يا أيمن أنا كتا ماشي ناس العرس أبارك لكن لقيت العريس أهل العوض فشنو.. أكلت صحن الكوكتيل وشربت البيبسي ومشيت نمت .. أي والله نمت .. ولما صحيت إتذكرت إنو أنا أمس ما باركت فقمت خجلت لي ..
03-05-2013, 11:10 AM
أمير محمد ادريس
أمير محمد ادريس
تاريخ التسجيل: 01-17-2013
مجموع المشاركات: 1248
أيوة زعلت يا أمير .. كيف تقول بنسوك بفرشاة الزول الجائي من مكان تاني ؟ يعني نحن ما عندنا قروش نشتري لكل واحد فرشاة ؟ ياخ أنا مرة جوني ضيوف إشتريت لكل واحد 15 فرشاة ..
03-05-2013, 11:16 AM
زول ساكت
زول ساكت
تاريخ التسجيل: 11-26-2004
مجموع المشاركات: 2907
Quote: يا أيمن أنا كتا ماشي ناس العرس أبارك لكن لقيت العريس أهل العوض فشنو.. أكلت صحن الكوكتيل وشربت البيبسي ومشيت نمت .. أي والله نمت .. ولما صحيت إتذكرت إنو أنا أمس ما باركت فقمت خجلت لي
يازول البخجلك شنو ؟!! ديل اهل عوض (ساكت) !! اكل كوكتيلك واشرب ببسيك ، والفنان كان كان كارب اخد ليك جبجبة جبجبتين مع الزول الجمبك واتخارجو !
03-05-2013, 11:34 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
ما عندنا أوض نوم .. بنوم في الحيشان والصقيعة ساي .. لا من هوام نهم ولا دواب نلم .. أنا القدامك دا ذات مرة نمت في رأس البيت عشان فحيح الدوابي * حماني النوم تحت .
* برضو للحناكيش : الدوابي جمع دابي اللي هو ثعبان أرقط أو غير أرقط .
03-05-2013, 11:50 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
أيوة جادي في زعلي يا رانية أنا جني وجن زول يقول لي إتا ما عندك قروش .. أنا مرة كتا عايز أعمل شاي بى لبن ما لقيت لي حاجة أولع بيها النار .. ولعتها بمليون وزدت عليهو خمشة ما عديتا .. وكل ما يبرد بسخنو بى تلتمية واللا أربعمية .. ما قاعد أعد ..
طيب ما كلامها صاح اتا زعلان مالك يا طلحة ؟ اسع انا القدامك دا بخت هدومي في التكل وبدس الموز تحت عنقريب النوم اها
لايعرف ممارسات اهل العوض الا اكون هو ذاتو عوض او عوضية كدا عرفنا حاجة دينا العوضية شرابة الروب بالدس ان شاء الله اعرسا العوض عشان اجيبو الخزين . . طلحة عوافي ياخ
03-05-2013, 12:00 PM
أمير محمد ادريس
أمير محمد ادريس
تاريخ التسجيل: 01-17-2013
مجموع المشاركات: 1248
يا ود البوش أنا زعلان عشان قالت ما بندي الناس الجايين من برة فرشاة .. الناس الجايين من برة قاعدين نجيب ليهم فرش بدل فرشاة واحدة عالم الله .. لكن الناس الما جايين من برة شديد قاعدين نقطع ليهم الشجر عشان يتسوكوا لما يشبعوا ذاتو .. وبعدين تاني قالت قاعدين ننوم في أوضة النوم .. ليي؟؟؟؟؟ ما عندنا حيشان واللا ما عندنا حيشان ؟ بت عمك خالد دي غلطت فينا بى كلاما دا .. وزي ما قلتا فوق أنا ما ح أسيبا إلا هي تسيب .. بس هي تسيب وأنا ح أسيب على طول ..
03-05-2013, 12:21 PM
أمير محمد ادريس
أمير محمد ادريس
تاريخ التسجيل: 01-17-2013
مجموع المشاركات: 1248
والله انا ذاتو في كلام الفرشة دا زعلت فيهو لاننا نحن في الكرم دا ما بنصاقع كلو كلو مرة جونا ضيوف لوري ملان شاقي الحلة وقفناهن قلنا ليهم لازم تنزلو تفطرو قالو والله فاطرين وايضا كذلك مستعجلين عمك الباع جملو حلف عليهم حرام رجال علي نسوان اكان انزلو استحمو وكت فاطرين حمالتك علي للعصر نملاء في الجرادل وندخل في الطشاشة في الحيران . . قالت فرشة قالت . . اصلك ما تسيبا كان سابتك ما تسيبا
03-05-2013, 12:36 PM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25106
Quote: الناس الجايين من برة قاعدين نجيب ليهم فرش بدل فرشاة واحدة عالم الله
ذكرتني الحتة دي يا طلحة من فترة جانا واحد من أهل العوض و بات معانا في البيت قمت من الصباح طلعت ليهو فرشاة جديدة من شنطتي الفوق راس الدولاب طبعا دي حركات المغتربين الواحد بيجهز للإجازة من بدري بدري المهم زولنا شال الفرشاة و مشي علي الحمام طبعا لقي ليهو كم صباع كده زولنا عينو ما وقعت الا علي كريم (نير) الشهير لإزالة الشعر و معط ليك الفرشاة و هاك يا سواك لما كلمني قال لي معجونكم ده مافيهو رغوة مالو قلت ليهو ياتو معجون ده رفع لي ال(نير) قلت ليهو يجازي محنك يا ود العفر سجمك راح يقوم ليك شعر جوة خشمك
03-05-2013, 12:56 PM
عبدالله ود البوش
عبدالله ود البوش
تاريخ التسجيل: 08-12-2009
مجموع المشاركات: 6700
Quote: يعني الباع جملو بيكون أشتري ليهو كرتونة صابون
اها ومكضبين طلحة ( اسمو دا ساهي كرم ) في الخمسطاشر فرشة العفينة دي والحالة نسى الخمسطاشر سنقل تو . . طمبل يا حبيب تحياتي وين ياخي ما طولنا ياخي بل بطنا دي عفنت عفن
03-05-2013, 01:00 PM
امير طمبل
امير طمبل
تاريخ التسجيل: 10-22-2010
مجموع المشاركات: 1722
Quote: طمبل يا حبيب تحياتي وين ياخي ما طولنا ياخي بل بطنا دي عفنت عفن[/QUOTE
ود البوش الزول البشوش بركه بالشوفه ...قلت ليك يا حبيبنا دق سلف و تعال لينا هنا في دوحة الخير نعمل ليك نضافة للمصافي و لو عايز تغير فلاتر برضو ما عندك مشكلة المافي شنو ...تحياتي النواضر
03-05-2013, 12:53 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
Quote: معط ليك الفرشاة و هاك يا سواك لما كلمني قال لي معجونكم ده مافيهو رغوة مالو قلت ليهو ياتو معجون ده رفع لي ال(نير) قلت ليهو يجازي محنك يا ود العفر سجمك راح يقوم ليك شعر جوة خشمك
يا طمبل مواقفك مع أهل العوض ظريفة برضو .. لكن كان ما أخاف من الكضب أقول قاعد تزيدا موية ..
Quote: أيوة زعلت يا أمير .. كيف تقول بنسوك بفرشاة الزول الجائي من مكان تاني ؟ يعني نحن ما عندنا قروش نشتري لكل واحد فرشاة ؟ ياخ أنا مرة جوني ضيوف إشتريت لكل واحد 15 فرشاة ..
ايام الجامعة كان احد الاصدقاء وهو من اهل اليسار يحتفظ بفرشة اسنان واحدة يسميها فرشة الضيوف....كلما زاره ضيف يخرجها من "كيسها" امامه كانها لم تستخدم من قبل وقد يسبقها بى "وحاتك ما زول استخدمها"... بعد الاستخدام قد يصارحك بانها فرشة الضيوف اذا حاولت اخذها معك
03-05-2013, 01:21 PM
امير طمبل
امير طمبل
تاريخ التسجيل: 10-22-2010
مجموع المشاركات: 1722
طلحة من الزول دا جاء قعد جنبو مكنتو خفت ودخاخينو وصلت السماء وصوت كرنكو في السماء وبالطريقة دي شكلو ح يردف سبيكة البت دي ما أضافتني وبلكتني البت دي ظريفة وماعارف شنو دا غير العدائية الظاهرة مع الجنس الخشن وبدأ يعايرهم بحاجات عجيبة ــ دا زائد ..... موضوعك مع حبيبنا عمر عبد الخالق مس أندر ستاندنق ليس الأ أهو جمبك في الشارقة وإنت ماجايب خبرو حسي كان جكس في صقط لقط كان عرفتو :)))))))))) ـــ ود البشرى إي وشوش ولا برضو الموقف ما بستحمل غايتو تحوطيا" دا واحد تاني ( )
03-05-2013, 03:55 PM
moaz elsir
moaz elsir
تاريخ التسجيل: 09-13-2008
مجموع المشاركات: 1652
أستضافت الاستاذة كوثر بيومي في برنامجها الذي تبيثه القناة الفضائية السوداينه الشاعر جبر الله عوض السيد والشاعر عثمان مامان وودالشفيع ، فكان لابد من الخضوع لعمليات التلميع والمكياج قبل مواجهة الكاميرا والظهور على الشاشه فبعد تسجيل الحلقة ارسل لي عثمان مامان لجبرالله معاتباً فى خضوعهم للمكياج فكانت الحصيلة هذه الرباعيات
عثمان مامان:ـ بعد ماكنت شاد ديمة قارن الدير حاجات الميوعة مقطعة الفرفير انقلب الزمان صِحْ يا صباح الخيــر سوُّولك بُدَر ومسحوك بالفيــر
جبر الله عوض السيد سكت ود الشفيع الكان كلامو كتير قبل مايربي ريش كان عندو نيه يطير فرحان بالبقت بتردو تاني صغير في اشعار حماسنا جابلو نضماً غير
عثمان مامان : بعد ما كنت يا مامان مسمى الحاج من درب الميوعة يارفيق لجَّاج حاشوك الجماعة ودخلوك في سياج من بعد البُدَر رسـمولك المكياج
جبر الله عوض السيد خدعونا الجماعة ومالقينا مـلاج قالو وقاية من ساطع الإنارة علاج ناسي انزعجوا غاية وحسوا بالإحراج حكم أُم تكو نقبلو لا عفو لا إفراج
عثمان مامان : بعد ما كنت يا جبرالله مُر في اللوك خِلقولك جنينا من علوك دلوك جابولك مرايا وبالكِريم دهنـوك يا حليلك زمان وكتا بتاكل الشوك
جبر الله عوض السيد إنت معاي قدر فرفرت ما خلوك أنا اتقدمت شوف شيل ابكريق في اخوك ساعة الزرَّة أريت كان ناس حمد شافوك استسلمنا كلنا والجـــــــبار مفـكوك
عثمان مامان بعد الشيب هجم شال الشباب وخـتفلو سوولك فعل قلبك قبيل شنَّفـلو ما دام الكريم جسمك خلاص لطفلو يا جبر الله خايفك بكرة تتقريفلو
جبر الله عوض السيد حَرَص ود الحبيب ما فيش طريقة تجفلو موعودين عقب حلقة وأوعى تغفلو يامامان أخير خبـــر الكِريم ده تقــــفلو قبال ما يقولوا عليك بتشـــــــرفلو
عثمان مامان في آخر عمرنا ظهرت حكاية شينه للبدرة والمكياج مشينا بي كرعينا تقول خــــدرونا أصـلنا مـــا لاويــنا ربـك ستر من قـلم الحواجـب لينا
جبر الله عوض السيد عندنا هيبة وكتين في الرسبشن جينا شايلين السيوف بالقومي زينا زينة بي مسح الكريم كتلو الحماس الفينا إن بقى هادا حالنا ما بربح الراجينا
حسن احمد حسن مجبور مو خيار غصبوني للمسيح وقالو لية واجب شان هسي راكب الريح السبب الوجعني وخلاني ماني نصيح المسحني كان مصري ولسانو فصيح
03-05-2013, 04:12 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
هووووي يا أهل العوض أخير تلزموا أدبكم كلو و لا بتنا دينا خالد دي أما علمت يا تنظير أن دينا من أندينا في البلد ؟ و أنها أميرة دنقلاوية سليلة كنداكات النوبة دينا خالد تحمل جينات ملكية عمرها سبعة آلاف سنة فمن أنتم علي قول عمكـ القذافي ؟؟ دينا خالد تقول الدايراهو .. ست بلد ... دنقلاوية و هلالابية .. تاني فضل شنو ؟؟
* توضيح للناس المكنتم خفيفة : الموضوع مجرد مزاح مع حبيبنا طلحة تنظير .. لذلك مافي زول يجي يشبكنا عنصرية و حنكـ عاضي زي ده
03-05-2013, 04:24 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
يا أمير الأمين أهل اليسار ديل أهل العوض بتاعين الفرنجة واللا شنو .. أول مرة أشوف لي طالب جامعي بخيل وقرف ..
يا ود البوش انا عارفك كريم وطيب ولكن ما لدرجة انك تصدق كلام جرجير كمان .. معقولة ياخ ؟.
يا محمد عبدالله دينا خالد بتحب تهظر مع المشاهير دائما .. البرالمة مشاهير في المنبر .. وأهل العوض مشاهير في السودان .. لكن أنا بس زعلان منها عشان قالت ما بنشتري للزول الجائي من مكان تاني فرشاة .. وكمان قالت بنوم في أوضة النوم .
يا حيدروف يا صاحبي العزيز سلامات ومشتاقين .
يا عباس يا حبيب ياخ أهل العوض باقي ليهم شوية ويبقوا صحابة .. والبنسبوه لأهل العوض ما خلوا ليهو حاجة حرم .
يا بلة من ناحية عايز موضوع مع دينا خالد عايزو .. لكن البوست دا عاملوا عن زعل حقيقي .. لأنو قالت لينا ما بتشتروا فرش للضيوف ؟
يا أمير محي الدين المكنتو ما خفيفة مع الجكس فليشوف ليهو طريقة تإنسان رخيص ليها لأنو كدا بكون فيهو شىء ما طبيعي .. هكذا قالك الزول القاعد جمبي دا ..
يا moaz elsir يا حبيب شكرا للدعم والمساندة .. شنو من ديك وعيك ياخ ؟
يا بلة السواك زي ما عارف حرية تصرف بيخص سيدو ومافي زول بعرف البتسوك منو والما بتسوك منو زي الصيام .. الواحد عادي ممكن ينشف ليك شلاليفو ويعدم ليك حلقو اسم الريق ويتماوت ويربط رأسو بزعم انو صايم وهو تلقاهو قبل خمسة دقائق ضارب ليهو فتة موية فول وشارب ليهو جك موية بارد .. والكلام دا يشمل أهل العوض وأهل بابكر وأهل لوي وأهل فرانشسكو توتي .. كلهم سواء .. وما تقول لي السنون بيض واللا صفر لأنو ممكن واحد يكون سنونو بيض وما بتسوك إلا في الأعياد وممكن واحد يكون سنونو صفر وبتسوك عشر مرات في اليوم . قضية البوست أنو أهل العوض ما بجيبوا الفرشاة لضيوفم ودا طعن واضح وتشكيك صريح في جود وكرم أهل العوض وهذا ما لا نرضاه بالطبع .
03-05-2013, 05:20 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
يا حمد عبد الغفار ما مشكلة والله إذا طلعت دينا واللا نزلت ولكن المشكلة إنو تنكر كرمنا الفياض ياخ .. معقول أهل العوض ما بجيبوا فرشاة لضيوفم .. وبنوموا في أوضة النوم كمان .. إنه لبهتان عظيم .
يا خالد عبدالله محمود ما تعمل فيها بتهظر معاي وحركات .. الزول دا رشوه ولفوه بأية حاجة قدامكم .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة