|
|
|
 Re: الواتس أب صنيقير وحقة النيفيا العفينة ديك (Re: عبدالله ود البوش)
|
يا موسى الراجل تعال ادينا سكة غير اللاعب كما قال عادل خياري
الذي اعاد لي هذه العبارة لسحارة ذاكرتي التي بدأت تشوش عليها الاجهزة المعولقة
ولا استمريت في الزمن الجميل ولا كمان قدرت اكواب ما يمكن تواكبه
كما قال حسين ود الطرشا
تلدو إيال شينين زي دا وتقول رقست جيتي
معاتبا اباه في شناته التي لم تتح ( دي عرفة ناس الزمن الجميل الجزم والنصب بحذف حرف العلة )
له مجالا في الرقيص مع الحسنوات الاي يختارن السمحين بس
| |
 
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: عبدالله ود البوش)
|
الليلة غايتو لاركبن هذا العالم الحديث طبقا عن طبق
وفي نفس الوقت لن افرط في تلفوني الكشاف الحبيب الذي يضي لي عتمة الظلام
كلما احتجت لفتح كبوت البوكسي عشان اكب ليهو موية
يا حليلك يا الكشاف
.
.
ياربي الواتس اب فيهو نور وبوري ولا عولقا بالغبا ؟
وياربي حقو بجيب لي كم عنز شايل ؟
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: الامين موسى البشاري)
|
بركة يا اللمين البشاري الجيت براك تسوق وتقود
يلا اشرح اب صنيقير دا
سمعة قال لي ما بنشرح كلو كلو
واتا زول شراح وروحك طويلة
عشان ما اقوم ادقس واشتري لي واتس داون
.
.
النصيحة كان اشتريت بحقو دا فرشات للديوان كان اخير لي من العولق دا
جني وجن التلفون الببعبصوهو تبعبص دا
مرة دايرة تضوق طعم ملاحا الفركتو وابتو
| |
|
|
|
|
|
|
|
|
 Re: الواتس أب صنيقير وحقة النيفيا العفينة ديك (Re: حسين ديقول)
|
حبيبنا حسين ديقول
قاليك الاستاذة سألت التلميذة من حفر قناة السويس ؟
التلميذة ما عرفت الاجابة والاستاذة دقتا فمشت البيت تبكي
لاقتا حبوبتا مالك يا بت تبكي ؟
قالت ليها الاستاذة قالت لي الحفر قناة السويس منو قلت ليها ما بعرفو ودقتني
حبوبتها قالت ليها بتكوني حرفتيها اتي يا الشويطينة 
انا خايف اشتريهو تقوم امي تقول لي اشتري لي زي حقك دا والله جد
باقي نحن الاتنين تلفوناتنا نوع واحد لاننا بنحب بعض والله صحي
شكرا يا حسين وان شاء الله ان شاء الله لمن الاقيك في لمة البورداب التي تقام
لاستقبال الاعضاء الجدد وبعد عمر طويل يكون في حوزتي المذكور اعلاه
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: حسين ديقول)
|
حبيبنا ود ا لبوش ..
مشتاقين يعلم الله ..
قبل ماتصل الأرباب المحرب .. اخد نصيحة اخوك ..
الواتساب ده .. جناً ما بنعرفوا .. عليك امان الله .. اتشالقته ونزلته الواتساب في الكمبيوتر .. عينك ماتشوف الا الناس دي .. شبوكني ليك سلامات وناس يسالوك انته وين ...
وناس تقول ليك مبروك الأي فون .. وماعرفتهم فيهم فد زول .. اشوف ارقام بس ..
قلته ارد عليهم .. لقيت كمبيوتري شغال انجليزي .. حلف بالتقطعه ما يتحول عربي .. جيت جاري هنا سألت المختصين .. عملوا نايمين .. مع انهم هم النزلوا بوست فيهو رابط تنزيل الواتسب في الكمبيوتر
ده غير ناس الفيس .. الشافوني نازل من الكمبيتوتر .. رسلوا لي يباركوا الجوال الجديد ..
غايتو البعرفوا ليك .. الواتساب بعلم الكضب .. لأنوا اي زول بارك لي .. قلته ليهو الله يبارك فيك .. ( غلبني اقول ليهم .. ده كمبيوتر وبرنامج ملح .. هههههههههه )
تحياتي لفريد واخوانه ياخ ..
اخوك/ ألأرباب
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: Khalid Saeed)
|
| Quote: اتشالقته ونزلته الواتساب في الكمبيوتر |
هههههههههههههههههههههههههههه
سجم امك يا الخزين
حرم انا قايلو تلفون ههههههههههههه
والله لكن محن
قلت لي عووووووووك عووووووك النهار ما طال
الناس دي جنت ولا شنو
حبيبنا خالد سعيد الارباب
نصيحة تخدرك
والشباب جايين عن عقريب وتحياتك وصلت
مشكرين يا بيه
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: حسين ديقول)
|
أول تبادي والله كلامك طاعم جنس طعامة وطعومية يا ود البوش ياخ الله يسعدك محل ما تقبل
ومتابعين
Quote: أنا غايتو عندي سي تو
بستحمل الدرش ، كتير من الناس بسألوني كان عندي وات أب ولا لا
بقول ليهم ولا بعرفو ، ولا ناوي أسعاهو
/QUOTE]
زيي اتا يا ديقول .. خليك كدة ما في أحسن من سي تو دا
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: عادل الباهي عبدالرازق)
|
Quote: لاتعرف
ترد لا تعرف تخبط الهاتف بالحائط ههههههههه . |
والله يا عادل ولدي انا الكشاف دا كان جرجر وكتر رناتو بفطسو زي السوسيو واقلبو علي بطنو
واخليهو انتح في الفاضي
جني وجن وجع الراس والطاحونة ام حجر ههههههههههههه
.
.
والله انا زعلان منك في عدم العرس
كان الغجرية عرسا
ما تباري اللالاية ساهي
.
.
تحيات وشوق ثم الما دارك ما زعل من عدم عرسك
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: نادر النور آدم)
|
شكرا يا حسين وان شاء الله ان شاء الله لمن الاقيك في لمة البورداب التي تقام
لاستقبال الاعضاء الجدد وبعد عمر طويل يكون في حوزتي المذكور اعلاه
---------------------
ههههههههههههههههههه
لكن والله يا ود البوش كتاباتك متعة ،،، متعك الله بالصحة والعافية
تحياتي وتقديري
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: نادر النور آدم)
|
شكرا يا حسين وان شاء الله ان شاء الله لمن الاقيك في لمة البورداب التي تقام
لاستقبال الاعضاء الجدد وبعد عمر طويل يكون في حوزتي المذكور اعلاه
---------------------
ههههههههههههههههههه
لكن والله يا ود البوش كتاباتك متعة ،،، متعك الله بالصحة والعافية
تحياتي وتقديري
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: أمير محمد ادريس)
|
Quote: قلته ارد عليهم .. لقيت كمبيوتري شغال انجليزي .. حلف بالتقطعه ما يتحول عربي .. جيت جاري هنا سألت المختصين ..
عملوا نايمين .. مع انهم هم النزلوا بوست فيهو رابط تنزيل الواتسب في الكمبيوتر |
ود البوش
جبت لينا الهواء !!
يا خالد أظن الرابط كان لتنزيل البرنامج من الكمبيوتر مش فى الكمبيوتر !
والشغلانة تفرق كتير !!
يعنى تنزل البرنامج من الكمبيوتر فى جهاز التلفون !
مش تنزل البرنامج من الإنرنيت فى الكمبيوتر !!
والله أنا أول مرة أعرف إنو الواتسب بنزل فى الكمبيوتر !
هههههه
بوست ممتع ولذيذ !
| |
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: صلاح أبودية)
|
Quote: لكن والله يا ود البوش كتاباتك متعة ،،، متعك الله بالصحة والعافية
تحياتي وتقديري |
عبرت عنى يا أمير...
حينما تضيق بنا الدروب بنلجأ لبراحات أوسع فعلمتنا الحياة أن الزول المهل دائماً يكون جميلأ...
عبدالله ودالبوش أحد اناس ديل..
كويس محادثتنا اليوم تنتج هذا النتاج الجميل.......
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: ismeil abbas)
|
| Quote: كويس محادثتنا اليوم تنتج هذا النتاج الجميل....... |
منكم واليكم فانتم منبع كل جميل وأساسه
الزول الجميل اسماعيل عباس في طبعو دائما هادي
شكرا لك فقد قلدتني وشاح اعتز به
تحياتي وجاييك في الطريق باذن الله
.
.
عاين جاي وصي لي زول عشان اراعيني سمح ؟
مرة اتصلت علي شركة الاتصال عشان اوصل خدمة في تلفون البيت
الموظف قال لي الخدمة دي بتكلفك كداي من كداي
قلت ليهو ياخي ما تراعيني شوية
ضحك لمن قــح في التلفون حتى حسيت بشرتاب القحة جاني بالسلك في اضاني
شكرا يا معجب
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: صلاح أبودية)
|
Quote: ود البوش
جبت لينا الهواء !!
يا خالد أظن الرابط كان لتنزيل البرنامج من الكمبيوتر مش فى الكمبيوتر !
والشغلانة تفرق كتير !!
يعنى تنزل البرنامج من الكمبيوتر فى جهاز التلفون !
مش تنزل البرنامج من الإنرنيت فى الكمبيوتر !!
والله أنا أول مرة أعرف إنو الواتسب بنزل فى الكمبيوتر !
هههههه
بوست ممتع ولذيذ ! |
ههههههههههههههههههههههههههههههههههههههههههههههههههه
حبيبنا أبوديه ...
ذكرتني .. عبد السلام الحبشي .. زوجته ماتت وخلت ليهو 3 اولاد .. اتزوج واحدة زوجها مات وخلا ليها 3 اولاد
اتنيل هو والمره الجديدة جابوا 3 اولاد ..
يوم عبد السلام جايي من الشغل .. لقه الجوطه حاصله في البيت ..
زوجته قالت ليهو ( حصل ياعبد السلام .. اولادك على أولادي .. دقــــوا اولادنا ) ههههههههههههههههههه
دحين واتساب حبيبنا ود البوش .. مع واتسابنا .. مع واتسابكم .. جاطوا لينا واتساب كمبيوترنا ..
ههههههههه
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: نادر النور آدم)
|
نادر النور ابو النسب الجميل يا رائع
سلام وشوق
اها النبدأ ليك من الناكوس
ياريت لو خليتها بطبعتا ( اتا دا ) وقعها رنان وموغل في المحنة
كدا بقيتا ريحتا فلهمة فلهمة او مدرسة مدرسة او حنكشة بملاح رز ههههههههه
| Quote: عليك امان الله انا قايل بتسالمن التلفونات |
تصوير ولا ابلغ
وصحي اتا عندك نمبز يا نادر ههههههههههههه
عندنا واحد من البلد كان شغال هنا في قصر فترة طويلة
مشى السودان جاتو ملاريا بقى اهضرب وفي نص الهضربة قال داير تميس يا ابو ادريس من التميس
امو بقت تبخر فيهو وتقول يا ابو ادريس من التميس
باعتبار ان التميس واحد من الجن اللحمر
وزولك دا ذاتو وبعد بقى كويس قام مع الدغش وقال لاخواتو
وين توبي ؟
اجي يا بنات امو الجنا دا مو طيب
.
.
| Quote: زي باص الربع الخرطوم وبالعودة |
الله يا الله يا الله
بس لو كنت قاصد المكتوب عليهو الشوق والريد تكون ما خفت فيا الله كلو كلو 
Quote: وحكمة الله تلفوني تراه اطرش والله كان لوري ود عرفة (ب ح 4 أطرش فرملته تعاشيق وتحانيس)
|
يا اب شام وراء وقدام
حليل معتوق
البصل اب حلوق حليل معتوق
والمريسة ضوق ضوق حليل معتوق
.
.
وحليل السواجير 
Quote: واشتريت داك يا الجلاكسي بي شريحة نت كمان (دقش ولا مو دقش)
|
دقش والله والله دقش جد
Quote: ودا يسوي تيتك تيتك تيتك (مختلفة من تيت تيت السادة دي)
|
ههههههههههههههههههههه
خلاك تربع ايديك ملانات قصب ؟
وحسبو شتت قصبو هههههههههههه
.
.
Quote: مرة شفت حمارة العاقب مباشرة من الحلة
|
وكانت عايرة ولا بتفنطط ساهي هههههههههه
حمير العاقب ديل اصلو مافيهن حمارة بت حلال هههههه زي حمير حلبة السواجير
ياخي حلبة السواجير مبالغة والله صحي
عليك الله عامل كيف يا نادر ؟
Quote: الله ينعل ابو دي شغلة
|
والله كان اقوليك قصة ود خشني ما بتكون سمعتها
ود خشني السبعيني مزنوق دخل المستراح وشايل تلفون تلاتين عشرتين التقيل داك
ولابس نضارة قعر الفنجان المانعة ديك
شمرتك يا ودخشني التلفون من الجيب وجنبلغ جوة الجك
دنقر اشوفو النضارة قعر الفنجان جنبلغ جوة الجك ايضا كذلك
قام علي حيلو عرقو اتخرت وقال
انعل ابو دي خرية هههههههههههه
نادر الفي القلب اعلم بيهو رب العالمين
سلام شديد
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: محمد جبره)
|
Quote: وكتين الداهي دا مرق شيتن تاني ما تلفون ....أب صنيقير دي شوف لها صرفة
|
يعني يا محمد جبره (ياخي بالتاء المربوطة أخير )
السوفت ما عندها صنيقير
أها اسع الهوت ميل والجيميل ميل ما عندها صناقير هههههههههه
.
.
| Quote: عرفتك للشيء دا قبالي وجعتني بالحيل |
اسقفوا يا ما مسقفين اسقفو بدل الحسادة دي
اها كان سعين المكنة السمحة البتشغلوا اظنك تنبطن ههههههههه
محمد جبره
سلام ثم شوق ثم العشم في الدنيا دي الاقيك والله صحي
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: محمد جبره)
|
Quote: عندنا واحد من البلد كان شغال هنا في قصر فترة طويلة
مشى السودان جاتو ملاريا بقى اهضرب وفي نص الهضربة قال داير تميس يا ابو ادريس من التميس
امو بقت تبخر فيهو وتقول يا ابو ادريس من التميس
باعتبار ان التميس واحد من الجن اللحمر
وزولك دا ذاتو وبعد بقى كويس قام مع الدغش وقال لاخواتو
وين توبي ؟
اجي يا بنات امو الجنا دا مو طيب
. |
إبداع ياود البوش وربنا يديك العافية
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: بله محمد الفاضل)
|
الشاعر الجميل بله محمد الفاضل
سلام واحترام ثم شوقا حارا يا رجل
Quote: صنفر أب لمبة يا ود البوش
وركب فيهو الواتس أب صنيقير
|
يازول هوي اب صنيقير دا قاليك ما بشتغل الا بمكنة بالشي الفلاني تجيب مراح غنم
وعليه قنعت من العولق الا فيها لبن ولا فيها سلات ... النضمي الكتير ان بدور بو
.
.
شكرا بله
| |
|
|
|
|
|
|
|
|
|
Re: الواتس أب صنيقير وحقة النيفيا العفينة ديك (Re: احمد محمد بشير)
|
Quote: اها انت الواتساب ده بيشغل مجاني مع خط التلفون ولّبيشتغل مع الوايرلس و الانترنت ,
يعني لازم يكون في نت مع التلفون ولّ الحكاية كيف؟ |
والله يا أحمد أخوي أنا علي اجر المناولة بس ونشوف الشباب بقولوا شنو
لا اعرف له صرفا ولا عدلا حتى الاسم بس وامكن اكون كتبتو غلت ذاتو سمعت بيهو سمع امس القريبة دي
وفي ناس من السمع دا حاسدني ( محمد جبره نموذجا )
.
.
شكرا جزيلا صديقي احمد محمد بشير على السؤال الهام علنا نجد اجابة
مع تحياتي
| |
|
|
|
|
|
|
|
| |
عبدالله ود البوش
حسين ديقول
الامين موسى البشاري
Khalid Saeed
مجاهد محمد الهادي
عادل الباهي عبدالرازق
نادر النور آدم
أمير محمد ادريس
صلاح أبودية
ismeil abbas
محمد جبره
عماد قريش
بله محمد الفاضل
احمد محمد بشير
عزالدين عباس الفحل
طارق جبريل
فيس بوك
تويتر
انستقرام
يوتيوب
بنتيريست