|
|
 بركاتك يا شيخ طلحة عبدالله
|
الحضري يثير أزمة جديدة ويغادر إلى مصر
الثلاثاء, 05 فبراير 2013 00:00
أثار عصام الحضري حارس مرمى المريخ أزمة جديدة وغادر إلى مصر فجر أمس وكان الحضري رفض استلام الشقة التي استأجرها النادي والتي كان يستغلها المدرب كروجر من قبل وقضى الحضري ليلة أمس الأول بأحد الفنادق ودفع تكاليف الإقامة من ماله الخاص فيما غادر إلى بلاده فجراً
من دون علم المسؤولين في نادي المريخ وأدلى الحضري بتصريحات لبعض المواقع قال فيها إنه لا يرغب في الاستمرار ويفضّل العودة إلى بلاده.
تلحقنا و تنجدنا يا شيخ طلحة
فبعد تحدى كاس العالم و اصرارك على ان اسبانيا ستكون هى البطل
مرة أخرى تراهن على ان هذا الكهل سيكون مصدر عكننة و بؤرة مشاكل للمريخ
و أهو ما خيب ظنك و حالف بالترجعه لى كفر البطيخ انه ما يلعب ليكم تانى
نقول يتبع يمكن نتعادى و نروب اللبن
|
|
 
|
|
|
|
|
|
|
|
Re: بركاتك يا شيخ طلحة عبدالله (Re: طلحة عبدالله)
|
يا حيدر ما تبالغ ياخ شيخ شنو و طويل عمر شنو
كدا تنظير بصدق روحه ويملانا فقر اكتر مما فعل و يفعل يوماتي على الله
كاس العالم دي صدفة وصدقت معاه اما موضوع الحضري فاشبه بمن يتنبا بشروق الشمس من المشرق غدا
الحماية واضحة لكل ذي عينين بس هو عايز يحشش بيها و يعمل الود نظرو بعيد في حين هو معلم الله وماعندو غير تنظيرو الفارغ دا
:)
________________
وش اخضر يا حمودي لو تكرمت
| |
|
|
|
|
|
|
|
|
Re: بركاتك يا شيخ طلحة عبدالله (Re: خالد عبد الله محمود)
|
| Quote: مرة أخرى تراهن على ان هذا الكهل سيكون مصدر عكننة و بؤرة مشاكل للمريخ |
اقتراحي كالاتي ..
يقوم طلحة الشيخ ..
طالما أنعمت عليهو بالمشيخه ..
وليس الشياخه ..
أن يسدد كامل مستحقاتي الحضيري للثلاث أشهر القاعد يطالب بيها ..
ويحل المشكلة فالراجل قال عايز قروشو ..
فيها حاجه دي ..
| |
|
|
|
|
|
|
|
|
|
Re: بركاتك يا شيخ طلحة عبدالله (Re: جمال ود القوز)
|
يا حيدر بشير لو بقت على عايز حقي والله ما فيها حاجة زي ما قال جمال القوز الفوق دا .. لكن الكهل الكضاب دا
مطرود بالباب عديل من جماهير الاهلي الفريق الإتربا فيهو كرويا وعلمو يكون حارس مرمي مشهور يحرس
مرمي المنتخب المصيري والأهلي في المناسبات الخارجية .. تفتكر لو ما عمل مشاكل وعكننة جماهير الأهلي بتطردو؟
مع العلم أن الجماهير في كل مكان معروف عنها إرتباطا الوجداني القوي بأي لاعب يتألق ويستمر هذا الحب حتي بعد أن يعتزل اللاعب
ويترك كرة القدم..
الكهل الكضاب الحضري الذي إنتشله المريخ من غيابت ورطة كبيرة مع نادي سيون السويسري كانت ستنهى مسيرتو شر
نهاية.. نسى ذلك في أول محك ودار في لاعبي المريخ شتم وإستهزاء ولم يترك نادي ولا أعفي كورة قدم سودانية إلا وأشبع
الجميع من قاموس س خ ر يته وهمزاته ولمزاته ..
بسببه لم يطل المريخ لا لالوب الدوري الما ممتاز ولا بلح البطولات الخارجية رغم أنه ملأ جيوبه وأرصدته
من خزينة المريخ وتنعم بدفء حب جماهيره منذ أول يوم وطأ فيه تراب النادي، ولكنه ولسوء طباعه تجاهل كل هذا النعيم وظل يهتبل
بل أحيانا يصنع الفرص من عدم ليتمرد على الفريق ويفعل ما بدأ له دون وازع ضمير أو مبدأ لاعب يفترض أنه محترف
يتوجب عليه إحترام تعاقده .
الحضري الذي لفظته حتي الأندية المصرية .. الزمالك والإسماعيلي .. مؤكد فيه شىء خطأ وكما قال لك الشباب عاليه
فاستنتاج أنه سيثير المشاكل والعكننة لا يحتاج لضرب رمل أو جر سبحة المشيخة .
...................
يا حيدر بشير ظللت أضرب الكيبورد في هذا المبنر وغيره من المنابر بخطل تعاقدات المريخ وقراراته الخاصة باللاعبين
المواطنين والأجانب بداية من الشيخ ديوب ومرورا بإيفوسا ووراغو وليس نهاية بالكهل الكذاب الحضري.. وفي كل مرة أحذر
من التعاقد أو الإبقاء على لاعب في كشوفات الفريق يجعلون أصابعهم في آذانهم ولا يستبينون النصح إلا ضحي الغد .
أقول وأنصح فيرفضون ويكابرون وفي النهاية أستمتع بردود أفعال خيباتهم ولا شماتة .
| |
|
|
|
|
|
|
|
|
|
Re: بركاتك يا شيخ طلحة عبدالله (Re: عبد المنعم سيد احمد)
|
Quote: ازمة مالية تضرب المريخ قبل مواجهة الهلال
الاجانب يمهلون المجلس 24 ساعة قبل الاضراب
اليوم 11:36 AM
كفر ووتر / الخرطوم هدد اجانب المريخ بالانقطاع عن التمارين لعدم تسلمهم مرتباتهم وهم باسكال وكلتشي وجاكسون فيما لم يستلم سليماني ومكسيم مرتبات شهر يناير رغم وعود القطاع الرياضي له وكان الثلاثي قد هدد بالانقطاع عن التمارين ومنح المريخ مهلة حتى ليلة مباراة المريخ امام هلال الجبال في الدوري الممتاز
الى ذلك كشف مصدر مقرب ان اللاعبين كلتشي وباسكال لم يحصلا على مبلغ الـــ(15) الف دولار لكل منهما المتفق عليه من مجلس المريخ حتى الان بالاضافة لمرتبيهما
وعلى صعيد لاخر طالب مساعد مدرب المريخى التونسي وسيم بالرحيل لظروف خاصة يتوقع ان يغادر الى بلاده عقب نهاية الدورة الاولي من مسابقة الدوري الممتاز
|
| |
|
|
|
|
|
|
|
|
|
Re: بركاتك يا شيخ طلحة عبدالله (Re: طلحة عبدالله)
|
ياخ الزول ده شيخكـ شياخة قروش ماشياخه دين ...
يعني الحضري دايركـ تديهو الخيره ولا شنو . !!! ...
أبقى مارق بالدراهم آآزول ..
واوعدكـ .. ستتحول بين ليلة وضحاها ياطلحة ..
لقطب مريخي كاااااارب ......
وممكن ترأس النادي كمان .. المانع شنو ؟؟
وتحقق كل نظرياتكـ ..
المالاقي ليها ماعون يشيلها ..
فاول حاجة تطرد الحضري دا ..
والناس البيض الزيو .. ومن لف لفهم ..
واللاعبين العجايز ..
وتجيب الشباب المستحمي ..
وتدعم رائدات المريخ ..
يمين دي خطة خمشية لادارة نادي المريخ لمدة طرشمية سنة لي ورا ..............
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
يا حيدر ما تبالغ ياخ شيخ شنو و طويل عمر شنو
كدا تنظير بصدق روحه ويملانا فقر اكتر مما فعل و يفعل يوماتي على الله
كاس العالم دي صدفة وصدقت معاه اما موضوع الحضري فاشبه بمن يتنبا بشروق الشمس من المشرق غدا
الحماية واضحة لكل ذي عينين بس هو عايز يحشش بيها و يعمل الود نظرو بعيد في حين هو معلم الله وماعندو غير تنظيرو الفارغ دا
اخونا الرائع ود البشرى
غايتو بس ياها الما بتدوروا تحمرلو
بعدين اعمل حسابك الشيخ دا معاك فى العين يقوم يسختك يسويك مريخابى
الزول دا قاعد يشوف عديل كدة بدليل انه اصر على فوز اسبانيا من قبل بداية المنافسة
و قال الحضرى دا ما بنلقى منه غير المشاكل بعد ما الوالى يحل ليه مشكلته و قد كان
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
راعي الضأن في الخلاء يعرف أن الحضري لا يحب الفلس و لا المفلسين و ما دايرة ليها شيخ
اخونا خالد
مساك الله بالخير
طيب ما شفت الهلولة القامت لامن سسجلوا الكهل دا و استقبالاتهم ليه و دلعهم من المطار الى الميدان
و ما سمعت غناهم ليه و غلطاتك مفغورة
يا ربى ديل كانوا بيرعوا فى ساقية ناس منو
و لك جزيل شكرى
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
أن يسدد كامل مستحقاتي الحضيري للثلاث أشهر القاعد يطالب بيها ..
اخونا جمال
لك التحايا
عارف متى ما كان هناك حضيرى كان هناك فلس مدقع
و انا اقول الفلس الوقع على الوصيفاب دا من وين
هو اتارى لامى فيهم حضيرى و بعد ما كان كلامهم الكاش يقلل النقاش بقوا يفتشوا فى راتب الكهل
الله يكون فى العون و يحل عنهم حضيرى او كما قال
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
Quote: و انا اقول الفلس الوقع على الوصيفاب دا من وين
هو اتارى لامى فيهم حضيرى
|
وأريتو لو جاب فائدة يا حيدر بشير .. كل البطولات بلا إستثناء خرج منها المريخ
بسبب غلطات هذا الكهل المغفورة يا قول بعض البسطاء ..
ما طالبني حليفة
لكن بالنسبة لي كمريخابي أفضل أن يسقط المريخ مليون مرة في امتحان البطولات من أن يمنح مالو ويأمن عرينو
لواحد مثل الحضري ..
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
الكهل الكضاب الحضري الذي إنتشله المريخ من غيابت ورطة كبيرة مع نادي سيون السويسري كانت ستنهى مسيرتو شر
نهاية.. نسى ذلك في أول محك ودار في لاعبي المريخ شتم وإستهزاء ولم يترك نادي ولا أعفي كورة قدم سودانية إلا وأشبع
الجميع من قاموس س خ ر يته وهمزاته ولمزاته ..
فكى طلحة
لك التحية
الغريبة انه بعد دا كله الاداريين جارين وراهو و مدلعنه و ماخد حريته كاملة لا تمارين مع الفريق
و لا واحد يتكلم معاه من المطار الى الملعب و من الملعب الى المطار
دا كله كان بيفتكروا انه فى وجوده ممكن يحصلوا على كاس يمجدوا بيه نفسهم
المشكلة فى كل ادارى الاندية السودانية عينهم على كسب مجد شخصى
عشان كدة كل رئيس بيكون مهموم بى الصرف على الفريق من جيبه فلو صدقت معاه و جاب ليه كاسس يكون
بى مجهوده و لو فشل يترك النادى مديون عشان البيجى بعده ما يفكر فى انجاز ينسب ليه
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
كيفك ياباشمهندس
تفتقدك تورنتو
غياب الوالى
سيخلق المشاكل حتما بالمريخ
الم ترى حال الاستاد
فرناغتو قايمة هههههه
الصديق العزيز عبدالمنعم
لك من التحايا انضرها و كل الامنيات لك و للاسرة الكريمة بموفور الصحة
و الله الشوق ليكم و لى تورنتو و دار الجالية و لمة الجمعة وطاولة الحريق و الجلسات الثقافية
بس ما فى شوق لى عواصفكم الثلجية و لا لى شوارعكم البترمى الناس ديك
من المؤكد انه بعد ما الكاش الكان بيقلل النقاش قل و الوالى رفع ايده من الصبارة الكانت بتنقط ليم
لازم يعيشوا المشاكل المالية دى و يضوقوا ذلة الحضرى الذى اصبح يرفض حتى استلام خطابات الادارة
ينى عادى يقول لى الرئيس ما فاضى فيك و لا فى مريخك
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
Quote: اخونا جمال
لك التحايا
عارف متى ما كان هناك حضيرى كان هناك فلس مدقع
و انا اقول الفلس الوقع على الوصيفاب دا من وين
هو اتارى لامى فيهم حضيرى و بعد ما كان كلامهم الكاش يقلل النقاش بقوا يفتشوا فى راتب الكهل
الله يكون فى العون و يحل عنهم حضيرى او كما قال |
يعافيكـ يا حيدر يأخ ..
ونان نحن رشحنا ليكم شيخ طلحه ده ..
عشان يكون قطباً مريخياً مرموقاً عشان شنو ؟؟ ..
ما عشان يحلحل المشاكل الزي دي ..
بعدين يعيد للمريخ سيرته الاولى ..
في مسألة الكاش البقلل النقاش دي ...............
| |
|
|
|
|
|
|
|
|
|
Re: بركاتك يا شيخ طلحة عبدالله (Re: جمال ود القوز)
|
يا جيمي ما بالضرورة ياخ أدفع عشان اساهم في عودة المريخ لسابق عهدو ..
الرأي برضو عندو فائدة واسهام في البناء .
وبعدين اتا قايل سبب تدهور الكورة السودانية شنو ؟
ما ياهو البذار البدون ميز دا ..
تجار يبيعو ويشتروا في منشط أصبح يحتاج أكثر ما يحتاج للمنهجية والتخطيط بعد أن أصبح علم يدرس
وليس مجرد ركض ودافوري على الكورة .
| |
|
|
|
|
|
|
|
|
|
Re: بركاتك يا شيخ طلحة عبدالله (Re: طلحة عبدالله)
|
Quote: يا جيمي ما بالضرورة ياخ أدفع عشان اساهم في عودة المريخ لسابق عهدو ..
الرأي برضو عندو فائدة واسهام في البناء .
وبعدين اتا قايل سبب تدهور الكورة السودانية شنو ؟
ما ياهو البذار البدون ميز دا ..
تجار يبيعو ويشتروا في منشط أصبح يحتاج أكثر ما يحتاج للمنهجية والتخطيط بعد أن أصبح علم يدرس
وليس مجرد ركض ودافوري على الكورة . |
كلامكـ صحي ..
رب رأي ثاقب فاق هلل الدنيا كله ..
لكن لو جاء الهلل أخير التحتفظ بي رأيكـ ده لي نفسكـ ..  ..
يأخ أنا قلتها قبل كده معضلة الكرة السودانية ..
في مسألة القروش لأنها بتجيب الادارة البتتحكم .. وتمشي كلامها ..
صاح ولا غلط ...
وسيد القرش فاهم حتى لو كان اكبر مغفل ..
ده الضيعنا ..
لو كانت الأندية شركات مساهمة للجماهير ..
الكل يساهم ويقترع لتنصيب الرئيس الدايرو .. ويشاركـ في أدارة الأندية ..
لكان أفضل ..
والله الجمهور العادي ده بيفهم أحسن من أجعص ادارة ..
لكن القرش المعذب الناس ده حكمو قااااااااااااهر .....
نسوي ليهو شنو ؟؟ .........
| |
|
|
|
|
|
|
|
|
|
Re: بركاتك يا شيخ طلحة عبدالله (Re: طلحة عبدالله)
|
ما طالبني حليفة
لكن بالنسبة لي كمريخابي أفضل أن يسقط المريخ مليون مرة في امتحان البطولات من أن يمنح مالو ويأمن عرينو لواحد مثل الحضري
العزيز طلحة
دا كلام اى زول عاقل مفروض يقولوا
ما فى حاجة فى الدنيا دى بتخلى الكورة تمشى لى قدام اكتر من الانضباط
و نحن و لله الحمد ما خدين شهادات فى الهرجلة و ما بنعرف درب الانضباط
عشان كدة الحضرى ماخد راحته بالكامل
عشنا طفرة الكورة فى الخليج و كنا شهود عيان على انه تطورها نتج فى المقام الاول نتيجة لتطبيق الانضباط
و قد تم تطبيق القانون على الجميع دون استثناء
شهدنا توقيف سعيد العويران و يوسف الثنيان و فهد الهريفى و هم فى قمة مجدهم و منعوا من اللعب مع فريق السعودية
و شاهدنا منع صالح النعيمة معبود الجماهير من دخول دور الرياضة بعد ان ركل القائم محتجآ على قرار حكم
و شاهدنا توقيف خميس العويران لسوء تعامله مع مضيفة طيران فى رحلة الفريق القومى
فكانت النتيجة هى الوصول الى نهائيات كاس العالم اربع مرات متتالية
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
يأخ أنا قلتها قبل كده معضلة الكرة السودانية ..
في مسألة القروش لأنها بتجيب الادارة البتتحكم .. وتمشي كلامها ..
صاح ولا غلط ...
وسيد القرش فاهم حتى لو كان اكبر مغفل ..
ده الضيعنا ..
صح لسانك اخونا جمال
و دى مشكلة الادارة فى السودان و عشان كدة تلقى اى زول يعاين فى جيبه
اول من يلقى جيبه اتملى يجيك جارى على محل قريعتى راحت و يعمل فيها انه هو المقدد الكفر دا
و يصور مع كم لاعب و يسجل ليه كم ماسورة و يشوف نفسه بقى مشهور يقوم يفتى و ييقرر
و يشطب ويسجل
| |
|
|
|
|
|
|
|
|
|
Re: بركاتك يا شيخ طلحة عبدالله (Re: حيدر بشير)
|
يا حيدر بشير الانضباط هو أكسير تطور الكورة السودانية لأنه وليد المنهجية والتخطيط
أكثر الأندية تطورا وفوزا بالبطولات هي الأندية المحترفة .. لأن الإحتراف مدعاة للإنضباط ..
في الكورة السودانية نفتقد لأهم مقومات التطور وهو العقلية الاحترافية ... لذلك تسود العشوائية
والفوضي في ادارة النادي وتاليا فريق الكورة ..
الاداري عندنا مثلا كل مؤهلاته في الادارة الكروية أنه مشجع متعصب لفريقه وأفضل نجاحاته
أن يكيد للنادي الآخر بخطف لاعبيه حتي ولو كانوا مشطوبين لسوء الأداء أو السلوك .. ليصبح في
اليوم التالي حديث المطبلين وبؤرة إهتمام حارقي البخور .
واللاعب أقصي طموحاته أن يلعب للهلال أوالمريخ .. لا تفكير في تطوير نفسه ولا تطلعات للاحتراف
الخارجي ولا مجرد التفاتة صغير للمستقبل.
والاعلام هو مجرد وجه آخر للمشجع المتعصب بل وأشد تعصبا ومبلغ همه أن تربح مبيعاته
في سوق المكايدات والعداوات والهراء .
والجمهور فسد ذوقه كرد فعل طبيعي لما يقرأه في صحف المشجعين من تعصب وانتماء ضيق
وليس مستغربا أن تتقاصر أمنياته وتقتصر على الفوز بمنافسات الدافوري المحلية ليغرق في نشوة
كذوبة أقتنع بها وأدمنها بفعل فاعل .
| |
|
|
|
|
|
|
| |
طلحة عبدالله
محمد البشرى الخضر
خالد عبد الله محمود
جمال ود القوز
عبد المنعم سيد احمد
فيس بوك
تويتر
انستقرام
يوتيوب
بنتيريست