بعد أن أكمل عداد الكهرباء (الجمرة الخبيثة) مدة أكثر 10 سنوات ويبدو أنه من نوعية جيدة لا تخرب، تفتقت عبقرية مسؤولينا عن الاستغناء عنه واستبداله بعداد جديد (وايرليس) ليس مثل العداد القديم، يعني ده يكون متصل بالموزع الفي العمود طوالي! والعداد يشتغل بالكهرباء .. يعني بدل زمان ما كانت الكهربة المشغلة العداد من الحكومة بقت كهربة العداد على المواطن ^_^ مستخسرين علينا ال 6 فولت دي، أها ولسة الحدوتة ما كملت العداد فيهو بطاريتين بالجنبة كده بتشحنو .. عشان حتى لو الكهربا قطعت العداد يكون شغال .. يكون شغال لي شنو يا ربي؟! يمكن عشان لو شفت الكهرباء ناقصة تمشي تعبيها طوالي.
صديقي الذي أرسل لي هذه الصور قال أنه لا يعلم كم سعر العداد الجديد، ولكن أكيد أنه سيكون مبلغا يضاف إلى الفاتورة ويثقل كاهل المواطن المثقل أصلا، والغريب في الأمر أن أن العداد مكتوب عليه: ملك الشركة السودانية لتوزيع الكهرباء، ورغم ذلك فهذه الشركة تبيعه للمواطن، ولما تجي تبدل عداد بي عداد ما بتديهو للمواطن مجاني وإنما بتدفعه حقو كامل وبتنزع منو العداد القديم!! الظاهر بمشوا يبيعوهو لي بلد تاني!! طيب أنا اشتريت القديم بقروشي على الأقل عوضوني فيهو!!! وما دام بعتوهو لي يبقى العداد بقى من حقي إن شاء الله أبروزو في الحيطة وأقعد أتفرج فيهو!! لكن ينزعوهو منك ويبيعوا ليك القديم ولما يجي حرامي جديد يجيب عدادات جديدة ينزعوا منك القديم نزع.
( ولا تأكلوا أموالكم بينكم بالباطل وتدلوا بها إلى الحكام لتأكلوا فريقا من أموال الناس بالإثم وأنتم تعلمون )) نفسي بس أعرف اليهودي القاعد يخطط لي ناس الحكومة ديل منو؟؟!!
03-16-2013, 01:08 PM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
1- ممكن يكون عرضة للضياع 2- عرضة للخراب 3- عرضة للتلف الكامل 4- استهلاك بطاريات
وطبعا في كل الأحوال الشركة هي المستفيدة سواء ضاع أو احتاج للصيانة .. أما قصة الصيانة دي قصة .. صاحبي قال هو مصنوع في الصين، والصيانة حتكون من الشركة الصينية، بواسطة مهندسين وفنيين صينيين .. واتصيّني! يعين الشاينيز ديل يشتروا تلفزيوننا وكهربتنا وبعد شوية ممكن تجي شركة صينية تشتري الهواء بتاعنا وتبيع للناس أسطوانات أوكسجين .. في دولة بني كوز كل شيء ممكن .. وعلى مذهب العجائز كل شيء جائز
03-16-2013, 01:12 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
دبل عصابة براهم وراجيهم حساب الاخرة هم الغناء من الحرام كل مسوول في الكهرباء عنده حاشية وصحاب عينهم مسوولين وبي عقود مستشاريين وخبراء وخلافه بس ربك يجيب الخير
03-16-2013, 01:19 PM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
دبل عصابة براهم وراجيهم حساب الاخرة هم الغناء من الحرام كل مسوول في الكهرباء عنده حاشية وصحاب عينهم مسوولين وبي عقود مستشاريين وخبراء وخلافه بس ربك يجيب الخير
حبيبنا المسلمي .. وعليكم السلام
هل يا ترى الناس ديل متذكرين يوم الحساب؟ أو هل هم مؤمنين بيهو أصلا؟!
والله العداد ده مع الوايرليس والتلاتة حبات بتاعت الارسال يا ريت لو ركبوا فيهو شريحة وعملوهو جوال أهو الزول يستفيد كهربا واتصالات :)
03-16-2013, 01:27 PM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
لا اراك يا محمد جلال الا عدواً للكتنولوجيا دايماً عندكم الظن السئ زمان العداد القديم كان ممكن يعرضكم لاسمح لضربة كهرباء بحيث انه موصل بالكهرباء والبيت قاطع، هسي كهربتك مقطوعة انت ضامن العداد ما بتضربك كهربتو يحافظوا عليكم اكتر من كدا كيف والله بقينا فئران تجارب بس وما فضل الا عداد دفع الهواء المقدم بتاع الفاتح جبرا من هسي البتاع دا ابعدوهو من الشفع، ان قدروا خربوه (ما دام هو صيني يبقى براهو جاهز اصلا للخراب) وطاتكم اصبحت
03-16-2013, 01:29 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: نفسي بس أعرف اليهودي القاعد يخطط لي ناس الحكومة ديل منو؟؟!!
الحكومة دي كل ماتفلس بتبتكر طريقة يطلعوا بيها القروش من الناس قصباً عنهم ومن اليد البتوجعهم لانو الكهرباء مافي بيت من دونها .... ما نقول إلا حسبنا الله ونعم الوكيل فيهم ...
03-17-2013, 11:44 AM
م. سيد احمد قدورة م. سيد احمد قدورة
تاريخ التسجيل: 10-30-2005
مجموع المشاركات: 610
ما بندفع ضريبة دخل وقيمه مضافه وعوائد وزكاة ونفايات وووووووووووووووووووووووووووووووووووووووووووووووووووووووووو بس بقت على دى وما عندنا حق الاعترض بس ندفع تصور ناس السكن البستانى اشتروا أراضى بى 90 الف جات الحكومه قالت ليهم تدفعوا 150 الف رسوم تحسين وتغيير غرض وخدمات ولا ننزعها منكم تصور تشترى حقك مرتين ومن الحكومه بالاضعاف بالله فى قهر اكتر من دا اسال الله العلى القدير ان يقتص لنا حقنا منهم فى الدنيا قبل الاخره
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جلال عبدالله
محمد المسلمي
محمد عمر الفكي
م. سيد احمد قدورة
فيس بوك
تويتر
انستقرام
يوتيوب
بنتيريست