Quote: اعترف المدير الفني الأسبق للمنتخب الأرجنتيني لكرة القدم دييجو أرماندو مارادونا بأن لديه "حلما" بتدريب ليونيل ميسي في برشلونة "يوما ما"، معتبرا أن الفريق الكتالوني "فقد تماسكه تماما" منذ أن رحل جوسيب جوارديولا عن تدريبه.
وشاهد مارادونا من المقصورة الخاصة بكريستيانو رونالدو في استاد سانتياجو برنابيو أمس الأول السبت لقاء كلاسيكو الدوري الأسباني الذي انتهى بفوز ريال مدريد 2-1 ، وظهر اليوم الاثنين في مقابلة مع صحيفة (ماركا) أكد فيها أن "ميسي لا يمكنه أن ينقذ برشلونة في جميع المباريات".
وأكد مارادونا :"كنت مع ليو في البرنابيو وتعانقنا بحرارة. إنني أحب ميسي كثيرا وحلمي هو أن ألتقي به مجددا في برشلونة".
وقال :"السبت،عندما غادر ماسكيرانو وميسي غرف اللاعبين ، قفز قلبي من موضعه وقلت لنفسي إن حلمي الصغير ، ولذلك هو حلم ولدي الحق في امتلاكه ، هو أن أدرب برشلونة يوما ما".
ووصف الأسطورة المعتزل كريستيانو رونالدو بأنه "وحش"، رغم أنه استبعد أن يكون البرتغالي في الوقت الحالي في مستوى أعلى من ميسي.
وأكد :"لا ، ولا حتى في الوقت الحالي ، لا أراه كذلك. لا أعتقد أن بمقدورهم قتل ليو بسبب مباراتين".
وقال :"لو أردنا تسميته ليونيل فالأمر صحيح ، لكن لو أسميناه المنقذ ،فذلك ليس اسمه". وتابع :"على الناس أن تدخل في رأسها ليونيل ، فاسمه ليس المنقذ. اسمه ليو".
وحلل مارادونا المرحلة الصعبة التي يعيشها برشلونة ، وتحدث عن شخصية جوارديولا المدير الفني للفريق الكتالوني حتى الموسم الماضي.
وقال :"تيتو (فيلانوفا) مدرب كبير ، لكن بيب كان قد اكتسب روح الفريق.برشلونة فقد تماسكه تماما من دونه".
وأوضح مارادونا أن أداء برشلونة تحول "بدلا من ثلاث لمسات وكرة هدف ، يقوم بشيء آخر. لم يعودوا يفعلون ذلك ، بل لمسات من دون معنى" ، مشددا على أنه يرى فريقا "منهكا".
وانتقد الأرجنتيني المعتزل كذلك التخطيط الكتالوني للموسم: "برشلونة قام بمرحلة إعداد سيئة للغاية للموسم. لعب مباريات ودية بشكل مباشر لأنهم كانوا يدفعون له مبالغ طائلة أينما ذهب".
وربط الأمر بميسي "في الصيف كان يجبر على لعب 60 دقيقة في مباريات بلا معنى لأن المنظمين كانوا يدفعون مقابل ذلك. وأنهكوه كما فعلوا مع كثيرين في الفريق".
كما أوضح مارادونا أنه لم يقل قط إنه كان أفضل من ميسي ، كما ذكرت بعض وسائل الإعلام مؤخرا. وأوضح :"قلت إن والدتي ، التي ترقد في السماء ، ستقول دوما إنني أفضل من الجميع ، لكن والدة ميسي ستقول إن ليو هو الأفضل. لم أقل ولن أقول إنني أفضل من ليو".
كما دافع مارادونا عن احتمالية ضم ريال مدريد لمواطنه سيرخيو أجويرو معتبرا أن مهاجم مانشستر سيتي الإنجليزي "سيكون هو الحل المستقبلي" للفريق الملكي.
وأخيرا أشار إلى الرحيل المحتمل للمدرب البرتغالي جوزيه مورينيو عن ريال مدريد بنهاية الموسم: "لا يوجد بديل محتمل لمورينيو.. قرأت منذ بضعة أيام أن (خورخي) فالدانو يقول إن خليفته قد يكون أسبانيا ، لكن: من هو المدرب الأسباني الذي قد يأتي؟".
يعني وين المشكلة ما فهمتك؟؟؟ قصة منهك دي ولا شنو؟؟ مارادونا ما قال فريق منهك لكنه سيفوز على الفرق كلها ثم يعود هذه الإنهاك في مباراة ميونخ مش؟ إنت قول لينا فريق منهك وفل استب.. لكن تنهك لينا على كيفك دي مااا نبلعا ليك كان بقيت صبري لموشي زاتو.. الحقبة إنتهت يااا صبري أسمع كلامي وما تتعولق في روحك ساي وتقعد ليلك كلو تبحححت في النت.. وإن شلتو الدوري والأوربية و و و برررضو الحقبة إنتهت فما عاد ب رشلونة ذاك البرشلونة ولن يعود في القريب لو جيبتو قوارديولا ودراكولا وبمبلونا .. اسمع كلام زول مجججرم كورة ولا يعرف شئ غيرها ..
تخريمة : مارادونا ده إسطورتي التي لن تتكرر ولا مقارنة بينه وبين ميسي ولو نطط كل المسيياب ولو قالها مارادونا زاااتو ..
أسمع يا اللخو .. عشان النقاش ما يكون دائري .. بيني وبينك الأيام ...
بس عليك الله ما تزوغ أو تعمل رايح .. وتنتظر فوز الريال على البارسا الموسم القادم عشان تظهر تاني بنظرية نهاية الحقبة ...
وين زمنك دا كلو من نهاية الحقبة الربطتها بهزيمتين خلال أسبوع أمام الريال .. ياخي مُش ممكن لاعبي البارسا يكون ضربهم إسهال خلال أربعة أيام ؟!
Quote: قال النجم الكبير "أندريس إينيستا" أنه واثق تماماً من التأهل ضد "ميلان" يوم الثلاثاء 12 مارس المقبل .
في البداية قال : "سأضع يدي في ( النار ) أن الفريق واثق أنه قادر على فعلها , لدينا نتيجة سلبية , و ليست جيدة بطبيعة الحال , لكن عقليتنا و اعتقادنا أننا قادرين على العودة , صعبة لكن ليست مستحيلة" .. و استدرك حديثه : "المفتاح هو اللعب جيداً و الخروج للعب مثل ( النهائي ) , لأن بالنسبة لنا إنها مباراة ( نهائية ) , عقليتنا يجب أن تكون هكذا من أول دقيقة إلى النهاية" .
و بعد النتائج السيئة : "أنا أعتقد أن ( الجماهير ) واثقة من قدرتنا على العودة في النتيجة , في ( الليغا ) نحن في وضعية ممتازة بهذه المرحلة , نأمل كل عام أن نكون هكذا , و أنا متأكد أن الجماهير ستدعمنا في آخر الأسبوع بـ ( الليغا ) مثل مباراة دوري الأبطال ضد ( ميلان ) , سيساعدوننا كما فعلوا حتى الآن" .
و خسر "برشلونة" ضد "ريال مدريد" في مناسبتين : "ليس هذا ما كنا ننتظره , لكنها مباريات متوازنة جداًَ و تُحسم من خلال تفاصيل , نحن أيضاً فزنا عليهم , في النهاية نحن نتحدث عن ( ريال مدريد ) و ليس أي فريق" .
و في الأخير تحدث عن ضربة جزاء "أدريانو" بعدما عرقله "سيرجيو راموس" : "اللقطة كانت واضحة كضربة جزاء , كما شاهدها الجميع تقريباً , لكن هناك ( حكم ) الذي من المفروض أن يقوم بوظيفته , و هو لم يرى الأمور بهذه الطريقة , و نحن شعرنا بالأذى من هذه اللقطة" .
Quote: طبعاً انا ما مقتنع بي إنو فريق برشلونة إسطورة ولكنها حقبة دانت فيها السيطرة الإعلامية والبطولات لهذا الفريق.. وكما العلوم كل مرة بتطلع موضة قراية مرة الطب ومرة الهندسة ومرة الكمبيوتر والايام دي شايف الناس قايمة في ماجستير الMBA الواحد يكون خريج علوم إتصال بجامعة فداسي ويقول ليك بعمل في ماستر الام بي اي.. اها عل مر السنوات دانت في كل فترة الجماهيرية الكروية لفريق فمرة الميلان ومرة المانيو ومرة اليوفي وقبلهم نابولي..إستمر برشلونة في السنوات الماضية مسيطراً على الاجواء ..وكما أسميه فريق الاطفال وصراااحة كل ما الاقي لي زول بيشجع برشلونة بعرفو ليك يا قام في الكورة جديد يا مواليد التسعينات .. اليوم إن شاء الله نهاية هذه الحقبة بهزيمة تاريخيةيطوى معها ملف برشلونة أو خلونا نقول يفرفر بعدها برشلونة ليأتي الميلان ويقضي على باقي هذه الروح لتنتهي هذه الجوطة .. ولولا حسرتي على غياب ديماريا لأجزمت بالخسارة المذلة لبرشلونة لكن في غياب دي ماريا ح ندي فرصة لي بن زيمة
بس معليش بوستك الفوق دا كان قبل مُباراة الريال الثانية .. وكان توقيته بعد مُباراة الريال في الكأس .. ونكسة البارسا بدأت بمُباراة الميلان ثمّ امتدت إلى مُباراة الكأس أمام الريال ...
ومُباراة الريال الثانية داخلة في الحسبة فيما بعد البوست وليس قبله ..
إذاً رأي عُمر كان مبني بدون مُباراة الليقا .. هل هذا صحيح ؟
03-05-2013, 09:10 AM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
غايتو نحن المتفرجين اكبر الكسابنين، حنتعلم مهارات الغلاط بين اكبر قطبين له، ابو حسين لو كان في كان رشحناهو بجدارة ليكون الحكم. انا معاك يا صبري وما اظنك تحتاجني
Quote: غايتو نحن المتفرجين اكبر الكسابنين، حنتعلم مهارات الغلاط بين اكبر قطبين له، ابو حسين لو كان في كان رشحناهو بجدارة ليكون الحكم. انا معاك يا صبري وما اظنك تحتاجني
يا الفكي أخوي .. أنا جني وجن عصبية هلال مريخ الزمان ديك .. زولك دا ترك الموسم بأكلمه .. وترك صدارة البارسا وصدارة ميسي ونهى حقبتنا بي ضربة رأس قبل نهاية المُباراة بدقائق .. عليك الله شُفت المحن دي كيف ؟
03-05-2013, 09:12 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا صبري وبما إنو فهمك كعب معاي.. فعادل مسلم بيغني فيما معناه على كيفك تفوت وعلى كيفك تجي ..وعلى كيفك تعاال على كيفك تجي.. أها يا صبري إنت ما تفكر لي وتقرري لي وتبني بعد داك.. ياخ انا أجي وقت ما أجي أو اغيب وقت ما اغيب فده ما معناه إنو تقوم براااك تبني وتفكر ثم تقدر ..وما إنو انا ما جيت كتبت في مباراة بشلونة الدورية الخسرها وجيت كتبت مع ريال مدريد فمعناها انا مدسي مش؟
بالمناسبة إنت براااك الحددت إنو نكسة البرشا بدت مع الميلان ..انا بقول لأ وانا عااارف برشلونة بدت بتين ..بس ما معناها انا ما كتبت في الوقت داااك فده يخليك تفكر لي ..مش؟
انا جيت حددت وقلت اليوم نهاية حقبة ..مش؟ إنت في العربي برضو كنت بتللب بي الشباك؟؟ كلامي كان واااضح وما جيت سردت ليك ولا رجعت بيك لي ماضي ..جيت وضعت يوم محدد وتاريخ محدد لي إنو ده نهاية الحقبة ..التدهور بدا بتين ده اصصصلو ما جبتو ..يلا شابكني الارشيف قاعد الارشيف قاعد جييب لي انا ويين قلت الحقة انتهت لأنو الريال فاز في مباراتين.. ارجع واقول ليك يا صبري انا قلت اليوم نهاية حقبة ..وكان ذلك قبل مباراة الريال وبرشلونة بساعات في إشارة لي إنو الريال ح يفوز وح تنتهي الشغلانة .. فاز الريال وتحقق نصف المطلوب والأيام القادمة ح تكشف النصف التاني.. بس ده الحاصل بكل بساطة .. لكن تقوولني كلام ما قلتو انا ومن ثم تبني عليهو غايتو دي بالغت فيها يا صبري..
03-05-2013, 09:47 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: وعادي جداً إنو يجي يشوتا ميسي وتضيع وفي الحالة دي إعتمادي على النتيجة برررضو ما كان ح يقنعك.. إنت قايل اللولوة دي بيشتروها من عطارد؟؟
اللولوة ما بشتروها من عطارد .. بس الغريب إنّك اختزلت نهاية الحقبة دي في مُباراة واحدة كما شرحتها لي فوق وكتوقع لنتيجة كان ممكن جداً أن تأتي بغير ما توقعته حتى ولو بظلم الحكم للريال .. فهل هذا صحيح ؟
03-05-2013, 10:30 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: Quote: وعادي جداً الحكم كان ممكن يحتسب ركلة الجزاء .. وفي الحالة دي اعتمادك على النتيجة كُنت حتبلّو وتشرب مويتو ...
وعادي جداً إنو يجي يشوتا ميسي وتضيع وفي الحالة دي إعتمادي على النتيجة برررضو ما كان ح يقنعك.. إنت قايل اللولوة دي بيشتروها من عطارد؟؟[/
اوسكار غلاط ليكم الاتنين في الحتة الفوق دي الاتنين ما بتنقبضوا ...
يا عمر برشلونة ما ساهل حقبتو تنتهي بالسهولة دي .. فريق عملاق عندو افضل مدرسة ناشئين في العالم بشهادة الجميع ولديه موارد مادية كبيرة بمكانه التعاقد مع افضل اللاعبين .. ما رأيك ؟ ويكفي ان غالبية لاعبيه خريجي المدرسة وحتى المدرببين كمان ، غوارديولا و فيلانوفا ورورا التعبان ده ، كلهم خريجي لاماسيا .. هذا الموسم سينتهي بلقب الليغا لان نسبة تخطي برشلونة بالنسبة لي 1% فقط ، يعني مجرد احتياط لمفاجآت كرة القدم لا اكثر ولا اقل ، برشلونة منهك وبحالة نفسية سيئة ومتخم ويحتاج لتحديات جديدة و بعض التغييرات على مستوى اللاعبين و الخطط .. لكن نهاية حقبة .. نو وي .. كان ممكن كلامك ده يكون واقعي جدا لو لم يحسم لقب الليغا ، اكبر مسابقة في اسبانيا ..
تحياتي
03-05-2013, 10:33 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
يا محمد عمر الفكي ياخ ظلمت عمر الفاروق بالتأكيد صبري طه معروف في المنبر بغلاطو الشرس جدا لدرجة انو ممكن يغالطك في اسمك .. وأسئلتو الصعبة بمناسبة ودونها .. صبري طه : وين السؤال ؟
محمد عمر يا فكي: إنت أظنك قايلني من ناس طلحة ديل مش؟ يا زول نحن من النوع البنلم حاجاتنا في أوضة الضيوف وما بنتسوك زاااتو وعليه يا حبوب عشان ما تزحمني بي ونسة لامسيا دي فياخ برشلونتكم ده في موسم من المواسم الحديييثة دي كان فيهو 11 هولندي أساسي!!! منننن الحارس لحددددي راس الحربة ..عارفم ولا أجي أذكرك ليهم؟؟؟ قوارديولا نمر من ورق والأيام ح تثبت ليكم ..ولو كان هذا القوارديولا يلمك نصف موهبة وطينة المدربين الكبار خليهو يمشي يدرب فريق زي إنتر ميلان الحالي أو فريق زي أرسنال الحالي ويجي يورينا عقليته التدريبية.. بالله عليك كدي وريني كورة واااحدة إحتجتو فيها لي فكر قوارديولا التدريبية بين الشوطين أو أثناء مباراة والزول ده عملا ليكم ومرقكم من زنقة ؟؟ وريني خطة واااحدة أستعصت عليهو اثناء المباراة وقدر فك شفرتها فيما بعد؟؟ بالنسبة لي فيلانوفا ده فشايفك حشرتو ساااي فوق البيعة ووالله تلقاكم ما سمعتو بيهو الا بعد درب برشلونة .. الريال ولولا المشاكل والافتعالات ما بين لاعبيه الدوري ده زاااتو ما كان شميتوهو .. بالله عليك تعال وريني الجماعة ديل رايك فيهم شنو ؟ وهل هم فخر لمدرسة ناشئين ويصنفو من اللاعبين اصحاب الموهبة أو حتى الفكر الكروي؟ 1- فالديس.. 2- بيول.. 3- بيكيه.. 4- بيدرو ..
لو في فخر ليكم بي لاعبين أحني لهم رأسي إحتراماً فهم إنييستا وبوسكيش ..ديل ما في يومهم برشلونة في الببح لا تقول لي ميسي لا جن أحمر..
Quote: التشكيلة والنتيجة المتوقعة للقاء الليلة من جول
تصنيف الخبر : المباريات الخبر بواسطة المحرر بشير الكبيسي بتاريخ الثلاثاء 05 مارس 2013 في تمام 14:36 التعليقات 17 | القراءات 2880 حجم الخط : [ أكبر | أصغر ] موقع جول الإنكليزي الشهير كان من ضمن المواقع و الصحف التي تكهنت بالتشكيلة التي سوف يدخل بها كلاً من جوزيه مورينهو مدرب ريال مدريد والسير أليكس فيرغسون مدرب مانشستر يونايتد وذلك عندما يتقابلوا الفريقين أمسية اليوم الثلاثاء في ضمار بطولة دوري أبطال أوروبا .
Quote: عمر الفاروق كتب: تخريمة : مارادونا ده إسطورتي التي لن تتكرر ولا مقارنة بينه وبين ميسي ولو نطط كل المسيياب ولو قالها مارادونا زاااتو ..
يا عُمر مارادونا مهارياً أفضل من ميسي ومافي مُقارنة .. ولكن كفعالية ميسي أفضل من مارادونا ...
ياخي ميسي مرّات الفاولات ما بتوقفو يعني بترقد ليهو في الواطة عشان تعمل معاهو فاول بتلقى نفسك عملت فاول مع الهواء .. يعني زي نكتة أدروب عرض اللوري فات ...
مثال: شوف الصورة التحت دي .. الميدان كلو خايف اللوري يفوت
Quote: الزول ده رييحني يا عبد اللطيف..مبسووط منو انا والله
كانت إعادته للفريق ضربة معلم والله ياشيخ عمر ، خروجه كان حسرة كبيرة أيام ذهابه لفياريـال ، وهو أحد ضحايا عملقة كاسياس الآن على مايبدو أستقر رأيه بعد أن أراد أن يكون أساسياً : أن احتياطي ريـال مدريد أهم من أساسي في كثير من الفرق!!
وبعدين أنا زاتي متكيف منك شديد ياخ في تحديدها مع صبري دا ، ماعندنا ليه حيل والله ، الراجل شباب وروحه مشنقة : والله مايقتنع لو عملت ليهو موية سكر ،،
شوية شوية ياحبيب حتشوف اخلاق الكاتلان تتفسخ : اهو داك فالديز يمكن يكون الموسم بالنسبة ليه انتهى،،
وبعد شوية حسيبو لبيول بعد فرشختو دي ،،
وميسي تاني يتنح مباريتين لي قدام والله لو ناجى يخلو ليهو مداخلتين زي الترتيب زيو وزي ابو حسين دا،،
Quote: ماسكيرانو نسيته يا ود الفاروق سجلوه مجامله لميسى وكمان ما تنسى العتالى ادريانو
تحياتنا ياهندسة طبعاً ماسكيرانو ما من مدرسة اللاماسيا لكنهم عندهم وهم كدا أسمو الناس القصار قصار أسرع تأقلماً مع التيكي تاكا ، عشان كدا طلعو إبراهيمفيتش وأيتو وأخيرا سيدي كيتا ،، وسجلو ألبا ، وسونغ ، كلهم لو ملاحظ نفس المقاس ، وخلو في النص الكنتارا وتييو = كلهم مقاس ميسي وتشافي وانيستا : الوهم دا الآن كريستيانو طيرو ليهم في راسهم بالضربات الراسية من الركنيات : كلما تنعكس كورة بنط بنتظرهم فوف في الجو ،، في الهجوم نفس الشي : لاحظ في المباراة الفاتت كان عندهم كورة معكوسة من الكورنة : بيكيه لم يفعل أي شيء غير أسقط (فاران) ليتفادى اي قفزة منه ويتيح الفرصة لناس شبير شبير ،،
ههههههههههه
والله مبالغة البارشا دي : كل مباراة أنا بستغرب ماشية معاهم كيف !! يقول ليك استحواز سبعين في الماية وهم مضروبين 2 ، انتو بتضيعو في الزمن بالشكل المفروض يفعلو الفريق الفائز هههههههههه ،،
غايتو فعالية أكتر من كأس العالم ده ما شوفناها .. وفعالية تخليك براااك وحححدددك كده تنشل ليك فريق من الهبوط لي بطولة الدوري دي أريييتا فعالية السرور.. كدي خلي ميسي ده ينفعل لينا كده ويشييل الارجنتن كأس العالم وححححدو وبعد داك نشوف.. غايتو يا صبري حاجتين ريحوني في كنكوج ود البشرى الفعالية والإعياء..
03-05-2013, 03:30 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
والله يا عصام جبر الله وود البشرى يااا حليلكم .. تحنننو والله .. بقرا مداخلاتكم وعيوني بترقرق من الدميّع .. بعدين زي ما قال ليكم ود التيجاني الفنيلة بي 35 ريال وأظن لو إتنين بيجاملوكم بيدوكم ليهم بي ال ستين ريال .. علييك الله يا جبر الله كان ما اشتريت فنيلة سونغ..
03-05-2013, 03:32 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
تعرف يا عبد اللطيف.. زمااان انا كتبت ليهم هنا بمناسبة القصر ده ولمن كان فابريغاس في الارسنال إنو أرسنال إذا عايز يفوز يترك مهمة مراقبة ميسي وإنييستا لي ناس قصاار زييهم وحرفا.. يعني اسة زي ميسي ده لو ختيتو مع أوزيل والله الكورة تطير ليهو في راسو ..
Quote: ديل بوسكي: نحن لسنا منافقين فكريستيانو الأفضل الكاتب بشير الكبيسي بتاريخ 2013-03-05 17:49:19
ظهرَ مؤخراً المدير الفني للمنتخب الإسباني فيسينتي ديل بوسكي أمام وسائل الإعلام وتحدث عن المباراة التي شغلت العالم بإسره وهي (مانشستر يونايتد VS ريال مدريد) والتي سيكون موعدها سهرة اليوم الثلاثاء وأكد مدرب المرينغي سابقاً إن نجم الفريق كريستيانو رونالدو هو أفضل لاعب في العالم حالياً . وأشارة فيسينتي إن اللقاء بين الريال والمانيو سيكون غير متوازن , وأضاف: " لا أعتقد إن مانشستر سوف يلعب للدفاع عن النتيجة التي حققها في الذهاب ولهذا السبب فريال مدريد ستكون لديه مساحة للوصول إلى الهدف , ونحن لسنا منافقين حالياً كريستيانو أفضل لاعب في العالم حالياً وخاصةً من خلال تأثيره على الفريق وايضاً الخصم ورأينا هذا في المباراتين ضد برشلونة " .
وطبعاً ياطه ديلبوسكي احسن من مارادونا في التدريب بمراحل
Quote: غايتو فعالية أكتر من كأس العالم ده ما شوفناها .. وفعالية تخليك براااك وحححدددك كده تنشل ليك فريق من الهبوط لي بطولة الدوري دي أريييتا فعالية السرور.. كدي خلي ميسي ده ينفعل لينا كده ويشييل الارجنتن كأس العالم وححححدو وبعد داك نشوف.. غايتو يا صبري حاجتين ريحوني في كنكوج ود البشرى الفعالية والإعياء.
لم يفز مارادونا بدوري أبطال أوروبا البتة .. فما رأيك ؟
ثمّ أنني أعتبر دوري أبطال أوروبا أقوى من مُنافسة كأس العالم .. فما رأيك ؟
والفعالية التي أقصدها ليست الإنجازات .. إنما حركة اللاعب في الملعب وفعاليته من حيث الوصول للمرمى والتعاون مع زملائه وقد شرحت ذلك بأدروب عرض ولكن يبدو أنّك لم تفهمني ... أمّا من ناحية الأرقام فميسي حقق أرقام مع ناديه من حيث الأهداف وصناعتها لا أعتقد أنّ ماراردونا وصل إليها ...
وناقص كأس العالم مع الأرجنتين لمرّة واحدة فقط .. ماذا تساوي إنجازات مارادونا مع ميسي ؟
ميسي من حيث الإنجازات أوّل لاعب في العالم يُحقق الكُرة الذهبية لأربعة أعوام .. والمُدهش في ذلك أنّها مُتتالية .. فهل ينتظر عُمر الفاروق اليوم الذي يرى فيه لاعب يصل لما وصل إليه ميسي في هذا الإنجاز بالتحديد ؟
على العموم وعشان الكلام يكون موثّق بمصادر لا تقبل القسمة على 2 أتمنى أن أجد الوقت اللازم لإبراز إنجازات وأرقام اللاعبين ...
القصة وما فيها زي ما قُلت هي عصبية هلال مريخ .. ولو كان ميسي لاعباً للريال .. ربما وجدنا عُمر الفاروق أكبر المُطبّلين له ...
03-06-2013, 06:19 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
عاين يا صبري وزي ما كل مرة بقول ليك : قدر ما درّسنا فيهو درس وااااحد ما فهمو .. للدنيا والعالمين خليك عارف قصة جائزة الكرة الذهبية وافضل لاعب في اللعالم والإحتفالية بتاعت الفيفا دي يحكمها الإعلان والشركات الراعية وبيزينس ومافيا .. ياخ دي جائزة شالا كنافارو تاني تفتكر شنو ليك؟؟؟ الفيفا لمن عمل إستفتاء القرن تصويت العامة والبسطاء كان بأغلبية كاااسحة لماردونا ضد بيليه..لكن الفيفا قام لقاها ما ظريفة وعمل ليهو إستفتاء داخلي وصوت لي بيليه وقررو تقسيم الجائزة !!! ومع إني ضد الإستفتاءات عبر النت والتصويت لعدم دقته لكن يا صبري مقارنة ميسي بماردونا تقرأها في عيون الجمييع ..والاغلبية مقتنعة بفاعلية ماردونا .. يا صبري مليون مرة بقول ليك وعليك الله افهم كلامي ده..ميسي لاعب ما عندو أييي خيال ..لاعب محدود التفكير والإبداع..صاح يمتلك سيطرة وتحكم في الكورة حد الإعجاز لكن ميسي ممكن تحضر ليهو خمسة مباريات متتالية ما يفاجأك بي أييي إبداع وخيال كروي.. ميسي في جميع المباريات تتوقع أن تشاهده في واحدة من الحالات التالية: جري بي الكورة.. إنفراد بالمرمى ثم وضع الكورة جب أو بليسنق. ضربة جزاء ..
وعشان اوقع ليك فكرة الخيال دي تاااني بكرر ليك شوف وشاهد اللاعب دينيس بيركامب ..ده إسمو لاعب خيالي وأفقو واااسع وممكن كل يوم وكل مباراة يدهشك ويفاجئك بغير المتوقع.. يا صبري والله انا جااادي مارادونا ممكن يلعب هو ومعاهو حارس مرمى ضد فريقكامل وممكن تنتهي الكورة تعادل .. إضافة للموهبة فالروح التي يملكها ماردونا ميسي ما عندو ربعها.. حركة شنو يا صبري العايز تقارن بيها ميسي وماردونا..إت بي صحك؟؟ ياخ احضر مباريات ماردونا مع البرازيل وميسي مع البرازيل وتعال نقارن..
يا صبري مع ناديه دي زمااان ود الصايم قال ليك سادومبا حقق مع ناديه الهلال ما لم يحققه ميسي واحز في مباراة رسمية 9 أهداف !! ناديه دي ممكن تلعب ضد فريق مورتاني تعمل ليك إنجاز.. وبالمناسبة مع ناديه دي خت برضو تحتها خطين لأنك محتاج تضييف لي ناديه دي أسماء زملائه في الملعب ..
غايتو ياصبري انا في ماردونا والهلال بتفق تماما مع عمر الفاروق وميسي مافي اي مقارنه بينه وبين ماردونا ... وصراحة عجبتني حتة الخيال من المعلم عمر الفاروق وحقيقة بالجد ميسي طريقة لعبو واحده ومفهومة جدا ... عكس ماردونا تماما ياخي ماردونا ده الكورة ما تاخده من رجلو الا بي فاول الشئ التاني لاحظ المساعدين في برشلونا لي ميسي في حالة غياب اي واحد فيهم بكون ميسي خارج الشبكة .. اما الاسطورة ماردونا في المنتخب الارجنتيني كان نصف الفريق هو صانع اللعب وهو الهداف والمنقذ نفس الشئ ايامه في نابولي .. يازول ماردونا اسطورة وفنان وكل شئ ..
Quote: غايتو ياصبري انا في ماردونا والهلال بتفق تماما مع عمر الفاروق وميسي مافي اي مقارنه بينه وبين ماردونا ... وصراحة عجبتني حتة الخيال من المعلم عمر الفاروق وحقيقة بالجد ميسي طريقة لعبو واحده ومفهومة جدا ... عكس ماردونا تماما ياخي ماردونا ده الكورة ما تاخده من رجلو الا بي فاول الشئ التاني لاحظ المساعدين في برشلونا لي ميسي في حالة غياب اي واحد فيهم بكون ميسي خارج الشبكة .. اما الاسطورة ماردونا في المنتخب الارجنتيني كان نصف الفريق هو صانع اللعب وهو الهداف والمنقذ نفس الشئ ايامه في نابولي .. يازول ماردونا اسطورة وفنان وكل شئ ..
طيّب ساعدني بالأرقام ...
كم أحرز مارادونا من الأهداف وكم أحرز ميسي ؟ كم صنع هذا وكم صنع ذاك ؟
حتّة المهارات دي ما مُختلف معاكم ياخ ...
ثم سؤال: طيلة فترة مُتابعتك لحاجة اسمها كُرة قدم أو حتى مصارعة حرّة هل شاهدت مثل هذه اللقطة:-
(عدل بواسطة صبري طه on 03-06-2013, 01:33 PM) (عدل بواسطة صبري طه on 03-06-2013, 01:35 PM) (عدل بواسطة صبري طه on 03-06-2013, 01:36 PM) (عدل بواسطة صبري طه on 03-06-2013, 01:38 PM)
03-06-2013, 01:56 PM
الصادق عوض الصادق عوض
تاريخ التسجيل: 04-30-2009
مجموع المشاركات: 657
أولاً: إنجازات مارادونا مع الأندية الأوروبية (الدوري الأرجنتيني دا أنسوهو ما أظن مُهم)
معلومة مهمّة جداً وهي عُمر مارادونا في الملاعب كلاعب مُحترف = من 1976 حتى 1997 يعني تقريباً = 21 سنة
نادي برشلونة الإسباني (حيث لم يفز معه ببطولة الدوري ولم يفز أيضاً ببطولة دوري أبطال أوروبا): 1- فاز بكأس الملك = مرة واحدة 2- فاز بكأس السوبر = مرة واحدة
نادي نابولي الإيطالي (حيث لم يفز معه ببطولة دوري أبطال أوروبا): 1- فاز ببطولة الدوري الإيطالي = مرتين 2- فاز بكأس إيطاليا = مرّة واحدة 3- فاز بكأس السوبر الإيطالي = مرّة واحدة فقط 4- فاز بكأس الاتحاد الأوروبي = مرة واحدة 5- حقق لقب هدّاف الدوري = مرّة واحدة فقط
ــــــــــ المعلومات القادمة بخصوص مسيرة ليونيل ميسي مع الأندية الأوروبية وهي في ناديه الوحيد برشلونة .. وعُمره في الملاعب كلاعب مُحترف من 2004 حتى 2013 يعني تسعة سنوات فقط
أحسب ليك يا عُمر الفاروق ولاّ لا .. ممكن تقول الرووووب بخليك ...
غايتو يا صبري انا ما جاي زول غلاط ولا بقدر عليه و كلامك صاح من أسّي دي عشان نكون واضحين :) لكن خت في بالك مارادونا جا لقى نابولي راقد سلطة طحينة عديل كدا و ميسي جا برشلونة ياهو برشلونة
ولماذا لم يفز مارادونا مع برشلونة ببطولة الدوري الإسباني ودوري أبطال أوروبا ؟
ــــــــــ إنت شكلك ناسي إنّو مارادونا لعب في برشلونة ...
بس ما تقول لي برشلونة برضو كان راقد سلطة .. لأنو في الحالة دي حأقول ليك خلاص جيب الدكوة وأعمل لينا سلطة دكوة جامدة كدا .. ما تقول كمان بطني قارصة شوية :)
03-06-2013, 05:31 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ودا حالتو كبيت ليك الرووووب عديل كدا في بداية مداخلتي و قلت ليك ما جاي زول غلاط؟ استاهل انا زاتي :)
كدي خلّيك معانا في النقاش دا بدون غُلاط .. وأحكم ياخ .. وين أنا قُلت ميسي ألعب من مارادونا .. كلامي واضح جداً مهارياً مافي مُقارنة بين مارادونا وكل اللاعبين الذين شاهدتهم في حياتي ...
بالنسبة للفعالية .. ميسي فعاليته أكبر بكثير من مارادونا .. مُش بس من حيث إحراز الأهداف حتى من حيث صناعة الأهداف ...
نعم مارادونا أحرز كأس العالم وظهر بمظهر أفضل من ميسي مع المنتخب .. ولكن دا ما مقياس عشان نقيس بيهو فعالية مارادونا بمجموع مسيرتو .. مع فعالية ميسي بمجموع مسيرتو .. إلاّ نفصّلها أندية مُنتخبات .. وفي دي الحُكم على مُشاركات ميسي القليلة مُقارنة مع مُشاركات مارادونا الكثيرة مع المنتخب سيكون ظالماً في حق ميسي .. يكفي أنّ مارادونا شارك في أربعة كؤوس عالم ...
النادي هو بيت اللاعب قبل المُنتخب .. كم مُباراة لعبها ميسي مع الأرجنتين .. وكم مُباراة لعبها مع برشلونة .. أصلو مافي مُقارنة ...
وبمثال البرازيل الجابو داك .. كم مُباراة لعبها ميسي ضد البرازيل وفي كم مُباراة انتصر .. وبرضو أحسب لمارادونا ...
أنا قُلت ليهو جاييك .. وفي البوست دا إن شاء الله حيعرف الطّفى النور منو جد جد :)
ـــــــــ
(عدل بواسطة صبري طه on 03-06-2013, 05:45 PM) (عدل بواسطة صبري طه on 03-06-2013, 05:48 PM)
Quote: مسيرة ليونيل ميسي مع الأندية الأوروبية وهي في ناديه الوحيد برشلونة .. وعُمره في الملاعب كلاعب مُحترف من 2004 حتى 2013 يعني تسعة سنوات فقط
خلال تسعة سنوات فقط يا عُمر الفاروق انظر ماذا فعل ميسي مع البارسا
الدوري الإسباني: 5 2004–05، 2005–06، 2008–09، 2009–10، 2010–11 كأس ملك إسبانيا: 2 2008–09، 2011–12 كأس السوبر الإسباني: 5 2005، 2006، 2009، 2010، 2011 دوري أبطال أوروبا: 3 2005–06، 2008–09، 2010–11 كأس السوبر الأوروبي: 2 2010، 2012 كأس العالم لأندية كرة القدم: 2 2009، 2012
المصدر دا طبعاً من دون احتساب الدوري الإسباني لهذا الموسم ودوري أبطال أوروبا الذي لم ينتهي بعد ...
دا كلّو في تسعة سنوات فقط يا عُمر الفاروق وحاشاك من طشاش الشبكة ياخ ...
بالنسبة لبقية إحصاءاته مع برشلونة عندك المصدر .. بس أبلع ليك بندول قبل ما تمر عليهو
ــــــــ ولسة بدري جاييك ...
03-06-2013, 09:14 PM
عصام علي أحمد عصام علي أحمد
تاريخ التسجيل: 07-16-2006
مجموع المشاركات: 2419
طيّب مُش أهو إنت شايفني بجاهد في أكثر من ثلاثة بوستات .. إنت وين منّها .. وليه ما وقفت معاي ...
أها برضو خوتك إتعرفت ...
ـــــ يا حبيب ناس الريال الشايفاهم عيني ديل ما ناس طويلة ... شوف دي نظرية خطّها في رأسك .. أي فريق كورة بيعتمد في كورتو على الجري والعتالة ما فريق طويلة ...
يا خوانا في معلومة مغلوطة متداولة بكثرة ، مفادها انو مااردونا (نجمي المفضل الى الآن ) كان شايل نابولي براهو ، هذا الكلام غير صحيح ، مارادونا كان معاهو نجوم لكنه طغت عليهم نجوميته وشخصيت القوية والمثيرة جدا ، يا خوانا نسيتو كاريكا ، شيرو فيرارا ، دي نابولي ، كارنفالي ، باني .. ماردونا كان الاكثر تاثيرا ، لكن ما ممكن ابدا يشيل الدوري الايطالي براهو مع موجود افضل مدافعي العالم في الدوري الايطالي وقتها في فترة الثمانينات وهم في نظري افضل مدافعين لعبوا كورة ever .. وهذا مما يزيد من قيمة مارادونا بالطبع ويساهم في تقليل انجازاته ايضا .. لكن ما في زول بشيل بطولة دوري من كم وتلاتين مباراة براهو ، يختلف الامر في المنتخيات بالطبع حيث يعتمد النظام الاقصائي المباشر وممكن المباراة تنتهي بضربة حظ .. لكن ميسي في نظري افضل هداف في تاريخ كرة القدم .. افضل من بيليه ..
03-07-2013, 11:32 AM
usama Babiker usama Babiker
تاريخ التسجيل: 01-07-2013
مجموع المشاركات: 2285
Quote: الدوري الإسباني: 5 2004–05، 2005–06، 2008–09، 2009–10، 2010–11 كأس ملك إسبانيا: 2 2008–09، 2011–12 كأس السوبر الإسباني: 5 2005، 2006، 2009، 2010، 2011 دوري أبطال أوروبا: 3 2005–06، 2008–09، 2010–11 كأس السوبر الأوروبي: 2 2010، 2012 كأس العالم لأندية كرة القدم: 2 2009، 2012
ياصبري مقارنتك دي اضيف ليها انو ميسي لاعبين معاه تمانية من المنتخب الاسباني الحائز علي كاس العالم وكاس اوربا وافضل فريق في العالم مما يؤكد بان العمود الفقري لفريق برشلونا وهو بالطبع العمودي الفقري للمنتخب الاسباني .... مما يؤكد بان ماحدث من انجازات برشلونة المقتبسه اعلاه تحققت بسبب الطفرة الحدثت في الكرة الاسبانية ومنظومة برشلونا بشكل خاص ..
Quote: ياصبري مقارنتك دي اضيف ليها انو ميسي لاعبين معاه تمانية من المنتخب الاسباني الحائز علي كاس العالم وكاس اوربا وافضل فريق في العالم مما يؤكد بان العمود الفقري لفريق برشلونا وهو بالطبع العمودي الفقري للمنتخب الاسباني .... مما يؤكد بان ماحدث من انجازات برشلونة المقتبسه اعلاه تحققت بسبب الطفرة الحدثت في الكرة الاسبانية ومنظومة برشلونا بشكل خاص ..
طفرة الكُرة الإسبانية حدثت بسبب طفرة البارسا ...
ثمّ يا جماعة ما تجهجهوا المعلقة .. فهل برشلونة تيم الرجل الواحد .. أم أنّ الرجل الواحد يعتمد في نجوميته على التيم ككل ؟
طلحة تنظير مطلوب أيضاً حضورك للإجابة على السؤال ...
Quote: يا خوانا في معلومة مغلوطة متداولة بكثرة ، مفادها انو مااردونا (نجمي المفضل الى الآن ) كان شايل نابولي براهو ، هذا الكلام غير صحيح ، مارادونا كان معاهو نجوم لكنه طغت عليهم نجوميته وشخصيت القوية والمثيرة جدا ، يا خوانا نسيتو كاريكا ، شيرو فيرارا ، دي نابولي ، كارنفالي ، باني .. ماردونا كان الاكثر تاثيرا ، لكن ما ممكن ابدا يشيل الدوري الايطالي براهو مع موجود افضل مدافعي العالم في الدوري الايطالي وقتها في فترة الثمانينات وهم في نظري افضل مدافعين لعبوا كورة ever .. وهذا مما يزيد من قيمة مارادونا بالطبع ويساهم في تقليل انجازاته ايضا .. لكن ما في زول بشيل بطولة دوري من كم وتلاتين مباراة براهو ، يختلف الامر في المنتخيات بالطبع حيث يعتمد النظام الاقصائي المباشر وممكن المباراة تنتهي بضربة حظ .. لكن ميسي في نظري افضل هداف في تاريخ كرة القدم .. افضل من بيليه ..
وقد يكون أفضل صانع أهداف من حيث الأرقام مُستقبلاً ...
يعني كل الطرق مُعبدة وتؤدي إلى تتويجه بالأفضل في أيّ حاجة حتى أكل الكوارع ...
ـــــ في حاجة مهمّة ولكن تحتاج إلى مجهود كبير وهي الحساب عن طريق النسبة .. ففي هذه الحالة أتوقّع أن يتجاوز ميسي الكثير من اللاعبين ...
تحليلي لهدف ميسي في مرمى الديبور في مُباراة أمس بالدوري ...
استلم الكُرة من إنييستا وكالعادة أمامه غابة من سيقان الفريق المُنافس بخياله الواسع عرف في أي اتجاه وفي أيّ مساحة يتحرّك .. لدرجة أنّه لم يسمح للمُدافعين بالتفكير كثيراً في ارتكاب مُخالفة معه ..
وفي اللحظة المُناسبة عرف كيف يلعب الباص لزميله .. وفي نفس الوقت عرف كيف وإلى أي اتجاه يتحرّك وبأي سرعة .. ليصل في الزمان والمكان المُحددين حسب الكروكي المُرفق ..
وبخياله الواسع عرف كيف وأين يلعب الكُرة في المرمى مُحرزاً هدفاً من أهدافه ذات الخيال الواسع ...
ـــــ بمُناسبة الخيال الواسع دا عايز لي واحد يحكي لي نكتة عن أصحاب الخيال الواسع ... ويا حبّذا لو تقدّمها عبارة "وسسسسسسسسسسسسسسع"
صبري طه في حالة كونه مركّب مكنة علاء الدين تمبس
03-10-2013, 08:35 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
في مباراة هلال كادوقلي والمريخ مرر لاعب الهلال كادوقلي الكرة في منطقة دفاع المريخ.. اللاعب بابور وبخياله الواسع لاحظ تحرك باسكال.. وبخياله الواسع توقع أن يقلش باسكال الكورة عن طريق الزلقة.. ولحظة إستلامه للكرة وبخياله الواسع لاحظ خروج أكرم الهادي سليم.. ثم واصل رحلة الخيال سدد بالقرب من أكرم الهادي حتى لا يتمكن من صدها.. فكان هدف أكثر من رائع للاعب بابور ينم عن خيال واسع ..
Quote: في مباراة هلال كادوقلي والمريخ مرر لاعب الهلال كادوقلي الكرة في منطقة دفاع المريخ.. اللاعب بابور وبخياله الواسع لاحظ تحرك باسكال.. وبخياله الواسع توقع أن يقلش باسكال الكورة عن طريق الزلقة.. ولحظة إستلامه للكرة وبخياله الواسع لاحظ خروج أكرم الهادي سليم.. ثم واصل رحلة الخيال سدد بالقرب من أكرم الهادي حتى لا يتمكن من صدها.. فكان هدف أكثر من رائع للاعب بابور ينم عن خيال واسع ..
لا يا عُمر .. هدف بابور ما فيه أيّ خيال واسع .. إلاّ تكون ساي عايز توسّع بي ناس البُشاري ...
هدف بابور خطأ مشترك من دقسة باسكال .. ومن خروج أكرم الهادي ..
فأين خيال بابور في ظل هذا الوضع المتأزّم ؟!
ميسي لم يعتمد على خطأ إنّما بمهاراته وخياله الواسع وسرعته تفوّق على الجميع ...
إنت عارف الخطأ الوحيد شنو .. الخطأ الوحيد إنّو الدفاع لم يعطّل ميسي حتى ولو بالتضحية ونيل إنذار ...
03-10-2013, 08:46 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
صبري بديك حركتين لي فكرة الخيال الواسع الأولى حقت بيركامب اللي لعب الكورة ورا ضهرو وورا ضهر المدافع ومشى لحقها بهناك وسددها جابا قون.. التانية حقت اللاعب بيليه لمن اتلعب ليهو الباص في خط ال 18 وهو جا قاطع بي صورة قطرية وفووت الكورة ومشى ورا حارس المرمى ولحقها تاني وسددها ومرت أوت.. اللقطة اللي ضرب فيها روناالدينهو تقريبا ورونالدو برضو الكورة بي ضهرو باص لي نفسو ..
دي ما مهارات فردية ولااا ذكاءبقدر ما هو خيال مع إنو ممكن بعدهم مليون زول ممكن يفكر يعمل حركتهم دي بي الكربون وتظبط عااادي .. بالمناسبة الخيال ما بيجي مرة واحدة لكن بتقدر تلاحظو في كتييير من حركات وتمريرات اللاعب وهي ليست بالضرورة مرواغة أو قون بقدر ما هي حالة ذهنية تستشفها من حركة وطريقة لعب اللاعب.. ميسي تقليييدي يا صبري.. إنييستا خياااالي يا صبري.. هيثم مصطفى خياااالي يا صبري.. سكسك خياااالي يا صبري..
03-10-2013, 08:49 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: هدف بابور خطأ مشترك من دقسة باسكال .. ومن خروج أكرم الهادي ..
صبري إنت جااادي؟؟؟!!!! يا زول بابور شنو وطرمبة منو ؟؟ انا عايز اقول ليك ساااهل الواحد يضيف كلمة خيال مع أي جملة يقولا زي ما عملت إنت .. قون ميسي ما فيهو أييي خيال ..فيهو مهارة ممكن فيهو ذكاء نقول بس ده ما خياااال.. إنت يا إما ما فاهمني بقصد شنو بي الخيال في كرة القدم يا كمان زول تقليدي في الكورة .
Quote: إنت يا إما ما فاهمني بقصد شنو بي الخيال في كرة القدم يا كمان زول تقليدي في الكورة .
ياخي أنا فاهمك كويّس .. ومُداخلتي كانت بنظام كيدي ووجائع لك ليس أكثر ...
وبعدين إن شاء الله حأشوف معاك قصّة الخيال الواسع دي ...
وربما أتفق وأختلف معك في بعض اللقطات ...
ـــ بالمُناسبة يا عُمر أنا عندي تسمية تانية للخيال الواسع وهي "الكنترول الغير مرئي أو الغير متوقع حتى من اللاعب نفسو" يعني بيلقى نفسو إتصرّف بطريقة وليدة اللحظة وهو ذات نفسو احتمال ينخلع ...
Quote: صبري بديك حركتين لي فكرة الخيال الواسع الأولى حقت بيركامب اللي لعب الكورة ورا ضهرو وورا ضهر المدافع ومشى لحقها بهناك وسددها جابا قون.. التانية حقت اللاعب بيليه لمن اتلعب ليهو الباص في خط ال 18 وهو جا قاطع بي صورة قطرية وفووت الكورة ومشى ورا حارس المرمى ولحقها تاني وسددها ومرت أوت.. اللقطة اللي ضرب فيها روناالدينهو تقريبا ورونالدو برضو الكورة بي ضهرو باص لي نفسو ..
دي ما مهارات فردية ولااا ذكاءبقدر ما هو خيال مع إنو ممكن بعدهم مليون زول ممكن يفكر يعمل حركتهم دي بي الكربون وتظبط عااادي .. بالمناسبة الخيال ما بيجي مرة واحدة لكن بتقدر تلاحظو في كتييير من حركات وتمريرات اللاعب وهي ليست بالضرورة مرواغة أو قون بقدر ما هي حالة ذهنية تستشفها من حركة وطريقة لعب اللاعب.. ميسي تقليييدي يا صبري.. إنييستا خياااالي يا صبري.. هيثم مصطفى خياااالي يا صبري.. سكسك خياااالي يا صبري..
طيّب يا عّمر .. عشان ما أناقشك بدون دليل .. انتظرني المساء واليوتيوب قاعد والحُكم لك ولزوار البوست في خيالية ميسي ...
ــــ من أفضل لقطات الخيال الواسع هدف لتشافي هيرنانديز في مرمى الريال (اليوتيوب بعدين)
يا صبري والله بتضيع في زمنك ساهي من بسم الله كلمتك وقلت لك الفاروق دا زول غلاط ساهي جاني ناطي الاخطبوط العظيم طال عمره وقال لي ظلمت الزول، وانا المسكين صدقتو ما على نياتي ومفروض طوالي اعرفها ، هو زول صاحب الاخطبوط حيكون كيف يعني؟ تحين يا الفاروق انت ما صاحب عمران؟ عشان يوم الثلاثاء ان الله حيانا الشوت يكون موحد والله يا صبري مما قال هيثم مصطفى خيالو اوسع من ميسى بطني طمت منه باطن وظاهر غايتو يا الفاروق كفارة كلامك الفوق دا تفتشوف تسجيل مباراة بايخة وتحضرها عشان بطنك تطم نهائي من الكتابة وتتخارج لنا من هنا بالمناسبة يا الفاروق لو برشلونة طار من دوري الابطال والريال لولا مساعدات شاكير طار برضو فهل يعني هذا نهاية حقبة الكرة الاسبانية؟ مجرد سؤال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
إدريس البدري
محمد عمر الفكي
Abdullah Idrees
طلحة عبدالله
محمد البشرى الخضر
احمد التجانى احمد
usama Babiker
الصادق عوض
عصام علي أحمد
فيس بوك
تويتر
انستقرام
يوتيوب
بنتيريست