|
Re: لماذا لا تقود النساء سيارات الأجرة في السودان ؟ (Re: العوض المسلمي)
|
مرحب شيخ العوض عساك بخير Quote: لا اعتقد ان القانون يمنع ذلك وهناك نساء سايقات امجاد في شوارع الخرطوم فهل تعني امحاد تقودها نساء وتحمل نساء ؟ طيب وضع المرأة بكون كيف اذا تعرض لها رجل وحلف ما ينزل من الامجاد .. |
مسألة القانون بيمنع دي ما متأكد منها ممكن واحد من الملمين ينورنا
نعم بقصد تاكسي أمجاد تقوده نساء مستخدم في المشاوير الفردية أو حتى جماعية لمجموعة من النساء
يُمنع فيه ركوب الرجال وإذا لزم الأمر يكون بترخيص خاص ويُكتب فيه للنساء فقط
عشان زي الرجل اللايوق القلتو دا ما يقرب ناحيتو
| |
|
|
|
|
|
|
Re: لماذا لا تقود النساء سيارات الأجرة في السودان ؟ (Re: حمد عبد الغفار عمر)
|
في شارع السجانة كنت بشوف دائما واحده سائقه هايس ترحيل وقبلي كدا قريت حوار في احد الصحف مع واحده سايقه كريز لظروف وفاة زوجها وعندها اطفال حوار طويل وجميل وشيق واظنها بتشتغل خط بحري ومره واحد زميلنا حكي لي انو ركب م امجاد سايقاها بت انا ذاتي عندي امجاد والسواق عذبني فيها ومفكره اسوقها براي
| |
|
|
|
|
|
|
Re: لماذا لا تقود النساء سيارات الأجرة في السودان ؟ (Re: هويدا شرف الدين)
|
سلام يا هويدا وينك ؟
Quote: والسواق عذبني فيها ومفكره اسوقها براي |
احلى حاجة تسوقيها براك وحتعرفي الفرق المالي وبأقل تكلفة ليك ولي العربية
يعني طالعة الشغل تشيلي معاك فردة وراجعة البيت برضو فردة ولو عند مشوار وانت طالعة ترفعي معاك مشوار قريب من مشوارك ممكن تبدي بمشاوير بسيطة لأنو السواقة مرهقة وشوية شوية لحدي ما تتكيفي مع الوضع
ياخ السودان دا عايز تغيير كتير والتغيير عايز شجاعة وجسارة
| |
|
|
|
|
|
|
|