|
دعواتكم لزميلنا المفكر د.الباقر العفيف بالشفاء العاجل
|
|
 Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
دخلت عشان اكتب عن الموضوع دا !!!
لقيتك يا الخفيف ما بترحم .
عنواني كان سيكون:
ما توقعت يوما اني ساشاهد ...
صراحة البرنامج لطيف وغادة لا تقل عن مراسلات قناة الجزيرة وغيرها من مراسلات البرامج الوثائقية
صلعة سيف الدين جبريل جديدة اناء اللقاء
اعجبتني الحركة حقت المنعرجات الحادة الثمانية المميزة
وجدعة غادة عن الرسامة
| |
 
|
|
|
|
|
|
|
 Re: غاده عبد العزيز خالد .. سيف الدين جبريل تاكسي في سان فرانسسكو (Re: غادة عبدالعزيز خالد)
|
تمبس تحياتى ...
انا قلت سيف جبريل ده يودينا على موقف ناس هشام هبانى
لكن لما بقينا فى النهاية عرفت انو كمسارى موقف ناس هشام صعب شوية
(مشوار جامد وضحاكات طارت ياسيف)
غادة عبدالعزيز انا جبت الشطة بالليمون وقلت اتوهط معاكم ونشوف سندوتشات الفلافل دى ونحكم نحنا برضو)
بس فى شمار ماعرفتو ...
لما عملتو جولة فى السجن كان فى زى شباك صغير عاينتى مرتين تلاتة بالشباك ده...كان فى شنو!!!!
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: mohmed khalail)
|
Quote: تمبس ياجميل ,,
رمضان كريم ,,
(ات)سيف الدين خايف من الكاميرا ولا شنو ؟؟
ياخ عرق عرق ,,, |
الاخ تمبس تشكر كثير لهذه اللفتة البارعة... ننتظر الحلقة
الاخ شمس الدين ياخى الجماعة ديل موجهين الكميرة قصادى والمصور قال يوقفو التكييف لانو بشوش على الصوت والسخانة كانت الف فى ذلك اليوم... على العموم تحياتى للجميع وتحية خاصة للاخت غادة ووهى بلا شك لها امكانيات عالية اتمنى لها كل التوفيق والسداد كمااتمنى ان تعكس لكم هذه الحلقة تجربى فى هذه المهنة والتى اعتقد ان الكثيرين هنا فى امريكا قد مروا بها.
| |
|
|
|
|
|
|
|
|
 Re: غاده عبد العزيز خالد .. سيف الدين جبريل تاكسي في سان فرانسسكو (Re: Saifeldin Gibreel)
|
تحياتي لكل من شاهد الحلقة
وأبدى برأيه فيها
وأنتظر أن أشاهدهافي ثوبها النهائي
لكي أعلق عليهاايضا
Quote: بس فى شمار ماعرفتو ...
لما عملتو جولة فى السجن كان فى زى شباك صغير عاينتى مرتين تلاتة بالشباك ده...كان فى شنو!!!! |
سلامات يا أبوبكر
عارف، أنا أخذت لقطات كثيرة داخل السجن
ولا أدري أية لقطات إستخدموا في المونتاج النهائي
لذلك لا أستطيع أن أجزم
لكن هنالك بعض من الزنزانات كانت مفتوحة للزوار
كلي يجلسوا بداخلها ويشعوروا بنفس شعور المساجين
لربما كانت واحدة منهم
وسأجزم لدرى مشاهدة الحلقة
لك الود
غادة
| |
|
|
|
|
|
|
|
|
 Re: غاده عبد العزيز خالد .. سيف الدين جبريل تاكسي في سان فرانسسكو (Re: Saifeldin Gibreel)
|
العزيز سيف الدين جبريل..
رمضان كريم..
طبعا زي ما شايف انا اشتغلت الملفات بصورة عشوائية وغير مرتبة .. لكن ح احرص على اني انزل اكبر عددية ممكنه منها ولو عندك اي ملاحظات اديني خبر.
| Quote: كمااتمنى ان تعكس لكم هذه الحلقة تجربى فى هذه المهنة والتى اعتقد ان الكثيرين هنا فى امريكا قد مروا بها. |
.. طبعا وصلت الفكرة تماما .. اعجبتني الطريقة المنظمة جدا في طريقة الدفع والتعامل مع الزبون .. والطرق القانونية المتبعة البتحفظ ليك حقك وحق الزبون ..
التحية ليك ولي غاده في السياحة الاديتونا ليها دي .. بشكل مبسط ومهنية عاليه
| |
|
|
|
|
|
|
|
|
 Re: غاده عبد العزيز خالد .. سيف الدين جبريل تاكسي في سان فرانسسكو (Re: ابوبكر الامين يوسف)
|
Quote: بس فى شمار ماعرفتو ...
لما عملتو جولة فى السجن كان فى زى شباك صغير عاينتى مرتين تلاتة بالشباك ده...كان فى شنو!!!! |
بكــة يا عريس .. منورالبورد وحمد الله الف على السلامة
ورمضان كريم..
تعرف ساندوتشات الطعمية دي عملت لي زهلله برضو .. طبعا أخوك (اطعم) زول الطعمية دي ما بيجامل فيها وما بيبدل بيها اي حاجة في الدنيا دي .. تعرف الساندوتش بتاع الطعمية لما تديهو شطة حمراء بالليمون .. يا دييييييني والعجب كان لقيت ليك وراهــو (كوز) ليمون باااارد النوع المخلوط بي قشرو داك وسكرو تقيل 
حسع انا الشمار العايز اعرفــو ..
غــاده دي (ملحت) سيف دا في ضحاكاتو بالنسبة لي حق الزمالة البوردية وكدا .. واللا حاسبتو .. لانو القاعده الثابته عندنا اكلو أخوان واتحاسبو بورداب .
في كل الأحــوال نحن زاتو عايزين حق المشوار
ضحاكات الأخوان دي اطعم منها مافي والله ..
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: غادة عبدالعزيز خالد)
|
Quote: يا جماعة بطًلوا شحتفة ونوًرونا بالحلقة..
رمضان كريم |
.. رجــاء
والله الشحتفه امس حصلت علي انا القدامك دا برضو .. تكون شغال كويس النت يقطع ليك فجأة وتقعد تحرسو . اخير انتو على الاقل جيتو هنا وشفتو الحاصل ..
رمضان كريم ياخي .. وتصومي وتفطري على الف خير
..
Quote: أنا يا تمبس بت عبدالعزيز خالد،
لكن والله ليوم الليلة،
ما مسكت لي طبنجة |
.. تلقيك بتاعت تاكندو يا جــودو يا غاده ..
اصلو (سيك سيك) .. معلق فيك
اصلو مافي زول حكومة وكمندان بيخلي اولادو ساتك .. وحات خوتك بيتنا كلو بيلعب (بالنــار)
| |
|
|
|
|
|
|
|
|
 Re: غاده عبد العزيز خالد .. سيف الدين جبريل تاكسي في سان فرانسسكو (Re: غادة عبدالعزيز خالد)
|
Quote: الأخ العزيز
تمبس
لك الشكر على فتح البوست وعلى تسجيل الحلقة
أنا كالزوجة آخر من يعلم أن الحلقة ستذاع اليوم
ولحدي اللحظة دي ما شفتها |
.. والله يا غاده الحلقة دي شايف الإعلان عنها قبل فترة طويلة .. وأنا طبعا حلقات البورداب دي .. بكون مركز عليها شديد ..
بعدين بالجد ما كنت عارف أنو ح يكون معاك سيف جبريل .. وهو طبعا بدون تكسير تلج ليهو من الكتيرين البرتاح بي اني اقرا ليهم .. وإنت طبعا ما محتاج إني اتكلم عنك ..
والله من كترت حبي لي ناس هنا الواحد اصبح بيحس بي نفسو مستهبل (وبكاش) زي اولاد بمبه ناس الحضري
الحلقة زمنه طويل جدا يا غاده .. وطبعا سجلتها على مقاطع .. وح انزل منها بصورة عشوائية غير مرتبة بقدر المستطاع .. أنا مسجل الحلقة كلها تقريبا.. لو عندك أي ملاحظات أو طالبه ملفات بي عينه اديني اشارة .. بنفس القدر الكلام دا ليك يا سيف جبريل .. لو عندك اي ملاحظة لحقني ليها في الحــال ..
واتمنى ليكم متابعة جميلة وحلوة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
إزيك يا تمبس
غادة بالغت والله .. بعد كا ميرتك السمحة الما بيغباها زول دي تقوم تستعين بمصور آخر.. ماله قال كان ضوقتك قروش النيل الأزرق دي واتفسحت في أمريكا.. خوة بورد سااااااااااااا كت.
شفت التحريشة دي كيف يا غادة .. بس الخوف تمبس يوقف باقي المادة وأبقى أنا الخسران.
مبروك يا غادة الحلقة الناجحة دي
مبروك يا سيف الشوفة في التلفزيون
شكرا يا تمبس صاحب الروائع على هذا النقل الجميل ..
منتطرين الباقي...
____________________________________________________________
أنتو يا أهلنا مسئولين من الخير .. النيل الأزرق دي يشاهدوها كيف من أميركا؟
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: هاشم أحمد خلف الله)
|
| Quote: تمبس دائماً سباق لعرض الجمال والحلقة والله جميلة جداً والله يكتر الضحاكات اكان هنا ولا في سان فرانسسيكو |
العزيز هاشم ..
رمضان كريم وتصوموا وتفطروا على خير إنت والأسرة .. والبعيد القريب أحمد..
الحلقة كانت فعلا جميلة والأجمل فيها العفوية والتلقائية من جانب الطرفين سيف وغاده .. البرامج التعريفيه والجولات دي بتضيف نوعية من المعرفة جيده جدا .. وبتساهم في إزالة الكثير من الغموض حول الكثير من التفاصيل المغلوطة..
التحية ليك ولي غاده وسيف جبريل.
| |
|
|
|
|
|
|
|
|
 Re: غاده عبد العزيز خالد .. سيف الدين جبريل تاكسي في سان فرانسسكو (Re: Shayma)
|
Quote: الاخ تمبس كعادتك دايما بتجيب الاشياء الجميلة خاصة بتاعة النيل الازرق دي لانها مشفرة وفي كثيرين في الخارج ما عندهم اشتراكها
اما غادة فواضح انها انسانة رايعة وكل يوم بنكتشف فيها جانب ابداعي جديد |
. العزيزة شيما
سلامات ورمضان كريم .. وتصومي وتفطري على خير ..
طبعا تركيزي دائما على ما يبث في قناة النيل الأزرق .. لانو معظم المتابعين بيتعذر عليهم متابعة البرامج الجميلة على النيل الأزرق طبعا للسبب المعروف .. وياريت كل مادة اجيبه هنا تلاقي استحسان الجميع ..
طبعا اختنا الاستاذة غاده هي كذلك .. انسانة متشبعة بالمعرقة وملمة بالكثير من الوعي ربنا يحفظه ونقدر نكتشف الكثير الكثير من خلال وجودها معنا هنا .. ومن خلال عملها كمراسلة لقناة النيل الأزرق في أمريكا..
Quote: لكن على غرار سؤال محمد نور احمد
انتو يا اهلنا مسئولين من الخير قناة النيل الازرق دي لييه الرجال بيحرصوا على اشتراكها اكتر من النساء؟!!! |
تعرفي يا شيماء .. بعد سوالك دا لو ما ختيتي (الوشين) الأخضــر وابو عين مطفيه نظام غامز دا .. صدقيني كان ردو ليك كتار خلاص ..
أنا ذاتي منهم  
سؤالك دا ورطــة .. والإجابة عليهو .. (أورط)..
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: محمد نور أحمد)
|
محمد نور كيفك ..؟
رمضان كريم وتصوم وتفطر على خير ..
| Quote: غادة بالغت والله .. بعد كا ميرتك السمحة الما بيغباها زول دي تقوم تستعين بمصور آخر.. ماله قال كان ضوقتك قروش النيل الأزرق دي واتفسحت في أمريكا.. خوة بورد سااااااااااااا كت. |
. إنت قايل البوست دا ليه حسع ..؟ نحن بنلعب لي قدام .. اديها صنة السهرة الجاية كان ما قالو من السكــاكان معكم غاده عبد العزيز خالد في التقديم وفي التصوير تمبس ... بس إنت كمان ما تخرب ليناالمسالة من حسع دي .. خلي الحلقة تمشي كويس علشان بعدين حجتنا يتكون قوية ..
| Quote: أنتو يا أهلنا مسئولين من الخير .. النيل الأزرق دي يشاهدوها كيف من أميركا؟ |
غايتو انتو اتصرفوا لكن نحن قاعدين نشوفه ضمن قنوات الـ ART اشتراك مدفوع طبعا
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: omar altom)
|
Quote: يا خونة
ما بتكلمونا مالكم؟؟؟؟
تمبس
شمارك عااااااالي .....!!!!! |
يا عمر التوم ..تصوم وتفطر على خير
والله انا فتحت التلفزيون لقيت الاعلان عن الحلقة .. بعدين ما كنت عارف انو الحلقة مع سيف زاتو .. كان من بدري دقيت ليكم الجرس ..
لكن زي ما شايف .. غدرونــا
| Quote: وهي شغالة مع ناس الضرائب.....شيل شيلتك...!! |
.. دي يا عمر التوم شكلها نصيحة تكاسي مخضرم جدا ..
الأخ زميل واللا شنــو..؟
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
الشكر الجزيل للأخ تمبس علي اشراكنا
فى مشاهدة هذا العمل المتميز
و تهنئة خاصة لأختى الأثيرة غادة و هى ترسم خارطة
مسارها الأعلامى بثقة و عزم و أنا واثق من أنها
سوف تثبت اقدامها كواحدة من أميز الأعلاميين
السودانيين في مقبل الأيام لما لمسته فيها من جدية
و توجه علمي و موضوعي في التعامل مع
نشاطها الأعلامي أضافة لأجتهادها ذهنيا و بدنيا
لأجل أنجاز مشروع كبير تعمل علي
تحقيقه. سيساعد غادة علي النجاح أيضا شخصيتها
الأيجابية دائما و موقفها الوسط بين
الثقافتين السودانية و الأمريكية
أضافة الي أنجليزيتها الرفيعة مما يساعد
في تقديم مادة تساهم في التجسير الثقافي
و ربط بلادنا بهذا الجزء الهام من العالم مستقبلا
لمصلحة المشاهد السوداني.
كل الأمنيات الطيبة لغادة بالتوفيق
و تحايا للأخ العزيز سيف جبريل و نقول له
ثقافة سياحية رائعة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: غادة عبدالعزيز خالد)
|
| Quote: صراحة البرنامج لطيف وغادة لا تقل عن مراسلات قناة الجزيرة وغيرها من مراسلات البرامج الوثائقية |
عارف يا أساسي،
كنت حأرد ليك بقولي أنني لم أكن أظنني سأشهد
اليوم الذي تكتب فيه مثل هذا بحقي
ولكن قررت أن أغير
وأن أشكرك شكرا كثيرا معبقا بأجمل آيات العرفان
وتلونه ألوان القوس قزح،، فكونوا معنا
شكرا لحضورك
على فكرة،
بوست الناس الفاكنها في روحهم كان من أجمل بوستاتك
تحياتي للأساسية الصغيرة
ودي
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: فيصل نوبي)
|
Quote: بس فى شمار ماعرفتو ...
لما عملتو جولة فى السجن كان فى زى شباك صغير عاينتى مرتين تلاتة بالشباك ده...كان فى شنو!!!! |
الشباك الصغير ده كان تحت يافطة الزيارات
ففي الجهة إللي وقفت فيها أنا كان يجلس الزائر
وعلى أحد الجانبين بعض الهواتف القديمة أو علامة
المكان الذي كانت معلقة فيه
ويتحدث الزائر مع السجين عبر الهاتف ويراه عبر تلك
النافذة الصغيرة بدون أن يستطيع أن يلمسه
على الجانب الآخر كان لا شيئ، فالقاعتين كانوا (مفتوحات)
على بعضهم البعض، ما عدا ذلك الحائط الصغير
أها كده الشمار الحارقك إن شالله يكون خفّ شوية
كل الود
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: غادة عبدالعزيز خالد)
|
Quote: رمضان كريم وكل عام وانتم بخير
شفت الجزء الاخير ابتداء من الفلافل
حقيقة التقديم جميل وعكس امكانيات عالية للاخت غادة كأعلامية ومقدمة برنامج
الاخ سيف عكس حلقة مصورة عن يوميات سائق تاكسي التي كتبها من قبل
لكم التحية |
سلامات يا ياسر
شكرا لك على الكلمات الطيبة
حقيقة، كنت أنتظر أن أرى كدى تقبل
المشاهدين للحلقة التي كانت ستحدد الكثير القادم
وننتظر مع الأخ العزيز تمبس
علشان نشوف معاك أول الحلقة كمان
ولك من التحايا أجمل منها
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
Quote: الشكر الجزيل للأخ تمبس علي اشراكنا
فى مشاهدة هذا العمل المتميز |
الجلابي ابوسن،
لو ادوك وظيفة في تلفزيون القتلة، بتقبلا؟
ثم ماهي ميزة هذا الترف الانصرافي؟
لي سان فرانسكو ساكين العرب، مستلبة الاعراب!
واخيرا اعلامية نظام مجرمي الحرب الجديدة، من الورقة، من اميز بالنسبة لي منم، وماهي هذه الميزة؟
انجليزيتا؟
عييييييييك!
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: Bashasha)
|
الاخوة الاعزاء تمبس وكل الذين تداعوا معلقين الشكر للجميع، واشكر ايضآ الاخت غادة وهى دائمآ تطلع لمستقبل ارحب فأتمنى لها من صميم قلبى كل انلجاح والتوفيق.
الاخ العزيز كمال بشاشا خالص تحياتى لك ورمضان كريم، عندما طرحت على الاخت غادة فكرة هذا البرنامج رحبت بالفكرة وابديت لها استعدادى لتسجيل هذه الحلقة وأعتقد ان لكل منا، تجاربه فى تعاريج هذه الحياة كل منا حسب تجربته وتعامله مع الاشياء لذلك بعيدآ عن اى فزلكات عرقية أعتقد ان المضمون كان هو عكس تجربة كنت قد فتحت لها بوست فى هذا المنبر وقمت بسرد تجربتى من خلال الحياة اليومية التى كنت اعايشها، وبالرقم من اننى اقترحت على الاخت غادة ان تستضيف الاخت بنت السودان وهى كانت من الشخصيات الرئيسية فى زكرياتى عن مدينة سان فرانسيسكو، وقد ابدت رغبتها فى المشاركة ولكن لظروف فنية لم يتم ذلك، على العموم تحياتى وشكرى مجددآ للاخ تمبس لهذه اللفتة البارعة لجلبه لنا هذه الحلقة وان دل على شئ انما يدل على مدى تأثير هذا المنبر فلقد تلقيت الكثير من المكالمات والايميلات من الكثير، منهم من اعرفهم، ومنهم من لم اتشرف بمعرفتهم، فلهم منى خالص التحايا، وكذلك يستحق الاخ تمبس لقب احسن مخرج ومصور فى المنبر.
مع خالص تحياتى
سيف
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: الفاتح خليل الفكي)
|
الأخت العزيزة
شيماء
لا تتصوري مقدار سعادتي بمداخلتك وكلماتك،،
حقيقة فرحت أن أعجبتك الحلقة وأتمنى أن نقوم
بإعداد المزيد من الحلقات،
عارف، النيل الأزرق في السودان ظاهرة صحية
تنقي أجواء التلفزيون القومي قليلا،،
ليس تبخسيا من حقه، لكن تلفزيون الدولة المفورض يكون مستواه
أفضل من هذا ويعطس صورة البلاد وإمكانياتها
النيل الأزرق ذات شعبية بسبب جودة صورتها أولا وبرامجها
التي تتسم بطابع المنوعات
هنالك طبعا أسباب أخر، متخفية في ثنايا سؤالك
عميق محبتي
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: bob)
|
لشد ما اعجبني حد القهقهة في هذا البوست هو ان العزيزة غادة فرضت لمنسوبي شلة (تراشا ) في شقها الذكوري . فرضت لهم سين صاد تربيع وضربتهم في القيمة المجهولة مافي .. جوز الديوك ديل لازم يدخلوا بي فرمالتهم عن عن الجلابة وما ادراك ما الجلابة .. ياخي لو عاجبكم ولا ما عاجبكم غادة دي جلابية ( بيضاء مكوية) ونص وخمسة واكيد ما حنشوفها حتزيع يوم من الايام في قناة زغاوة زالنجي بالظلط ولا دردقي طوباي لانه ديل ناسها وديل اهلها
بعدين ياخي القناة حقت النيل الازرق دي ما عندها قضية بالحكومة ولا بالدين دي قناة حقت غناء حق جلابة واولاد عرب وفي النهاية هي قناة خاصة تابعة لي اي ار تي المالكها صالح كامل بتاع مجموعة البركة يعني الدخل الحكومة هنا شنو انا زاتي ما عارف
اللهم الا سيدنا بشاشا ومساعد الياي المعاهو قدس الله سرهم رؤا ان سان فرانسيسكو ما يجوز يعرف عنها اي جلابي وهي ملك خاص لاولاد زغاوة
ياخي كرهتو روحكم ومسختوها
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
| Quote: الاخ العزيز كمال بشاشا خالص تحياتى لك ورمضان كريم، عندما طرحت على الاخت غادة فكرة هذا البرنامج رحبت بالفكرة وابديت لها استعدادى لتسجيل هذه الحلقة |
سيف الدين ياصديق،
انت ما معني بي كلامنا ده.
المقصودة هي الكوزة غادة عبدالعزيز، اخر مجندي نظام القتلة.
تدليسا عن مايحدث في دارفور من ابادة، قبضت تمنو وظيفة "مغبشة" جديدة لوعي الناس، والغريب بكل قوة عين جايا تحتفل بي انجاز تجميلا لي نظام القتلة، منتظرة بي شوق حار، كلمات المجاملة والتربيت علي الكتف good job!
محمد سليمان ده ماعندك هناك، ليه زي ما ادوكي الفرصة كيزانك مايدوهو الفرصة تعزفي للكيزان المقطوعة اياها، عن كيف مايحدث في دارفور مجرد رحلة للباقير لاابادة لايحزنون!
ماقتي محطة خاصة ضحكا علي الدقون؟
تماضر جاييكي.
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: Bashasha)
|
Quote: شكرا تمبس على هذا العمل
والتحية لغادة والتكاسي سيف الدين
الحلقة الجاية مع منو |
تحياتي يا حيدر
الأخ سيف أخ كريم،، فحقيقة لم يتردد ابدا
في عكس بعض من تجارب السودانيين في المهجر
والبوست الذي كان هو الإيحاء لهذه الحلقة
نزل والحمد لله بردا وسلاما على المشاهد السوداني
ولكن أنا ممتنة وسعيدة،،
الجلقة الجاية يجري الإستعداد لها ايضا
وهي مفاجأة،،
ربك يسهل كمان إن شاء الله
خالص الود
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: saadeldin abdelrahman)
|
Quote: و تهنئة خاصة لأختى الأثيرة غادة و هى ترسم خارطة
مسارها الأعلامى بثقة و عزم و أنا واثق من أنها
سوف تثبت اقدامها كواحدة من أميز الأعلاميين
السودانيين في مقبل الأيام لما لمسته فيها من جدية
و توجه علمي و موضوعي في التعامل مع
نشاطها الأعلامي أضافة لأجتهادها ذهنيا و بدنيا
لأجل أنجاز مشروع كبير تعمل علي
تحقيقه. |
الأخ العزيز
حاتم
بدايات التسعينات،، القاهرة
مدينة نصر ومصر الجديدة
كنت من أوائل من لمسوا حبي للمجال الإعلامي
الصحافة، الإذاعة والتلفاز
رغبتي في العمل فيه وزهدي عما غيره
بعدتنى السنون عنه كثيرا،،
ظروف عامة وبعضها خاصة
وهاهي عجلة الحياة أخيرا تدور
وبدأت الأمساك بزمام الأمور بعد جهاد
أحاول يا صديقي رسم تلك الخارطة التي قلت عنها
بالجدية التي تتطلبها،،
أتمنى أن لا أخذلك
خالص الود
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
| Quote: عاجبكم غادة دي جلابية ( بيضاء مكوية |
طبيعي كدباب او مجرم حرب يا اساسي، بخلاف كوزنتا بياضا يكون برضو لافت لنظرك، لانك كذنجي تكره لونك بل كتنفيس عن هذه الطاقة السالبة مرقتها في الجنوب كقاتل للبتشوف فيهم خلقتك المتعقد منها دي! طبعا مابعيد فعلا تكون فاكر روحك انجلوساكسون فعلا! اخبار الفلسطيني زميلك في الشغل شنو؟
بعاملك كابيض ولا كزغاوة؟
ثم انت فاكر كل الناس زيك كده بعانو من مركب نقص تجاه اللون الابيض، لوفي زول هنا اصلا ابيض؟
لسة في نظرك كلام بشاشا او تراجي صاح، ولاغيرت رايك؟
قت لي قناة القتلة ماعندها صلة بالحكومة؟
وماذا نتوقع من مجرم حرب مثلك، مثلهم غير الاستهبال؟
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: Bashasha)
|
| Quote: عندما طرحت على الاخت غادة فكرة هذا البرنامج رحبت بالفكرة وابديت لها استعدادى لتسجيل هذه الحلقة وأعتقد ان لكل منا، تجاربه فى تعاريج هذه الحياة كل منا حسب تجربته وتعامله مع الاشياء لذلك بعيدآ عن اى فزلكات عرقية أعتقد ان المضمون كان هو عكس تجربة كنت قد فتحت لها بوست فى هذا المنبر وقمت بسرد تجربتى من خلال الحياة اليومية التى كنت اعايشها، |
الأخ العزيز
سيف
كان بوستك وسان فرانسيسكو هما مصدر الإلهام للحلقة
ولذلك هاتفتك حالما وصلت من أرض الوطن
كما قلت، لكل منا تجاربه في تعاريج الحياة
بعضها آلمنا، وبعضها أسعدنا
وكل ما حاولنا نقله هنا
هو صورة لحياة سوداني، في أراضي المهجر
كيف يعيشون؟ ماذا يفعلون؟ المناظر التي يرون
وعلى قول أخونا تمبس
من غير كيبورد ويمشون في الأسواق ويأكلون الطعمية
كن بألف خير يا صديقي
ودي
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
رمضان كريم اخي تمبس وضيوفك الكرام
عرض ممتع للغاية .
ولأختي العزيزة غادة أقول
إن الذي أراه أمامي هو حالة عشق للإعلام ، وحالة العشق لمادة الدراسة هي سر التميز . هكذا كان يقول لنا أساتذتنا الفطحل ونحن نخطو أولى خطواتنا الجامعية . يدخل الجامعات بكلياتها المختلفة الآلاف ويتخرجون معاً . الذي ( يميزهم ) عن بعضهم ويجعل هذا طبيباً ناجحاً وذاك مهندساً ناجحاً وتلك محامية ناجحة وتلك إعلامية ناجحة هو ( مقدار الحب ) الذي يولونه لمواد دراستهم . الحب الذي يسمو بعلاقة الطالب بمادته فلا يكون الهدف هو الحصول على الشهادة لنيل العمل أو لتعليقها في صالون البيت .
لذلك أراك تسيرين الطريق الصحيح مادمت قد أعطيتي للإعلام مادة دراستك هذا الحب الذي يصنع التميز ويساعد في تخطي الصعاب المرتبطة والموجودة في ممارسة أى مهنة وكل مهنة .
سيري على بركة الله المنعم الذي أعطاك نعمة القبول عند خلقه .
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: Saifeldin Gibreel)
|
الاخ العزيز كمال بشاشا يجب علينا ان لا ننظر للاشياء من زوايا عرقية او لونية ضيقة ، انا اعرف الاخت غادة جيدآ وهى ليست لها اى تنظيم سياسى فكم كنت اتمنى لو ان الحوار كان بصورة غير ذلك والبوست كان لهدف معين.
اما بخصوص اللنك الذى جاء به الاخ محمد سليمان بخصوص دعم اهلنا فى دارفور ، انا ولعن الله النون التى بين الفين، كنت فى نفس ذلك اليوم الذى تم فيه تسجيل الحلقة، كنا ننظم حفل غنائى ساهر بالاستاذ عمر احساس لدعم اهلنا فى دارفور وكانت حفلة من انجح الحفلات وبتأكيد من الاستاذ عمر احساس نفسه وهو عضو معنا فى هذا المنبر والاخ الموسيقار ميكائيل، فيا اخى بشاشا نحن لا نمتن بشئ هو من صميم واجبنا فأهل دارفور هم محور همنا ونعمل فى صمت من اجل تقديم اى شئ ممكن لاخراجهم من هذه المحنة، أتمنى ان لا ننزلق بالاتهامات جزافآ فيجب ان تكون هنالك مساحة للحوار والتفاكر الذى يؤدى ويؤطر لقيم ومفاهيم الحرية والديمقراطية كل منا على حسب فهمه وتقيمه للاشياء، بدلآ من الترهيب لكل من ينتمى للشمال، فأنا ضد كل هذه المسميات والتى تصب فى شرخ الكيان الوطنى فلنسمى الاشياء بمكانها وزمانها.
مع خالص ودى لك وللاخ محمد سليمان
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: اساسي)
|
| Quote: هنالك عدة معالم لم نستطع تقطيتها مثل اول مبنى للامم التحدة ويوجد به اسماء كل الدول وقد نحتت ومن ضمنها السودان |
كانت هنالك العديدمن المعالم التي لم نستطع التوقف عندها
مثل (جرديللي سكواير) وهو من أشهر مصانع الشوكلاته
وبه آيسكريم شهير يقصده كل السواح
ولكن كانت هذه التقلصات بسبب حفلة الفنان الرائع عمر إحساس
والجالية السودانية بسان فرانسيسكو لصالح مدارس دارفور
التي كانت رائعة كعهدنا بالعظيم القومي عمر إحساس والجالية هناك
كل الود
غادة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: Bashasha)
|
Quote: دكتورة اشراقة تحياتي،
لو ادوكي وظيفة في تلفزيون النظام، بتقبلي بيهو؟ |
سلامات يابشاشة ورمضان كريم
بالمناسبة انا كنت شغالة فى الاذاعة فى الفترة من 1991 الى بداية 1993 وكنت بعد برنامج {الانسان والبيئة} وبعض البرامج التى تآمر عليها الامن وقام بتوقيفها، كنت شغالة هناك وعانيت ماعانيت ولكنى نجحت فى توصيل رسالتى الاعلامية التى كنت ارغب فى توصيلها بشكل او بآخر. وفى نفس القوت كان عندى عمود فى الصفحة الثقافية لصحيفة القوات المسلحة بعنوان من ذاكرة المطر وقدرت برضو اقول فيهو العاوزاه بشكل او بآخر.
وقبل ما اجيب على سؤالك عاوزة اقول:
* العاملين فى المجال الصحى/ الاعلامى/ السياسى/ التعليمى الخ كلهم شغالين تحت ظل النظام ده
المهم بالنسبة لى ماذا نقدم من خلال الفرص التى يتم انتزاعها من فك الاسد.
* زولة قرأت صحافة واتخرجت واهلها منتظرنها تساعدهم تعمل شنو فى رأيك؟
* تلفزيون النظام ياتو يابشاشة؟ بتاع الانقاذ ولا الحكومة الجديدة مع الحركة الشعبية؟
ممكن اشتغل وفق شروطى انا والا بشق طريقى بشكل آخر
ارجو ان اكون اجبت على تساؤلك، لكن النسألك ليه السؤال ده؟
معليش لاصحاب البوست هذه المقاطعة
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: Alsa7afa_30)
|
سلامات يا جماعـة
والله شايف البوست دا جاب الناس الجميلة كلهــا .. لعدة اسباب أهمها:
الأخوان ـ سيف & غــاده .. في رائي الخاص من الناس المهذبين جدا وراقيين في تعاملهم مع الآخــر ... وهذا ليس تقليل من الآخرين ..
طريقة الحــوار فيه من التلقائيه والمهنية العالية البتجبر الواحد يتابعوا باهتمام
بعدين أهم حاجة إنو الناس ديل بورداب والواحخد أهم حاجة ليهو طبعا بيقوم لما يجيبو ليهو سيرة بوردابي إنو جايبنو في التلفزيون يا لاقاهو في أي مكان .. بيكون متحفز إنو يشوف ادق تفاصيلو .. يعني صوتو بيكون عامل كيف .. الشخصية العامة ليهو عامله كيف هل بتشبه نفس الشخصية الكيبورديه دي واللا بي شكل تاني ..
على العموم تحياتي للناس الهنا كلها .. وككويس يا غاده انك متابعة البوست دا كويس .. وسيق الدين الظاهر لي لسه متابع الضحاكات ..
شغال يا شباب في باقي الملفات ..
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: tmbis)
|
Quote:
بعد السخانة دي كلها يا سيف والله قشرنا بيك
خاصة وانت من اولاد الجريف الشيطة وبوردابي |
تعرف يا اساسى زمان كنت كل اسبوعين بمشى لى فيتنامية ظريفة اه تقوم تحلق لى والحلاقة بى 8 دولار وتدنى ليم بسمة بسمتين واقوم اديها ليم بكشيش تيب 7 دولار بعداك بقيت اجيب الموس براى واجرها صلع ودى الموضة فى امريكا، وبعدين تحياتى ليك وانت بتعرف اهلنا ناس الشيطة لك ولهم خالص التحايا.
سيف
| |
|
|
|
|
|
|
|
|
|
Re: غاده عبد العزيز خالد .. سيف الدين جبريل تاكسي في سان فرانسسكو (Re: Saifeldin Gibreel)
|
Quote: سلامات يا جماعـة
والله شايف البوست دا جاب الناس الجميلة كلهــا .. لعدة اسباب أهمها:
الأخوان ـ سيف & غــاده .. في رائي الخاص من الناس المهذبين جدا وراقيين في تعاملهم مع الآخــر ... وهذا ليس تقليل من الآخرين .. |
الاخ العزيز تمبس ياخى واللهى اخجلت تواضعنا، وأتمنى ان تجمعنى الظروف بك والتعرف عليك من قرب، دعنى اعرج شوية لاتحدث لك عن الاخت غادة، فأتمنى ان يتعرف الاخ بشاش وكل الاخوة على الاخت غادة فهى من الناس الذين يجبرونك بأحترامهم والاستماع لهم مهما كان الاختلاف فى الراى، فهى تعرف ماذا تريد، ومحاورة جيدة وبالنسبة لبنات جيلها الذى ترعرع فى الغرب فهى تجد انها قد تسلحت بالعلم والثقافة التى تؤهلها، لان تتبؤ ارفع المناصب الاعلامية، فلما لأ، فهى سودانية اهلت نفسها وسلكت طريق مرتبط بقضايا ومشاكل اهلها، اختلفنا معها او اتفقنا فلها منا كل التقدير والاحترام.
| |
|
|
|
|
|
|
| |
tmbis
اساسي
غادة عبدالعزيز خالد
Raja
ابوبكر الامين يوسف
mohmed khalail
Saifeldin Gibreel
omar altom
محمد نور أحمد
Shayma
هاشم أحمد خلف الله
حيدر حسن ميرغني
abusin
فيصل نوبي
Bashasha
Mohamed Suleiman
هشام هباني
ismeil abbas
انعام عبد الحفيظ
الفاتح خليل الفكي
saadeldin abdelrahman
Tumadir
ahmed khidir
bob
عاطف عمر
mamkouna
Ishraga Mustafa
Alsa7afa_30
نهال الطيب
فيس بوك
تويتر
انستقرام
يوتيوب
بنتيريست