|
Re: كنت موقن أن الهلال حا يتمــرمــط .. (Re: Elhadi)
|
غشوا نفسهم..
ومنو نفسهم بالأماني وهم مواسير ساي..
زي ما انحنا أو "البعض منا" غشاهم العجوز "الحضري" بكم قفزة استعراضية في مباراة الهلال ومن ثم خرج وجيوبه مليئة بالدولارات من منزل الوالي
مستوى الهلال كان عادي جداً وأقل من عادي ولا يستحق الضجة العملا جمهور الهلال بعد المباراة
والحضري برضو غشانا وشال قروشنا مع انو الكور دي كان ممكن يطلعا أكرم أو ياسين، لكن انحنا مواهيم ساي
| |
|
|
|
|
|
|
Re: كنت موقن أن الهلال حا يتمــرمــط .. (Re: Elhadi)
|
وانا ايضا بسبب الرحلة الطويلة والانتظار في المطارات لساعات طويلة ما معقول السافة بين الخرطوم وابيدجان لن تتجاز الثلاث ساعات طيران مباشر تاخد يومين!!من الخرطوم شرقا لاديس ثم غربا الى سقط لقط ثم شمالا ..حكاية بايخة جدا
| |
|
|
|
|
|
|
Re: كنت موقن أن الهلال حا يتمــرمــط .. (Re: Elhadi)
|
Quote: طالما الفرنسي بيلعب بتلاتة مدافعين ومصر على كدة فلا غرابة .. ولا عجب .
|
سلام يا فتحي..
غارزيتو ده على علاتو أفضل بكتير جداً من الكوكي
بالله لاعبين زي سيف مساوي وعمر بخيت وعبد اللطيف بويا لو جبتا ليهم أحسن مدرب في العالم حا يعمل بيهم شنو يعني ؟؟
لو شلتو غارزيتو بكرة وجبتو أي مدرب برضو حا يفضل الحال في حالو
| |
|
|
|
|
|
|
Re: كنت موقن أن الهلال حا يتمــرمــط .. (Re: Elhadi)
|
Quote:
San Pédro, Côte d'Ivoire
وكالات
تقدم فريق الهلال بشكوى لمراقب مباراته ضد فريق سيوي العاجي مطالباً بنقاط المباراة التي خسرها برباعية في مستهل مشواره الافريقي،
وأفادت مصادر بعثة الهلال من أبيدجان أن الفريق العاجي كان قد أشرك لاعبين يرتديان نفس رقم القميص خلال المباراة التي جرت مساء اليوم بمدينة سان بيدرو العاجية والتي خسرها الهلال بأربعة أهداف.
وسيتوجه عضو من مجلس إدارة نادي الهلال للقاهرة لمتابعة الشكوى التي قام رئيس البعثة بتسليمها لمراقب المباراة فور انتهائها
|
| |
|
|
|
|
|
|
Re: كنت موقن أن الهلال حا يتمــرمــط .. (Re: Elhadi)
|
Quote: عاجل
تقدم الهلال بشكوى لمراقب المباراة في إشراك نادي سيوي العاجي للاعبين اثنين بنفس رقم الفانيلة وهما اللاعبان جينارو داسيسي والبرتو مومبا وسلمت الشكوى للمراقب مدعمة بالمستندات فور انتهاء المباراة وقال المراقب ان الاتحاد الافريقي إذا ثبتت له صحة المخالفة سيعتبر سيوي مهزوماً اتنين صفر وغرامته 30 ألف دولار وقال مامادو أنه كانت هناك شكوى شبيهة عندما تقدم نادي بتروجيت ضد نادي فريفاو الموزمبيقي وكسبها الفريق المصري
|
| |
|
|
|
|
|
|
Re: كنت موقن أن الهلال حا يتمــرمــط .. (Re: Elhadi)
|
مرحب حبابك يا الهادي
كلامك سمح بالحيل يا خوي غايتو نصيحة إن سمعت كلامي خليك هاااااادي وابعد من الوجع غاااااااادي انا غايتو شعار رفعتو والسلام بلا وجع قلب بلا خمة نفس
زي ما قلت كان مريخ كان هلال والله دلاقين متحركة ,, بنات ام لعاب زمان اقوى منهم تقول لي لياقة ؟؟ ياخ ديل شدة ماهم مهملنهم ,, زي ما قال ليك معاذ اخوي يلفوا بيه رأس الرجاء الصالح والمبارة تاني يوم !!!!
بعدين يا معاذ حكاية الطيران الزي بيت البكا ده تلاتة يوم دليل البخل . استكتروا عليهم قيمة رحلة مباشر او اقل ترانزيت ودايرين الفريق يفوز و واصل كحيان .. ياخ مرضونا
انسوا حاجة إسمها كورة في السودان واعتبروها اندفنت زي ما اندفنت كل حاجاتنا الجميلة
ومنه العوض وعليه العوض
| |
|
|
|
|
|
|
|