شركة تساهيل الخاض التجربة معاهم يدينا النجيضة

Quote: اي حاجة اسمها يغلب علية الطابع الديني ابعد منو او علي الاقل شكك فيهو حتي يتبين العكس لان غمس الدين في التجارة دايما ما يكون ستار او واجهه لاستمالة القلوب باسم الدين

Quote: غايتو طريقة تسويقهم ما عجبتني ما بتحس بيها حقيقية

Quote: نصيحتي ليكـ .. ما تتورط ..........

Quote: ياخالد أمسك فى كلام ود المسلمى دة قوى ..

Quote: نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها.

Quote: ود العطا وابو علي ازيك ياخي وليك وحشة نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها.

Quote: غايتو ياخالد فبل التجربة حضرنا تنوير لمندوب الشركة ولسوء حظه وقع فى ناس أفتراض سوء الظن عندهم عالى جدا وده شغلهم . وتمت محاصرته بعدد من الأسئلة غايتو قال المرة الجاية بجينا جاهز المهم الواضح من كلامو أنو الشركة حريصة على ضماناتها دون ذكر ضمانات للمستفيد أذكر قال الأقساط تكتب شيكات مقدما وانت عرف مجرد تحرير شيك تانى رجعة مافى إلا السداد عموما ا،شاء الله أجى واحد منهم ووضح لينا الصورة أكثر بالذات ضمانات الشركة للمستفيد من خدماتهم مع التقدير ،،

Quote: الاخ خالد لك التحيه النجيضه انسي تساهيل انسي اخوك انسي اي زول كلما ترجع في اجازه اعمل مقتدرتك و بعداك واصل يا اخوي المتكوله واقعه ، و ما حك جسمك ذي ضفرك في الختام ضيعنا الكتير و ده نصيحه لله الزبير الختمي

Quote: نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها.

Quote: باقي ليهم شركة تحاميل بس هههههههه

نهاركم إبداااااااااع هههههههههههه

Quote: شركة تساهيل الخاض التجربة معاهم يدينا النجيضة

Quote: تجربة شنو ؟!!

Quote: نهاركم إبداااااااااع هههههههههههه

Quote: اتمنى ان يفيدك هذا الخيط شركة "تساهيل" تسرق في وضح النهار دون رقيب او حسيب تحياتي

Quote: البنوك السودانية والحيكومة السودانية وقبلهم اى مسعول حيكومي يموتوا موووووووت في الاخضر الليموني ، وقلت لى شنو ؟؟ دايرين يساعدوا المغتربين ؟؟ دي ما وقعت لي نهاااااائي ، منذ متى البنوك السودانية تقدم مساعدات للمغتربين ؟( لكن هم دايرين التانية جلب الاخضر الليموني ، ولولا هذا الاخضر لما فكروا في المغتربين اصلا ) تكفي مأساة بنك امدرمان الوطني عندما اودعت شريحة كبيرة من المغتربين اموالهم ( بالدولار ) كودائع استثمارية فيه ، ولكنها اصبحت ودائع ( استنزافية ) وذلك عندما تجمدت تلك الودائع بسبب ان اغلب المغتربين رفضوا سحبها وذلك لأن البنك كان يشترط ان تسحب المبلغ بالعملة المحلية وبالسعر الرسمي الذي كان يعادل 2700 جنيه في حين ان السعر في السوق الموازي يصل الى 5 الف جنيه وقتها ؟؟ يعني المغتربين فقدوا نصف قيمة ودائعهم بسبب انهيار الجنيه ،، طيب ما هو ذنبهم وهم اودعوا اموالهم بالدولار ؟؟ الظريفة طبعا لمن تمشي البنك ما بقولوا ليك ما بنديك بالدولار ، لكن بقولوا ليك حاليا مافي دولار لكن بنديك بالجنيه فقط ؟؟؟؟؟؟ وبالسعر ( النصفي ) اقصد الرسمي اها ردا على سؤالك وهل هامش الربح سنوي وهل هامش الربح علي المتبقي من المبلغ؟؟؟ طبعا هم قالوا هامش الربح من 4.5% الى 6% دا معناها انو كلما ذادت عدد سنوات القرض كلما ذادت نسبة هامش الربح ( السنوي ) لو افترضنا انو مدة سداد القرض تمتد ما بين 5 الى 8 سنوات ، هذا يعني ان هامش الربح السنوي هو 4.5% في حال انك ألتزمت بالسداد في خمس سنوات ، و 5% في حال بالسداد في 6 سنوات و5.5% في حال التزامت بالسداد في 7 سنوات و6% في حال التزمت بالسداد في 8 سنوات ، هذا مثال فقط ، يعني كلما ذادت عدد سنوات السداد كلما ذادت نسبة هامش الربح السنوي بعدين البنوك ما عندهم حاجة اسمها ( هامش الربح على المبلغ المتبقى نهااااااائي ) ، يعني حتى المبلغ اللي بتسددوا في اثناء سدادك للاقساط دا برضو عليهو هامش ربح ، كمثال افترض انك اخدت قرض مبلغ 500 ألف ريال ، اول سؤال بسألوهو ليك عايز تسدد في كم سنة ؟؟ مثلا قلت عايز اسدد في 8 سنوات ، طوالي بضربوا ال 500 ألف في 6% هامش الربح السنوي في عدد السنين 8 سنوات = 500000*6/100*8 = 240000 ريال ، معناها حا تسدد 740 ألف ريال خلال ال 8 سنوات ، بمعدل 92.5 ألف ريال سنويا الملاحظة : مثلا بعد مرور 4 سنوات حا تكون سددت نصف المبلغ المطلوب منك وهو 370 ألف ريال صح ؟؟ لكن حا تفضل تدفع في هامش الربح حقو الى ان تسدد كاااامل المبلغ شفت اللعبة كيييييف؟ نعرج شويه كمان على اللعبة بتاعة شركة تساهيل تساهيل دي بتدفعك 30% فورا من قيمة التمويل وهل تصدق انك حا تفضل تدفع في هامش الربح السنوي للدفعة الفورية دي لحدي ما تسدد كل المبلغ ؟؟؟؟؟ يعني تدفع هامش ربح على قروشك اللي انت بتديها ليهم هههههههههههه والله انا بقيت ادورها في مخي ما وقعت لي كيف يشيلوا مني قروش ويدفعوني عليها ارباح ؟؟؟؟؟؟ يعني لو اقترضت مليار جنيه من تساهيل حا تدفع 300 مليون هي عبارة عن 30% فورا ،، وطبعا هامش الربح 6% سنويا ، لو افترضنا مدة سدادك للقرض 10 سنوات مثلا ، حا يكون عليك تدفع مليار مضروب في ستة في المية مضروب في 10 عدد السنوات يعني حا تدفع 600 مليون كأرباح للعشر سنوات لكن ال 600 مليون دي انت ما حا تدفعها عشان تقترض مليار ،، حا تدفعها لأنك حا تقترض 700 مليون لانك اصلا دافع 300 مليون كاش اللعبة التانية : اصلا هم ما بدوك القرض نقدا وانما بدوك ليهو مواد بناء ودي طبعا فرصة عشان يربحوا فيك ( لمن بهناك ) اللعبة التالتة : المقاول الببني ليك من طرفهم يعني برضو ( بسلخك سلخ ) اللعبة الرابعة : بستغلوا ال 30% اللي بتدفعها فورا دي لمن تقول بس ( يعني بدوروها في السوق ) وما ببدوا ليك في البنيان الا بعد طلااااااع روح وتكون ال 30% او ال 300 مليون بقت 500 مليون اللعبة الخامسة : لمن يجوا يبدوا ليك البنيان ، ما حيصرفوا ال 500 مليون دي كلها بين يوم وليلة بل شويه شويه وباقي المبلغ برضوا بكون مدور في السوق يعني ممكن يتشيطنوا والمبلغ دا ( 500 مليون ) يقررررررب يتموا ليك بنيانك بيهو ، وفي نفس الوقت انت بعد المبلغ دا حا تسدد ليهم 700 مليون باقي المبلغ المقترض و600 مليون ارباح يعني حا تدفع مليار وتلتمية مليون تاني ، تفضل تسدد فيها لمن تقول بس ، في حين انو هم بنوا ليك من 30% اللي دفعتها مقدما اللعبة السادسة : عزيزي المقترض هل تعلم ان قيمة ايجار عقارك الذي سوف تشيده لك تساهيل لا يتجاوز 4% سنويا من قيمته في احسن الظروف ؟؟؟ في حين انو الشركة بتاخد منك 6% سنويا ، يعني بتاخد منك ايجار عقارك ومن ( جيبك الخاص ) عشان تسدد ليهم ، وما تنسى انو هم ماخدين منك 300 مليون قبييييييييل كاااش داون نصيحة : انو الواحد مننا يستغل ال 30% اللي مفترض يدفعها كاش بطريقة كويسة ويحاول يبني بيها براهو ، يعني تدخلها في مشروع وتبني من عائد المشروع ( قول لحدي الهيكل مثلا ) وبعد داك تبيع المشروع وتشطب بيهو ،، وصدقوني حا تبني بيتك وما حا تنهك نفسك باقساط ورهن ارض وافلام هندية ، ممكن الواحد يقول تساهيل حا تبني اسرع مما ابني انا براى من عائد مشروع ؟؟ صح حا تبني ليك اسرع لكن ما هي الفائدة ؟؟ حا تبني اسرع وحا تفضل تدفع في هامش ربح سنوي يتجاوز ( قيمة ايجار عقارك السنوية )

Quote: نصيحة عامة وما بعرف شركة تساهيل دي شنو وبتبيع شنو لكن الحاجة من تلقى اسمها تسابيح، تهاليل، استبشار وما شابهها طوالي اختاها

Quote: اتمنى ان يفيدك هذا الخيط

Quote: ياود العطا انكرب بس خش صناديق تحت البلاطة اي حاجة بس اختا ناس الاقساط ديل .. وود العمدة بي هناك شايفو ما مقصر .

Quote: ياخ اعفيني ياخ