|
سلامة المنهج
|
ليش بندفع
عشان نجيب المدفع....
وعشان نقول
راينا ليه نركع.....
ياريت تتيسر احوالنا....
وتتحقق احلامنا..
وتتحرر اقلامنا....
والبنيناهو مايتصدع....
كل الامم بى شبابا تتقدم...
ونحن نرجع لى وراء....
واحوالنا ديمه تتازم....
وفى كل المحافل
ننزوى ونتقزم....
حال البلد مابسر....
ويخلى عيون
الحادبين تدمع.....
كانت صفتنا
السماحه والكرامه...
بقينا ارهابيون متجولون
ومتسولون فى
كل البقاع وكل مجمع....
مالو لو بى تمن المدفع...
نجيب التقاوى
عشان نزرع....
وتدور عجله الحياة
ويدب النشاط
فى الحقل والمصنع....
فى البوادى والنوادى...
تبقا مجانيه
التعليم والاعلام...
وندى فسحه للاقلام....
لى تاريخنا نتذكر
ونقوم نقراهو ونطبع....
اكيد التاريخ
مابقيف ولا برجع....
ومقياس حضارة الامم...
فى قيمه الانسان...
وحقوقو وفكرو...
ورايو وسلامه المنهج....
نتمنى يجينا يوم
وتكون المبادئ والاخلاق
هى الاساس والمرجع.... ·
|
|
|
|
|
|