامة صوتها بطريقة ملفته ستصل لمبتغاها ... اها دا ذات كلامي عن (مغامرتها) بصوتها و الهدف عندنا الاتنين (محمدية و انا)- شفته حشرته نفسي كيف مع المعلم دا هههههه- الهدف انها تصل عند محمدية لمبتغاها و عندي لمرتبة عصية المنال .
    Quote: نانسي صوت من الزمن الجميل ولها موهبة تطريبية عالية وهي تختار الأعمال التى يصعب أداؤها بشكل عام
    لكنها متمكنة من صوتها وتستطيع تطويعه بطريقة جيدة وجاذبة.

    الفوق دا كلام الأستاذ أحمودي و ما عندي عليهو اعتراض ببساطة لاني ما قلته نانسي ما بتعرف تغني و ما قلته ما فنانة ..بل اثبته انها ذكية و بتعرف تستخدم ذكائيها . و (أحمودي) قال متمكنة من صوته و انا ما قلته انو نانسي بتستلف صوت تاني صح ؟ ايوة ياهو صوته و بتستخدمه بذكائها لكنها في نظري اختارت (طريق السلامة) انها تشتغل في الحتات البتقدر عليها (ودا ذاتو ذكاء) بس انا كسوداني عندي عشم انو فناننا ديل و فناناتنا ديل (يجربو و يغامرو) و يضربوا في حتات صعبة عشان يصلوا لنجومية تضاهي الثريا ... التجريب و المغامرة مهمات للفنان يا طلحة خصوصاً المغني .

    Quote: نانسي لها مقدرات عالية في التعامل مع طبقات صوتها وأداؤها خضع لتدريب علمي شاق لذا كان نتاج
    ذلك تطريبا راقيا.


    الفوق دا كلام استاذنا فضيلي جماع و هو ما اختلف كتير من كلام احمودي فيبقى بالتالي تجدني لا (فوق لا في حته تانية) قلته نانسي مابتعرف تتعامل مع صوته .
    Quote: ما تقوم به نانسي عجاج اليوم يذكرني ما قام به عبد الكريم الكابلي في نهاية الخمسينات وبداية
    الستينات عندما أحيا كثيرا من أغاني التراث والحماسة والمناحات وعرف السودانيون الجدد ما هو الفرق بين الفافنوس والبوس ومفردات
    كثيرة كانت قد ماتت


    الفوق دا كلام استاذنا شوقي بدري و بتلقاني فوووق متفق معاهو في مداخلة مع اخونا عيسي و قلته انو نانسي نفضت الغبار من اندريا خصوصا لناس حمودي ابو جضوم .

    بي كدا يا طلحة لازال كلامي قائم بضرورة المغامرة و التجريب لدى المغنيين (درب السلامة ساهل ليهم) خصوصاً لما يكونو ناس اذكياء لابد لهم ان يصلو لمكان عصي المنال و ما (يستكينو) فقط للشهرة و النجومية البسيطة (مهما كترت) فا المغامرة و التجريب مع الذكاء بخلدهم ابد الأبدين ... ما عايز اضرب امثلة عشان الأمثلة معروفه .

    صراحة يا طلحة المداخلة دي كتبتها مرتين وراحت بسبب النت العجيب دا
    و برضو شايف كلام اخوي عيسى و ح اجيهو برواقه .
    تشكراتي و محبتي .
                   |Articles |News |مقالات |بيانات

16-01-2013, 08:16 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: سفيان بشير نابرى)

    يا سفيان الحبيب السلام عليك وحمدلله ع السلامة ياخ .. لأنو بصراحة كتا متوقع إنك ح تفلسع بعد الزرة الفوق دي لكن شكلك كدا مصر على العوم
    بعد ما اتبلبلت ونصيحتي ليك عوم في الرحاية* بس ما تمش مع عيسي الفوق دا للحتات الغريقة عشان ما يديك كاس** هههههههه .
    يا سفيان يا حبيبي عايزك بس تتأكد من حاجة واحدة بس أنو أنا سعيد بمناوشاتك في البوست دا لأسباب عديدة .. أولا لأنو خليت عيسي الفوق
    دا يدخل زي ما قال تامبا وأهو اتا شايف براك حلاوة وطلاوة ونستو ..
    السبب التاني أنو خليتني أكتب عن نانسي وأسترسل في التأكيد على أنها مبدعة مميزة وأميرة بل وست الغناء، ولو ما أتا دخلت إختلفت معاي
    البوست دا كان ح يكون ماش باليوتوبات بس لأنو أنا كتا منتظر واحد زيك يديني إشارة عشان أقول بعضا من عندي في الأميرة دي .
    السبب الأهم الخلاني سعيد بدخولك هنا هو يقيني القوي جدا بانو ( لولا إختلاف الأسعار لبارت السلع ) ودا كلام في اعتقادي ينطبق على أية حاجة
    مثلا في حالة الغناء بتاعتنا دي لولا إختلاف الناس لما كان هناك فنان مبدع ومنقطا وآخر (حمبرا ساي ).
    بالمفهوم الأخير دا يا سفيان تأكد أنو انا ما عايزك تتفق معاي تماما في حبي ووقوفي إلى جانب الأميرة لأنو دا مامكن لكن على الأقل يكون في الحد
    الأدني من المعقولية في إختلافك عشان بس ما يتم تفسير الإختلاف دا بأنو مجرد انطباع شخصي زي ما قلتا إتا فوق .
    ح اجي أرد على لخبتك الفوق دي ....


    * الرحاية طرف البحر أي المكان الما غريق يعوم فيهو المستجدين والحناكيش ...
    ** الكاس حركة يستعملا شفوت البحر العوامين وهي تغطيس المستجد مرة ومرتين في المكان الغريق عشان يتعلم العوم هههههه

    (عدل بواسطة طلحة عبدالله on 16-01-2013, 08:18 AM)

                   |Articles |News |مقالات |بيانات

16-01-2013, 09:32 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    يا سفيان يا قلب ..
    قلتا ليك فوق أنو نانسي واثقة من امكاناتا الصوتية لدرجة كبيرة جدا بدليل انها غنت (جسمي المنحول) الغناها عمالقة الحقيبة زي كرومة
    وأبو داوود واولاد شمبات وبادي، وغنت (شقي ومجنون) للكحلاوي وأظنك عارف المقدرات الصوتية للراحل صديق الكحلاوي بما يجعل
    التغني باغانيه مغامرة غير مضمونة العواقب إلا لمن يثق في نفسو زي الاميرة دي ..
    ومع ذلك كلو جيت إتا أصريت على أنو :
    Quote: نانسى فنانة غير
    مغامرة و اختارت الآداء القدر امكانيته الصوتيه فقط و وضح ليّ و لي ناس كتيرين الإمكانية الصوتية الضعيفة لنانسي .

    والغريبة أكتر في مقتبس كلامك الفوق دا هو قولك أنو إمكاناتا الصوتية ضعيفة مع أنو الموسيقار محمدية قال تمتاز بقدرات عالية
    على التطريب والتنوع في الأداء وأوضح أنو ما إستغلت خامة صوتها ودا يؤكد على انو عندها امكانات صوتية عالية عكس ما قلتا اتا
    تماما فهل يمكن أن يكون فهمك في الفني دا أحسن من محمدية مثلا ؟
    لا.. وأحمودي برضو أكد على انو عندها موهبة تطريبية عالية ومتمكنة من صوتا وتستطيع تطويعو بطريقة جيدة وجاذبة، عشان كدا تختار
    الأعمال التى يصعب أداؤها بشكل عام .. ودا عكس كلامك تماما القلتا فيهو انها ما مغامرة يا سفيان .
    ويمكن كمان أن تعيد النظر فيما ما قاله الشاعر فضيلي جماع عن صوتا ح تلقاهو برضو عكس كلامك تماما .. ودا نفس الشىء القاعد أقول ليك
    فيهو فوق يا حبيب .

    وبعدين اتا ملخبت في كلام محمدية دا :
    Quote: نانسي فنانة تمتاز بقدرة عالية على التطريب والتنوع في الأداء وثبات في الحضور المسرحي.. لو إستغلت خامة صوتها
    التى تستخدمها بطريقة ملفتة للنظر بلا شك ستصل لمبتغاها .
    بدليل انك ( لو لوتو ) بدون وجه حق لأنو ما قال ( لو إستغلت خامة صوتا بطريقة ملفتة ) زي ما قلتا إتا بل قال ( لو إستغلت
    خامة صوتا (التى) تستخدمها بطريقة ملفتة ) وهو هنا يؤكد أنها قاعدة تستخدم خامة صوتا بطريقة ملفتة ما زي ما إتا فهمت يا الحبيب.
    وتعال لى كلامك دا
    Quote: (أحمودي) قال متمكنة من صوته و انا ما قلته انو نانسي بتستلف صوت تاني صح
    أيوة صاح اتا ما قلتا بتستلف صوت تاني لكن قلتا امكاناتا الصوتية ضعيفة ودا اختلافي معاك فوق حيث أكد احمودي
    كلامي بخصوص مقدراتا الصوتية ونسف نظريتك تماما بضعف امكاناتا الصوتية ..
    واخيرا كلامك المكرر دا
    Quote: يا طلحة لازال كلامي قائم بضرورة المغامرة و التجريب لدى المغنيين (درب السلامة ساهل ليهم)
    أنا والعياذ بالله قلتا ليك مغامرة بدليل اختيارا لأعمال صعبة أداؤها بشكل عام وجبت ليك مثل لهذه الأعمال
    وهو نفس الكلام الأكدوا أحمودي فوق وهاك راجع كلامو دا تاني :
    احمودي قال :
    Quote: نانسي تختار الأعمال التى يصعب أداؤها بشكل عام
    لكنها متمكنة من صوتها وتستطيع تطويعه بطريقة جيدة وجاذبة.
    .

    سفيان استسلم أسحن ليك ..

    (عدل بواسطة طلحة عبدالله on 16-01-2013, 09:33 AM)

                   |Articles |News |مقالات |بيانات

21-01-2013, 09:49 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    اللهم أرحم عبدك محمود عبد العزيز ووسع مرقده وأشمله بمغفرتك ورضوانك وعفوك وأفتح له طاقة على جنات الفردوس.
    لا حول ولا قوة إلا بالله الحي الباقي ..
                   |Articles |News |مقالات |بيانات

27-01-2013, 09:50 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

    ( يكبع ) ....
    ههههههههههههه
                   |Articles |News |مقالات |بيانات

24-03-2013, 03:14 PM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

                   |Articles |News |مقالات |بيانات

24-03-2013, 03:18 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 4435

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)

                   |Articles |News |مقالات |بيانات

25-03-2013, 09:56 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: جمال ود القوز)

    شكرا يا جيمي ود القوز .. ما عندك طريقة تنزل لينا حفلتا الأول أمس دي ..؟

    nana.jpg Hosting at Sudaneseonline.com

    إبداع في كل شىء يا أميرة ( ربنا يحفظ ويبارك ويزيد )
                   |Articles |News |مقالات |بيانات

07-04-2013, 06:20 PM

Isa

تاريخ التسجيل: 29-11-2004
مجموع المشاركات: 1321

للتواصل معنا

FaceBook
تويتر Twitter
YouTube


Re: إلى الأميرة نانسي عجاج .. أنا آسف جدا والله (Re: طلحة عبدالله)



    سـلامات يا طلحة.. بالإضافة لكلمات الأغنية والشغل الجميل على بعضو؛ أعجبني برضو الشغل الفني للفيديو أو المونتاج وإختيار الصور الخ؛ فشكراً للزول العملو كمان..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de