فرحت اليوم مرتين، ولسببين مختلفين، الأول أن أحد أصدقائي الأوغاد، أرسل لي رسالة معبّرة يهنيني فيها بعيد الأُم، فرددتُ عليه مبتهجاً _ تسلم البطُن الجابتك،وسبب فرحتي العظمى أن جيشنا السوداني وحامي الحِمى أخيراً تمكّن من الرّد، وحكمة الله _أضاف إلى سجله العامر بالأوسمة والنياشين، إستراتيجية تعلّم الحلاقة في رؤوس المساكين، وهذه المعركة المباركة عزيزي القارئ لم تحدث في الميل أربعين، ولا الكرمك ولا قيسان، بل كانت في قلبِ السوق _ الكضب حرام والقبُر قدام _ فما أسعدني بجنودِ وطني الذين يأكلون النار، ويحلقون في الأسواق!! . سمعت أن هؤلاء الشباب الذين حُلقت شعورهم _ لم يكونوا في مكة، لندّعي أن جيشنا البطل أراد أن يكسب فيهم أجراً، لأنها شعيرة من شعائر الحج، وعندها فكّرت وقدّرت وأعدتُ البصر كرّتين، وأدركتُ أنني عبقري هذا الزمان ووريث عرش فِكْرِه المنتظر _ أكتشفت أن جند الله في الأرض، أرادوا أن يلقّنوا المرحوم خليل ( ربنا يتولاه بالعافية ) درساً في فنون الحلاقة وربما ساونا الوجه، ليتهم يعلموا أنها كانت ( القطعية _ والحلاقة قدّام ) . لن أندهش إذا قرأتُ في صُحفِ الغد بأن هؤلاء الشباب كانوا يحملون رؤوس نووية، والمُوس أولى بها . شييييييييت يا مان .
رسالة التهنئة جاتك من احد المحلوقين ؟ ماعارف المحلوقين دي بي ياتو لغة .. المهم بعد بكرة عندنا احتفال بعيد الام لازم تجي انت عارف المكان طبعا الدعوة دي من الفنوب ..
03-19-2013, 11:35 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: رسالة التهنئة جاتك من احد المحلوقين ؟ ماعارف المحلوقين دي بي ياتو لغة .. المهم بعد بكرة عندنا احتفال بعيد الام لازم تجي انت عارف المكان طبعا الدعوة دي من الفنوب ..
الملحق العسكري جايي ؟
عشان عندي مسيرة إحتجاجية
03-19-2013, 11:18 PM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
Quote: شايلين حس الديش ساكت .. الليلة عيد ميلاد العقيد عبدالرحمن الصادق .. مساعد الرئيس .. صاح ؟؟ و عيد الميلاد في القصر الجمهوري - امبارح كان للعوايل .. الليلة كان للعوام - طيب قصرنا الجمهوري ده هملة كده يخشوهو الناس بالشعر المبشتن و منفش ؟؟ قوم يا الديش و من باب مكابرة منتسبهم سعادة العقيد عبدو .. اشتغلوا فيكم ظعط . كتر خيرهم و للا ما كتر خيرهم ؟؟ شعب جاحد و مقمل و لديح .. يعيش الديش .. لونق لايف كولونيل عبدو .
من صفحة عمده ع الفيس بوك
03-19-2013, 11:47 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
( مجروسة جات كاشه يا بدور موسى شايلة دياشه يا بدور موسى حبيبي خشّ الديش يا بدور موسى شان يبقى عكاشه** نادوا لي موسى ) .
........... ** عكاشة : أشهر و أحرف حلاق كيري في عشش فلاتة 1962 - 1984م و كان حين يفرغ من حلاقة آخر فسفوفه في الراس ( القطعية ) يديها كوراكه : ونن زاكا قضارف تششششش
من صفحة أبو الدفاع ع الفيس بوك
تقرأ : عمدة
03-20-2013, 00:12 AM
Emad Abdulla
Emad Abdulla
تاريخ التسجيل: 09-18-2005
مجموع المشاركات: 6751
الغايظني يا ياسين .. ناس البوريه الاحمر ديل شرطة عسكرية .. !!! مفروض شرعاً و دستورياً مافي زول يخت يدو في راسنا غير البوليس .. بس . بوليس الدياشة يتدخل في الحقارات المدنية ليه ؟؟
03-20-2013, 00:23 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: الغايظني يا ياسين .. ناس البوريه الاحمر ديل شرطة عسكرية .. !!! مفروض شرعاً و دستورياً مافي زول يخت يدو في راسنا غير البوليس .. بس . بوليس الدياشة يتدخل في الحقارات المدنية ليه ؟؟
تعرف يا العمدة : في بلادنا أختلط حابل الكجر بنابلِ العسكر، وبين هذا وذاك _ سُدّدت إلى صدورنا رماحٍ بلا رامٍ . من أسفٍ أن دماءنا تشتّت بين قبائل المصلحجية _ وغلب اللقاط .
بكيتُ كما لم أبكِ من قبل، ياربي الغريب علي شنو ؟ الدمع واللا المغسة ؟
03-20-2013, 00:12 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
يا حبيبا لمن تمشي براك الحلاقة وتقول ليه اديني نمرة واحد دة بيكون خيارك بس لمن يجي زول ودون وجه حق ويحلق ليك حتى الحلاقة لو بقتك آلان ديلون بتكون اغتصاب وامتهان لي بني آدميتك ياخ.. بعد شوية ممكن يدخلوا بينك وبين اهل بيتك ياخ.. ياخي دي مذلة حد الغرق
03-20-2013, 00:34 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: يا حبيبا لمن تمشي براك الحلاقة وتقول ليه اديني نمرة واحد دة بيكون خيارك بس لمن يجي زول ودون وجه حق ويحلق ليك حتى الحلاقة لو بقتك آلان ديلون بتكون اغتصاب وامتهان لي بني آدميتك ياخ.. بعد شوية ممكن يدخلوا بينك وبين اهل بيتك ياخ.. ياخي دي مذلة حد الغرق
لكلِّ بندقية _ إعتقادٌ راسخٌ لا يتزحزح _ لكثرةِ إسرافها في إنهاكِ خيولِ الأزيز الراكض عبثاً _ بلا جريرة . تعتقد البندقية _ لستُ أعني فينيسيا _ لسببٍ لا يعنيني من قريبٍ أو بعيد _ أن أدمغة المواطنين من غيرِ الموالين والذين قالوا : لا _ مجرّد تختات ينبغي التنشين عليها بعنفِ ولا رحمة . ولعمري، هو كيدٌ من مكائدِ الجبابرة وجنرالات الحرب .
كل هذا مباحٌ في عُرفِ الحربِ وعُرْفِ الديوك .
ولكن ما لا أفهمه _ لماذا تطيش تلك الأعيرة عن أهدافها الإستراتيجية وتغدو كبيضةِ ديكٍ " فشنك " ؟
03-20-2013, 00:42 AM
خضر الطيب
خضر الطيب
تاريخ التسجيل: 06-24-2004
مجموع المشاركات: 10360
Quote: مصنع الرجال وعرين الأبطال تُخَرج حلاقين بدرجة إمتياز !! أو كمال قال عادل إمام بمسرحية ( الود سيد الشغال ) وهو يتحدث عن نابليون بونابرت ( ساب الجيوش والمماليك وقعد يمضي فى أطباق !! وأنا بقول أتغلب فى أبوقير ليه !! وجيشنا الهمام ساب الفشقة وحلايب وكل أراضي البلاد المغتصبة وقعد يحلق للشباب بطريقة أقل ما يُقال عنها أنها ( حراق روح بتاع حكومة ) وفش غلَ فى شباب الوطن لفشل حكومة الفساد المستمر بحل مشاكلها ومصائبها المتتالية ! حسبي الله ونعم الوكي
زعط شنو يا اب تفة يااااخ؟.. الموضوع من زمان وصل مرخلة البل..و الناس تقول ليك البروف قال..ياخ الديش بعضمة لسانو قال ليك بل شديد (تقرأ في شوارع العاصمة و كده.. اما الخلا..اسكت ساكت خليهو.. لأنو الديش لسع ما عارفة سكتو وين..!!)
نجيهو في محلو.زو شنو كده ما عارف.. نقوم نبلو..!!! فتأمل يا اخي الكريم ياسر اب تفة..!!!
كبر
03-20-2013, 08:32 AM
Kabar
Kabar
تاريخ التسجيل: 11-26-2002
مجموع المشاركات: 18537
المارش ده يا برالمة المنبر الما حضروا افات السودان العظيمة.. كان لمن يضرب.. طوالي بعدو بيكون البيان رقم واحد و كده..و الباقي تموهو خيال ساكت..!!!
لو كان يا حبيب نورا.. فضلت لينا صلة رحم مع سيدنا العائب الديش السوداني.. ياها جنس المارشات الأصلية دي..و لغاية الليلة الواحد لمن يسمعها بتذكر ديش السودان المشى يحارب ليك في الشرق الأوسط.زو درقة و طبرقة..و شنو كده ما عارف..و برالمة الزمن ده مدن زي دي الإ كن يستشيروا فيها سيدنا قوقل رضى الله عنه..و احتمال ذاتو قوقل يكون ما سمع بيها..!!! ياخي انا براي لمن اسمع مارش زي ده.. صوف جلدي كل واحدة بتقيق حذية عدييييييييل...!!!!
الشعب السوداني ، بطبعوا دايما عايش على الذكريات.. لكن لمن يصل الديش مرحلة انو يكون مجرد ذكريات.. الرماد كال حماد..!!!
و يا عمر البشير.. شوف صرفة للعيا ل ديل.. بتاعين الحلاقة و كده..و الإ كمان..!!!!
كبر
03-20-2013, 08:49 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
النظافة من الايمان .. ودي حكومة مؤمنه … أي تفه لابد أن يتم مواساتها بي موس .. الحلاقه ما مشكله .. المشكلة ماياتي بعدها .. من زمهرير .. والماعاجبوا يحلق حواجبو …..
03-20-2013, 08:59 AM
Yassir Tayfour
Yassir Tayfour
تاريخ التسجيل: 08-18-2005
مجموع المشاركات: 10899
ذكرت احدى الصحف ان الامواس والمقصات التي تم استعمالها قديمة ......هنا اطرح سؤالي من منطلق مهني بحت
هل اتخذت اي اجراءات صحية احترازية عند القيام بهذا العمل الهمجي ؟؟؟ ماذا لو تم نقل امراض لهؤلاء الشباب جراء الحلاقة بهذه الطريقة خاصة ان اللذين قاموا بهذا عساكر جيش لا علم لهم بهذ الاجراءات الاحترازية اطلب من الشباب اللذين تم حلق رؤسهم من قبل هؤلاء ان يقوموا بعمل فحص دوري كل فترة للتاكد من خلوهم من امراض قد تكون نقلت لهم
تحياتي يسن
03-20-2013, 08:50 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: زعط شنو يا اب تفة يااااخ؟.. الموضوع من زمان وصل مرخلة البل..و الناس تقول ليك البروف قال..ياخ الديش بعضمة لسانو قال ليك بل شديد (تقرأ في شوارع العاصمة و كده.. اما الخلا..اسكت ساكت خليهو.. لأنو الديش لسع ما عارفة سكتو وين..!!)
هي يابة حليلو هُو الدفنوا فنقس أو كما قال حاجة تمرض شديد
03-20-2013, 11:05 AM
Mohammed Sedeq
Mohammed Sedeq
تاريخ التسجيل: 01-08-2013
مجموع المشاركات: 735
علاقة الموضوع ده بالجيش ككل شنو؟! عشان البقر تشابه علينا حسب علمي دي حادثة قام بها افرد وليست حادثة بإسم الجيش السوداني و حسب علمي برضو انت زول كاتب يعني على الاقل بتكون بتعرف تفرق بين الحالات دي
03-20-2013, 08:47 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
المارش ده يا برالمة المنبر الما حضروا افات السودان العظيمة.. كان لمن يضرب.. طوالي بعدو بيكون البيان رقم واحد و كده..و الباقي تموهو خيال ساكت..!!!
لو كان يا حبيب نورا.. فضلت لينا صلة رحم مع سيدنا العائب الديش السوداني.. ياها جنس المارشات الأصلية دي..و لغاية الليلة الواحد لمن يسمعها بتذكر ديش السودان المشى يحارب ليك في الشرق الأوسط.زو درقة و طبرقة..و شنو كده ما عارف..و برالمة الزمن ده مدن زي دي الإ كن يستشيروا فيها سيدنا قوقل رضى الله عنه..و احتمال ذاتو قوقل يكون ما سمع بيها..!!! ياخي انا براي لمن اسمع مارش زي ده.. صوف جلدي كل واحدة بتقيق حذية عدييييييييل...!!!!
الشعب السوداني ، بطبعوا دايما عايش على الذكريات.. لكن لمن يصل الديش مرحلة انو يكون مجرد ذكريات.. الرماد كال حماد..!!!
و يا عمر البشير.. شوف صرفة للعيا ل ديل.. بتاعين الحلاقة و كده..و الإ كمان..!!!!
كبر
تعرف يا عزيزي كبر بعد التحية أنا أصبت بصدمة عجيبة، وسبب صدمتي _ أمبارح القريبة دي كنت بتونس مع زول من الأرشيف عن بطولات جيشنا جيش الهنا كلمني عن حرب أكتوبر وتحرير القنال، والأورطة السودانية الشاركت في إحدى حروب المكسيك وكلام كتير هسه نسيتو من شدّة ما غضبت البارح القريبة دي كنت متمني أكون وكيل عريف الجيش السوداني _ مع الفخر
بين يوم ليلة _ كنا وين وأصبحنا وين ؟
03-20-2013, 09:02 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: النظافة من الايمان .. ودي حكومة مؤمنه … أي تفه لابد أن يتم مواساتها بي موس .. الحلاقه ما مشكله .. المشكلة ماياتي بعدها .. من زمهرير .. والماعاجبوا يحلق حواجبو …..
والله ياهو الفضل يا ود القوز
الحلاقة هينة بس القطعية البعملها منو ؟
03-20-2013, 09:07 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: ذكرت احدى الصحف ان الامواس والمقصات التي تم استعمالها قديمة ......هنا اطرح سؤالي من منطلق مهني بحت
هل اتخذت اي اجراءات صحية احترازية عند القيام بهذا العمل الهمجي ؟؟؟ ماذا لو تم نقل امراض لهؤلاء الشباب جراء الحلاقة بهذه الطريقة خاصة ان اللذين قاموا بهذا عساكر جيش لا علم لهم بهذ الاجراءات الاحترازية اطلب من الشباب اللذين تم حلق رؤسهم من قبل هؤلاء ان يقوموا بعمل فحص دوري كل فترة للتاكد من خلوهم من امراض قد تكون نقلت لهم
تحياتي يسن
جمال الباهي كيفنك
يعني كنت متوقع إنهم يركبوهم الدفار ويودوهم صالون في العمارات ؟
ياخ دي عملية الجيش السويسري ما بعملها
إنت سويسرا فيها جيش ؟
03-20-2013, 09:11 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: عبدالعزيز عثمان · Uof k arts en glish عجبوني الليلة جو مسكو الشعر زينو عاجبني الجيش الهمام حارس البلد والسلام اكان شوفتوه كيف تمام في قص الشعر مابنلام هي كدي ده الحارسنا من قدام من الفشقة ما بننضام جوه حلايب اده تمام تسلملي اللمبي ياالهمام هي دخلوها وصغيرها حام شتتو الكفرة اللئام وفي اسرائيل قدل الضرغام هي والله عجبوني الليلة جو مسكو الشعر ذينو هي ليهم الماجرو في ابقي راجل ركزوا هي ليهم شكري انا في يوم الحارة دي ياجنة حلاقة الراس والسودنا ~ عجبوني الليلة جو مسكو الشعر زينو عاجبني الجيش الهمام حارس البلد والسلام اكان شوفتوه كيف تمام في قص الشعر مابنلام هي كدي ده الحارسنا من قدام من الفشقة ما بننضام جوه حلايب اده تمام تسلملي اللمبي ياالهمام هي دخلوها وصغيرها حام شتتو الكفرة اللئام وفي اسرائيل قدل الضرغام هي والله عجبوني الليلة جو مسكو الشعر ذينو هي ليهم الماجرو في ابقي راجل ركزوا هي ليهم شكري انا في يوم الحارة دي ياجنة حلاقة الراس والسودنا ~
الفيس بوك
03-20-2013, 09:17 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
** الحبيب حبيب نوره. ## صباحك خير.. ## جاءنا الآن مايلى:- ##البيان رقم (1) :- تعلن قوات الشعب الــمــشــلــخـــه أن ماتم نشره بالأسافير عن قيام وحده من الشُرطه بالعسكريه بالقبض على الشباب ذوى الشعور الكثيفه وحلاقتها بالقوه الجبريه بأمواس صدئيه ومقصات ردئيه هو محض إفتراء وتجنى على قواتنا المشلخه , إذ أن الصور المنشور بتلك المواقع هى من مدينة كانو بنجيريا وهى منشوره بكافة المواقع الإسفيريه مُنذ أمد بعيد..
## البيان رقم (2) :-تحتفظ القوات المشلخه بحق الرد على الحاقدين وناشرى الإشاعات ومُُقضاتهم بموجب قانون قراقوش..
^ ^ ^ ^ ## سوف نوافيكم ببقية البيانات العسكريه تباعاً , خليكم جاهزين وكلوا واحد يجهز تفتو والعندو صلعه حنعمل ليهو قطعيه بس .. ** أمر :-يمنع على كل مواطن سودانى مُقيم , زائر , عابر , بعاصمة البلاد من الحلاقه بإرادته المُنفرده إذ أن هذا الأمر من مهام الجيش الرسميه - مع الإعتبار لعدم الإلتفات للنفى أعلاه..
03-20-2013, 09:56 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: الحبيب حبيب نوره. ## صباحك خير.. ## جاءنا الآن مايلى:- ##البيان رقم (1) :- تعلن قوات الشعب الــمــشــلــخـــه أن ماتم نشره بالأسافير عن قيام وحده من الشُرطه بالعسكريه بالقبض على الشباب ذوى الشعور الكثيفه وحلاقتها بالقوه الجبريه بأمواس صدئيه ومقصات ردئيه هو محض إفتراء وتجنى على قواتنا المشلخه , إذ أن الصور المنشور بتلك المواقع هى من مدينة كانو بنجيريا وهى منشوره بكافة المواقع الإسفيريه مُنذ أمد بعيد..
## البيان رقم (2) :- تحتفظ القوات المشلخه بحق الرد على الحاقدين وناشرى الإشاعات ومُُقضاتهم بموجب قانون قراقوش..
^ ^ ^ ^ ## سوف نوافيكم ببقية البيانات العسكريه تباعاً , خليكم جاهزين وكلوا واحد يجهز تفتو والعندو صلعه حنعمل ليهو قطعيه بس .. ** أمر :- يمنع على كل مواطن سودانى مُقيم , زائر , عابر , بعاصمة البلاد من الحلاقه بإرادته المُنفرده إذ أن هذا الأمر من مهام الجيش الرسميه - مع الإعتبار لعدم الإلتفات للنفى أعلاه..
سعادة المستشار الحبيب صباح الجمال من الذي يكتب بإسم العقيد الصوارمي الناطق الرسمي بإسم قوات الشعب المشلخة ؟ #### وبالمناسبة هي مشلخة نقرابي واللا مية وحداشر واللا الذراع الطويل ؟ وعلى رأي صديقي ياسر قصاص الحلاقة بتقوم _ متين يا وطن بتقوم ؟
راجي القيامة تقوم ؟
خليها مستورة يا سعادة المستشار وكن بخير
03-20-2013, 09:17 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: الحالق شعوري وأنا لي فيك آماااااااااااااااااااااااااااااااااااااال
الحلاقة في السودان بكم جنيه
عشان نشوف المسألة دي إقتصاديا وما تعود به من فائدة على المواطن الشبعان دا
والله يا رب الجمال
ما عندي فكرة
لكن أسأل الزول ده
Quote: حنظلة حنظلة تشكيل الهيئة العليا لمكافحة الشعر فريق حسن خنفسة رئيسا لواء إبراهيم كابوريا مديرا للمقصات عميد سعيد قزع رئيس وحدة الامواس عميد شرطة فرح قطعية رئيس وحدة مكافحة شعر الاباط
Quote: الجماعة ديل عملوا لينا شنو في موضوع المساج يا سعادتك ؟
** المساج ليس من ضمن مهام القوات المشلخه - والمساج متوفر بعاصمة البلاد ويتوقف على مجهودك الشخصى وإقناعك ... قف... ## توجد حُرمه فى المساج إذ لابد أن تكون معك زوجتك عند المساج - تجنباً للقيل والقال ... قـــف...
03-20-2013, 10:36 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: ** المساج ليس من ضمن مهام القوات المشلخه - والمساج متوفر بعاصمة البلاد ويتوقف على مجهودك الشخصى وإقناعك ... قف... ## توجد حُرمه فى المساج إذ لابد أن تكون معك زوجتك عند المساج - تجنباً للقيل والقال ... قـــف...
والله أنا شايف إنهم يفتحوا فرع في حلايب
المصريين ديل شايفهم بقوا يربوا شعرهم
03-20-2013, 10:03 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: يا اخي في تغول على المهام بشكل اصلو مامقبول !
السنة الفاتت ناس الشرطة قتلوا مواطنة في الديم
السنة دي ناس الجيش شغالين حقارات وحلاقات للمواطنين في الخرطوم !
المهنية المهنية ياقوم ..
مهمة الجيش الاساسية هي قتل المواطنين
ومهمة الشرطة الاساسية هي اهانة المواطنين
مامعقول لخبطة الكيمان دي ياخي ...
بالطريقة بعد شوية حانسمع بي وزير المالية سرق من وزارة الزراعة ! التقول ماعندو وزارة يسرق منها
ههههههههههههههههههههههههههههههههه والله يا خالد فعلاً خشمك فيه السُّكر بضم السين
طيب ناس النظام العام ديل يودوهم حرس الصيد مثلاً ؟
أقترحت على صديق قبل سنين ودنين أن يترك شغلانة النظام العام ده ويشوف ليه أي حتة تانية _ إنشاء الله المطافي . ردّ علىّ بعد أن فكر وقدّر ونظر ثم قدّر : دايرني أبقى بوليس موية ؟
03-20-2013, 10:19 AM
الزبير صالح الزبير
الزبير صالح الزبير
تاريخ التسجيل: 08-16-2007
مجموع المشاركات: 2580
Quote: علاقة الموضوع ده بالجيش ككل شنو؟! عشان البقر تشابه علينا حسب علمي دي حادثة قام بها افرد وليست حادثة بإسم الجيش السوداني و حسب علمي برضو انت زول كاتب يعني على الاقل بتكون بتعرف تفرق بين الحالات دي
أما أنا فلم يتشابه على البقر _ أعرفه من خوارهِ وأظلافه في الدول المحترمة عندما يقوم شرطي _ مثلاً _ بإغتصاب، قتل، سحل، إهانة _ مواطن شريف، يسارع وزير الداخلية إلى تقديمِ إستقالته، مشفوعة بإعتذار إلى الشعب وتوضيح . نسيت أن أذكرك أن هذا الأمر يحدث فقط في الدول المحترمة . ما نفعله هنا _ يعتبر آلية ضغط حتى لا تتكرر هذه الفعلة الشنيعة، لأنها حدثت أصلاً لأن الجناة أمِنوا العقوبة .
وبعدين هل الكاتب إلا نبض الشارع ؟؟
أرجو أن أكون قد تمكنت من الشرح حتى لا تسألني مرةً أخرى .
03-20-2013, 11:17 AM
فايزودالقاضي
فايزودالقاضي
تاريخ التسجيل: 11-27-2007
مجموع المشاركات: 10091
Quote: أرجو أن أكون قد تمكنت من الشرح حتى لا تسألني مرةً أخرى .
منو القال انا عايز شرح عشان اسأل مرة اخرى؟ معقولة ما بتفرق بين السؤال الإستفاهمي و الإستنكاري؟! بعدين ان قلت ككل يعني بتكلم عن الجيش ككيان لو وجهت حديثك لمن قام بهذا العمل سيكون حديثك مقبولا لانو في كتيريين من قيادات الجيش يرفضون هذا العمل كما نرفضه نحن
03-20-2013, 12:28 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: علاقة الموضوع ده بالجيش ككل شنو؟! عشان البقر تشابه علينا حسب علمي دي حادثة قام بها افرد وليست حادثة بإسم الجيش السوداني و حسب علمي برضو انت زول كاتب يعني على الاقل بتكون بتعرف تفرق بين الحالات دي
Quote: منو القال انا عايز شرح عشان اسأل مرة اخرى؟ معقولة ما بتفرق بين السؤال الإستفاهمي و الإستنكاري؟! بعدين ان قلت ككل يعني بتكلم عن الجيش ككيان لو وجهت حديثك لمن قام بهذا العمل سيكون حديثك مقبولا لانو في كتيريين من قيادات الجيش يرفضون هذا العمل كما نرفضه نحن
سؤالك هو من أوحى لي، فلم أجتهد في الإجابة _ أتتك منقادة طائعة راغبة . وقدرت أفرّق بين السؤال الإستنكاري والإستفهامي لأنه حسب علمك أنا _ كاتب _ والمفروض أكون عالم بخبايا الأسئلة . الحوادث الفردية لا تعفي الجماعة إن هم سكتوا عليها .
03-20-2013, 12:31 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: قالوا لما ناس الجيش مسكوا واحد في السوق العربي يحلقوا ليه شعرو .. قعد الراجل لمن صلعتوا لمعت وبعد ما العسكري أدى مهمتهو المقدسة طلب من صاحبنا يقوم . .فقام براااحة.. فغضب العسكري وسألوا يا زول مالك بتتلبد كدة .؟؟ فرد صاحبنا " والله خايف تكون لقيت جوة شعري دا عبد العزيز الحلو وعبد الواحد ومني أركو مناوي ".. اما ادروب فقال " وانا خفت يكون في جوة طيارة اسرائيلية كمان ".
من صفحة الصديق فائز السليك
03-20-2013, 12:33 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: هل اتخذت اي اجراءات صحية احترازية عند القيام بهذا العمل الهمجي ؟؟؟ ماذا لو تم نقل امراض لهؤلاء الشباب جراء الحلاقة بهذه الطريقة خاصة ان اللذين قاموا بهذا عساكر جيش لا علم لهم بهذ الاجراءات الاحترازية اطلب من الشباب اللذين تم حلق رؤسهم من قبل هؤلاء ان يقوموا بعمل فحص دوري كل فترة للتاكد من خلوهم من امراض قد تكون نقلت لهم
شكرا يادكتور
03-20-2013, 07:12 PM
عمر مصطفى مضوي
عمر مصطفى مضوي
تاريخ التسجيل: 02-04-2012
مجموع المشاركات: 276
شكلها حاتبقى قوات الشعب المصلعه / ، ونطالب طالما الحلاقة محمدانا محمدانا بإنو الأمواس تكون جديدة ويكون الحلاقة بالدس ماأمكن ذلك ،،،،وإذا في قرارات جديدة يدونا خبر برضو مامعروف الظروف يمكن الموضوع يجر ،،،
بالجنبة ،،
واحد من جماعتنا جاء الحج وبعد ماخلص من كل الحاجات وفك الإحرام مشى للحلاقة وأستلمو واحد باكستناني وسلموا رأسو صلعه في دقيقتين صاحبنا طلع من جيبو ريال وأداهو للباكستاني ، الباكستاني قاليهو ياعم الحلاقة بي عشرة ريال صاحبنا قالبهو لي شنو مشطني ،،
03-20-2013, 07:27 PM
Abdo Mustafa
Abdo Mustafa
تاريخ التسجيل: 01-10-2013
مجموع المشاركات: 889
الحلاقة في الجيش عندها عدة روايات حفص: وهي صلعة بالموس تشابه طرف لسانك ورش: وهي تشابه كفة اليد أما الدوري فهي تشابه حلمة الأضان أو كما قال تعلمجي حقار حلقنا صلعة في عز البرد
مشتاقين ياخ
واعتبرها وصلت
والله عندي تفة تقريباً موسين ما تكفيها إلا إذا كان الموضوع فيهو توفير للاستيراد والأمواس مش انحنا بنستورد امواس؟
03-21-2013, 07:26 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: الحلاقة في الجيش عندها عدة روايات حفص: وهي صلعة بالموس تشابه طرف لسانك ورش: وهي تشابه كفة اليد أما الدوري فهي تشابه حلمة الأضان أو كما قال تعلمجي حقار حلقنا صلعة في عز البرد
مشتاقين ياخ
واعتبرها وصلت
والله عندي تفة تقريباً موسين ما تكفيها إلا إذا كان الموضوع فيهو توفير للاستيراد والأمواس مش انحنا بنستورد امواس؟
يا عمك الذي حايم بين ديار القبارصة الأتراك والشيشان :)
إنت اليونان فيها قبارصة ؟
ما أسحرك لسه عندك القدرة في إدرار البول _ أنا كنت فاكرك وصلت لمرحلة الإحتباس الحراري وكده
ياخ أعتبرتها وصلت ولك وللذكرِ مثل حظ الأنثيين
أها الحصل شنو تاني ؟
03-21-2013, 07:20 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
Quote: شكلها حاتبقى قوات الشعب المصلعه / ، ونطالب طالما الحلاقة محمدانا محمدانا بإنو الأمواس تكون جديدة ويكون الحلاقة بالدس ماأمكن ذلك ،،،،وإذا في قرارات جديدة يدونا خبر برضو مامعروف الظروف يمكن الموضوع يجر ،،،
بالجنبة ،،
واحد من جماعتنا جاء الحج وبعد ماخلص من كل الحاجات وفك الإحرام مشى للحلاقة وأستلمو واحد باكستناني وسلموا رأسو صلعه في دقيقتين صاحبنا طلع من جيبو ريال وأداهو للباكستاني ، الباكستاني قاليهو ياعم الحلاقة بي عشرة ريال صاحبنا قالبهو لي شنو مشطني ،،
هاهاهاهاها والله يا عمر الجيش لو خلى حلاقتو قريبك ده ما بخلي مساختو
ههههههههههههههههههههه
03-21-2013, 07:18 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة