|
لغه الجسد عند المتزوجين ....!
|
د.عادل الصادق المكى سى جى مان لغة الجسد عند المتزوجين:- قبل كدا كتبت عن لغة الجسد عند العشاق.... اها....الليلة نشوف بعض لغة الجسد عند المتزوجين"زوج وزوجة" في السوق:- لو شفتهم ماشين مع بعض.. والراجل محقب ايدهو ورا ضهرو والمرا ماشة وراهو... اعرف انهم في اول دكان يدخلوهو ح يمرقو منو ويهرجو هي تقول لو"وحات الله مو غالي"..وهو يقول لها" يا زولة مو غالي شنو؟؟؟.... والله في سوق ليبيا ارخص من كدي"..... من حقيبت الراجل ايدهو...ورا ضهرو اعرف انو ما ح يشنري باخوي واخوك........ولما يدخلو الدكان..المرا تدخل جوااااا وتقعد تتفرج وهو يجرجر في كرعيهو..وخطى حطوتين لي جوا من خشم باب الدكان ووقف ..اعرفو برضو انو مجبور وجاي السوق حُمرة عين......لو لقيتهم جايين داخلين مع بعض وهو قداما بخطوة ..اعرف انهم متفقين وجايين السوق باتفاق مسبق....اما دخلو وهي ماشة قدامو ,وهو وراها مدخل ايديهو في جيوبو.... وواقف يعاين وكل ما تسالو من رايو يهز راسو بي "ايوا" او ممكن يقول" ما بطال"...فاعلم ان قروش التسوق تقبع في محفضة المرا.....ودي نظرية(شهراً ما عندك فيهو نفقة ما تعد ايامو).......اما لوكان اثناء المساومة والمرا وسيد الدكان يتحاججو، قعد يدق في طربيظة العرض القادمو زي الدلوكة بي طرف اصابعيهو...اعلم هداك الله انو وصلتهم البيت الشكلة ح تقوم.......دا لو ما قامت في الشارع وهم مارقين من الدكان......وحردو السوق، وشالو درب المواصلات بي وين..... في البيت:- لو جيت داخل...ولقيت الراجل.... راقد فوق العنقريب ومتبطح..ومدي وشيهو الحيطة...وخاتي واحدة من اديهو فوق راسو..او طابق المخدة مغطي بيها راسو.... وهي قاعدة فوق طرف عنقريب تاني..وخالفه كرعيها .... كراع فيها فردة سفنجة والكراع المخلوفة حفيانة..وتهزفيها.... بسرعة ستين هزة في الثانية..... اعلم هداك الله انك جيت بعد شكلة جامدة بي خمسة دقلئق....تسلم هي ترد بي بسمة يا الله مارقة من خشما...."اهلا"....وانت سالت " الزول دا نايم والله شنو؟"....هي ح تسكت مسافة وتعاين لو...وهو يقبل عليك ويقوم يسلم عليك..ويقول ليك "والله وجع راس من جيت من برا"... وبيحاول يعاين ليها كلوكلو.... هي تقوم وتدنقر وتلقط باقي قزاز كباية مكسرة في الواطا...اعلم ان الكباية كانت سببا مباشرا او غير مباشر في نشوب الازمة..... او كانت احدى ادوات التنفيس التي يلجأ اليها الازواج.......الضكور.....
|
|
|
|
|
|
|
|
Re: لغه الجسد عند المتزوجين ....! (Re: سامى عبد المطلب)
|
^^^ هههههههههههههههههه جميل وواقعي
Quote: .لو لقيتهم جايين داخلين مع بعض وهو قداما بخطوة ..اعرف انهم متفقين وجايين السوق باتفاق مسبق... |
أفضل شي الاتفاق قبل الذهاب للسوق
او الشراء باللستة .....
مشكور يا سامي ..
| |
|
|
|
|
|
|
Re: لغه الجسد عند المتزوجين ....! (Re: مدثر صديق)
|
Quote: لو جيت داخل...ولقيت الراجل.... راقد فوق العنقريب ومتبطح..ومدي وشيهو الحيطة... وخاتي واحدة من اديهو فوق راسو..او طابق المخدة مغطي بيها راسو.... وهي قاعدة فوق طرف عنقريب تاني..وخالفه كرعيها .... كراع فيها فردة سفنجة والكراع المخلوفة حفيانة..وتهزفيها.... بسرعة ستين هزة في الثانية..... اعلم هداك الله انك جيت بعد شكلة جامدة بي خمسة دقلئق |
| |
|
|
|
|
|
|
Re: لغه الجسد عند المتزوجين ....! (Re: محمد عبد الله الامين)
|
لو لقتهم فى الشارع ماشين قريبين من بعض وهو يتكلم وهى تسمع ومبتسمة فاعرف انهم مخطوبين ... ولو لقيتهم ماشين وبرضو قريبين من بعض وهى تتكلم وهو يسمع فتاكد انهم متزوجين قرييب ... بس لو لقيتهم فى الشارع وهو على بعد عشرة امتار قدامها وما بتلفت عليها حتى فتاكد انهم متزوجين ليهم اكتر من سنه ...
تحياتى
| |
|
|
|
|
|
|
|