|
Re: عاجل .. من هـو .. ( مرحبا حسن مهدي ) ..؟ (Re: محمد عبد الماجد الصايم)
|
Quote: قبل كـدا أداني (مرحبا) ساي!! |
مرحبا يا كمال ترباس .. عشان ما تقول حرمتك من ايتها حاجة .. .. ياخ في تاريخ حياتي دي كلها .. حسن مهدي دي مع بعض كدا ما لا قتني .. لو قالي حسن ساكت بصدقو والله .. وكان بلقى ليهو عذر .. لكن حسن مهـدي ..؟ ولييه مهدي بالذات ..؟ ما لقى حسن مختار ..؟ حسن حسني ..؟ حسن والصفارة .. إلخ ..؟
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: tmbis)
|
دخلت البورد من بعد فترة .. توجهت غلى صندوق الرسائل حسب العلامة التوضيحيـة .. وللحقيقة .. اسعد ايما سعادة لما اللقى علامة صندوق البريد كدلالة على ان هناك رسالة فهي اشبه عندي بي (الشختك بختك ) الزمانك حيث تترك لك المجال في ان تتخيل جايزتك شنو ؟؟ يا الرسل ليك منو .. على العموم بكون فرح حتى ولو كان المرسل لي الرسالة اي من .. الفارات .. او اصحابي البيض الذين امتلات بهم هذه المساحة من منظراطية او غالاتيين او بتاعين .. بعد ان قرات الرسالة بتمعن .. قررت ان ارجع واعود إلى البورد ... تبعت التعليمات الخاصة بالعودة للبورد .. والطلب بالضغط على الايقونة المعنية حتى تتوفر لك الخدمة .. ضغطت .. رحبت بي الايقونـة بايقونة أخرى .. على الناحية اليمنى .. وهي الناحية المخصصة لعرض الاسم الخاص بي .. تفاجأت .. بالعبارة التي اعرضها عليكم .. مرحبـا حســن مهــدي ..
حسن مهدي .. يا بكري ابوبكـر ..؟ دي حركات جديدة واللا شنـو ..؟
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: osman righeem)
|
Quote: على العموم بكون فرح حتى ولو كان المرسل لي الرسالة اي من .. الفارات .. او اصحابي البيض الذين امتلات بهم هذه المساحة من منظراطية او غالاتيين او بتاعين |
إنت يا " فارة " بعد البكا الكبيتو في البيت المقفول " بهناكـ " أكبر بتاع زاتو الحمد لله الجاكـ بس " مرحبا حسن مهدي " ، سنسر بكري ده بتحسس مشاعر " الجرسة " برضو يعني هو حسي جاكـ باسم عادي المرة الجاية كان كبيت جرسلين زيادة أنا خايف يختار ليكـ اسم يخليلكـ تقوم " تتدسَة " .
..................................... حسن مهدي زميل حوش من مدينة كسلا الجميلة وهو زول جميل أخلاق وعشرة ان شاء الله يجي ماري تتعرف عليهو
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: حسن مهدي)
|
Quote: مرحبتين حبابك اهو حسن مهدي |
... اووووووو ابو علي ياخ .. ووين الحي بيك يا رجــل .. الشوق كميات ياااخ .. بعدين اديك ميزة : عارف عمران ووليد ديل .. اكتر اتنين ممكن يخربو العامرة البيناتنا .. ارجو انك ما تشتغل بيهم كتير .. وانا سؤالي دا زاتو كنت طارحو في شكل هظار وكدا .. طبعا انت عارف انو الدنيا آخر شهر والفلس بكون حاصل شان كدا .. يعني شنو ..؟؟ ما تاخد في خاطرك مننا
اخوك علاء الدين منصور يونس الشيخ الحسين .. بكتب في سودانيز بي اسم تمبس .. صاحب صديق رحمـة معاكم في كســلا وعندي اصحابي كتار قرو معاي من كسلا برضو .. شكرا يا ابو الحسن والما بيعرفك يجهلك ياخ
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: عمران حسن صالح)
|
Quote: إنت يا " فارة " بعد البكا الكبيتو في البيت المقفول " بهناكـ " أكبر بتاع زاتو الحمد لله الجاكـ بس " مرحبا حسن مهدي " ، سنسر بكري ده بتحسس مشاعر " الجرسة " برضو يعني هو حسي جاكـ باسم عادي المرة الجاية كان كبيت جرسلين زيادة أنا خايف يختار ليكـ اسم يخليلكـ تقوم " تتدسَة " . |
... حسع الله بسالك يا عمران دي مساعدة تقدمـه لي اخوك وهو منكوب .. وظاهر ليهو حسـن في الصورة ..؟ بعدين زمااان قلت ليك نحن عمرنا كلو بنبكي كاتم صوت .. لكن اليوم البنجعر والله نبكي ليك الدنيا دي كلها معانا اصلو ما بنبكي برانـا ..
Quote: ان شاء الله يجي ماري تتعرف عليهو |
.. ايوة انا عايز اتعرف عليهو .. لكن كلامك اصلو ما مطمن خاصة بعد الوش الخاتيهو دا .. على العموم الفيك اتعرفت لكن بنستعين بي قوات صديقة انا اتي القدامك دا سيدي الحسن بتاع كسلا في الحسبة جدي راسو عديل
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: osman righeem)
|
Quote: ما عندك عشرة ابدا يا علاء ده مش مراويد بتاعك |
.. .. يا ابو عفــان .. والله اخير قبل .. مراويد داك كان هدي ورضي .. وما بجيك في مكانك .. الا تمشي تهبشو .. لكن دا اقوليك من الانبوكس طوالي .. جاني ناطي
...... والله يا رغيم .. تلفوناتنا كلها الاتغير اتغير .. والجادعو في حتة جادعو .. اضف لذلك الايامات دي قريبتكم زميلة البورد في السودان .. وانا لاقيها فرصة .. وقاعد انوم .. نوم الفيله وقديما قالو نوم الظالم عباده .. فلو لقيت التلفون مقفول .. اعلم انني في نوم عميق جدا
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: ولياب)
|
Quote: حسن مهدي ده عندنا في سوق حلفا الجديدة من التجارة الكبار . وحسن مهدي آخر من القرية 7 عندو لوري وبيكد لواحدو . |
.. شفته عليك الله يا ولياب الجهجهة دي كيفنها ؟ بكري جهجه حسن وجهجه اللوري ... وحيرني انا ذاتي القدامك دا
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: وليد محمد المبارك)
|
Quote: والله الاسم ده بشبهك جنس شبه والله التكنلوجيا اتطورت بتفرز |
.. زمان في واحد في الحلة . ترزي الحيرة كدا .. تودي ليهو بنطلون جينز عايز ليهو رقعة مستعجلة تكو نعايز تكتل بيهو بارتي .. يا عندك .. مواعيد مهمة جايب ليهو بنطلون عايز ليهو كفـة انقليزية .. عارف دا يشدك .. لمن تعرف حاجة .. والمشكلة انو ماف ترزي غيرو بيخلص ليك المهمة دي المكنة نضيفة واضف لذلك انو البقية كلهم اعمامك بتاعين جلاليب .. يعني بنطلون الجينز دا لو دقسته فيهو عادي يعملو ليك ليهو (عمــود) .. اهــا يوسف دا بيحب الونسة .. بس مشكلتو كان شابكني ليك .. تعرف يا ( يـــس ) .. وشنو ما عارف يا (يــس) .. المهم مشغلة لي ردحا من الزمن .. وانا القصة دي تاعباني .. لانو (يــس) دا تحديدا كان امعط زول في الحلة فانا قلته الزول دا يكون قاصد يوصل لي فكرة انو انا يس سيد الاسم واللا شنو ..؟ يا زول اتحسسته شديد انا .. يوم مشيت ليهو وختيت (الطلوس) وكان عندي مواعيد مهمة وكــت *المسلسلة قلت ليهو بمشي وبجي اظبك ليهو رقعة .. جيت راجع وحيات ابتاسمتك لقيتو قلبو لي جلابية درويش عديل وبعدين ان ازمني ما بسمح يا زول جيت دقيت ليك ليهو جرس كدا لامن وريتو (الشطف القرد منو) طبعا الزول دا دخل في ضفورو وما قايل الحركة دي ممكن تطلع من الزول دا .. بعدين امنقه حاجة بعدما مشيت في نص الطريق كدا اتذكرت ليك انو الزول دا قاعد يقولي يـس .. جيتو ليك راجع قلت ليهو اسمع انا ما اسمي يــس ولا اي نقط نقط شخـووت كتار .. معاك .. وتاني لو جيت ماشي بي جاي وقلت لي يــس بحرق ليك الدكان دا
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: ود الباوقة)
|
Quote: الليلة جااااااااااااااااااااااااااااااااااااااااااااااااااااااااااااااااااااك |
والله يا شفت حركتك دي عاملة زي الليلة الجمعة العصرية وبكرة الواحد عندو تسميع الصباح .. اصلو ما بتطمنو الواحد .. ..
اركز شنو يا ريــس ..؟ عينك ليهو قالي ايوة انا حسن مهدي .. عايز شنو .. تقولي اركز ؟؟
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: فتحي الصديق)
|
Quote: حسن مهدي ده عندنا في سوق حلفا الجديدة من التجارة الكبار .
وحسن مهدي آخر من القرية 7 عندو لوري وبيكد لواحدو .
طبعا لا هذا ولا ذاك ، طيب خلينا نسأل الأستاذة منى محمود!!! |
ولياب : سلام وليه بتسأل الاستاذه منى محمود ...اهو سيد الاسم قدامك . . ونحنا عندنا الاولياب قبيلة بجاويه .. فبيلة ناظر عموم الهدندوه . عندك علاقه بالبجا... تحياتي
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: سيف النصر محي الدين)
|
Quote: يا زول انا شدة ما منزعج منها لما اصل حتتها بغمض العين الشمال عشان ما اشوفها و لكن هيهات تقول لي اعلن ههههههه |
..
يا وليد ياصقـر .. امس واحد فرده قديم كدا امنجي درجـة اولى وبعدين من اولاد امدرمان قرينا الثانوي في الوادي مع بعض .. وطبعا هو حريف جدا بيطلع حاجات زيك كدا ومرات مرات هو البيعمل الاعلانات زاتووو اتصل علي قالي شايفك جريت واطي لما ابو علي دا ظهر ليك .. قالي ذكرتني الكديسـة بتاعت كتاب المطالعة بتاعت الابتدائي .. لما ضربت الرووووب .. وقعدت تتوهم .. انا ما عارف بس سؤالك لي دكتور سيف دا .. ذكرني فردتنا دا الله يطراهو بالخير .. هو طبعا هلالابي
لكن عايز النجيضة ..؟ والله سؤالك دا في دار الرياضة ما تلقى ليك زول يسالو .. سؤال معلمين كبااار
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: أمير محي الدين محمد)
|
Quote: في الزول القاعد جنب طلحة |
... يا امير .. بكري دا بعد حسـن مهدي دا جا امورو محسومـة بنجيهو ليك .. لكطن كدي خلينا في موضوع الراقل اللي واقف قمــب طلحـة وانا بعتقد انو من اهم اساسيات المرحلة اننا ندعم الزول دا كويس .. اولا بالدعوات الصالحات انو ربنا يوفقو ويقيف لي طلحـة دا في حلقو مع اي كلـكة يكلكلـة للماوس .. اضف لذلك .. نطلع كلنـا شيرنق جماعي ونوفر ليهو اكتر من نضارة بتشوف بي زوايا مختلفـة بحيث انو يشوف من كل النواحي .. اي اقتراحات أخرى نقبل بيها ..
ياخ لما تلقى ليك زول يشـرب زي نوعية طلحـة دي .. حقو تدعمو بي قزاز الدم زاتوووو
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: حسن مهدي)
|
Quote: ولياب : سلام وليه بتسأل الاستاذه منى محمود ...اهو سيد الاسم قدامك |
هلا بسيد الأسم حبابك حسن .
نسأل الأستاذة دي كانت مقولة مشهورة في برنامج قديم في تلفزيون السودان (فرسان في الميدان) بإدارة المذيع حمدي بدرالدين .
وعلاقتنا بالبجا ( جيرة في حلفا وولاية مشتركة (كسلا) ولغات أجنبية نتحدثها جميعاً .
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: فتحي الصديق)
|
Quote: ورينا حتعمل شنو طيب ؟؟ بعد ما جا (سيد الاسم) ..
-------------------------------------- تمبس أركز . |
العمل عمل ربونا يا فتحي .. المسالة دي خلاص طلعت من يدي .. عليك الله حسن شنو البعلمو ليهو حاجة انا .. بعدين هو زاتو زول جديد .. حسع لو كان واحد من القدام ديل كان طقطقتو ليك زي الما حصلت حاجة .. عمران مثلا .. طلحة مثلا .. حافظ انقابو .. اساسي .. ود الصايم .. بكري ابوبكر .. تراجي مصطفى اها زي النماذج دي .. لكن عليك زي حسن مهدي دا البسالو عليك الله ويخطا عليهو مش غلطان ..؟
عليك الله ماذا انا فاعل شنو يا فتحي كمان في البرد دا ..؟
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: tmbis)
|
Quote: عارف عمران ووليد ديل .. اكتر اتنين ممكن يخربو العامرة البيناتنا .. ارجو انك ما تشتغل بيهم كتير .. وانا سؤالي دا زاتو كنت طارحو في شكل هظار وكدا .. طبعا انت عارف انو الدنيا آخر شهر والفلس بكون حاصل شان كدا .. |
يا تامبا
ما عندك اي مشكلة .. بشيلها ليك دي انا.. واتخارج بالملف حقي عاااااااااااادي
بس اتذكر انو انا طالبك واحده
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: tmbis)
|
Quote: اخوك علاء الدين منصور يونس الشيخ الحسين .. بكتب في سودانيز بي اسم تمبس .. صاحب صديق رحمـة معاكم في كســلا وعندي اصحابي كتار قرو معاي من كسلا برضو .. شكرا يا ابو الحسن والما بيعرفك يجهلك ياخ |
فضل شنو تاني تقوله كان تديه رقم هويتك كمان ياتمبس
خارج البوست : سلامي الي كل اهالي المربعات فقد زرت منزلكم عدة مرات ولم التقيك
مع ودي واحترامي
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: tmbis)
|
عارف يا تامبا فيما يبدو لي
أن التكنولوجيا قد طبظت معاك بكرينا قرأ هذا البوست عشان يتخارج من الورطة دي قام بسراع بسراع كدا فتش في طلبات العضوية ( المتلتلة ) عندو هدفو كان واضح يلقى واحد إسمو ( حسن مهدي ) يتخارج بيهو من تامبا ولسانو وعشان يسبك الشغلانية تمام قام سجلو بتاريخ رجعي من شهر واحد داااااك
وأسقط في يدك يا حبيب
لقيتني كيف في ( نظريات المؤامرة ) ؟؟
__________________
يا أبو علي سيد الإسم زى ما قال ليك تمبس الدنيا آخر شهر والفلسة حاصلة فدحين
مااااتاخد كلامنا دا مأخذ جد ثم مرحباً بك
| |
|
|
|
|
|
|
Re: عاجل .. من هـو .. ( مرحبا حسن مهدي ) ..؟ (Re: فيصل نوبي)
|
حسن مهدي مرحب بيك بالمنبر وبكل اهالي كسلا .. فقد كان من المفروض ان اكون فيها بيوم غد بزواج صديقي ابوعبيدة حسن بالختمية ولكن الظروف هي من منعتنا من النزول الي السودان
Quote: محمد :سلامات يازول المربعات شنو ولم التقيك بتاع شنو !!! ده بالجد خارج البوست ..... |
الكلام من اوله لي اخره مقصود بيه تمبس لاني اقتبست كلامه ..
مع ودي واحترامي
| |
|
|
|
|
|
|
|