|
|
 برشلونة VS ريال مدريد .. مطلوب مفسر احلام رياضية (فقط) ..
|
دائما ما احلم بمباريات برشلونة المهمة ، خاصة المباريات الاقصائية في دوري الابطال ..
اليوم وبمناسبة ترقبي الكبير جدا لمباراة الكاس حلمت كما جرت العادة ..
رأيت فيما يرى النائم الكامب نو وقد اكتست خضرته بلون البلاوغرانا ..
دخل اللاعبون المباراة .. وفي الحقيقة لم اتعرف عليهم جميعا للمفارقة !!
الحارس فالديز ياهو زاتو .. الباك اليمين مايكل رايتزغر ؟؟ سجمنا ، الزول ده كان بلعب في برشلونة زمااااان زمن الكتيبة الهولندية واتكل على الله مع كلوفيرت و اوفر مارس وفرانك ديبور ، جا من وين ؟ وكمان لابس المريلة بتاعة التدريب !!
بيكي موجود ومعاهو واحد في قلب الدفاع ما عرفتو ؟
الوسط كما هو ، ميسي موجود لكن براهو ما معاهو اي مهاجم تاني نهائي ..
|
|
 
|
|
|
|
|
|
|
 Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
| Quote: بس ياخي ساعدنا بالتفسير كمان .. |
دايرني اغوشك ولّ شنو ؟ ههههه
اخوك ما بقدر يفسر , وأصلاً ما مقتنع بي حكاية الأحلام دي
و بعتبرها اوهام وخزعبلات ساكت يراها النائم.
برشلونا اتهزا في اخر مباراة من الميلان المتواضع هذه الايام بهدفين .. لانه كان خارج ارضه
أما اليوم مع الجمهور , النصر أكيد والتأهل للنهائي مضمون ... على العموم نتابع ونشاهد
واتمنى لك مشاهدة طيبة
| |
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
يا حبيب
انت صحيت ولم تكمل المبارة !!
وكانت النتيجة 1 لصالح البرسا مقابل صفر ( لجزاري ) ريال مرميط
يعني لو كان رجعت تاااااااااااني واخدت ليك غفوة لمدة 10 ثواني كان التاني جا ... واحتمال التالت كمان 
المهم
ولا يهمك
باذن الله سيفوز البرسا
وانشاء الله الرسام ( انيستا) يكون في يومو
يعني بالواضح كده
ارجع كمل نومك ساااااااااااااااااااااااااااي
البرسا سيفوز سيفوز
كم ؟؟ الله يعلم
لكن !!
اتوقعها .. نتيجة كبيرة لصالح البرسا
بعدين انت الصحاك شنو ياخ .؟؟ ما كان تصحي بعد التلاتة
ـــــــــــ
شكرن
عفون
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: طارق حرسي)
|
Quote: عني بالواضح كده
ارجع كمل نومك ساااااااااااااااااااااااااااي
البرسا سيفوز سيفوز
كم ؟؟ الله يعلم
لكن !!
اتوقعها .. نتيجة كبيرة لصالح البرسا
بعدين انت الصحاك شنو ياخ .؟؟ ما كان تصحي بعد التلاتة |
طارق ده جنس الكلام البخلي الفار يلعب "باك " في عبي .. الثقة الشديدة ياخ ضيعتنا مع ميلان ..
انوم شنو ياخ والله من امبارح بمجرد ما انوم كده يتعارض لي بيبي براسو العجيب ده يطيرا من راسنا ..
كلو ولا ريال مدريد .. اخسر مع اي فريق ما بهمني ، الا ريال مدريد ..
على قول سمير غانم "حضرتك تمسح بي الارض مسح بس بكرامتي "
مشاهدة طيبة
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
المهم .. واستعيرها هنا من تبارك لاستخدمها بالمقلوب ..
المباراة مهمة جدا لريال مدريد اكثر من برشلونة .. سمعة خوزية مورينيو على المحك وهذا ما يهمه كما تقول مصادر كثيرة ..
سيدخل الريال المبارة بكامل عدته ، واظن ان اربيلوا سيرتاح اليوم ، سيلعب راموس ظهير ايمن وفاران مع بيبي في الوسط ، كوينتراو ظهير ايسر ..
في الوسط : خضيرة ، الونزو (احرف لاعب في ارتكاب الاخطاء) ، اوزيل ، دي ماريا ، ايسيان وفي الهجوم رونالدو ، بن زيمة ..
الريال عندو مباراتين مهمات جدا الاسبوع الجاي مع برشلونة (الدوري) ومان يونايتد في الابطال ودي الاهم .. عشان كده مباراة الدوري ما حا يهتم بيها شديد لانها غير مؤثرة .. وسيركز على مباراة اليوم ومباراة منتصف الاسبوع المقبل مع مانشستر ..
برشلونة سيلعب بخطته التقليدية واتوقع مشاركة فيا في الشوط الثاني .. مع اختلاف بسيط في موقع حارس المرمى كالعادة في مباريات الكاس ، رغم انو بينتو ده ما بثق فيهو ابدا .. رغم اني افضب اشراك تيو من البداية ، بدرو وسانشيز لم يقدما اي شيء في هذا الموسم ولا ادري لماذا الاصرار عليهما ؟
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
Quote:
برشلونة سيلعب بخطته التقليدية واتوقع مشاركة فيا في الشوط الثاني .. مع اختلاف بسيط في موقع حارس المرمى كالعادة في مباريات الكاس ، رغم انو بينتو ده ما بثق فيهو ابدا .. رغم اني افضب اشراك تيو من البداية ، بدرو وسانشيز لم يقدما اي شيء في هذا الموسم ولا ادري لماذا الاصرار عليهما ؟ |
وجود اي اثنين من الثلاثة ( سانشيز ) و ( ديفيد فيا ) من البداية مهم
( سانشيز ) و ( فيا ) .. مصدر ازعاج للخصوم بتحركاتهم و ما يمزهم السرعة بالاضفاة للاعب الشاب ( تيو )
والافضل ان يلعب ( تيو ) في الشوط التاني .. او ( بيدرو ) ... وافضل ( تيو ) ..
اتمني ان يلعب ( سونق ) من البداية في الارتكاز .. لانو ناس الريال ديل محتاجين للاعب مثل سونق يقاتل مع ناس ( الونسو وبيبي وباقي الجزارين )
ــــــــــــــــ
خطورة ريال مرميط في اللاعب ( اوزيل ) لو كان في يومو .. وغير كده .. ما عندهم الكترابة
بالتوفيق للبرسا ... لمرمططة ريال مرميط ..
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: طارق حرسي)
|
Quote: وجود اي اثنين من الثلاثة ( سانشيز ) و ( ديفيد فيا ) من البداية مهم
( سانشيز ) و ( فيا ) .. مصدر ازعاج للخصوم بتحركاتهم و ما يمزهم السرعة بالاضفاة للاعب الشاب ( تيو )
والافضل ان يلعب ( تيو ) في الشوط التاني .. او ( بيدرو ) ... وافضل ( تيو ) ..
اتمني ان يلعب ( سونق ) من البداية في الارتكاز .. لانو ناس الريال ديل محتاجين للاعب مثل سونق يقاتل مع ناس ( الونسو وبيبي وباقي الجزارين ) |
انا بصراحة خطة 4-3-3 دي بقيت ما بثق فيها ابدا مع اسلوب برشلونة .. وافضل 4-4-2 ، الدفاع هش جدا ، اي هجمة مرتدة عبارة هدف محتمل ..
يلعب ميسي مع مهاجم (فيا-تيو-بدرو) بالترتيب .. سانشيز ده خارج حساباتي تماما .. في الوسط بوسكيت ، تشافي ، فابريغاس ، انيستا ..
على ان يساند انيستا الهجوم من اليسار ، ميسي من اليمين ، وفابريقاس خلف راس الحربة ايا كان ، مع تبادل موقع راس الحربة بين ميسي واي من فيا او بدرو .. في حال وجود تيو يمكنه اللعب مع ميسي على الاطراف ..
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: عصام علي أحمد)
|
لاحظت في المواجهات الأخيرة للفريقين .. أنّ مورينيو اعتمد على رفع اللياقة البدنية والسرعة للاعبيه .. وذلك لمُساعدته في الصمود ومُقارعة البارسا ...
وأتمنى أن يكون قد فطن أهل البارسا لذلك .. وقيامهم أيضاً برفع معدّل لياقتهم وزيادة سرعتهم وإيقاعهم الأصلاً سريع إلى أعلى درجات ممكنة .. عشان مورينيو يعرف الطّفى النور منو 
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: صبري طه)
|
Quote: يارب منصورين على الضباع بأذن الله
اتمنى ان يشارك تيلو من البداية
الولد ده ساحر عديل واخطر من كل المهاجمين
المدرب خوردى رورا عنده مشكلة فى التغيير مابعرف يغير صاح
واتمنى ان لايمر العضو المزعج عبداللطيف بكرى على هذا البوست
وكذلك العضو الاخر ودالصايم الجوز ديل بشجعوا الضباع هههههههه |
عصام يا حبيب ..
انا ايضا افضل تيو على سانشيز وبيدرو ، جريء جدا وسريع ، وجماعيا مفيد ، عيبو الوحيد في اضاعة الفرص ، مفروض يركز في التسديدة النهائية ..
رورا زول عجيب ياخي .. في مباراة ميلان الفريق لاعب زي الزفت وما عايز يستفيد من التغييرات المتاحة ليهو ، ما قدرت افهم ابدا ليه ما عايز يغير ؟
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
حبابك صبري ..
| Quote: لاحظت في المواجهات الأخيرة للفريقين .. أنّ مورينيو اعتمد على رفع اللياقة البدنية والسرعة للاعبيه .. وذلك لمُساعدته في الصمود ومُقارعة البارسا ... |
مورينيو ما عندو حل تاني ، جرب النظرية بتاعة Parking the bus بعد المباراة بتاعة الخمسة قاموا فيهو ناس ريال مدريد ، يازول ده ريال مدريد شنو لاعب لينا بتسعة مدافعين ؟ قام صاحبنا غير للخطة بتاعتو الاسي دي ، السرعة + العدوانية + دفاع متقدم .. برشلونة مشكلة بقت عدم التأقلم على مجريات المباريات والدفاع المهزوز ..
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: احمد التجانى احمد)
|
اسامة البوست ده بعد ما مشى اسفل سافلين الوداك تنكتو شنو ..
| Quote: غايتو ياعبد الله من امس حلمك ده جعلني اتخوف من الكورة لانو انا نظريتي للحلم عكس وده الحصل ....الشئ الاخر اثبت امس كريستيانو رونالد هو الافضل ... |
ريال مدريد استحق الفوز .. برشلونة دفع تمن استهانتو بدور المدرب الكفء ..
ياخي نحن فيلانوفا ذاتو ما اقنعنا تجيبوا لينا مساعدو؟ الزول لحد السنة الفاتت كان شغلوا بجيب فيديوهات المباريات ويشاهدا نيابة عن المدرب طبعا ويدون ملاحظاتو ويديها المدرب ، يعني انا وهو "سرجنا واحد" .. فيلانوفا مصاب بسرطان ارتد عليه مرة اخرى مفروض يجيبوا مدرب كويس يمسك الفريق لحد نهاية الموسم وبعد داك يشوفو ..
الفريق مشكلتو واضحة من عدة مباريات ومن فترة .. بدخل المباراة وهو ناقص لاعبين او ثلاثة ؟؟؟؟
فابريغاس وبيدرو / سانشيز لا يلعبون مع الفريق .. تائهين في الملعب ، ما عندهم ثقة ، اضف اليهم تشافي منذ اصابته الاخيرة ، كان واضح في مباراة ميلان انو مش جاهز تماما ورغم كده اشترك اساسي .. تياغو وتيلو يستحقوا يلعبو من بداية المباراة لكن المدرب ######## ..
رونالدو عمرو ما حيلحق ميسي .. لكن العيب في دفاع برشلونة وخطتو المابغيرا دي .. مش ممكن اي هجمة مرتدة تجي قون بالسهولة دي؟
تحياتي
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
Quote: والله دى الا بتكون بتحضر تمارين الفريق حتى تعرفها
* الما شجع برشلونه من ايام شتويكوف وروماريو ما يجى ينظر لينا هن |
احمد التجاني هاردلك .. الجايات اكتر من الرايحات ، كلام مجاني طبعا ..
مورينيو محظوظ استفاد من ظروف برشلونة ، اللياقة من اساسيات كرة القدم بالذات في الدوريات الكبيرة ..
لكن ذلونا امبارح بيني وبينك ..
تحياتي ..
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
ياعبدو البوست رفعتو جمجرة بس والشئ التاني الرؤيا ذكرتني رؤية مزمل ود موسى والتريكي .... ندخل في الموضوع ياعبدو الفرق بين رونالدو وميسي ... الاخير لمن يكون شافي خارج الشبكة لاجود لميسي وهو بالطبع بكون خارج الشبكة عكس كريستيانو اللاعب صاحب المجهود الاوفر والامكانيات المهولة والسرعة ... صعب جدا جدا السيطرة علي تحركات رونالدو وبكل سهولة يمكن اغلاق المنافذ امام ميسي وهذا ما حصل في جميع المباريات الاخيرة ميسي مجرد ضيف شرف ....
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: usama Babiker)
|
شوف يا حبيب ..
رونالدو لو ما لقى مساحات ما بقدر يلعب ابدا .. واي لاعب اخر في العالم تتعمل عليهو رقابة زي ما بتعمل مع ميسي ما حايقدر يجيب قون واحد ناهيك عن 90 قون في الموسم ..
ثانيا : معروف انو كل الفرق تتكتل امام برشلونة ومن يفعل غير ذلك فمصيره الدمار .. وعندما يعجز ميسى عن التسجيل في مباراة تتناوشه الاقلام لأن هذا غير طبيعي على لاعب معدل تسجيله اكثر من هدف في المباراة ، عشان كده الناس يضربو ليك المثل بكم مباراة كده ، انتر ، تشيلسي ، ميلان ، ريال مدريد في كم مناسبة وبس !! طيب وباقي المباريات ؟
ميسي هو ميسي الذي سجل 17 هدافا في ريال مدريد .. هو ميسي الذي سجل هدفين في نهائيين وصل اليهما في دوري الابطال ..ونهائيين في كاس الملك وكاس العالم للاندية واطنان في الدوري ، هو ميسي الذي فاز بثلاثة القاب دوري ابطال و اربعة في الدوري ، هو ميسي هداف دوري الابطال لاربعة اعوام متتالية .. ميسي كائن خرافي لا يمكن نسيان ذلك اذا فشل في التسجيل في مباراتين او ثلاثة ..
برشلونة في حاجة لمراجعة اسلوب لعبه وتعديل تكتيكاته ، استقدام مدافع كبير مثل مات هاملز ، انهاء موضوع المدرب ..
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
Quote: هههههههههههههههههههه ياخ تخخخخخخخخخخخخخخخخخخخخخ
وين مفسرين الاحلام
يا صبري وحرسي تعالو يوم السبت بدري بس تعالو متعشيين لانو ان شاء الله ح يحصل كلام كعب خلاص المره دي كمان
واقعدو عافية قال مفسر قال ياخ تخ |
امير يا امير ادام الله عليك نعمته ، تكون مبسوط كده دايما .. إلا في الكورة .. يا رب ..
حا احلم ليك يوم الجمعة خليك قريب ، بس المرة الجاية انشاء الله حا اعرف اللعيبة كلهم وحينها ........................ "ما نطلق كلامنا ساي الظروف ما معروفة " ..
تحياتي
| |
|
|
|
|
|
|
|
|
 Re: برشلونة VS ريال مدريد .. مطلوب مفسر احلام رياضية (فقط) .. (Re: احمد التجانى احمد)
|
Quote: والله يا عبد الله ادريس خاب ظنك فيني
يا زول انا بحضر مباريات الكلاسيكو في قهوة بيكون فيها 200 نفر بيشجعوا برشلونه بما فيهم ولدي وأنا لوحدي بكون مع الريال
هاردلكم
|
بالحيل خاب .. اتخيلتك معانا طلعت مع الخيانة .. رشاش اسباني ..
بس ما حاقول ليك اتلم مع ال200 عشان تبقوا 201 .. ابدا .. لكن يوم السبت اوع تحضر المباراة مع ال200 ديل ولدك حينكرك حطب ..
تحياتي
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
Quote: صاحب البوستر وبقية الفشلو........سوري بقية الكتلان هارد لك تحلمو وتنهزمو في غيرا
ما بحب المكاواة بع معرفت النتايج لكن جيت اشيد بالبوست الروعة
يا حبيب فريقكم كان بوترالحكم ولاعبو الريال ودان بستفيد من الخطاء التحكيمية واخطاء الريال
المهم ريال مدريد مسؤلين ولاعبين وكوتش كانو بعرفو الكلام دا كويس
والان وانتو شايفين في المباريات الاخيرة ومن وجود المدرب الهارب قوارديولا الريال عرف يتعامل مع اقزامكم(الخدعة الكبرى)تمام التمام تفوق لاتخطئه عين ...
المهم الريال فريق كبير وصاحب العرش وعندو كل شيئ عشان ما بسمح لاي كان باعتلاء عرشه عشان كدا كنا بلاش تطاول وهرد كتير خلوها كورة عادية غالب مغلوب
معليش اخوي عبدالله دا لو مريت على المشاركة دي ..هارد لك . |
عثمان عمر من فرع الفيس بوك ..
مشكور ياخوي ..
الحكم كان سيء فعلا واسوأ منه لاعبي ومدرب برشلونة بالطبع .. الكورة بتاعة بدرو في الشوط الاول ضربة جزاء ما فيها كلام .. الخطاأ بتاع دي ماريا على ميسي في راس خط 18 من الناحية الشمال يستاهل كرت اصفر بدون اي شك .. تغاضى الحكم عن بعض الفاولات .. لكن اولادنا فعلا لديهم روح عالية و وهنأوا لاعبي الريال واحد واحد .. ولو كانت النتيجة عكس انت عارف لاعبي ريال مدريد بقدو السلك لا مبروك ولا بتاع ..
تحياتي والى القاء الاسبوع المقبل ..
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: Abdullah Idrees)
|
| Quote: الكورة بتاعة بدرو في الشوط الاول ضربة جزاء ما فيها كلام |
يا عبد الله ادريس , كلامك فيه تحيز واضح لفريقك , انا والحكم ومساعدوه شايفين انه بدرو رمى جسمه على لاعب الريال
ياريت تشوفها تانى بحياد , اما مصافحة اللاعبين فبتحصل فى كل الاحوال ومن كل الفرق الاوربيه ديل ناس محترفين
من العالم الاول ومعظمهم بيلعبوا فى فرقهم القوميه مع بعض , الملعب ساحة حرب تنهيها صافرة الحكم
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: احمد التجانى احمد)
|
| Quote: يا عبد الله ادريس , كلامك فيه تحيز واضح لفريقك , انا والحكم ومساعدوه شايفين انه بدرو رمى جسمه على لاعب الريال |
لا والله بتاعة الشوط الاول ضربة جزاء بدون اي تحيز ، الونزو ساب الكورة وعمل حادث حركة عديل كده مش فاول وبس .. الكورة مشت لليسار والونزو وبيدرو لليمين ..
هل تقصد في المرة الثانية ، لأن هنالك حالة بنفس التفاصيل في الشوط الثاني مع بيدرو نفسه لكنها لم تكن ضربة جزاء ..
تحياتي احمد
| |
|
|
|
|
|
|
|
|
|
Re: برشلونة VS ريال مدريد .. مطلوب مفسر احلام رياضية (فقط) .. (Re: عبد اللطيف بكري أحمد)
|
كان تشغلو عصام دا دمبوشي ،، والله فعلا اول مرة اشوف البوست دا
ههههههههههههه
عملتو غمرانين؟؟
| Quote: ياعبدو البوست رفعتو جمجرة بس والشئ التاني الرؤيا ذكرتني رؤية مزمل ود موسى والتريكي .... ندخل في الموضوع ياعبدو الفرق بين رونالدو وميسي ... الاخير لمن يكون شافي خارج الشبكة لاجود لميسي وهو بالطبع بكون خارج الشبكة عكس كريستيانو اللاعب صاحب المجهود الاوفر والامكانيات المهولة والسرعة ... صعب جدا جدا السيطرة علي تحركات رونالدو وبكل سهولة يمكن اغلاق المنافذ امام ميسي وهذا ما حصل في جميع المباريات الاخيرة ميسي مجرد ضيف شرف .... |
اسامة دا احسن زول بعرف كورة في الناس الحضرو هنا ديل بس طلع الباشمهنس أحمد التجاني وعمران ،،
لا علاقة بين الدون وميسي في جماليات كرة القدم!!
| |
|
|
|
|
|
|
| |
Abdullah Idrees
احمد محمد بشير
طارق حرسي
عصام علي أحمد
usama Babiker
عمران حسن صالح
Wael Jabir
احمد التجانى احمد
أمير محمد ادريس
فيس بوك
تويتر
انستقرام
يوتيوب
بنتيريست