تمبس أمير الحلاوي ودالصايم جنابو وليد ودجبرين نادر
سعيد بوجودكم أخونا ناصر دا نبهني لحفل مسقط في 26 أكتوبر 2011 وقمت باللازم من تذاكر وووو، ولم يحضر مع إنو مسقط فركة كعب بالنسبة للشاب دا إضافة إلى أنها كانت المرة الأولى التي يقدم فيها ياني كونشيرت في الشرق الأوسط .. عندما اتصلت بناصر من المسرح قال لي حا نحضرو في دبي ، أها ياني قال مسقط عجبتو ولازم يعمل فيها كونشيرت تاني سيحدد موعده وأهو جاي للمرة الثانية والخميس 21 مارس عرض سيسعد الروح المعنى كما فعلها سابقا..
فبالله أنصحوا ناصر دا وقولوا ليهو العمر مره واحده وقصير ولا يكفي لجميل الأشياء ومن ثم فإن إضاعة أي ثانية في النكد وبلاوي الدنيا البتقصر العمر ورفع الضغط مسألة مافي ليها داعي ..
ناصر .. لاتفوتك لحظات كفيلة بإزالة التجلط والتخثر وخفض مستوى الكولسترول في الدم للمرة الأخيرة ، التذاكر والإقامة علينا وبالمناسبة في زول من جهتكم جاي ، قال لو حفيان سيأتي..
يا مولانا يا رائع والله فاقدينك وسعيدين بطلتك دي! ياني معانا يوم 4 و 5 ابريل .. واخوك طبعا حجز تذكرته من أول يوم نزلت في السوق اها بعد ما تخلصوا حفلتكم تعالوا الحقو معانا الحفلة دي
03-18-2013, 05:54 PM
Ahmed al Qurashi Ahmed al Qurashi
تاريخ التسجيل: 08-28-2006
مجموع المشاركات: 4263
Quote: يا مولانا يا رائع والله فاقدينك وسعيدين بطلتك دي! ياني معانا يوم 4 و 5 ابريل .. واخوك طبعا حجز تذكرته من أول يوم نزلت في السوق اها بعد ما تخلصوا حفلتكم تعالوا الحقو معانا الحفلة دي
دا خبر جميل جدا يا أمير ...... أها كان كده تدبلها معانا يا مولانا
03-18-2013, 09:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: الواحد كان فاكر انو زمن الاشياء الجميلة انتهى في المنبر ..
عزيزنا تمبس، شكرا على الكلام الطيب ، بعضهم يقول أن خير الليالي لم تأت بعد، عارف يا علاء ، الزول دا بين كل عمل والتاني بيقول كلام سمح، لايعترف بالحدود والألوان وأن على خلق الله أن يعلوا ما يجمعهم لا ما يفرقهم، we've to concentrate in our similarities rather than in our differences صوته ومعاني ما يقول بحد ذاته موسيقى..
03-19-2013, 05:26 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10986
الدوحة-الراية : حفل للفنان العالمي "ياني" بمركز قطر للمؤتمرات ..الدوحة
تستضيف دولة قطر لأول مرة الموسيقار والملحّن وعازف البيانو اليوناني (ياني كريسوماليس) حيث سيقدم حفلاً موسيقياً هو الأكبر من نوعه في المنطقة، وسيقام الحفل على خشبة مسرح مركز قطر الوطني للمؤتمرات الذي يتّسع لـ2.300 شخص وذلك يومي 23 و24 مارس الجاري.
وكان الفنان "ياني" قد أحيا مؤخرا عددا من الحفلات تحت شعار "عالم بلاحدود"، واستطاع ياني أن يستحوذ على قلوب محبي الموسيقى وعشاقها في مختلف أنحاء العالم بما في ذلك في أكروبوليس أثينا في اليونان، تاج محل في الهند والمدينة المحرّمة في الصين (وكان أول فنان غربي يحيي حفلات موسيقية في كل من الهند والصين.
كما أحيا الفنان ياني حفلتين موسيقيتين كانت قد بيعت التذاكر الخاصة بحضورهما بالكامل في قلعة سان فيليبيه ديل مورو في مدينة سان خوان في بويرتو ريكو وهو موقع تراثي عالمي لمنظمة اليونسكو، وبفضل هاتين الحفلتين، أضيف هذا المعلم التاريخي الشهير إلى لائحة المواقع الأيقونية الأخرى التي يختارها ياني لإحياء حفلات مذهلة.
وقال ناطق باسم شركة بنديرا قطر المنظمة للحفل "ان الفنان ياني له عشرات الآلاف من المعجبين في منطقة الشرق الأوسط، لهذا حرصنا على أن يكون لهذا الفنان الشهير حفلان في قطر يستمتع من خلالهما جمهوره الكبير بأدائه المبهر.
وأشار قائلا:"يسرّنا أن نأتي بحفل موسيقي لفنان عالمي إلى الدوحة، مؤكدا أنّ مثل هذا الحدث يضع البلدان التي تستضيف هذه الحفلات على خريطة الموسيقى العالمية، من المعروف أنّ ياني وفريقه يروّجان للبلدان التي يزورانها لإقامة الحفلات وهذا واضح من خلال الحملات الإعلامية التي تسبق كل حفلة وتليها".
03-19-2013, 05:28 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10986
الكنينة يا عاطف؟؟؟ معقولة بس؟ وبعد دا ما عايزني اتغاتت عليك؟؟! ياخي أنا لما لقيت اسمك اخر زول في البوست أتخلعت وجيت جاري وقلت عاطف دا ثقف نفسه موسيقياً وكمان وصل لحدي عمك ياني؟! جيتك لقيتك شايل غنيتك المفضلة وتعرض برة الزفّة
كدي اسمع شوية من الشغل دا واتخيل معاي لو ياني دا قام وزع الكنينة بطريقته ح تطلع كيف
03-19-2013, 03:24 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الأمير ود الأمير ، كيفك ياخ ، من زمن ضنين الوعد بذلك التسجيل الغريب الذي أبدع فيه عازفا الساكس والبيز ما لقيتك، والله مشتاقين ، قلت لي نحضر هنا يوم 21 وتاني يوم 4 أبريل ؟ إنت ما بتعرف الأوفر دوز بيعمل شنو؟ ياخ نحن حفلة 2011 لسا ما فكَّت ، ياها سكرة YANNI زاتا البنسمع بيها وجاب سيرتا ودالصايم، -
أحمد القرشي، أوعاك تتأخر يوم الخميس ، الأبواب ستفتح 6 مساءا والحفل سيبدأ في السابعة والنصف شوكه وسكين.
-
أستاذنا محمد سني ، بالله مسرح بيشيل 2500 بس؟ عموما دعوتك للمردغة مقبولة ، تحياتي للسهروردي والأستاذة أحلام،
_
عزيزنا الطيب عثمان، شكرا يا سيدي على المجاملة، ليتك شاركتنا..
-
والله يا عاطف عمر قصة الكنينه دي ما سبقك عليها زول، Yanni يا رُطب الجنينه، جنينة كالاماتا.. عارف يا عاطف ، منذ فترة وأنا أفكر في بوست عابر للقارات والثقافات على هذا النمط أعني على نمط أن تتخيل بافاروتي يغني قصيدة بت الشوبلي (الباسل بابكر) أو واحد من شباب لاس فيجاس ال got talent بتاعين البريك دانص يقلب صقريه.. هييييع.. والله يا شيقوق راحت عليك ..
03-19-2013, 09:05 PM
Amir Omer Amir Omer
تاريخ التسجيل: 06-14-2007
مجموع المشاركات: 950
ياخ نورت المنبر والف سلامة على عودتك للمنبر والله دي المحرية فيك ما بتكسر ليك خاطر صديق والجميع في انتظار تغريداتك المميزة والمشكّلة زى حلاوة مولد محل تقرش تراجع نفسك تقول يا اخوانا اتوكل اقرقش ولا بجيني سكري ؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
ناصر احمد الامين
tmbis
أمير محمد ادريس
عبدالرحمن الحلاوي
محمد عبد الماجد الصايم
omer osman
وليد محمد المبارك
طارق جبريل
نادر النور آدم
Gaafar Ismail
Amir Omer
Ahmed al Qurashi
محمد سنى دفع الله
الطيب عثمان يوسف
عاطف عمر
أسامة البلال
الطيب شيقوق
فيس بوك
تويتر
انستقرام
يوتيوب
بنتيريست