|
|
|
 Re: استفسار عن اراضي امبدة (Re: سليمان القرشي)
|
شكرا يا سليمان
ما عارف اي مربع بالتحديد
بس القطع معروضة للموظفين بالتقسيط وحسب الاعلان شمال غرب مستشفي امبدة
السعر الاجمالي 52 الف
تدفع 25 مقدم
و27 علي ثلاثة سنوات
كنت عايز اعرف سعرها في السوق عشان اقارن مع سعر التقسيط
| |
 
|
|
|
|
|
|
|
|
Re: استفسار عن اراضي امبدة (Re: عبدالله محمد احمد بلة)
|
الأخ عبد الله السلام عليكم
حقيقة لا أعلم بالضبط أين يقع الإتجاه لعدم معرفتى الجيدة بتلك النواحي ، ولكن فى ذات الخصوص لدى حكاية أود أن أرودها هنا وتخص قطعة أرض (كانت مملوكة لى ) وهى تقع فى تلك النواحي خلف مستشفى أمبدة أعتقد الحاارة 25 ، كنت قد إشتريت تلك القطعة - وهى حوالى 350 متر - فى العام 2004 بمبلغ زهيد حوالى 4 مليون (بالقديم طبعا) ولما كان المبلغ زهيد مقابل قطعة فى أمدرمان قلت بينى وبين نفسى (يا زول كلها 4 مليون لو طلعت مقلب ما مشكلة ) وبالتالى لم أهتم بمعيانة الأرض ،المهم آلت الى ملكيتى فى وقت وجيز وقمت بتسديد المبلغ "كاش داون" وقام المحامي بما يسمى "إجراء حجز فى أراضي امدرمان" . وللحق كنت مزهو بإمتلاك أرض فى العاصمة المثلثة وقلت عسى أن تكون لنا عون وسند ومأوى إذا ضاقت بنا بلاد الغربة.
المهم يا سيدي قمت فى العام 2008 بزيارة للمنطقة التى تقع فيها الأرض وللدهشة وجدت المنطقة مأهولة وهنالك إسفلت يربطها بسوق ليبيا وكانت سعادتى غامرة كما سنحت الفرصة لى بمقابلة مسؤول اللجان الشعبية وجلست معه وفعلا طلعت الأرض حقيقة وما مقلب حتى أن الرجل قام مشكورا بإفراد الخرطة الخاصة بالمنطقة ورأيت بأم عينى موقع قطعتى .
أنظر ماذا حدث بعد ذلك !!!!
يستتبع
(نظام تشويق وكده) :)
| |
|
|
|
|
|
|
|
|
|
Re: استفسار عن اراضي امبدة (Re: عبدالله محمد احمد بلة)
|
الأخ عبد الله صباح الخير
بعدما ما ورانى المسؤول الخريطة وقف شوية ونظر بعيدا ثم قال لى (والله تعرف قبل فترة كده أعلنو إنو المنطقة دى ماري فيها انبوب بترول تابع لشركة النيل عشان كده حيقومو يعوضو الناس )
أنا : يا زووووووووول ( طبعا الفرحة ما وسعتنى خاصة و إنو النيل دى حقت صينيين ، والصينيين حقانيين واكيد التعويض بكون مُجزي)
أنا (وبكل شفقة) : أها طيب التعويض كم وكيف؟ وامشي وين ؟
المسؤول : والله والحقيقة فى البداية كان الصينيين عايزين يعوضو الناس قروش كويسة ، لكن
أنا : أها شنو ؟
المسؤول : والله ناس وزارة الطاقة كونوا لجنة وقالوا نحن حنقوم بتعويض الناس طبعا أنا حبست أنفاسي ، أها طيب كم يعنى ؟
المسؤول : والله هى حددوها بسعر المتر وضربوها وقالو قطعتى دى تعويضها 8 مليون (بالقديم طبعا) !!!
يستتبع
| |
|
|
|
|
|
|
|
|
|
Re: استفسار عن اراضي امبدة (Re: عمر عبدالرحمن)
|
عُمر إزاى الحال
ياخى الحصل كالآتي (عشان بس ما نتاخر على اخونا عبد الله ) تاكدت - وللأسف - فعلا ان التعويض هو االمبلغ القال عليهو بتاع اللجان 8 مليون ، بعد ما قلت ليهو طيب لو ما داير وعايز اعترض قال لى (هى عاد عايز تشتكى الحكومة ، ؟ الأرض خطة إسكانية) ونصحنى بقبول التعويض . غايتو إتوكلت وقلت المال تلتو ولا كتلتو وبديت فعلا فى الإجراءات من الأراضى لوزارة الطاقة جرى شديد المهم كملت إجازتى بعد ما وصلت لآخر مرحلة وهى إستلام الشيك ولما كان سفرى لا يتحمل التاخير ، عملت تفويض لأختى عشان تستلم الشيك وإتوكلت وسافرت
بعد 10 يوم ضربت لى أختى من مقر لجنة التعويضات -مكتب المالية وسألتنى السؤال التالى :
يستتبع،،
| |
|
|
|
|
|
|
|
|
|
Re: استفسار عن اراضي امبدة (Re: Mohamed E. Seliaman)
|
الأخ/ عبدالله محمد بله
لك التحية
إنت قلت:
Quote: بس القطع معروضة للموظفين بالتقسيط وحسب الاعلان شمال غرب مستشفي امبدة
السعر الاجمالي 52 الف
تدفع 25 مقدم
و27 علي ثلاثة سنوات
كنت عايز اعرف سعرها في السوق عشان اقارن مع سعر التقسيط |
وذكر الأخ/ وليد طه بأنه كانت له قطعة و...و....و...
مش إحتمال نفس القطع يكونوا مقلبوا ( وليد وجماعته) إشتروا منهم ب 8 مليون ونصف وحيبيعوها ليكم يا عبدالله
وياما نشوف من المسؤولين؟؟؟؟؟؟
أنا أم بدة أو الحاج يوسف أو الدروشاب أو الكلاكلات دي ما بأعرف عنها حاجة؟؟؟؟؟
أسالوني عن الرياض والمنشية والخرطوم (بث) والخرطوم كلها بتاعتنا (مش هي ملك الشعب وأنا واحد من هذا الشعب)
| |
|
|
|
|
|
|
|
|
|
Re: استفسار عن اراضي امبدة (Re: walid taha)
|
زى ما قلنا ضربت لى اختى وقالت لى : (أسمع إنتا قلت لى كان ملبغ التعويض كم ؟)
قلت ليها 8 مليون ونص
قالت لكن الجماعة هنا فى المالية قالو 7 مليون بس !!! وانا هنا عندهم
قلت ليها شنو ؟!!! معقول ؟ وأردفت : كدى بالله ادينى الزول القال ليك الكلام ده وفعلا ادتنى ليهو
أنا : السلام عليكم يا أستاذ
هو : وعليكم السلام
أنا : أسمع المبلغ القالو لينا مسؤول الللجان هو أكتر من كده
هو : (بعد سكتة صغيرة) رد على بخباثة (قال ليك كم يعنى) ؟
أنا : قال لى 8مليون ونص ، كيف تقول لى 7 ، نحن ياخى مغتربين لينا سنين وندفع ضرايب وخلافه وووو وفى النهاية عايزين تشيلو حقنا قلع يعنى
قام قال لى : قال ليك 8 ونص ؟ قلت ليهو أيوه قال لى كدى إتصل تانى بعد 10 دقايق
بعد عشرة دقايق طبعا ما لميت فيهو واختى قالت لى (خلاص وافقوا على الـ 8 مليون ونص ) يعنى لو كنت سكتا على كده كان لبع المليون ونص قلت يا ريتنى لو قلت ليهو 30 مليون
***** إنتهت الحكاية********
معليش عبد الله لو ما لقيت مرادك ، لكن والله الحاجة دى كنت كاتمها فى نفسي لمن لقيت البوست ده قلت احكيها
شفت كيف
تحياتي،،،
| |
|
|
|
|
|
|
| |
عبدالله محمد احمد بلة
سليمان القرشي
walid taha
وضاحة
عمر عبدالرحمن
Mohamed E. Seliaman
أمير محمد ادريس
فتحي عباس نقد
فيس بوك
تويتر
انستقرام
يوتيوب
بنتيريست