|
|
|
 Re: توجيه الإساءات من والتعويل على سماحة الخصوم (Re: محمد عثمان ابراهيم)
|
قصة حقيقية: ارسل قاريء رسالة الكترونية ######ة لأستاذ جامعي وشاعر معروف وغمز فيها من قناة السيدة الفاضلة زوجة الشاعر فرد عليه الشاعر بكلمتين بذيئين جداً. طبع القاريء الرسالة وأرسلها الي متظلماً من الشاعر الذي ما كان ينبغي له أن ينحدر لهذا المستوى، على حد قول القاريْ. رددت على القاريء بأن الشاعر لم يستخدم معك سوى أدواتك وإن ضعة شأنك مقارنة بالأكاديمي المرموق لا تمنحك الحق في توجيه الإساءات له وتحرمه هو من الرد.
يعتمد الكثير من كتاب الإنترنت على الإساءة للكثيرين من رموز المجتمع من ساسة وكتاب وصحفيين ومثقفين ولاعبي كرة قدم ورجال أعمال وفنانين الخ ويشعرون بالحصانة لأن المساء اليهم لا يكتبون معهم في نفس الوسائط أو الوسيط.
اذا استخدم هؤلاء الوسائط التي يمكنهم الإطلال من خلالها، ملأ من أبدوا الظلم أولاً الدنيا زعيقاً.
مصطفى البطل لم يفعل أكثر من أنه لعب من خصومه بنفس أوراق لعبهم وفي هذا عدل بطبيعة الحال.
| |
  
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
| Quote: مصطفى البطل لم يفعل أكثر من أنه لعب من خصومه بنفس أوراق لعبهم وفي هذا عدل بطبيعة الحال. |
الاستاذ محمد عثمان
سلام
اين هذا من طبيعة رده الاقرب للتحرش الجنسى للاستاذة تيسير عووضة؟
هل رايت الجملة التى كتبتها عووضة وهى موجودة فى صدر البوست الذى افترعته و موجود اعلى المنبر
هل هناك اى مبرر لرد البطل على جملة تيسير؟
بالمناسبة هذا هو ما اثار ثائرة الناس هنا
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
| Quote: مصطفى البطل لم يفعل أكثر من أنه لعب من خصومه بنفس أوراق لعبهم وفي هذا عدل بطبيعة الحال. |
تحياتي يامحمد ....
وجهة نظر برضو لكن في العادة الافلام التي تعرض في السينما تتعرض لرقابة أقل من تلك التى تعرض في التلفزيون ... لأن التلفزيون يدخل كل بيت
وهذا القول ليس من باب منح رخصة لقلة الادب او شتم الناس على المنابر لكن للتفريق بين المنابر والصحافة الورقية ...
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
افتتح أحدهم بازاراً لتوجيه الإساءات المجانية للبطل وأعلن صراحة أنه يكتب مجاناً دون حيثيات مشيراً الى أنه يكتب مجاناً، معتقداً أن الكتابة دون مقابل تمنح صاحبها خندقاً للنيل من الآخرين دون خشية من سقوط نفس القذائف أو ربما قذائف أعنف على رأسه!
لم تتكرم سولى قلة قليلة بالإعتراض وتوجيه المسيئين بأن هذا لا يليق وإن وجود الحيثيات ضروري جداً لمنح الإختلاف معنى!
الحقيقة ان الجماعة المسيئة وجهت سخريتها نحو الأقلية العاقلة وتسابق المسيئون في ضرب الدفوف وهم يحسبون أن الأمر لعب وأن الأسافير توفر لمرتاديها قناعاً يقيهم من الخدوش على الوجوه المتخفية.
مصطفلى استخدم أدوات هؤلاء وكون ضرباته كانت أكثر ايلاماً فهذا لا يحسب عليه بل له.
كتب المسيئون آلاف الكلمات فرد عليه ببضع مئات من المفردات القاسية.
لا مجال لأن يقول أحد لو كنت مكان مصطفى البطل لفعلت كذا أو كذا فالكل يدافع عن نفسه بحسب طريقته واحساسه بالأذى.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
| Quote: اين هذا من طبيعة رده الاقرب للتحرش الجنسى للاستاذة تيسير عووضة؟ |
الأخ عوض
لا أعتقد أن البطل تحرش بالسيدة الفاضلة تيسير عووضة تحرشاًُ جنسياً هنا.
التحرش الجنسي حسب ما أفهمه هو اقتحام المساحة الشخصية الخاصة بشخص ما بغرض الغواية ولا أعتقد أن هذا حدث. سأعيد قراءتي لمعنى التحرش الجنسي فربما أحصل على تصور أكثر شمولاً.
مع الشكر
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
Quote: وجهة نظر برضو لكن في العادة الافلام التي تعرض في السينما تتعرض لرقابة أقل من تلك التى تعرض في التلفزيون ... لأن التلفزيون يدخل كل بيت
وهذا القول ليس من باب منح رخصة لقلة الادب او شتم الناس على المنابر لكن للتفريق بين المنابر والصحافة الورقية ... |
الأخ عمر
بطل الفيلم، إذا قبلنا مقارنتك، يمثل الفيلم مرة واحدة ثم تبثه السينما بطريقة والتلفزيون بطريقة أخرى تراعي اختلاف الوسيط ونوعية المشاهدين. البطل (قصدي بطل الفيلم) غير معني بالرقابة فهذا ليس شأنه، هذا شأن القيمين على السينما أو التلفزيون.
اسرافاً في قبول مقارنتك نقول إن لمسئول المنبر أو الصحيفة الحق في ممارسة الرقابة إذا رأي أي منهم أن المادة لا تناسب جمهور وسيطه.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
| Quote: مصطفى البطل لم يفعل أكثر من أنه لعب من خصومه بنفس أوراق لعبهم وفي هذا عدل بطبيعة الحال. |
تحياتي يا أستاذ محمد عثمان
أين العدل في الرد من البطل ,في اعتقادي أنك بالتاكيد قرأت مداخلات تيسير عووضة ومداخلات دينا خالد وكل المشار اليهم
ولا أعتقد أن بها من الغلظة أو السفه في شئ بل هو نقد لكتابة البطل وجاء في كلمات لا تخلو من التهذيب
وده من حقهم انهم ينقدوا كتابة البطل طالما البطل باذل نفسو للشأن العام .
لكن رد البطل كان عبارة عن صعلكة وقلة أدب وايحاءات بذئية ولغة عاهرات للأسف .
سقط البطل وجعل من نفسه تختة لهذا الربع والأرباع القادمة .
وقد بين البطل أن ليس كل من يلمع ذهبا بيان بالعمل .
البطل بالرغم من أني لا أطيقه ولكن بالتأكيد كان له سوق رائج وسط الكتابة السودانية
وخربو بايدو والبتخربو بايدك يغلب اجاويدك .
غايتو يا أستاذ محمد عثمان اشارتك لعدالة البطل في رده فيه كثير من التجني علي اخوتنا الذين ظلموا .
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
شكرا محمد عثمان ابراهيم :
| Quote: مصطفى البطل لم يفعل أكثر من أنه لعب من خصومه بنفس أوراق لعبهم وفي هذا عدل بطبيعة الحال. |
Quote: مصطفلى استخدم أدوات هؤلاء وكون ضرباته كانت أكثر ايلاماً فهذا لا يحسب عليه بل له.
كتب المسيئون آلاف الكلمات فرد عليه ببضع مئات من المفردات القاسية.
لا مجال لأن يقول أحد لو كنت مكان مصطفى البطل لفعلت كذا أو كذا فالكل يدافع عن نفسه بحسب طريقته واحساسه بالأذى. |
في رايي المتواضع أن من قصدهم البطل رشوه بالماء أما هو فرشاهم بالدم ، وهاهم يعترضون على رشه لهم بالدم وليس بالماء !!
مصطفى البطل اختار ميدانه للمعركة وهو الصحف الورقية ..لا ادري لماذا يلومون ميدان المعركة بدلا من الانتباه للمعترك ؟!
هذا مع كامل تعاطفي مع الأخوان الذين لحق بهم رزاز الكلمات وتعاطفي مع مصطفى البطل الذي تعرض للرزاز ابتداء !!
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد حيدر المشرف)
|
سلام يا ادروب
كن منصفا يا صديقي ولا تدع صداقتك للبطل تحجب عنك الانصاف والانتصار لمن ظلمهم
البطل ابعد النجعة في الرد
الادوات التي استعملها البطل في الرد على انتقاده خليط من ردود اولاد الشوارع ومتاجرة بالدين يتوارى منها الكيزان خجلا
شنو يعني خمسيني وشنو يعني فتح الرحمن المجاور الكعبة وشنو ود المشرف وشنو وشنو وشنو
اسفاف ما بعده اسفاف ولا ادري كيف يورط الباز نفسه في معارك البطل الشخصية وحروبه مع سكان الانترنت
بل ماذا يستفيد قارئ الصحف السوداني من عمود مثل هذا هب ان دينا خالد طلعت هي هالة عبد الحليم سو وات
محاولة استدرار عطف القارئ وتعاطف جماعات الهوس الديني واثارتهم على المنبر وكتابه محاولة إنسان رخيصة وانتصار زائف
فلن تستطيع قوة ان تمنع الناس من الكتابة هنا في هذا الفضاء الحر
فلا البطل ولا الذين يستنجد بهم لينجدوه لهم القدرة على منع كائن من كان ان يصدع برايه هنا
فهي معركة خاسرة واول الخاسرين هو البطل نفسه فقد فقد احترام الكثيرين هنا
| |
|
|
|
|
|
|
|
|
 Re: توجيه الإساءات من والتعويل على سماحة الخصوم (Re: ناذر محمد الخليفة)
|
Quote: مصطفى البطل لم يفعل أكثر من أنه لعب من خصومه
بنفس أوراق لعبهم وفي هذا عدل بطبيعة الحال. |
هههههههههههههههههههههههه
فعلا لقيت نفسي في حتة ضيقة!!
بهناكـ كتبت لتيسير: البديكـ كف أضربيهو بالشلوت في نص وشو
ولقيت محمد عثمانهم كاتب نفس الكلام هنا بطريقة المثقفاتية وما عجبني!!
النجيضة وين؟
إنو (بطلكم) كاتب صحفي راتب .. والنقد مفروض يكون طرف ثابت في الحكاية دي!!
أها لو أي زول انتقد كتاباتو ح يمشي يبحّت
وراهو ويجي يبتزاهو بي مواقف قاطعا من راسو؟
السياق يا جماعة!
سياق الكلام أهم من الكلام في عضمو!!
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عبد الماجد الصايم)
|
Quote: (بطلكم) كاتب صحفي راتب .. والنقد مفروض يكون طرف ثابت في الحكاية دي!!
أها لو أي زول انتقد كتاباتو ح يمشي يبحّت
وراهو ويجي يبتزاهو بي مواقف قاطعا من راسو؟
السياق يا جماعة!
سياق الكلام أهم من الكلام في عضمو!! |
يا محمد الصايم..
كل مشكلة قيقراوي التي ظل يرددها بإصرار شديد إنو البكتب فيهو ما نقد ولا عايز حوار بل قال: يقولوا ليهم هجاء يقولوا أحلبوه .. أو نحو ذلك..نعـم أنا أرفض من جانبي بكل وضوح الرد القاسي أو ال unproportional تجاه الأخت الفاضلة تيسير والأخت العزيزة دينا.. ما أظن في مقال للبطل لم يتعرض للنقد في البورد دا والبوردات الأخرى.. وزي ما كتب أمين بهناك لا البطل ولا غيره فوق النقد، لكن ما قاعد يرد على كل من علق على كتابتو، وهي في الغالب تعليقات ناقدة بطبيعة الحال، لكن مش بالطريقة دي.. البطل هنا في رأي طبق حكمة (نافع) التانية طوالي بعد (لحس الكوع) وهي: البكاتل ما بقول عوقتني!.. أخيراً أنا في ظني كل القصة ما مستاهلة الضجة دي.. ومحاولة تفسير كلام البطل بأنو عايز (يقنطر) الجماعة ديل للمكفراتية دا كلام أبعد ما يكون عن الواقع وتفسير متعسف للكلام..
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: تيسير عووضة)
|
البطل اساء للاخت تيسير ايما اساءه,وقولها مالم تقل معتمدا علي اغتيال الشخصيه والقذف والتشهير, وفق بنية تفكيره(الوعي التناسلي)وهي اقذر الادوات واحقرها في محاربة المراه
وتستصحب ان شرف المراه كعود الثقاب لو اشعلته مره واحده فقد انتهي امره,واشاء للقراء وكانما الاخت والصديقه تيسير انسانه عديمة الاخلاق تتغزل جهرة في الرجال لدرجة ان يخجلو من ذلك
واستعمل في ادواته هذه قاموس لفظي غايه في الانحطاط والبذاءه مستصحبا كما هائل من الايحاءات التي تجعل كل من يقرا المقال يحكم مباشره بسوء طوية وعدم اخلاق تيسير ,ومارس معها التشهير المتعمد بايراد اسمها كاملا
وحتي اسم الاسره,وكلنا يعلم اننا نتحرك في فضاء مجتمع تحرك اغلبيته ذات بنية وعي البطل والذي استغرب من الذين يصفونه بالمثقف والبروقريس.اتعاطف ايما تعاطف مع الاخت والصديقه تيسير الذي يعرف كل من يقرا كتاباتها او تشرف بمعرفتها
شخصيا انها من اكثر النساء وعيا وثقافه وادب,علمها ابوها كيف يكون الادب وارضعتها امها ماهي الاخلاق,واحاط بها اخوه خبروها عن ذات اساليب البطل,وهي بالتاكيد احتفظت بحق ردها الذي كان سيكون مؤلما لولا ان لها رأي(راقدالا فوق راي)واحسب انه سيكون رادعاومؤلما.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: فاروق عثمان)
|
السلام عليكم,,
قضى الأمر ..
أتيت مبررا ومدافعا ومصطفا مع بطلك وموجدا له الأعذار والأسباب
لأطنان السباب المعلن منه والمبطن والكذب والتحريض والولولة
والتباكى المصطنع التى إستفرغها فى حق تيسير وقيقراوى وطه والمشرف
وسريعا وضحت الرؤيا!!!!!
لو قرأت ما كُتب عن صديقك من المؤكد أنك كنت ستؤجل تصفية حساباتك
لفرصة أفضل..
حاول مرة أخرى..
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: Mohamed E. Seliaman)
|
| Quote: اثنين من الكتاب "الورقيين" واحد إنت والتاني مصطفى البطل قاعدين تحيروني عديل |
يا تيسير، زي ما قلت فوق: أنا ما مدّي الموضوع أكتر مما يستحق في نظري، وبفسر كلامك وتعليق الأخ حسن موسى بنفس تفسير ملاسي.. والبطل في ظني برضو عايز يرد وخلاص ... الأخ حسن موسى عندما سئل عن رسومو الشهيرة القاسية ضد بعض البورداب قبل سنوات رد بأن ذلك كان من باب رد الصاع صاعين الخ.. ومحمد عثمان في بوستك دا تداخل معاك وأظن النقاش انتهى بسلام.. لكن لاحظي حتى في بوستك المعنون والمخصص (لنقد) كتابة محمد عثمان، ذكرتي الكاشف أخوه.. ذكرتيني القصة التي يحكيها الأستاذ السر قدور إنو الأستاذة الفلاتية برضو كانت عايزة أغنية: يا حبيبي نحنا إتلاقينا مرة.. وبعد أن غناها الراحل العاقب محمد حسن وبقت Hit بلغة الزمن دا، زعلت الست عائشة جداً ولامن لاقت قدور قالت ليه: أمشي داهية تاخدك وتاخد عوض جبريل معاك..
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: Isa)
|
يا تايسا ... شفتى الأسامى الكبيره الفخيمه و العناقر العظيمه لما تنفس تسسسسسسسس و تبقي في السهله فاضيه و خاويه الاتنين ديل ليهم حق يتصاحبو ... وافق شن طبقه ...
يا محمد إى سليمان ... أيوه الخلفيه فيها عصام و جبرالله ... يلا دوس ساكت و جيب عدتك و مراويدك و لولوتك و تدليسك و فنجط و جلبط ... من متين بتفرق معاك يا دكتور ؟ و سلملى على أمين سالم
* بره الهيصه - تسمى احيانآ السياق - يا تايسا و البدرى ... بلدكم دى طوالى كده؟
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: Mohamed E. Seliaman)
|
| Quote: العاوز أقولو أنا بقولو بي عصام و لا مراويد ... و بقولو للزول زاااتو , |
وهذا هو المحك الحقيقي وهو ما يشهد عليه تاريخ المنبر
نعم أنت تستطيع ذلك ولا أحد من غزيتك بقول لك بغم .
لكن غزيتك تستنفر كلها عن بكرة أبيها للتضامن معك إن ارتد إليك الصاع صاعين
Quote:
كعب البطاعن بالنساء أو البطاعن النسااء و يتخصص في مطاردتهن |
وفاطمة إبراهيم ما نسوان ؟
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: esam gabralla)
|
البوست عجاجتو بدت تقوم ,,,,
حيث بدأ البعض بالمطاعنة
والمهامزة والملامزة والجرجرة لتصفية حسابات ,,
خلاصة,,,
يا محمد إى سليمان عصام جبر الله قال ليك بتحداك,,
فهل أنت له!!!!!
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: قيقراوي)
|
Quote:
الموقف كله مؤسف. انا شخصيا ممتلئ ألماً. ولكن بدلا من المزيد من الشتائم والسب والانسياق وراء روح القطيع علينا أخذ العبرة ومحاولة التقويم. على الجميع ان يكون منصفاً ويدين السلوك غير المسئول للجماعة التي سئلت عن موضوع الخلاف مع البطل فصرحت علنا بأنه ليس لديها موضوع وليس لديها نقاط خلاف مع مقاله وان غرضها فقط هو الهجاء والسباب و(الورجعة). حتي نحترم انفسنا كلنا علينا ان نتحمل مسئوليتنا بشجاعة فندين هذا السلوك أولاً
مقال الاستاذ البطل ردة فعل انفعالية قاسية جدا ومتجاوزة للحدود ولا تناسبه، وانا اتشرف بمعرفته شخصيا وصداقته واعلم انه اكرم نفساً من كل هذا ولكل جواد كبوة.
ما ذكره الاستاذ حسين ملاسى عن ملابسات الواقعة بين السيدة المحترمة والاستاذ حسن موسي مهم جدا. وافتراض الاستاذ حسين ان كل من يرتاد الموقع يعرف الخلفيات في غير محله. ولعل كاتب المقال بعد ان تهدأ نفسه وتزول اسباب ثورته ينظر فيها ويسعي لمعالجة الوضع بما يجبر الضرر
مرة اخري علينا جميعا ان نتحمل مسئوليتنا بشجاعة. علينا ان ندين أساليب السباب والتلاعب باسماء الناس باستهتار وبدون رادع وهو الامر الذي يفتح الباب لردات الفعل وان نسعي جميعا لرفع مستوى الحوار بيننا
السباب والتهييج والسعي لتصفية الحسابات القديمة مع الجديدة لن يحل مشكلة احد. المخرج هو التماس السبيل العاقل لجبر الكسر والعمل على تحقيقه، اذا كنا فعلا نحمل في قلوبنا كل معزة وحب للمتضررين الذين نتعاطف معهم.
نسأل الله ان يفتح بيننا بالحق وان يهيئ لنا سبل الرشاد |
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: أنور أبو القاسم الهادى)
|
Quote:
ولكن بدلا من المزيد من الشتائم والسب والانسياق وراء روح القطيع علينا أخذ العبرة ومحاولة التقويم. على الجميع ان يكون منصفاً ويدين السلوك غير المسئول للجماعة التي سئلت عن موضوع الخلاف مع البطل فصرحت علنا بأنه ليس لديها موضوع وليس لديها نقاط خلاف مع مقاله وان غرضها فقط هو الهجاء والسباب و(الورجعة). حتي نحترم انفسنا كلنا علينا ان نتحمل مسئوليتنا بشجاعة فندين هذا السلوك أولاً
|
انا عن نفسي موافق
واتحمل مسئولية ما كتبته .. في اي مكان وزمان
وقبلها مسئول عنو امام الله
--------
هل البطل مستعد؟
محمد عثمان مستعد يقابل ربو بكلامو في البوست دا؟
انت دا ذاتك بتقدر تثبت ديل:
[السلوك غير المسئول للجماعة التي سئلت عن موضوع الخلاف مع البطل فصرحت علنا بأنه ليس لديها موضوع وليس لديها نقاط خلاف مع مقاله وان غرضها فقط هو الهجاء والسباب و(الورجعة).]
جماعة؟
الرد -القريب- من كلامك دا قلتو انا .. وانا فقط لا غير
جيت خيطتو عمة ولفيت بيو (الجماعة)؟
اتمنى انك تجيب ما يثبت دي:
1- [فصرحت علنا بأنه ليس لديها موضوع] .. مطلوب تكويت
2- [ان غرضها فقط هو الهجاء والسباب و(الورجعة)] .. مطلوب ما يثبت [السباب] فقط .. تصريحاً او فعلاً؟
وستجدني ان شاء الله من المعتذرين .. النادمين
جصت لايك ا دوغ
المافي شنو؟
اللهم قني شر نفسي
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: قيقراوي)
|
Quote: وبلغ البطل عني .. لو اعتذر لتيسير في نفس الوسيط .. واعرض عن الجهالات دي ..
انا مستعد اتنازل -شفت كيف؟- و انازلو فكرياً .. وفي الدين والعقيدة .. شان نشوف آخرة المجانية دي حدها وين؟
شنو ليك؟ |
والله يا قيقا ما قصرت اوفيت وكفيت وكفيت القالب عليهم
والبوست الاشارت ليهو تيسير كافي ايضاً عشان يوري سبب البوست دا
دنيا
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: Haytham Ghaly)
|
سلامات يا هيثم غالي
الرجاء تعديل الاقتباس ليقرأ هكذا:
Quote:
وبلغ البطل عني .. لو اعتذر لتيسير بطريقة تقرها وترضاها .. واعرض عن الجهالات دي ..
انا مستعد اتنازل -شفت كيف؟- و انازلو فكرياً .. وفي الدين والعقيدة .. شان نشوف آخرة المجانية دي حدها وين؟
شنو ليك؟
|
اذا بتريد طبعاً
----------
ما كان لي ان اقرر ما ليس لي ..
Quote:
لا مجال لأن يقول أحد لو كنت مكان مصطفى البطل لفعلت كذا أو كذا فالكل يدافع عن نفسه بحسب طريقته واحساسه بالأذى.
م ع إبراهيم (صاحب الكنتين)* دا
|
* واحدة بواحدة .. والبادئ اظلم
المافي شنو هو قاليك؟
| |
|
|
|
|
|
|
|
|
 Re: توجيه الإساءات من والتعويل على سماحة الخصوم (Re: Mohamed E. Seliaman)
|
| Quote: في انتظار إثباتك أني Amin Salim |
هههههههههههههههه
يكاد المريب ... الخ الخ 
____________
بالمناسبة (1) بقدر أثبت كلام جبر الله حول انكارك لنفسك، بس هل انت بتقتنع ولا ح تقعد تتلولو كعادتك ؟
بالمناسبة (2) انا سحبت مداخلاتي من بوست منال بطلب من الاخت ماجدة وليس بسبب عدولي عما جاء فيها
لأني شفتك زي كتبت حاجة زي دي في خطابك الموجه لصديقنا ود البشرى ... عيب عليك، انت لمتين ح تكون كدا ؟
أففففففففففففففففففففففففففففففففففففففففف
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: Hussein Mallasi)
|
الزملاء الكرام
شكراً لكم جميعاً على مداخلاتكم
Quote:
في رايي المتواضع أن من قصدهم البطل رشوه بالماء أما هو فرشاهم بالدم ، وهاهم يعترضون على رشه لهم بالدم وليس بالماء !!
مصطفى البطل اختار ميدانه للمعركة وهو الصحف الورقية ..لا ادري لماذا يلومون ميدان المعركة بدلا من الانتباه للمعترك ؟!
هذا مع كامل تعاطفي مع الأخوان الذين لحق بهم رزاز الكلمات وتعاطفي مع مصطفى البطل الذي تعرض للرزاز ابتداء !! |
الأخ ناذر
شكراً لك . لا يمكن الإتفاق مع رأي أكثر من الإتفاق معك هنا..
| Quote: ولا ادري كيف يورط الباز نفسه في معارك البطل الشخصية وحروبه مع سكان الانترنت |
يا باشمهندس محمد ابراهيم لو طبقنا منطقك دة يبقى السؤال:: ولماذا يورط بكري أبوبكر نفسه في معارك فلان وعلان الشخصية؟ الموضوع ما كدة .. الموضوع إن كل شخص يكتب على مسئوليته في المقام الأول مع مراعاة الإطار العام الذي يتحرك فيه.
Quote: هههههههههههههههههههههههه
فعلا لقيت نفسي في حتة ضيقة!!
بهناكـ كتبت لتيسير: البديكـ كف أضربيهو بالشلوت في نص وشو
ولقيت محمد عثمانهم كاتب نفس الكلام هنا بطريقة المثقفاتية وما عجبني!! |
يا محمد الصايم
يا اخي أي حاجة منك مقبولة.. أتفهم بكثير من حسن الظن وجهة نظرك.
| Quote: البكاتل ما بقول عوقتني!.. أخيراً أنا في ظني كل القصة ما مستاهلة الضجة دي.. ومحاولة تفسير كلام البطل بأنو عايز (يقنطر) الجماعة ديل للمكفراتية دا كلام أبعد ما يكون عن الواقع وتفسير متعسف للكلام.. |
| Quote: ومحمد عثمان في بوستك دا تداخل معاك وأظن النقاش انتهى بسلام.. |
شكراً يا عيسى..
ما رأيك لو قلنا إن الجماعة الذين أساءوا للبطل يريدون قنطرته للديمقراطيين السودانيين بإعتباره من أنصار نظام الإنقاذ وهو ليس كذلك بطبيعة الحال. لقد دفع مصطفى البطل ثمن موقفه المستقل من الإنقاذ منذ عامها الأول في الحكم ولم تصحح السلطة موقفها منه حتى الآن ولم تعتذر، لكن قدره أن يفكر بشكل مستقل.. هذه هي المشكلة.
بالنسبة للإقتباس التاني:
هناك بعض الزملاء هنا من مدمني (اللطميات) الذين يفترضون أنه ما داموا هم يلطمون على صدورهم فينبغي للجميع أن يلطم. أنا تداخلت في البوست المشار اليه وبذلت فيه ما استطعت من اللطف . بعد ذلك ليس هناك ما يلزمني بالالتزام بصف المواقف الجماعية مع فلان أو ضد فلان..
| Quote: مرحب بعودتك مجدداً يا محمد عثماننا ومنور البورد |
يا عبدالوهاب شكراً يا اخي ولو الواحد بيضمن الحوار معك هنا والأنس لما أغلقنا الكمبيوترات..
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
محمد عثمان يا صديقنا الاسترالي
اريتك طيب
مسالة مقدرة كل زول على الشتم دي بنوافقك فيها تبن الأنا خايف منو هو إنك تكون قريت مقال البطل قبل ما ينزلوا وأأأأأأأأأأأأأأأأأأأتو عدد واحد (لايك)، والمقال نفسوا لو كان في شتم (تُقرأ هجاء) قيقراروي لوجدتنى اول الشامتين في صديقي قيقا، لكن ( ولكن بتاعتي دي ما عندها أي علاقة بالجندر) الكلام الكتبو عن تيسير وعن دينا ما عندو اي علاقة ولا تبرير بالكتبوهو في البوست المعنى.
وحكاية (جماعة) الجبتها فوق دي ما عندها أي تبرير.
الأسافير هي ما تعلم ونعلم ويعلم البطل. هناك إساءات نعم، لكن أن يكون رد الفعل هو الإساءة نفسها فهذا ما لا أفهمه، خصوصاً من كاتب صحفي (تعجبني الكثير من مقالاتو لما فيها من تحقق وبحث وجهد لا يُخفى).
يعنى شنو زول يقول ليك (يا ود الحرام) إفتراءاً وكذباً، تقوم ترد عليه (يا ود الحرام) افتراءاً وكذباً أيضاً.
المقال إيحاءته اوضح من الشمس، وقد وصلتني (واضحة لا لبس فيها)، وإذا كان غرض البطل أن يوصل الرسالة الآتية:
ألاّ يعول البعض على (سماحتنا) حينما يوجهون لنا الإساءة.
فقل للبطل رسالتك تلك لم تصل سوى لمحمد عثماننا صديقنا وصديقكم، أما بعض الرهط من الإسفيريين وقراءك (واحدهم كنت كاتبه المفضل)، فقد وصلتهم رسالة اخرى وهي
أن مكانك الطبيعي معنا هنا في اسافير الله دي، تشتم وتنشتم لحدي ما(الخور يتملي) وفي رواية اخرى لحدي ما تري شاتمك مرتدياً جلبابه الابيض (رافعاً يديه بالفاتحة) لعزيزً لك قد مات، او مبتسماً وهو يهنئك بترقية او نجاحٍ ما، كأنه وليك الحميم.
وكلمة اخيرة يا ادروب
الصحافة ما هي الاسافير ولغة الصحافة تحتاج لكثير من الحصافة (شفت الفرق في تبديل الحروف)، ولعمري فقد كنت احسب أن البطل يمكنه ان ينال من احدهم بقلمه اضعاف ما ينال بلسانهن ولكن خاب ظني فوجدته يلجأ للسانه ليكتب به وخسارته ستكون اكبر من كل الذين (شتهم في مقاله) وإذا كان مرادهم هو أن يشتموا البطل الصحفي فقد كفاهم بهذا المقال وأبلغهم مرادهم.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: الصادق اسماعيل)
|
| Quote: الذين أساءوا للبطل يريدون قنطرته للديمقراطيين السودانيين بإعتباره من أنصار نظام الإنقاذ وهو ليس كذلك بطبيعة الحال. لقد دفع مصطفى البطل ثمن موقفه المستقل من الإنقاذ منذ عامها الأول في الحكم |
مـع كامل إحترامي لكل القراء، لكـن في راي إنو كتير من (منتقدي؟) كتابة البطل لم يفهموها على الوجه المطلوب؛ مثلما أن هناك في الجانب الآخر أصحاب الغرض والنوايا المبيتة أو preconception البحاولوا تأويل كل كتابة للبطل باعتبارها تملق للحكومة.. عليه اقترح منحه جائزة أسوأ متملق في التاريخ العربي المعاصر.. يا مصطفى 25 سنة تملق وما لامي ليك ولا في حتة ملحق ـــ مش مستشار ــ إعلامي؟
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد حيدر المشرف)
|
Quote: ارجع للسياق ..
زول بسألني عن الفرق بين (النقد) و(الهجاء)؟
والرهان على حصافة القارئ بقا .. وكت قراية (الكتاب) رغبوية .. وغير نزيهة!!
ثم ثانياً: هل فعلاً (الهجاء) ما كان موضوعي .. ولو سماه كاتبه باي شئ؟
|
السياق ؟
سياق شنو يا فتح الرحمن ؟!!
أهو ده السياق ... و ده كلامك في البوست من أولو :
Quote: شنو ياخي كل مرة لافح ليو كلام فاضي .. وعامل بيو مقال مليان كلام فاضي
نقطنا بسكاتك ياخي .. وكت مش لاقي كلام تطق بيو الحنك في (الخرطوم) |
Quote:
ياخي راسنا دا نحنا خسرانين عليو .. ما تصدعنا ياخي!! |
Quote: ؤ كلو من البطل البلفح ساي دا، عشان يشبع شهوة الورجغة اليومية في صحف الخرطوم .. الحمتنا النوم
|
| Quote: عشان انا صدعت من اول سطرين بالرغي والزعيق واللصيق في اي اسم يطفو للسطح .. حتى لو كان بكري حسن صالح همسلف! |
Quote: مع البطل مش ح تأدر تغمض عينيك ... من الصداع!
شنو الجابرك على كدي!؟ |
لحدي الوقت داك إنت ما كتبت ليك سطرين عن كلامك عن البطل ده سببو شنو ... لحدي ما جيت سألتك :
Quote:
ياخي قريت كلامك كذا مرة عشان أعرف نقاط خلافك مع البطل في المقال غلبني ... ما عارف ليه جاني إحساس انك قررت تبل البطل بعد داك بقيت تفتش في الأسباب !!
كدي براحة الله ورينا اعتراضك شنو علي مقالة البطل بتاعت نهلة و محمد محمود دي !! |
و دي ردودك لي :
Quote: البوست دا بوست للهجاء ما للنقد .. والفرق كبيييير
الما عارف يلجأ للقواميس .. او يسأل العارفين
ما توجعوا راسنا الخسرانين بنقو وعرقي وتمباك دا!!
هاك الاخدر دا! |
Quote: يا شباب الاتى لحوار يفتش ليو بوست تاني
اآسفين والله لم نأت لحوار هنا .. |
Quote: لكن تبين .. بل الجواب باين من عنوانو [في هجاء البطل]
يقولوا ليكم هجاء تقولوا احلبوهو!؟
|
Quote: لم أتت لحوار انا هنا
بل بس
|
Quote: لم أأت لحوار انا .. والاجندة مطروحة تصريحاً في العنوان
دا بوست بل بس
عشان البطل تاني لمن يحس بوجع راس .. يبلع بندول، ما يجي يقرقر راسنا المتكلف دا
يبلع .. بنبلع
وكفى الله (المؤمنين) شر القتال .. في الفارغة
|
Quote: هذا والا: بينا الورجغة .. والفورة مليون!
المافي شنو هو!؟
كمان العاوز يبلني باك .. حبابو ألف والله
بس مخير بودوهو النار .. انا يتيم |
Quote: فمرحباً بكل المارين .. وتحية كبيرة للقادمين الجدد لساحة البل هذه
الكل مرحب بيو هنا .. دون فرز
اهو ورجغة في ورجغة
حد ماخد منها حاقة!؟
|
Quote: لو قريت كلامي مرة واااحدة وبتركيز كافي انا قلت وفي العنوان:
[في هجاء البطل]
هجاء يعني بل فيما تورجغون بالمحلي
لم ادعى ان هناك ثمة [نقاط خلافك مع البطل] محددة!!
ولم اعد احداً بمبرر موضوعي للهجاء دا .. ولا اظن سبقني عليها احد الزملاء (السابقين) في المجال بتاعنا دا
المتنبي جا معط كافور الاخشيدي .. بل سيف الدولة همسلف .. بعد ما مدحهم زيييين
مافي زول سألو من [نقاط خلافك ] دي ..
عشان لقيتوني يتيم ول شنو!؟ |
فياتو سياق بتتكلم عنو و إنت بتسئ للبطل - و الكوتات فوق - و لمن يسألوك من السبب تقول ( بوست للهجاء ما للنقد) (هجاء يعني بل فيما تورجغون بالمحلي) (لم أأت لحوار انا .. والاجندة مطروحة تصريحاً في العنوان) (لم ادعى ان هناك ثمة [نقاط خلافك مع البطل] محددة!! ولم اعد احداً بمبرر موضوعي للهجاء دا) (لم أتت لحوار انا هنا بل بس) (يقولوا ليكم هجاء تقولوا احلبوهو!؟) (اآسفين والله لم نأت لحوار هنا .. ) ... و لو كلامك ده ما السخف و الابتذال بعيونو سنونو ... يسموه شنو ؟!!
بعدين طالما قلت ( كمان العاوز يبلني باك .. حبابو ألف والله ) الجرسة في شنو ... و اخرتها كوم تراب و حنكك العاضي ده ... إنت لو عارف اخرتها كوم تراب بتقل في أدبك مع الناس مالك ؟!!
قال سياق قال !!
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: أمين محمد سليمان)
|
كل كلامي الفوق ده يا محمد عثمان ما بدي البطل الحق في بهت الناس ( بما فيهم قيقراوي ذاتو ) مافي أي زول من الناس الاتداخلو في البوست ده من ( أنصار الدكتور محمد محمود ) و لا كان ده الموضوع أصلا ....تصوير الامر كأنو معارضيه الذكرهم بالاسماء الثلاثية بدعو للالحاد و التهتك و باقي كلامو ده خطأ و فيهو تجاوز و تجني علي الناس دي بصورة واضحة و فاضحة !!
بالنسبة لطه جعفر ... أظن البطل خلط كلام عادل عبدالعاطي و لبسو لطه ...
و بالنسبة لدينا ... هل البطل عندو دليل إنو من يكتب باسم دينا خالد (خمسينية متصابية تترأس حزبا سياسيا وهميا في الخرطوم و تقضي سحابة يومها تحرج باسم مستعار في المواقع الألكترونية) ؟!!
هل محمد حيدر المشرف يدعو للالحاد ؟!
و ده كلو كوم و اساءتو لتيسير كوم أكبر من الكيمان الفاتت دي كلها .... والله إحترت في كلامو عن تيسير !!
احترت في المسألة كلها !!
البطل أخطأ و ما كتبه غير مقبول و غير مبرر و أي كلام مافيهو الكلام و يتقال علنا هنا بنظلم رقبتنا و نظلمو معانا يا محمد عثمان !!
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: أمين محمد سليمان)
|
لم يخطئ بل اجرم
______________
واتضح من هذه المشكلة فعلا ان البطل يعول على سماحة خصومه .. فجل من اختارهم يعفون عن الكتابه البذيئة .. اللهم الا طه جعفر
لكن لم نقرا لا لتيسير او دينا او محمد المشرف انهم نابذوا شخصا نبذ بذيئ او حتى نابذوه نبذ غير بذيئ
فالبطل وجه الاساءات وعول على سماحة من اختارهم من خصوم .. وتحاشا خوفا ذكر حسن موسى عندنا اشار بسفاهة لكتابة تيسير
| |
|
|
|
|
|
|
|
|
 Re: توجيه الإساءات من والتعويل على سماحة الخصوم (Re: وليد محمد المبارك)
|
Quote:
و لو كلامك ده ما السخف و الابتذال بعيونو سنونو ... يسموه شنو ؟!!
بعدين طالما قلت ( كمان العاوز يبلني باك .. حبابو ألف والله ) الجرسة في شنو ... و اخرتها كوم تراب و حنكك العاضي ده ... إنت لو عارف اخرتها كوم تراب بتقل في أدبك مع الناس مالك ؟!!
قال سياق قال !!
|
Quote:
.تصوير الامر كأنو معارضيه الذكرهم بالاسماء الثلاثية بدعو للالحاد و التهتك و باقي كلامو ده خطأ و فيهو تجاوز و تجني علي الناس دي بصورة واضحة و فاضحة !!
|
!!!!؟؟؟؟
----------
{وَيْلٌ لِّلْمُطَفِّفِينَ * الَّذِينَ إِذَا اكْتَالُواْ عَلَى النَّاسِ يَسْتَوْفُونَ * وَإِذَا كَالُوهُمْ أَوْ وَّزَنُوهُمْ يُخْسِرُونَ * أَلا يَظُنُّ أُوْلَـئِكَ أَنَّهُمْ مَّبْعُوثُونَ * لِيَوْمٍ عَظِيمٍ * يَوْمَ يَقُومُ النَّاسُ لِرَبِّ الْعَـلَمِينَ}.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: قيقراوي)
|
Quote: بعدين طالما قلت ( كمان العاوز يبلني باك .. حبابو ألف والله ) الجرسة في شنو ... و اخرتها
كوم تراب و حنكك العاضي ده ... إنت لو عارف اخرتها كوم تراب بتقل في أدبك مع الناس مالك ؟!!
قال سياق قال !! |
على الرغم من إنو قيقراوي يستحق القسوة إلا أن
قسوة البروف فاقت احتمالي فتعاطفت مع قيقراوي!
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: طلحة عبدالله)
|
Quote:
يا بروف أحلف صادق (حسب رؤيتي) انو قيقا الراوي ما بستحق منك القصف دا ..
ثم انو يتيم ياخ ..
|
شكراً يا طلحة ياخي ..
لكن ياخي دي رؤيتو ..
ودا ضميرو .. خليو
المافي شنو هو!؟
محمد عثماننا فاتح تشاشتو دي للتطفيف .. والكيل بمية مكيال
هل الاتهام في (الدين) و (الشرف) مجرد (خطأ) ومقابل موضوعي لأي حاجة؟
ساءني جداً ما لحق بالابرياء .. اما بالنسبة لي انا فااا شنو .. نوم قفا:
آي دونط كيييييييييييير!!
ماذا يضيرني انا من اي ورجغة يورجغا اي زول بدم بااارد في الدنيا دي
كلٌ ملاقيه يوم القيامة فرداً .. وهناك حيث منتهى الرحمة (سامعني يا بطل) .. ومنتهى العدل
لو صدق .. ربنا يغفري لي
ولو بهت .. ربنا يغفر ليو
قصرت معاه تاني؟
ديل ناس طيبين والله .. ويستاهلوا
--------
ثم ياخي زي ما قال البطل .. مكة هدي فركة رجل ..
كلها 70 كيلو [غرباً في اتجاه الشرق] .. وزلط من ن ن ن بيتنا لي ي ي ي باب الحرم
المافي شنو؟
انتو بتحجوا وين ... البيت الابيض!؟
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: قيقراوي)
|
مصطفى البطل كتب مقاله قبل الأخير بحنق شديد من بعض عضوية هذا المنبر..
ملخص المقال هو تعرية الشخصية الاسفيرية بذكر الموقف وذكر صاحبه باسمه وعنوانه..
إعتمد فى ذلك على فهم بعض المواقف..
وكتابة بعض من استهدفهم..
وتفسيره لما كتبوه أو تبنوه..
قيقراوى فتح البوست بتاع الهجاء والورجغة كما أسماه, المادة التى تشكل معظم البوست لها علاقة بموضوع البطل بخصوص ردة سودانية أو إلحادها وتشجيع بروفيسر لها..
تفسير البطل أن قيقراوى موضوعه ما هجاء وورجغة كما أسماه, بل هو موقف مؤيد للردة والالحاد ولكن مغلف فى الهجاء خوفا من العاقبة فى بلده وفى البلد الذى يعمل به. وهذا أعتقد ينطبق على مداخلات المشرف..
فكل مافعله البطل هو إزاحة هذا الستار الذى لف فيه قيقراوى نفسه ثم تعريته أمام من يخشاهم حتى يمتحن فى موقفه ووجهة نظره بخصوص الردة والالحاد. وأداته كانت كشف إسمه ومكان عمله ومكان سكنه فى السودان ثم قنطرة كل ذلك فى جريدة يقرأها قطاع عريض فى السودان وخارجه وبمختلف مفاهيمهم. وحسب فهمى فالبطل يقول لقيقراوى: تحمل مسئولية موقفك الفكرى هذا.
تيسير عووضة ماكتبته فى بوست قيقراوى وجهة نظر معقولة فى كتابة البطل أولها مدح وآخرها قدح ولم تتعدى السطر. ولكن فى ظنى أن مصطفى البطل أخذ بالمداخلات الأخرى التى فيها إطراء وموافقة لقيقراوى فى بوسته (الهجاء والورجغة)..
فكانت أداة البطل هى مخاطبة الفهم العام فى السودان للمرأة. فأتى بقول كتبته ممازحة لحسن موسى, ولكن ما قوى موقفه هو ردة فعل حسن موسى تجاه مزاح تيسير مما أعطى المزاح معنى المغازلة التى اعتمدها البطل وسلط عليها ضوءا كثيفا مع كتابة إسم تيسير كاملا معروضا لكل من يقرأ عموده فى السودان وخارجه. وكأنه يقول لها: هأنت أمام الرأى العام فتحملى مسئولية(مغازلتك للرجال على الملأ).
أما طه جعفر فينطبق عليه ما انطبق على تيسير فمداخلة وحيدة تكاثرت وتكثف فعلها بطبيعة البوست نفسه (الهجاء والورجغة). عندها رجع البطل لكتابات طه الموجود منها والمحذوف بخصوص حرية يستنكرها كل المجتمع السودانى ألا وهى رأيه فى الدين ورأيه فى حرية الجسد.
وبهذه المناسبة (وهذا القول لى ) طه جعفر ذكر حرية الجسد بصورة عامة ولكن كعادة المتداخلين امتحنوه فى مايعز عليه وسألوه إن كان هذا الرأى ينسحب على إبنته ومن يقربن له من النساء فقال نعم. وأنا تداخلت فى ذاك البوست هكذا:
ياطه أنا ماحا أسألك عن الدين والاسلام ولكن من ناحية تراث وثقافة سودانية تعتقد أن ماتقوله متسق؟
فالبطل كما فعل مع الآخرين أزاح عن طه غطاء محدودية الأسافير فى نشر قوله هذا ونشره على الملأ مع إسمه رباعيا ليضعه أمام مجتمعه السودانى..
نعم كل تلك الكتابة ربما تأتى على من كشفت أسماؤهم بعواقب غير محمودة إن كانت فى إطار الأسرة أو الاطار العام وربما أدت لشحذ همة متطرفين ضد هؤلاء وربما تصل حد قطع الرزق والرقاب..
ومن ناحية أخرى ربما يكون رد الفعل من البطل عنيفا وغير منضبط ومؤذى ولكن عندما تقوم بفعل لن تضمن ردة الفعل.
أما كثير من المتداخلين شتما فى البطل بعضهم معاضد بصدق وبعضهم لديه حسابات قديمة مع البطل وقد وجد ضالته..
بخصوص القانون والقضاء فيمكن مقاضاة جريدة الخرطوم فى الخرطوم فلا علم لى بمدى جدوى ذلك فى السودان حاليا. بمعنى نظرة القانون لذلك وحكمه فيه.
ولكن بحكم أن البطل فى أمريكا ومواطن أمريكى وعن تجربة فى قضايا إشانة السمعة فى منسوتا, فالقانون هنا لايلقى بالا لمثل هذه القضايا. كل مايمكن فعله هو الفوز بتعهد بعدم التعدى على الواقع والطبيعة أما فى السايبر فلا يفعلون لك شيئا.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: Balla Musa)
|
يا بلة البطل لم يزح الغطاء...البطل صنع غطاء يناسب الجو الديني والأخلاقي في مجتمع السودان اليوم واخفي به حقيقة أن الشخص في بيته بياخد راحته كما فعل الزملاء في بيتهم وحوله إلي تهتك وفسوق وإلحاد وكان واضحا أنه لا يرد عليهم كاشخاص بل لفت نظر الآخرين لذلك التهتك ليقوموا بتاديبهم نيابة عنه...وهذا لعمري قمة الجبن..
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: Afraa Sanad)
|
الأفاضل محمد عثمان وزواره ..
قرأت مقال البطل عن الدكتور محمد محمود ..
وقرأت بوست الأخ قيقا ثم تعقيب الأستاذ البطل الجارح ..
وكما قال الأخ أمين :
Quote: كلامو ده خطأ و فيهو تجاوز و تجني علي الناس دي بصورة واضحة و فاضحة !!
بالنسبة لطه جعفر ... أظن البطل خلط كلام عادل عبدالعاطي و لبسو لطه ...
و بالنسبة لدينا ... هل البطل عندو دليل إنو من يكتب باسم دينا خالد (خمسينية متصابية تترأس حزبا سياسيا وهميا في الخرطوم و تقضي سحابة يومها تحرج باسم مستعار في المواقع الألكترونية) ؟!!
هل محمد حيدر المشرف يدعو للالحاد ؟!
و ده كلو كوم و اساءتو لتيسير كوم أكبر من الكيمان الفاتت دي كلها |
تجني البطل على هؤلاء في تعقيبه على البوست لا مراء فيه ..
على الرغم من أن فهمي لمقال البطل الأول عن الدكتور محمد محمود..
يأتي مخالفا تماما للسياق الذي دفع قيقا لكتابة ذلك البوست ..
وفي البال ما حواه البوست من مداخلات بعضها استند على كتابات سابقة للبطل..
فهمت ـ و آمل ألا أكون على خطأ ـ أن فكرة قيقا ..
بُنيّت على حرية الإنسان في اختيار ما يشاء دون أن تنصب له المشانق ..
وفهمت من مقال البطل أنه لا يعارض في خيارات الإنسان ..
بقدر ما يعيب على الدكتور محمود تصديه وتبنيه وربما مساعدته لفتاة لم تتجاوز شرخ الشباب..
لتعلن على الملأ من خلال التلفزيون أنها مسلمة سابقة..
والمقال يظهر بطرف ما علاقة البطل بأسرة تلك الفتاة ..
هذه هي المقاطع التي ساقتي لهذا الفهم المغاير :ـ
Quote: لم يسبق لي التعرف على الدكتور محمد أحمد محمود، الاستاذ السابق بجامعة الخرطوم ورئيس قسم الأديان المقارنة بجامعة تافتس الأمريكية سابقاً، والمتفرغ حاليا للبحث الأكاديمي بالمملكة المتحدة. ولكنني وقعت علي عدد من كراسات (اليقظة) التي كان يصدرها في زمان قديم، كما وقفت على كم آخر من إنتاجه الفكري. وهو – للحق – مثقف صلد، مثل حجر الصوّان، وقد جعل من نقد الأديان ميداناً لتخصصه. إنجازات محمد محمود الفكرية الصفوية، تحدث عن نفسها، ولو أنك أردت انت تعرف ظنه بالأديان والعقائد السماوية، فلن يُعييك الأمر!
أنا شخصياً اقدر إسهاماته الفكرية حق قدرها، كما أفهم خياراته العقدية وأحترمها تماماً. ولم لا؟ فأنا رجل تضم قائمة أصدقائه الشخصيين عدداً من الإسرائيليين، كما تضم– ولا فخر - الدكتور كامل النجار، شيخ الملاحدة العرب، الذي أهداني كل كتبه، مزينة بتقديم وتوقيع كريمين!
شئ واحد، في سيرة الدكتور محمد محمود، لم يقع مني موقعا حسناً، وهو سفوره أخيرا وإفراطه في تمجيد وتسويق فتاة صغيرة السن، تخرجت قبل عام او عامين من جامعة الخرطوم، وأعلنت من خلال شبكة تلفزيونية بريطانية انها (مسلمة سابقة)، حتي لا نقول: مرتدة. بدا لي محمد محمود في دوره الجديد الذى اختاره لنفسه أشبه بالـ (ريجيسير) الذي يجلس في المقاهي ويتمشي في الطرقات، يتصيد صاحبات المواهب من الفتيات الواعدات ليقدمهن الى منتجي الافلام السينمائية.
ثم أنه ليس من مكارم الأخلاق – والدكتور ينهد الي تصعيد دوره الجديد الى آفاق أوسع– أن يفتعل المواقف، ويتكلف الروايات،ويزيد (المحلبية) فيزعم أن أسرة الفتاة داخل السودان تتعرض للمضايقات والابتزاز، ويوحي بأن أهل النظام من الإسلامويين وراء تلك المضايقات وذلك الإبتزاز. ثم يخرج لقرائه بعبارات درامية ملتهبة من شاكلة (أرفعوا أيديكم عن أسرة نهلة)، حتى ليكاد المرء يقع في الوهم أن الأسرة نفسها أعلنت ردتها عن الاسلام، وأنه هو حامي حماها والوصي عليها!
وأحسب أن تلك الأسرة الكريمة، التي تربط كاتب هذه الكلمات بها آصرة نسب وثيقة، لو اتيح لها ان تعبر عن ضيقها من أحد، لكان هو الدكتور محمد محمود نفسه، الذي يريد ان يجعل من فتاة صغيرة في عمر أحفاده سلماً ومطية لطرح نفسه في أوساط الدياسبورا السودانية مدافعاً ومنافحاً عن الحريات والحقوق.
|
مافي زول يسألني وين باقي المقال ..
لأنو باقيه لا يخرج عن مضمون هذه المقاطع ..
فإن جانب فهمي الصواب عقلي مفتوح لتقبل تقويمه .
ولكم تقديري.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
Quote: يعنى شنو زول يقول ليك (يا ود الحرام) إفتراءاً وكذباً، تقوم ترد عليه (يا ود الحرام) افتراءاً وكذباً أيضاً.
المقال إيحاءته اوضح من الشمس، وقد وصلتني (واضحة لا لبس فيها)، وإذا كان غرض البطل أن يوصل الرسالة الآتية:
ألاّ يعول البعض على (سماحتنا) حينما يوجهون لنا الإساءة.
فقل للبطل رسالتك تلك لم تصل سوى لمحمد عثماننا صديقنا وصديقكم، أما بعض الرهط من الإسفيريين وقراءك (واحدهم كنت كاتبه المفضل)، فقد وصلتهم رسالة اخرى وهي
أن مكانك الطبيعي معنا هنا في اسافير الله دي، تشتم وتنشتم لحدي ما(الخور يتملي) وفي رواية اخرى لحدي ما تري شاتمك مرتدياً جلبابه الابيض (رافعاً يديه بالفاتحة) لعزيزً لك قد مات، او مبتسماً وهو يهنئك بترقية او نجاحٍ ما، كأنه وليك الحميم.
وكلمة اخيرة يا ادروب
الصحافة ما هي الاسافير ولغة الصحافة تحتاج لكثير من الحصافة (شفت الفرق في تبديل الحروف)، ولعمري فقد كنت احسب أن البطل يمكنه ان ينال من احدهم بقلمه اضعاف ما ينال بلسانهن ولكن خاب ظني فوجدته يلجأ للسانه ليكتب به وخسارته ستكون اكبر من كل الذين (شتهم في مقاله) وإذا كان مرادهم هو أن يشتموا البطل الصحفي فقد كفاهم بهذا المقال وأبلغهم مرادهم. |
يا الصادق يا حبيبنا
حمداً لله على سلامة العودة.. اتصلت بيك في الخرطوم وردّت علي المدام. ارجو أن تكون دائماً بخير.
انت جبت الكلام من الآخر فلما واحد يسيء اليك ينبغي أن تتوقع أنه سيرد لك الإساءة. ربما يترفع عنك مرة أو أكثر سماحة وحلماً لكن الحق يظل بيده إن أراد الإقتصاص لنفسه.
صحيح الصحافة تحتاج الى حصافة لكن لديها دور تنويري وأعتقد أن المقال ساهم في تنوير الكثيرين ممن جعلوا الإساءة الى الناس هوايتهم المحببة بأن هذا الأمر ليس مجانياً تماماً وإن عليهم الوقوف بعد توجيه الإساءات ليتلقوا نصيبهم المناسب.
أصحاب العقل والحمية يغضبون إن استغضبوا وهذا حقهم..
أظهر يا رجل فمشروع الكتاب إياه ما يزال على الطاولة..
تحياتي
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
| Quote: انت من زمن (الأحداث) يا مرتضى!! |
يا ملاسي يا اخي خلي الراجل في كهفه.. اهو كل مرة المناضلين بيصحوا يكتبوا ليهم كلمتين ويرجعوا الى حيث يليق بهم.. لا تشغل بالك
Quote: كل كلامي الفوق ده يا محمد عثمان ما بدي البطل الحق في بهت الناس ( بما فيهم قيقراوي ذاتو ) مافي أي زول من الناس الاتداخلو في البوست ده من ( أنصار الدكتور محمد محمود ) و لا كان ده الموضوع أصلا ....تصوير الامر كأنو معارضيه الذكرهم بالاسماء الثلاثية بدعو للالحاد و التهتك و باقي كلامو ده خطأ و فيهو تجاوز و تجني علي الناس دي بصورة واضحة و فاضحة !!
بالنسبة لطه جعفر ... أظن البطل خلط كلام عادل عبدالعاطي و لبسو لطه ...
و بالنسبة لدينا ... هل البطل عندو دليل إنو من يكتب باسم دينا خالد (خمسينية متصابية تترأس حزبا سياسيا وهميا في الخرطوم و تقضي سحابة يومها تحرج باسم مستعار في المواقع الألكترونية) ؟!!
هل محمد حيدر المشرف يدعو للالحاد ؟!
و ده كلو كوم و اساءتو لتيسير كوم أكبر من الكيمان الفاتت دي كلها .... والله إحترت في كلامو عن تيسير !!
احترت في المسألة كلها !!
البطل أخطأ و ما كتبه غير مقبول و غير مبرر و أي كلام مافيهو الكلام و يتقال علنا هنا بنظلم رقبتنا و نظلمو معانا يا محمد عثمان !!
|
يا أمين عليك الله ما تقعد تغلط الناس بالصف..حدوث النزاعات لا يمنح أياً منا الحق في التصرف كمستودعات للحكمة.. نحن بشر عاديون وكون مصطفى البطل كاتب كبير ومعروف وبعض خصومه غير معروفين فهذا لا يخل بميزان القصاص.. هم اتخذوه هزواً وموضعاً لمساءاتهم على مدى متصل وهو رد عليهم مرة واحدة. ما يزال لديه بعض الحق في الردود على آخرين لكنه يملك الحق في أن يستخدم الحلم والسماحة على كيفه.
| Quote: ومن ناحية أخرى ربما يكون رد الفعل من البطل عنيفا وغير منضبط ومؤذى ولكن عندما تقوم بفعل لن تضمن ردة الفعل |
يا دكتور بلة أهو انت قلتها، لا يمكن لك ان تسيء الى الناس وتتخذهم (تختة) للمزاح ثم تتوقع منهم أن يتصرفوا إزاءك كالجمادات..
Quote: فهمت ـ و آمل ألا أكون على خطأ ـ أن فكرة قيقا ..
بُنيّت على حرية الإنسان في اختيار ما يشاء دون أن تنصب له المشانق ..
وفهمت من مقال البطل أنه لا يعارض في خيارات الإنسان |
يا محمد علي .. سعدت بمرورك هنا..
الحقيقة إن قيقراوي لديه فكرة بالطبع من وراء البوست لكنه آثر عدم الجهر والتواري خلف قناع الهجاء كما قال. هو أتى بمقال البطل في مقدمة بوسته ثم شرع في إقامة مهرجان لصب اللعنات عليه.
في مقاله رفض البطل منهج الدكتور محمد محمود ومن لم يرضوا عن المقال اختاروا الإساءة للبطل ولكنهم خشوا الدفاع عن الدكتور راعي المسلمة السابقة..
لو كانوا حريفين كانوا انتظروا مناسبة أخرى لكنهم كانوا منفعلين بالتعاطف المكتوم مع من انتقدهم البطل.
هذا بعض فهمي لما جرى والله أعلم..
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
يا جماعة دة دفاع شنو وتضامن شنو؟
مجموعة تشن هجوماً على البطل والصحافة السودانية كلها بزعم أنه انحدر لمناقشة قضايا وشخوص لا يهم أمرهم أحد.. هذا مفهوم ـ بصعوبةـ ولكن العصي على الفهم أن يقول البعض عن أنفسهم أنهم لا يستحقون الذكر في الصحف.
واحد انبرى دفاعاً عن سيدة أو اثنتين فأساء الى جنس المرأة كله (شكراً يا دكتور بلة على كلمة الحق والدفاع عن نصف الجنس البشري)
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد حيدر المشرف)
|
Quote:
يا محمد علي .. سعدت بمرورك هنا..
الحقيقة إن قيقراوي لديه فكرة بالطبع من وراء البوست لكنه آثر عدم الجهر والتواري خلف قناع الهجاء كما قال. هو أتى بمقال البطل في مقدمة بوسته ثم شرع في إقامة مهرجان لصب اللعنات عليه.
في مقاله رفض البطل منهج الدكتور محمد محمود ومن لم يرضوا عن المقال اختاروا الإساءة للبطل ولكنهم خشوا الدفاع عن الدكتور راعي المسلمة السابقة..
لو كانوا حريفين كانوا انتظروا مناسبة أخرى لكنهم كانوا منفعلين بالتعاطف المكتوم مع من انتقدهم البطل.
هذا بعض فهمي لما جرى والله أعلم..
|
حرفنة اكتر من كدا يا ابو حميد!؟
لوووووووووووول
I rest my case
او بالاحرى تولى البطل .. لعب دور البطولة في عبء الاثبات
لم يعد هناك دور الا دور (صاحب "البطل")
لم يأنس في نفسه الكفاءة
-------
شكراً يا مشرف يا رفيقي في الغار
اخشى ان تكون قد قصمت ظهر اخيك
يازول دي اجابة على :
Quote:
توجيه الإساءات من والتعويل على سماحة الخصوم
|
لسة الدنيا بخشها ضوء
للبطل ..او ايٍ من (اصحاب البطل) ان يعول .. ويعول
المافي شنو!؟
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: قيقراوي)
|
سلام يا محمد عثماننا ... و لعلك بخير ياخي | Quote: ا أمين عليك الله ما تقعد تغلط الناس بالصف..حدوث النزاعات لا يمنح أياً منا الحق في التصرف كمستودعات للحكمة.. نحن بشر عاديون وكون مصطفى البطل كاتب كبير ومعروف وبعض خصومه غير معروفين فهذا لا يخل بميزان القصاص.. هم اتخذوه هزواً وموضعاً لمساءاتهم على مدى متصل وهو رد عليهم مرة واحدة. ما يزال لديه بعض الحق في الردود على آخرين لكنه يملك الحق في أن يستخدم الحلم والسماحة على كيفه. |
يا محمد ياخي أنا ما غَلَّط زول غير قيقراوي و البطل و وضحت سببي في الحالتين .
و لعلك من قلايل الناس العارفين حبي و احترامي للبطل ... الرجل له علي أياد بيضاء أعد منها و لا أعددها ... لكن هذا لم و لن يمنع أن نقول له أخطأت إن أخطأ حسب ما نرى ... البطل لم يكن يحتاج لبهت الناس عشان يرد الاساءات في حقو ... الناس دي ( و تحديدا أعني قيقراوي ... محمد حيدر ... تيسير و دينا خالد ) مافي زول فيهم ملحد و لا عندو علاقة بالالحاد و لا بالتهتك و لا محمد محمود و أجندتو، و ده مكمن الاعتراض، و تيسير يا محمد عثمان سيدة فاضلة و محترمة البطل أخرج الموضوع من سياقو و وجه ليها اساءات محيرة .... يبقي مافي زول معترض علي حقو في الرد ... الاعتراض في بهت الناس و إخراج الكلام عن سياقو بغرض الاساءاة ليهم .
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: تيسير عووضة)
|
لمن فاتته الملاحظة ..
أدرج "صاحب البطل" قصة واقعية جدا فى هذا البوست ..
| Quote: قصة حقيقية: ارسل قاريء رسالة الكترونية ######ة لأستاذ جامعي وشاعر معروف وغمز فيها من قناة السيدة الفاضلة زوجة الشاعر فرد عليه الشاعر بكلمتين بذيئين جداً. طبع القاريء الرسالة وأرسلها الي متظلماً من الشاعر الذي ما كان ينبغي له أن ينحدر لهذا المستوى، على حد قول القاريْ. رددت على القاريء بأن الشاعر لم يستخدم معك سوى أدواتك وإن ضعة شأنك مقارنة بالأكاديمي المرموق لا تمنحك الحق في توجيه الإساءات له وتحرمه هو من الرد. |
فقط للفت الانتباه لهذه القصه الشديدة الواقعية .. والتى حدثت بالفعل .. وسنأتى على تفاصيلها بإذن الله ..
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد حيدر المشرف)
|
يا قيقا و المشرف
أقرو كلام القدال بي مهله عشان تعرفو أى صنف كلام و بشر هؤلاء:
يراجع معاك الكلام القبيل إستباك
الكلام المبهرج وفاضى الكلام المزيف
ولافيه غير إحتلام وإنفصام
تموت الحروف يوم تقوم القصايد مقام الطبول و البخور
بشوفك جرايد شواكر حوامد ولا هامى فيها
عليها المصائب تمام التمام
مغائص بتفرم حشاها .. وغباين بتنفخ بطون البسفوا التراب
وحايح لهيب البتلفح تلهلب و تشوى الجلود
أتف القصائد إذا ما القصائد بتنزل مريده وتسبح بحمد الذى
أبتلاك وهدانى الودار
بشوفك جرايد شواكر حوامد
تيسير ... أهو انتى فاهمه و عارفه سبب الولوله و اللولوه
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد حيدر المشرف)
|
يا عزيزي قول الحمد لله أنه ليس أنت هو الذي سقط ذلك السقوط!
بس حاجة واحدة ما نزوغ منها،
وهي أنني وأنت ونحن في هذا المنبر:
لم نتخذ موقفاً حاسماً من (الورجغة)!
نحتاج إلى تأسيس مبادئ!
مصطفى البطل وكل صاحب قلم -وإن اختلفنا معه-
من حقه أن تلقى كتابته نقداً موضوعياً!
وأن لا يوجه إليه الهجاء المجاني!
لننتقد فكره ونصفه بكل وصف موضوعي،
ولكن لا ينبغي أن نتجاوز ذلك إلى شخصه!
دي ألِف باء تاء ثاء الحرية والديمقراطية
واحترام الكاتب لنفسه ووعيه!
لكن ذلك كلّه ليس مبرّراً للبطل،
فيما استسلم له من شعور بالاستفزاز،
جعله يتدثّر بالعقيدة والقيم،
من أجل فشّ غبينته!
الاخ محمد عثمان يتكلم عن عالم بلا قيم،
من حق كل أحد فيه أن يفعل ما يحلو له،
من أجل الدفاع عن ذاته وسيادته!
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: صلاح عباس فقير)
|
| Quote: يلزمك كم جردل موية زيادة يا محمد عثمان إبراهيم عشان النيران الجواك دي تنطفي وغباينك تتفشا |
يا أستاذة أنا متصالح جداً وليست لدي أي غبائن. بعض الكلام الذي يكتب في المنابر نرد عليه أو نصححه والبعض نتركه وفق نظرية (...دعه يمر) إياها.
ربما كان وقع ما كتبه البطل على الأستاذة ثقيلاً لكن هذا ما كتبه البطل:
وهذا ما كتبته السيدة المشار اليها بالإسم بعد ان وضعت (ثلاثة ورود حمراء) يمكن مشاهدتها على هذا الرابط: Re: الـــــــــــــــــــــ 10 رجال الاكثر نفوذا فى البورد !! صوور ...
Quote:
لمن قلت ليكم أكتر شخصية كاريزماتك لاقيتا في حياتي إفتكرتوني ببالغ
غايتو الماشافت حسن موسى فيس تو فيس الترابة دي في خشمها
يا قول أبو صلاح عليهو القافية وجب تقفيلا
تبشري بي فور أول شنو يا دندون
تعالي بشري فوقي أنا دي |
وهذا ما كتبه السيد حسن موسى في مقاومة مهرجان الإفتتان به وبصورته:
Quote: و حتى تيسير عووضة الكاتبة النجيضة، التي تقسم كلماتها بالتساوي بين المنابر ، لم تقاوم إغراء الإنسياق وراء تيار الإسفاف فأضافت :
غايتو الماشافت حسن موسى فيس تو فيس الترابة دي في خشمها
يا قول أبو صلاح عليهو القافية وجب تقفيلا
يا تيسير عيب! نوع الونسة الزي د ي، لو اضطرّيتي ليها،[ و المنطر يركب مع الرفيق الفسل ]، أحسن تخليها في الحلقات الخاصة، لأنو أنا شايف فيها شبهة التعريض المجاني بشخصي و بمن معي في تلك الصور التي لم يستأذنني أحد في نشرها ، و التعريض حاصل من طرف صاحباتك الظريفات اللاتي لم أحظ بمشاهدتهن و لا أدري هويتهن الحقيقية، أشخاص لا أعرفهم و لا يعرفوني لكنهم لم يتحرجوا يوما عن المساهمة في الحملات الجائرة على مشروعنا الفكري و السياسي و الجمالي و في الإزراء بمنبرنا و بالقائمين عليه و بالمساهمين فيه .و بعدين يا صاحية أنا قضيت عمري ارسم و أكتب و أتكلم و أعرض رسمي و كتابتي على الملأ ، دي أول مرة أسمع ناس مهتمين بخيلقتي أكتر من اهتمامهم بمضمون خلقي، فبالله عليكي صاحباتك ديل اديهن راسهن عشان أهل السودان راجين مننا كلام أنجض من حكاية " راجل المرا حلو حلا" و كدا، أو كمان لو في ناس عاوزين يفتحوا باب مفاكرة نقدية في جيوبوليتيك راجل المرا و مرة الراجل أحسن يجوا ليها بالدرب العديل ، وأنا جيوبوليتيك جسد و روح أولاد و بنات الأسافير دا في نظري [ الضعيف؟] موضوع يستحق العناية المكـثـّفة لكن كل شي في مقامه. |
أما السيدة التي وصفها البطل بالترخص فأنا لا أعلم خمسينية هي أم عشرينية وهل ترأس حزباً سياسياً أم جمعية للمعجبات بفلان أو علان. كتابة الأستاذ البطل كانت معممة في هذا المقطع ولكن جاء من يستعمل اسم المستخدم (دينا خالد) وكتب ما يفيد أنه/ أنها المقصودة بالمكتوب فكشفت لنا بعض ما غمض علينا. المهم ، أحسب أن البطل لم يفتئت بشيء على اسم المستخدم (دينا خالد) ويمكن البرهنة على صدق وانضباط حديثه باقتطاف عشرات المداخلات (الرشيقة) لهذا الإسم، والبينة على من ادعى والبينة المضادة على من أنكر.
ــــــــ
بالطبع يمكن الحصول على معنى الترخص في اللغة والإصطلاح من قوقل.
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: محمد عثمان ابراهيم)
|
| Quote: يا أستاذة أنا متصالح جداً وليست لدي أي غبائن |
بل أنك في غبائنك هنا بدوت كمشهد البوعزيزي حين أضرم النار على نفسه
ونارك هذه لن تكون بعد الآن برداً ولا سلاماً عليك يا "صاحب البطل " ..
حسناً فعلت بجلبك الإقتباسات لكلامي وكلام الأستاذ حسن موسى
والأحسن أنك تجرأت وذكرت اسمه وهو مالم يجرؤ عليه صاحبك و"لن"
حقاً ..
كل زول بونسو غرضو 
ما ظننته أنت الآن ثقيلاً علي سيكون أثقل وأفدح على من كتبه
وربما عليك أنت أيضاً إن أردت الإنزلاق أكثر وإستعمال مفرداته
وستبدي لك الأيام ما كنت جاهلاً يا محمد عثمان إبراهيم
إنت قايل العالم دا مافيهو قانون؟
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: تيسير عووضة)
|
Quote: يراجع معاك الكلام القبيل إستباك
الكلام المبهرج وفاضى الكلام المزيف
ولافيه غير إحتلام وإنفصام
تموت الحروف يوم تقوم القصايد مقام الطبول و البخور
بشوفك جرايد شواكر حوامد ولا هامى فيها
عليها المصائب تمام التمام
مغائص بتفرم حشاها .. وغباين بتنفخ بطون البسفوا التراب
وحايح لهيب البتلفح تلهلب و تشوى الجلود
أتف القصائد إذا ما القصائد بتنزل مريده وتسبح بحمد الذى
أبتلاك وهدانى الودار
بشوفك جرايد شواكر حوامد |
عصام يا ابن أمي ..
إنه القدال
يقدل بي كلامو الحكيم
ونحن نستبصر !
| |
|
|
|
|
|
|
|
|
|
Re: توجيه الإساءات من والتعويل على سماحة الخصوم (Re: تيسير عووضة)
|
Quote: وهذه هي في الاساس الكفوة التي اتتنا بهذه الكارثة التي نمر بها .. التخفف والتحلل من كل قيمة والاستظراف وعدم احترام الناس وخلط الاشياء والاصطفاف الصبياني وراء بعضنا البعض... ثم كما قال الاستاذ ملاسي نأتي بعد ان تقع الكارثة لنمثل دور الضحية.
هاك ياخي اقرأ كلام الرجل العاقل العادل صلاح عثمان فقير الذي أدان العنف والتجاوز في مقال البطل ولكنه بنفس القدر كتب دون ان يخشي امثالك من الذين لا هم لهم الا اكتساب شعبية كاذبة:
Quote:
بس حاجة واحدة ما نزوغ منها،
وهي أنني وأنت ونحن في هذا المنبر:
لم نتخذ موقفاً حاسماً من (الورجغة)!
نحتاج إلى تأسيس مبادئ!
مصطفى البطل وكل صاحب قلم -وإن اختلفنا معه-
من حقه أن تلقى كتابته نقداً موضوعياً!
وأن لا يوجه إليه الهجاء المجاني!
لننتقد فكره ونصفه بكل وصف موضوعي،
ولكن لا ينبغي أن نتجاوز ذلك إلى شخصه!
دي ألِف باء تاء ثاء الحرية والديمقراطية
واحترام الكاتب لنفسه ووعيه!
شكرا الرجل العادل صلاح عباس فقير لأنك انصفت نفسك اولا ولانك قلت كلمة الحق في وجه الورجغة كما وصفوها هم انفسهم. وكنت قبلك قد ناديت هنا بأن تكون البداية ادانة هذا السلوك الصبياني غير المسئول الذي يبتذل الحوار بشجاعة ووضوح، ثم ننطلق كلنا صفا واحدا لنطلب من الاستاذ البطل ان يكتب اعتذارا علنيا لائقا يرد الحقوق للمتضريين ويرفع الغبن عن اسرهم التي ثقل عليها الامر. ولكن الناس هنا ، مثل اخينا كمال عباس - لم يكن همهم جبر الضرر وانصاف الناس بقدر ما كان همهم احراز انتصارات وهمية في معارك وهمية. ماذا يهم الاستاذة تيسير واهلها في هذا اليوم لو كان البطل يعمل في حكومة مايو او يوليو او سبتمبر.. سافر مع نميري الي الصين او مع موبوتو الي الكويت. بل ماذا يهمهم اذا انضم الاستاذ البطل الي المؤتمر الوطني وجلس وزيرا في القصر الجمهوري امس او اليوم او غدا؟؟؟ هل هذا هو الهم الاكبر؟ ام انك كما قيل وثبت لي لا هم لك الا استعراض بعض تعابيرك اللغوية واثبات شخصيتك كمحلل سياسي |
| |
|
|
|
|
|
|
| |
محمد عثمان ابراهيم
omer osman
سرالختم عباس
ناذر محمد الخليفة
محمد حيدر المشرف
محمد إبراهيم علي
محمد عبد الماجد الصايم
تيسير عووضة
فاروق عثمان
أيمن الطيب
Mohamed E. Seliaman
Hussein Mallasi
عبدالوهاب علي الحاج
احمد الامين احمد
النذير حجازي
قيقراوي
حمد عبد الغفار عمر
الصادق اسماعيل
Murtada Gafar
أمين محمد سليمان
Afraa Sanad
محمد على طه الملك
فيس بوك
تويتر
انستقرام
يوتيوب
بنتيريست