الله يسلمك ويعافيك يا عبد الله .. .. انا برضي كمستمع عادي ولا متخصص عندي كلام كتير جدا في نهى دي .. بعتبره فنانه راسه عديل .. احسن من كتيرات غيره ماليات الدنيا صراخ واصباغ وحنـة ودهــب وفضه ونحاس .. نهى .. فنانة مثقفه وواعيـة .. وعميقة في تقديمـه وفي فهمـه للموسيقى .. لذلك : ينتظرها مستقبل موسيقي عظيم .. لطالما بدأت بطريقة العظماء
02-16-2013, 01:28 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: ياخي جضم الكلام السندريلا ست الغَنا وسيبني من ( النخنخة ) ود الشيخ مطلوب حضوركـ فوراً لأنو عندكـ رأي سلبي ما احترمتو أبداً
ايووووووووووووووا تليييييييييييك يا عمران .. انا زااتو قاعد اعتمد على الباصات حقتك في السمع النضيف دا .. وشكرا لي البوم نهى الاديتني ليهو زمااااان .. نهى عجاج بقت عامله لي زي افخم ( قارورة عطـر) .. لانو العطر دائما بيذكر الواحد بالأماكن .. فبقيت كلما اسمع نهى .. بتذكرك ، ،، قبل يومين بالصدفـة كنت مع صديقنا مهندس مزمل ... راكبين العربية .. قام لقيتو مشغل ليهو نهى عجاج بي البيانو شئ عجيب . وانت زي ما عارف يا عمران .. انا البيانو مع السبرانو قاعدين يجهجهوني .. ويخربو لي كيف كيان مخي .. المهم في تلك اللحــظة ايضا قفز لي مخيلتي .. المنظراتي طلحــة عبد الله .. وكل الايام التي ابلشنا فيها .. فنويت على السندريلا نهى .. ليس من مقام المقارنـة بينها ونانسي .. لكن لتبيان ان ما تقوم به السندريلا من غنا مجيـه ولزمات عجيبة .. لهو الجن بي زاتووو حال انو الواحد استمع ليها بالليل شديد .. فلمصلحـة طلحـة عبد الله او اي كان اسمه .. لمصلحته الا يتعمد استفزاز نفسياتي .. والله نحن الواحد لما يستفزو نفسياتو .. ببقى صعب خلاص .. .. .. جيد جدا انك تجيب لينا محمد الشيخ .. هنا .. عشان اشوف وجهة نظرو شنو بالضبط في السندريلا دي .. اي نعم ود الشيخ رجل فنان واحساسو عالي جدا جدا .. لكن .. استغرب كيف تفلت منو السندريلا ..؟
02-16-2013, 02:03 PM
tmbis tmbis
تاريخ التسجيل: 10-19-2002
مجموع المشاركات: 24862
بالمناسبة يا عمران .. انا ود الشيخ قاعد ارجع ليهو في كتير من الاصوات .. ودائما بتفق معاهو في فهمو وفي سمعو .. لكن ... مع نهـى دي .. بحتو ليك معاهو قرض .. والحشاش يملى شبكتووو انا يا دوبك استمعته للعمل دا قبل يومين .. واليومين ديل كانو كفيلات جدا انو انتبه لي عدة اشياء في طريقة الاداء والاحساس .. اضافة للتنفيذ الموسيقي الجيد جدا .. .. الفنان البيقودك لي انك تتأمل في حتـة صغيرة من حلية في صوتو يعمله او سلطنـة في منطقة محددة .. أو يظهر ليك ملكتو الكاملة ويهبشك في حتـة داخلية بي حقارة شديدة .. دا اكيد فنان .. وانا متأكد تمام يا عمران بي حاسة السمع السابع العندك والتي نتفق فيها .. اكيد ح تكون المناطق البتكلم عنها دي بتكون حايم جواها .. انا وضعته العمل .. ومدي مساحـة لي التفتيش والتنقيب عن مكنونات الصوت العجيب دا .. دا صوت عجيب جدا ..
سلام تمبس، عليك الله الشغلانة بتاعة البيانو وفي شغل تاني فيهو صوت فلووت عجيب كدا نزل الحاجات دي وحاول راعي بعدنا عن البلد في حتة لسه المطرة فيها تواصل الهطول مع سبق الإصرار
تحياتي
02-17-2013, 07:41 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: عليك الله الشغلانة بتاعة البيانو وفي شغل تاني فيهو صوت فلووت عجيب كدا
تبلدي ..؟ ازيك يا سعادتك . والبركة في الشوفة .. ياخ انا لحدت الآن ما استلمته سمعته بي اضاني بس .. ومن اليوم داك اخوك مكوفر .. بعدين شايف في حركـة بتاعت ( فــلاته) خطيرين جدا بنفخو الانابيب دي نفخ عجيب ،، اولاد حلال بالجد يريحوك راحة السنين .. خلينا نلم في شغل البيانو والفلوت دا والباقي خليهو علي .. انت عايز تظهر واللا نركب نجيك هناك ؟؟
02-16-2013, 02:24 PM
باسط المكي باسط المكي
تاريخ التسجيل: 01-14-2009
مجموع المشاركات: 5475
حمد لله ع السلامة يا نضيف غايتو مقدما كدا ولغاية ما أستعدل ليك وكحسن نوايا من جانبي تجاه البوست البنية حلوة التقاسيم مهندسة التفاصيل (من حيث الشكل طبعا )
Quote: ماليات الدنيا صراخ واصباغ وحنـة ودهــب وفضه ونحاس ..
والله إنها المدعوة ندي القلعة أو ما شابه . وإتا عامل إيه يا تامبا ياخ ؟ يتبع برضو ..
02-17-2013, 07:05 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
دي انا بعتبرا شيطنة واللا فاول تاكتيكي منك .. المهم ومقدما كدا برضو بتفق معاك في الحتة دي .. أها قصرت معاك ؟ والله بعد كدا ما فاضل لي إلا أخت ليك يد بتصفق ومعاها لايك كبيرة .. يتبع ....
السندريلا نهى عجاج من الأصوات المريحة للسمع السهلة الهضم عيبها أنها تكاد تشارك السلطانة نانسي عجاج في السلطنة وإيمان قلبي لا يميل إلى الشرك الإحساس عندها عالي بتوصل ليك الوجع زي ما الله خلقو وصفاء الصوت - تبارك الله - مدهش خاصة عند المدات وبالأخص المد العارض للسكون في نهاية المقاطع وعيبها التاني انها بتشبه روحا.. بمعنى من الصعوبة بمكان أن تترنم بأغانيها تلقاها شترا للشخشخة الشديدة في صوت المقلد ونفسه القصير في المد.
تحياتي وأطيب أمنياتي ليك ولزميلة المنبر
02-17-2013, 11:41 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: دي انا بعتبرا شيطنة واللا فاول تاكتيكي منك ..
ههههههههههه مش قلت ليك بتتعلم من الأيام مصيرك بكرة ..؟؟ طبعا انت قايلني زيك وزي العربي داك الواحد يجي ضهرو مكشوف .. تعمل ليك فاول تكتيكي زي دا لانو لو ا لجماعة رجموك من مسافـة قريبة يكون عندك مساكات .. يا ضامن ليك (يدين) على الاقل يطلعوك من السيك والسنفكـة .. والله تخت لايك .. تشيل لايك .. تشيل الريد وتشيل ودو .. برضو ما بيحلك انا قلت ليك بورطك يعني بورطك .. انت قايل امنقه حاجة شنـو ..؟ انو الشريط اياهو + الـ CD نزلتهم من العربية يعني حقك رااااح ما اشتغلت لينا شغل كويس عشان نثق فيك
يتبع..
02-17-2013, 11:24 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: السلام عليكم حمد لله ع السلامة يا نضيف غايتو مقدما كدا ولغاية ما أستعدل ليك وكحسن نوايا من جانبي تجاه البوست البنية حلوة التقاسيم مهندسة التفاصيل (من حيث الشكل طبعا )
الله يسلمك ويعافيك يا اخونا يا منظراتي .. بعدين حسن نواية شنو وحسن والصفارة شنو ؟؟ نحن عايزين النجيضة .. استمع لينا في مخارج الحروف .. وفي السلطنة .. وفي التمكن ، خليك من غرودة العيون والتغمض .. نحن الفريق بتاعنا ما قاعد يغمض لما يغني .. اجتهد معانا وامشي اليوتيوب وشوف الزولة دي واقعد ليها .. انا قلت ليك لو تابعتني .. بنضف ليك اضانك دي .. وانت عارفني طبعا بنضفه ليك من شنو ...
02-17-2013, 08:27 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: بعد بوستيك دا تاني بالجد أنا حا اشك في مزاجاتك الفنية ياخ - نهي عجاج شنو ياخ؟؟؟؟
سلامات يا ابو فتحيـة .. كدي قول خير .. نحن اصلو سمعنا دا ما بنجامل فوقو لانو ما عندنا غيرو .. كدي حاول اقعد ليها بالجمبة كدا .. بعد فترة الشافك بقيت (حوار) من (الحيران) الكبار ما كضب ..
02-17-2013, 08:14 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: زمان لما قلت إنو نهي أفضل بكتير من نانسي الناس وقفت لي في حلقي الحمد لله إنو في زول أضانو نظيفة متفق معاي في الحكاية دي
ههههههه .. يا خالد اديها صنة شويــة .. عارف هناك الكتيرين جدا بيشاركوك نفس الفهم ولما اي واحد تتناقش معاهو في نهى ونانسي بيدوك نفس الانطباع ونفس الفكرة .. لكن نحن في كل الاحوال نحاول انو نفرق بين القيمتين .. بعيد عن المقارنة التي لا تحسب في صالح الاتنين .. نسمع نهى .. من أجل نهى .. ونانسي .. كنانسي .. انا غايتو من هنا ولي قدام .. مركز مع نهى .. يعني بي اختصار .. انا رئيس جمهورية نهى
02-17-2013, 08:10 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: اول مرة انتبه للفنانة دي من خلال بوستك دة شكرا لك
سلامات يا باسط والبركة في الشوفـه .. فعلا نهى عجاج قليلة الظهور او بالاصح التركيز عليها اعلاميا ليس بالمستوى الذي نالته غيرها من يظهرن في الشاشة .. لكن تظل نهى قيمة فنية متفردة وقريبا ستزاحمك نهى في كل الاماكن ..
02-17-2013, 10:21 AM
garjah garjah
تاريخ التسجيل: 05-04-2002
مجموع المشاركات: 4702
يا تامبا الفوق دا مدخل كويس للإستماع ، خصوصا في حالة نهي عجاج دي .. عارف ليي نهي دي تحديدا ؟ عشان في البداية حاولت زي ما قلتا لي فوق أدقق في صوتا ومخارج حروفا وتحركاتا في المساحات الصوتية المتنوعة عشان أعرف مدي تمكنها من صوتا كما هو الحال بالنسبة للأميرة، لكن فجأة إتذكرت ليك أنو سندريلاتكم دي قبل كدا قالت إنها ما بستمتع للاغاني السودانية كتير وأنو موبايلا كلو أغاني أجنبية.. أو كما صرحت في حوار أو ما شابه . أجيال الفن السوداني يا تامبا لا تكف عن التناسل بذات الجينات الإبداعية التى تحتاج للرضاعة من الجذور لتنمو وتفرهد تاليا .. وحتما لن يكتمل النمو كما يجب في حال كانت هذه الرضاعة صناعية لأن حليب الأم هو الأقوي والأضمن، وهذا ما لم يتوفر في حالة نهي التى قفزت إلى باحة الغناء بالباراشوت دون أن تقدم بطاقة تعريفية للشارع الفني عبر أداء أغنيات مألوفة كما إعتاد في حالة القادمين الجدد .. صحيح أن نهي عجاج ربما حالفها بعض التوفيق في ألبومها الأول ولكن تبقي الهوة التى صنعتها بنفسها بينها وبين الجمهور حاضرة وقابلة للإتساع في أول عثرة لها في مشوارها الفني . لم تعجبني أبدا فوقية البنية نهي عجاج في التعامل مع الغناء.. فهي أولا كما قالت لا تستمتع كثيرا للغناء السوداني وليس لها فنان بعينه يمكن أن تتخذه كمثل لها، خلافا لما فعله عمالقة الفن السوداني الذين إقتفوا بطريقة أو بأخري آثار أسلافهم في دروب الفن فوصلوا إلى الميس سالمين ناضجين . كمتذوق للفن سأتردد حتما في قبول فنان أو فنانة تستنكف الإستفادة من تجارب غيرها وتصر على أن تحلق بطائرة الغناء في فضاء الإبداع برغم من أنها مازالت في طور تعلم قيادة دراجة هوائية.
(عدل بواسطة طلحة عبدالله on 02-17-2013, 12:00 PM) (عدل بواسطة طلحة عبدالله on 02-17-2013, 12:04 PM)
02-17-2013, 12:09 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
عشان ما أعدل في المداخلة الفوق دي كتير بس عايز أقول ليك يا تامبا أنو نهي عجاج ما خلتني أبدأ معاها من حيث يبدأ تقييم ونقد الفنان من خلال صوته ومخارج حروفو .. الخ... بسبب احساسي بترفعا وفوقيتا في التعامل مع تاريخ الغناء السوداني واعتبارو نهر متصل ومتواصل الجريان .. عشان كدا قلتا كدا النشوف ميزات الحضور المسرحي الشكل واللبس والأناقة و...... تسريحة الشعر والمناكير والبودكير .. هههههه
(عدل بواسطة طلحة عبدالله on 02-17-2013, 12:10 PM) (عدل بواسطة طلحة عبدالله on 02-17-2013, 12:21 PM)
02-17-2013, 11:34 AM
walid taha walid taha
تاريخ التسجيل: 01-28-2004
مجموع المشاركات: 4206
عارف حضرت ليها في 2009 جلسة استماع في منتدى راشد دياب للفنون , وجيت للجلسة بالانطباع انها فنانة جميلة , مجددة وعادية ..
كانت هناك امال النور في فاصل كالت لها المديح وقالت ما معناه ( ان نهى عجاج هي رهانها لمستقبل الفن السوداني , وان الاصوات السودانية بخير تماما ما دام بينهم نهى ) وحاجات كبيرة كتيرة كده , في نفسي قلت معقولة بس ! :) , بعدها اشارت الي نهى بالغناء مع ايقاع البيانو فقط اغنية نسيتها الان , لكن تلك الاغنية ذلك المساء كانت هدوء وصفاء صوت , وتمكن واناقة وفخامة , وبعدها امنت تماما ,,
من يحكم عن بعد وحكم هام عن هذا العصر فليفعل , ومن اراد الاقتراب بفكر متفتح فسيندهش خالص ,,
نهى فنانة فخمة .. ومستقبل ضخم قادم .. معك ..
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
02-18-2013, 02:45 AM
شهاب الفاتح عثمان شهاب الفاتح عثمان
تاريخ التسجيل: 08-28-2006
مجموع المشاركات: 11937
كيفك يا رجل يا فنان ... ومرة أخرى حمداً لله على سلامة المدام .....
نهي عجاج عالم من الإبداع لا ينتهي ... زمان يا علاء أنا كنت دايش زي صاحبك تنظير ده ... ومفتكر إنو مافي فنانه في السودان بعد نانسي عجاج إلا أن استمعت واستمتعت بنهى عجاج ... حقيقة زوله متمكنه ..وما بتغني إلا الغنى العميق كما صرحت بذلك ...تحب الكلمات ذات الدلائل والمعاني الوهيطه .... يكفيها فخراً أن اعترف بموهبتها الفذه الموسيقار العبقري الموصلي .... وافتكر بعد رأي الموصلي ما في كلام ....
نهى عندما تستمع لها تبحر بك في عالم من الوله وتسافر معك وبك إلى دنياوات من الفن الراقي الأصيل ....
وهاك دي يا تامبا .... عربون محبه ....
بالمناسبه صورة بروفايلك الجديده تهبّل عديييل .....
مع خالص الحب الذي تعرف ؛؛؛؛
02-18-2013, 09:15 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
سليمان القرشي
عبد الله فقير
عمران حسن صالح
باسط المكي
خالد عبد الله محمود
الصادق صديق سلمان
طلحة عبدالله
garjah
طارق جبريل
عبد الباقي الجيلي
شهاب الفاتح عثمان
إدريس محمد إبراهيم
فيس بوك
تويتر
انستقرام
يوتيوب
بنتيريست