|
|
 شيء يدعو للحسرة .....وصول مائة ألف طن قمح لميناء بورتسودان....
|
الخرطوم: smc
كشفت إدارة المخزون الإستراتيجي عن وصول مائة ألف طن قمح لميناء بورتسودان و(150) ألف طن
أخرى في طريقها للبلاد بجانب البدء في التعاقد على استيراد (850) ألف طن.
وقال فيصل حسن مدير الإدارة العامة للمخزون الإستراتيجي بالبنك الزراعي لـ(smc) إنه تم توقيع
التعاقد لشراء (250) ألف طن وصل منها لميناء بورتسودان مائة ألف طن قمح، كاشفاً أن المخزون بصدد
التوقيع على استيراد (850) ألف طن قمح، مضيفاً أن (350) ألف طن تم فتح الاعتماد لها وأن الأيام القليلة القادمة ستشهد فتح الاعتماد لـ(800) ألف طن.
|
|
 
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: ود الباوقة)
|
سير سير وديتنا الأخره يا ريسنا حكومتك خاسره طلب الفول بي خمسه جنيه يا ريسنا عملتها ظاهره مؤسف جدآ يبقي مصيرنا بين التاجر وبين حكامو ويبقي الواحد كلو طموحو إلقا قروش تكفيهو طعامو و تبقي اللحمه وكل أخواتها مره و مره تزور أحلامو يجري يساسك ليل و نهار و من الجوع الشفع نامو واقوي مصيبه نبيع أخلاقنا ويوم تدمدا الإيد الطاهرة يا ريسنا عملتها ظاهره
عشانك الناس باعو ماضيهم ووقفو معاك في الصف الأول ورفعوا معاك اشعار الثورة .. ناكل فتة خفافا نرقد بيك يا ريس بعنا قيمنا ناس من وطن العزة بتشرد ناس من ويل اتباعتك جنو وناس من كتر الحاجة بتشحد وناسا كان بتفك الحيرة جاية الليلة تكوس الجابرة يا ريسنا عملتها جاهلة
في جبروتك ضاع الشايب وضاع شبابنا وضاع الشافع والمفطوم يادوب تلقاهو قاصد السوق يا ريس طالع يمكن يساعد أبوه العاجز يبقى الشافع راجل نافع شوف أولاد السادة القدوة اسال طه واسال نافع يمكن بينهم تلقي اجابة واصلا بينكم دائما عامرة يا ريسنا عملتها ظاهرة
شعبنا طيب طيب جدا هدمت قلبو قلوب عميانة البترول الطالع بدري كان تدونا ولو جركانة يمكن كان يا ريس يمكن نسكت واصلوا طموحنا بسيط بأمانة ناكل نقرأ ونلقي علاجنا ولو أجسامنا بقت عيانة جيبو قروشنا الفي ماليزيا من أموالنا بقيتو دكاترة يا ريسنا عملتها ظاهرة
كم من أسرة قوية وآمنة معاكم عرفت معنى الفاقة
رب الأسرة عشان ما موالي جوة السوق اتشاقي ولاقا وولدو الواحد في سنة ثالثة وبنتو المؤمنة راقدة معاقة خفف ولدو عليهو. همومو ساب المدرسة ساق درداقة عرف الواجب من سنة ثالثة ساعد امو راضية وصابرة يا ريسنا عملتها ظاهرة
قال يس لو فاطمة سرقت في معناه بقطع أيها صلى الله عليه وسلم في اقواله معاني سديدة ود النائب ليه حصانة ولي زول تاني عقوبة شديدة والقانون في حقنا بمشي وفي حضرتكم حاجة بعيدة بس من أين بنيتو طوابق ومن ماهية بقيتو جبابرة يا ريسنا عملتها ظاهرة
كنا بنحلم بيك نتلملم ويبقى وطنا دة عالم تاني صحة وموية تجينا نقية والتعليم يصبح مجاني التعليم بقى كله قبانة حق الحصة وجير ومباني وانتو تقرو ولادكم في امريكا برضو تقولو الشعب اناني؟ ؟ عشانكم هاجروا ناس عمو محمد وخالتو عواطف بكرة مسافرة ويا ريسنا عملتها ظاهرة
ساكن في الحي الوراني جاري جنوبي وجار قرعاني والدكان حق الفوراوي وكان ادروب في الشارع التاني ناكل في صينية كبيرة ونعيش نتقاسم أحلى معاني وفي الأفراح نتكاتف نحن وعند الباب تتلاقي صواني من لقينا على عاداتنا وماهي غريبة على السوداني لكن من يوم ايدكم جات للوحدة بتبتر هي النهاية وهي العامرة يا ريسنا عملتها ظاهرة
| |
|
|
|
|
|
|
|
|
 Re: شيء يدعو للحسرة .....وصول مائة ألف طن قمح لميناء بورتسودان.... (Re: ود الباوقة)
|
Quote: على من تقع مسؤولية هذا الدمار الذي تم في الزراعة ؟؟؟؟
حتى اصبحنا نستورد الفول من اثيوبيا التي يضربها الجفاف
والزيوت من بعض الدول الافريقية التي لم نكن نسمع بها في عالم الصناعة |
يظهر أن حساب ود الباوقة قد تعرض للتهكير ومن هنا فإنى أدين وأشجب واستنكر
هذا التهكير وأطالب بأن نسعى جميعا لإرجاع الباسوورد الى صاحبها فى أسرع فرصة.
أركز يا ود الباوقة وارعى بقيدك فالبلد على ما يرام والإنتاج وافر ولكن ما يتعرض له
الوطن من إبتلاءات ومحاربة وتضييق من قوى البغى والعدوان هو سبب الفجوة الحالية فقد قضت كتائب الجراد
والفئران والدودة الأمريكية المرسلة من قبل أعداء الدين والوطن على الكثير من المزروعات.
ود الباوقة لك التحية .
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: صديق عيسى صالح)
|
من قام بتدمير اكبر مشروع زراعي ناجح يقع في ارض منبسطة
يروى بري انسيابي لايوجد له نظير دون الحاجة لتكاليف طلمبات ومضخات
به خبرات متراكمة لدى المزارعين والزراعيين
لديه ادارة بحوث على اعلى مستوى
وسكة حديد تنقل الانتاج للماصنع والتصدير
لو كان هذا المشروع في اي بلد اخر لما احتاج حتى للتنقيب عن البترول
هجمت عليه للاسف ايدي غاشمة قامت بدميرة بصورة يصعب معها الاصاح
لاسباب لايدري كنهها عدو ولاصديق
ولاحول ولاقوة الا بالله
ولعة الله على الظالمين
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: الشفيع رمزي)
|
Quote:
اين هذه المشاريع ؟؟
الجزيرة
مشاريع الاعاشة بالنيل الابيض
الرهد الزراعي
السوكي
المناقل
وغيرها من المشاريع والاراضي الصالحة للزراعة
اين هي الآن ؟؟؟ |
المحاسبة وتفعيل القانون حتما سيجيب على التساؤلات يا باوقة
وبعدين هى الزراعة بس البقيت فيها مشكلة
سودانير
سكك الحديد
الملاحة البحرية
النقل العام
المؤسسات الحكومية
الوزارات
التوظيف
الصرف الصحي
النسيج الاجتماعي
والصحة
منظمات المجتمع المدنى
الأمن العام
ياخ العيش وبروميد البوتاسيوم
الخ الخ الخ
الخ
الله يكون فى العون
| |
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: Hisham Amin)
|
Quote: ود الباوقة دا عايز ينط من المركب الغارقة زي عصام دهب لكن داير يمهد شوية شوية. ياخي تلب جمبلغ بدل التردد دا. مركبكم غارقة غارقة. ممكن ترجع لي ناس البعث بتاعينك الزمان أو تقلب مؤتمر شعبي او تقلب هوبة.
الليلة الفطور كيف.؟ أن شاء الله قصة القمح دي برضو ما ططمت بطنك.
أيه رايك في عصير برتقال طازج مع شارئح الخبز المحمصة مع أسكالوب بالمايونيز مع تفاحتين وشرائح البطيخ بالرابوتاج. |
يا زول حرم ما انط منها الا على جثتي
قال عايز ينط
نطال مورلي
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: Hisham Amin)
|
Quote: خلى صدرك رحب واتحاور مع الناس على
حسب فهمها هى ومنطقها وما تقفل الموضوع |
بالعكس يا اخي هشام
انا صدري رحب للغاية لكن بعضهم يجرك الى حوار انصرافي
ماذا تفعل
يعني انا صحيح انقاذي ولا اساوم في ذلك
لكن مع ذلك اشعر بحرقة والم وتحديدا بما يتعلق بانهيار الزراعة
ووصولها الى هذا الوضع المخيف
كون اني انقاذي لا يمنع ان اجاهر براي في الاخفاقات التي اراها امامي
يعني حكاية
مهكور
وغيرها من التريقات هي مسائل غير مقبولة اطلاقا
ولا انا غلطان
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: Hisham Amin)
|
Quote: من قام بتدمير اكبر مشروع زراعي ناجح يقع في ارض منبسطة
يروى بري انسيابي لايوجد له نظير دون الحاجة لتكاليف طلمبات ومضخات
به خبرات متراكمة لدى المزارعين والزراعيين
لديه ادارة بحوث على اعلى مستوى
وسكة حديد تنقل الانتاج للماصنع والتصدير
لو كان هذا المشروع في اي بلد اخر لما احتاج حتى للتنقيب عن البترول
هجمت عليه للاسف ايدي غاشمة قامت بدميرة بصورة يصعب معها الاصاح
لاسباب لايدري كنهها عدو ولاصديق |
شكرا لك يا سيدي وانت تضع اليد على الجرح
ود الباوقة وامثاله من مؤيدي هذا النظام الفاشل صمتوا صمت القبور على السياسات العرجاء والشائهة والفاسدة لمنتفذي الانقاذ وهو يذبحون المشاريع الزراعية من الوريد الى الوريد
وصحوا اليوم على البواخر وهى تحمل لهم الغذاء من " الكفار والصهاينة والامريكان
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: عبد الحي علي موسى)
|
المتعافي وبيع الاراضي الزراعية لمستثمرين عرب
فساد الاقطان واختلاس 450 مليون دولار
محاربة مشروع الجزيرة
تحويل مياه مشروع الجزيرة الي سد مروي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ـــــــــــــــــــــــــــــــــ
والكلام ده انت عرفته جديد اسامة داوود وسين للغلال عندهم صوامع في البحر الاحمر للقمح منذ عشرون عام
البواخر شغالة تفرغ ليل ونهار وناس سيقا جابوا قطر لترحيل القمح من بورتسودان وجمال الوالي والنفيدي
عندهم اسطول لنق القمح من زمان نحن نستورد اي حاجة اي حاجة
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: محمد أبوالعزائم أبوالريش)
|
ود الباوقة..السلام عليكم..
والله قايلك بتتريق.
Quote: الاخوة الكرام
دعونا نركز فقط عن الانهيار الذي اصاب قطاع الزراعة
وكيفية معالجته
وشكرا
|
من لم يملك قوته لا يملك قراره..
ألأنهيار شمل الكثير من القطاعات...الكلام ده إتقال زمان بس إنت ما فاضى تسمع....تطبل لناس سياستهم رعناء ضيعوا البلاد ودخلوها فى مستنقع الوحل من الفساد..شوف الشباب البطلع اليوم من ألأيدى العاملة والخبرات....شوف الشباب الضائع فى البلاد بسبب لعطالة وترويج المخدرات....الهم أكبر يا ودالباوقة..اللهم أصلح الحال يا كريم.
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: عبدالكريم الامين احمد)
|
Quote: الاخوة الكرام
دعونا نركز فقط عن الانهيار الذي اصاب قطاع الزراعة
وكيفية معالجته
وشكرا
|
أحد منسوبيكم المغيبين روحا وجسدا عن الوطن ذكر فى هذا المنبر ان إنهيار مشروع الجزيرة
يعود للكسل وأنهم سيستجلبوا فلاحين من مصر لحل مشكلته ونسى وتناسى أن مشروع الجزيرة كان
هو العمود الفقرى لإقتصاد السودان منذ إنشائه والى الثلاثين من يونيو 1989 عندما تسلط الفساد
وأمسك بزمام الأمور فى السودان فتحولت كل المشاريع الى أراض بلقع خالية من الخضرة لإرتفاع التكاليف
وإنعدام التمويل وأتى قانون 2005 وكان هو القشة التى قصمت ظهر البعير فيجب على الحكومة القادمة
التى ستخلف الإنقاذ على الحكم أن تستنهض الهمم وتستقطب الدعم لإعادة تأهيل المشروع وإعادته لسيرته
الأولى وفاءا لأولئك العظماء أهل الجزيرة قلب السودان النابض فلهم منى التحية فردا فردا .
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: عبدالكريم الامين احمد)
|
بسم الله الرحمن الرحيم
الاخ / ودالباوقة
سيل القمح المستورد لم يتوقف عن موانئنا يوماً
واستغرابك ناجم عن انه ليس هنالك نشرة دورية
توضح نسب استيراد القمح عبر القطاع الخاص
او المخزون الاستراتيجى ..
اكبر جرم ارتكبته حكومة الانقاذ فى حق هذا البلد
هو تدمير مشروع الجزيرة تدميراً كاملاً ومعظم
مشاريع القطاع المروى .. ناهيك عن الاجوال
الاقتصادية التى سوف تلحق القطاع المطرى بالمروى
وقد بدات بوادر ذلك بالرجوع الى قضايا التعثر وارتفاع
اسعار مدخلات الزراعة من بذور ومبيدات ووقود ... الخ
هذا البلد لم يكن فى حوجة للبترول بوجود مشروع الجزيرة
القطاع المطرى بالقضارف فقط ناهيك عن متبقى اراضى
السودان ..
مبدأ المحاسبة غائب وفى ظله لن تكون هنالك فائدة من تساؤتك
هذى ...
ندعو الله فقط ان يرفع عنا .. فقد ضاقت علينا الارض بما رحبت
| |
|
|
|
|
|
|
|
|
|
Re: شيء يدعو للحسرة .....وصول مائة ألف طن قمح لميناء بورتسودان.... (Re: Artiga Gilani)
|
Quote: ما ذكرته آنفا
لا ينفي دعمي الكامل والمتكامل لقيادتننا الرشيدة
وعلى راسها الرئيس المؤمن سيدي عمر البشيرالله اكبر
الله اكبر
الله اكبر
والعار والشنار والبهدلة وكتمة النفس لاعداء السودان |
ود الباوقة يعنى نفهم من كلامك ان كل ما حصل من دمار وخراب وفساد قام به البعض والبشير
مغيب عن كل ذلك يا أخى خليك موضوعى شوية فبشيرك هو سبب كل البلاوى الحاصلة فى السودان
وهو من أضعف الرؤساء الذين مروا على السودان من فترة ما قبل التاريخ والى يومنا هذا.
| |
|
|
|
|
|
|
| |
ibrahim alnimma
ناصر احمد الامين
حسين ديقول
تيسير عووضة
اسامه خليفه
ولياب
سليمان القرشي
علي دفع الله
أيمن محمود
صديق عيسى صالح
عرفات حسين
جمال خضر
زول ساكت
ابو جهينة
سامى عبدالله
خضر الطيب
Hisham Amin
Hatim Alhwary
عبد الحي علي موسى
محمد المسلمي
محمد يوسف طه
Yassir Tayfour
عماد قريش
محمد أبوالعزائم أبوالريش
ismeil abbas
إحسان عبد العزيز
عبدالكريم الامين احمد
Artiga Gilani
Zakaria Joseph
شمس الدين محمد
منير عثمان
زياد جعفر عبدالله
فيس بوك
تويتر
انستقرام
يوتيوب
بنتيريست