هلال مريخ .. تواطؤ واضح جدا

Quote: إتفقا على أن يقطعا الشك باليقين إن كرةالقدم السودانية مازالت في طور يرقة

Quote: الهلال كان افضل ياطلحة وتشعر انو في شغل قاعد يتعمل وتشعر انو اللاعبين جيدين لكن يا طلحة ياخ كلامك كلو صاح وتحليلك سليم وانا أمس كلمت وليد عبداللطيف وقلت ليهو والله سقطت من نظري تماماً

Quote: سقوط عديل كدا حرام عليك عشان قلت راي في الهلال حسب مبارياته السابقة هسه الهلال امس لو كان مغلوب كان ح تجي تقول كلامك دا انتو يعني الواحد لمن يقول حقائق ومن غير تعصب معناها سقوط في نظر الناس الله يسامحك يا صادق وقد تكون صدقت القول ...

Quote: والله إنتو ما عندكم شغلة البتناقشوا هلال مريخ. ياخي دي عبارة عن مصارعة تيران أو الرمة وحراسا. أسي عليكم الله بعد شفتوا برشاونة وميلان بعد العك داك كان شعوركم شنو؟

(عدل بواسطة جمال ود القوز on 03-13-2013, 09:06 AM)

Quote: لا وبى هناك فريق الراجل الواحد لاقي الحمام الميت دي ويشيل ويجيب في الأقوان .. لا حول ولا قوة إلا بالله القدير .. غايتو الحل الوحيد انو الواحد يعتزل الشغلانية دي ويمش يقضي فترة نقاهة في نواحي صقط لقط . مافي حل غير كدا .

.....

Quote: ا وبى هناك فريق الراجل الواحد لاقي الحمام الميت دي ويشيل ويجيب في الأقوان .. لا حول ولا قوة إلا بالله القدير .. غايتو الحل الوحيد انو الواحد يعتزل الشغلانية دي ويمش يقضي فترة نقاهة في نواحي صقط لقط . مافي حل غير كدا .

Quote: كابتن وليد عبد اللطيف منو الناس الأنا بكرهم في المريخ ..؟؟؟؟؟؟؟؟؟؟ عشان ما ترمي ليك كلام ساي يا خوي.

Quote: الهلال لعب كورة دون أخطاء ..وبي تكتيك كان واضح إنو من المدرب..

Quote: المحيرني إنو الناس افتركت إنو الحضري انقذ المريخ !!!!

Quote: الحضري بتاعت اكروبات وافلام مصريه يا عمر ..كورتين من مهند من نص الميدان وكورة من سانيه خارج خط 18 والتلات تصويبات في مستوي منخفض ...واي حارس مبتدئ ما بتدخل الكور دي فيهو المباراة كان ممكن يحسما نزار حامد مرتين الاولي الانفراد الشبه كامل والتانيه الكورة المصلحة من سانيه وهو في مواجهة المرمي لكن نزار محتاج شوية تركيز ورشاقة .. مدرب الهلال جامل كاريكا علي حساب سانيه (خوفا من الاعلام) ولو سانيه شارك من بداية الشوط التاني علي الاقل كان حسم الكورة دي بدري بدري

Quote: تواطؤ ضد جماليات كرة القدم وفنيات اللعبة ضد رد ولو جزء يسير جدا من حق هذا الجمهور المسكين الذي ظل يقتطع من ماله ووقته وراحة باله ليأتي إلى الإستاد آملا في الإستمتاع بالأداء والنتيجة ليعود آخر الليل مكسوفا تلاحقه الخيبة وتتناوشه الحسرة ويتقاذفه الندم.. بالحيل .. تواطأ فريقا ( الغمة الكروية ) وإتفقاأن يعكسا للعالم الرياضي حولنا أسوأ

Quote: الان المريخ افضل حال من الفترات السابقة في وسط الملعب باضافة امير كمال الذي يجيد السيطره والتمرير والوقوف السليم نتكلم عن دفاع المريخ بقولو التكرار بعلم الحمار ما ممكن بنفس الطريقة الاولى التي فشلت من احراز هدف وبنفس الطريقة يقفون يتفرجون الى ان يخرجون الكره من داخل الشبكة ودي اسمها ( جيب من جوه ) .. . عايز اعرف حاجه كمان لو تكرمتوا السبب شنو دائما مدربننا المنظراتية يحاولون الكيل والتقليل للكوكي ودي تعتبر له ثاني مباراه .... سمعت احد المعلقين سيد صالح قال ليه غير فلان وما كان يلعب بفلان وليه تغير تشكيلة المباراه الاولى لان له نظرية تقول البتغلب بيهو العب بيهو ودا انا بشوفو كلام فطيييييير ساااااااااااكت ياجماعة الدوري بالنسبة لي هلال مريخ مجرد اعداد لتنافسات خارجية لان الفارغ كبير جدا في كل شيء واي شيء الذي قدمة الكوكي لفريق اهلة شندي يكفي وتعتبر شهاة له بانه مدرب متطور ويعلم جيدا ماذا يفعل ... دا كمان لو لم فيهو كابتن الديبة ح يطلعوا ليكم ماعندو علاقة بالتدريب ولا الكوره نفسها دي مشكلة المدربين كمان ياجماعة في السودان ناس حتى لبعض لاتحب النجاح والتطور طيب الكره تتطور في بلدنا كييييييف ....

Quote: كل المعطيات والقياسات مقرونة باستصحاب التجارب تؤكد على أن هيثم مصطفي سيفشل في مشواره الجديد مع المريخ لأن نفسياتو لن تساعده مع كبر سنه في التغلب على الضغوط التى سيواجهها من جهة أنه يريد ان يثبت وجوده ومن جهة أخري مواجهته لجمهوره القديم الذي طالما تغني بإسمه وسينقلب ضده بالتأكيد بعد بيعه للهلال في أول سانحة .

Quote: سيفشل في مشواره الجديد مع المريخ لأن نفسياتو لن تساعده مع كبر سنه في التغلب على الضغوط التى سيواجهها من جهة أنه يريد ان يثبت وجوده ومن جهة أخري مواجهته لجمهوره القديم الذي طالما تغني بإسمه وسينقلب ضده بالتأكيد بعد بيعه للهلال في أول سانحة .

Quote: أمس دي هيثم مصطفي نجح واللا فشل في رأيك ؟؟

Quote: تواطأ فريقا ( الغمة الكروية ) وإتفقا أن يعكسا للعالم الرياضي حولنا أسوأ وأردأ مستوي كروي يمكن أن تشهده ملاعب كرة القدم .. إتفقا على أن يقطعا الشك باليقين إن كرةالقدم السودانية مازالت في طور يرقة التطور الذي إنتظم نظيراتها وإنها عبارة عن براميل فارغة شديدة الضجة والإزعاج لا أكثر ولا أقل . أقول يا أبو الشباب .. هو مين كان لاعب ضد مين عشان يغلب مين ؟؟ ومين الزول أبو تفة كبيرة الفي المريخ دا ؟؟ وبالمرة كدا أسأل لينا معاك حارس الهلال كان منو ؟

Quote: من جهة أخري وصراحة يا خوي لو عايز تختلف معاي بطريقة فاحسن لا تختلف معاي ولا أختلف معاك يا خوي .

Quote: والله يا طلحة كلامك واااااااضح وصاح ..! الموضوع ما تعصب اعمى وحب للهلال والمريخ بدون وعي! الهلال والمريخ الشفناهم امبارح ديل ما بيقيفوا قدام اهلي شندي خليك من يفوزوا على مازيمبي ولا الترجي ولا الأهلي ولا حتى الترسانة!! ياخي الكورة الشفناها في حواري جدة مستواها اعلى من مستوى القمة الشفناها امبارح دي! الوهمة بتاعت هلال مريخ عندها حسابات براها دي هي الجايبانا ورا وهي البتخلي اللاعبين دايما عندهم عذر ومبرر لو ما لعبوا كويس !! وشنو البخلي حسابات هلال مريخ براها وبرشلونة وريـال مدريد أو تشيلسي ومانشستر يونايتد او الاهلي والزمالك ما عندها حسابات براها؟ كل مباراة بلعبها اي فريق في الدنيا دي عندها حسابات براها وترتيبات براها وتكتيك براهو وخطة محددة ونقاط ضعف معينة بحاول كل فريق يستغلها يعني مافي اي سبب يخلي مباراة هلال مريخ مختلفة من كورة العالم ديل كلهم! الخلاصة : مشكلة الكرة السودانية هي في العقلية السودانية الغارقة في المحلية وقاعدة تنطط وتكتب شعر في مباريات زي مباراة امبارح المخستكة دي ... عشان كدا اللاعبين ما شايلين هم زول ويلعبوا ما يلعبوا في النهاية قروشهم في جيبهم والناس بتطبل ليهم ... ودي قمة التواطؤ وعدم المسؤولية كمان!!

(عدل بواسطة طلحة عبدالله on 03-13-2013, 07:34 PM)

Quote: يا وليد إسمها تواطؤ ما طواطؤ لأنو شايفك مصر عليها مرتين ..

Quote: هسع لو قلتا ليك أنا ما بكره الناس ديل ح تصدقني ؟