أطفالنا فى السودان الأمل الحزين الذى يأمل فيكم الخير يا أهل المروة والخير .. أطفالنا فلذات أكبادن االذين أبتلاهم الحكيم القدير بداء السرطان ... يعيشون مأسأة حقيقية بكل أبعادها في السودان ..فهم يا أحبتي يموتون من الاهمال وعدم الرعاية ... هذه الحقيقة تأكدت منها يقيناً عندما بكى محدثي من موقع الحدث على الهاتف وهو يحاول أن يوصف لي الوضع المزري الذي تعيشه هذه الفئة الغالية على قلوبنا جميعاً ... هل أحكي لكم عن البيئة الغير صحية التي إضظرتهم ظروفهم القاسية أن يعيشوا فيها .. أو سوء الرعاية الصحية .. أو عدم توفر حتى الأدوية الأولية التي يعتمد عليها في العلاج .. أو عن معاناة أسرهم في توفير أبسط ظروف الحياة العادية ...
(عدل بواسطة وضاحة on 02-11-2013, 12:41 PM) (عدل بواسطة وضاحة on 02-11-2013, 12:43 PM)
02-11-2013, 12:52 PM
وضاحة وضاحة
تاريخ التسجيل: 01-16-2005
مجموع المشاركات: 9116
حان وقت العمل أحبتي .. ولا وقت للكلام .. تبرع أخي الكريم وخاصة الأخوة المقيمين في السعودية وبقية دول الخليج وفي كافة اصقاع الدنيا ... بأي شيء ... حتى بأقل القليل .. لا تستصغر أي مبلغ .. وكما يقول المثل السوداني (إيد على إيد تجدع بعيد). قد تجاوز عدد منسوبي هذا البورد العشرة آلاف حسب علمي .. وزواره بالآلاف يومياً ... ولهم أمثلة باهرة في مواقف كثيرة ... فلو تبرع منا بأقل ما يستطيع لساعدناهم .. وهم في أمس الحاجة لمد يد العون والمساعدة .. أطفال صغار ، وابتلاهم المولى بهذا الداء العضال يعانون وأسرهم الأمرّين ويرفعون الأكف الضارعة لرب السماء في أن يكون في عونهم ، ويسخر لهم أصحاب القلوب الرحيمه من أبناء وطني الميامين ليقدموا لهم شيئاً .. فهلا فعلنا الآن ؟ ... فالوضع لا يحتمل التأخير فكل يوم يسقط عدد من هؤلاء الأبرياء ويمكننا بلا شك أن نفعل ما بوسعنا لإنقاذهم ... وكماقال المصطفي صلى الله عليه وسلم (ما نقص مال من صدقة ، بل تزده ..بل تزده) ..
الموضوع بتاع الاجار خلاص انا حليتوا مع الشباب البساعدونى فى السودان وأن شاء الله كل شهر حا التزم بدفع الاجار المشكلة فى الاحتياجات الاخرة الناس دى محتاجة أكل وشراب وادوية غير متوفرة فى السودان حاليا ومحتاجين أغراض كثيرة لزم الاستراحة دى تظل مفتوحة لانها بتستقبل كل الاطفال القادمين من كل أقاليم السودان أرجوك انتى والاخ العوض أن تقوموا بالزيارة لهم وأن تعيننونى على هذا وارسلوا لى الادوية المطلوبة باذن الرحمن احاول توفيرها وايدينا كلنا مع بعض من أجلهم
واكون شاكرة لكم ومقدرة
وفى ميزان حسناتكم
لكم منى كل الاحترام و الود والحب العميق
02-11-2013, 02:22 PM
وضاحة وضاحة
تاريخ التسجيل: 01-16-2005
مجموع المشاركات: 9116
سلام يا أخت رانيه ... . . لقد تبرعت بايجار شهر كحل سريع ..انتظرتك لأني عارفة هميمة في هذه المواضيع وعندما لم تظهري قلت يمكن تكوني مشغولة ...كلفت واحد في الخرطوم منذ يوم الخميس الماضي فالتزم بادخال المبلغ في حساب المنظمة يوم الأحد ......اتصلت عليه اليوم وللأسف لم يذهب .....التزم بالذهاب غدا الثلاثاء للبنك ................................
ياأخونا ناس السودان ديل لسع أمشي وتعال بكرة ! .. يوم بكرة ....!!! يومهم بيكون ضائع ساكت !!!!!!!!!!!!!!!
. .
مجددا لك كل التقدير .
02-11-2013, 04:10 PM
هاشم الادريسى هاشم الادريسى
تاريخ التسجيل: 06-28-2011
مجموع المشاركات: 1046
Quote: الاخت الكريمة الدكتورة اولا ربنا يجعل هذا العمل فى ميزان الحسنات واهم عمل هو كان دفع الايجار لكى تستمر الاستراحة وجزاكى الله كل خير
ونحنوا فى انتظار التقرير من الاخت رانية الشيخ بعد الزيارة الى الاستراحة والاخت رانية عنصر نشيط وتعمالنا مها كثير فى اشياء كثيرة علاج
وافطار صائم وربنا يديها العافية وتكون حلقت وصل لكل المغتربين فى دول المهجر وشكرا يادكتورة
العزيز هاشم
أمين يا هاشم وياك
كلامك سليم هاشم من حق كل شخص ان يتاكد انوا فلوسوا مشت للمكان الصحيح لانوا كثيرا من المنظمات فى السودان الناس فقدت المصداقية فيها وكذلك انا فعلت وقد ارسلت الشباب الذينا جمعتنى بهم دروب الخير لرسال شخص للتاكد
وقد اكدوا لى ذلك ووصفوا لى الحال بانهوا حال مزرى ومخيف وبصورة جعلتنى احزن كثيرا
اتخيل الناس دى ماعندها حتى حق الوجبة
نسال الله لهم العافية وان يشفيهم ويفك محنتهم
الكانسر فى الدول المتطورة علاجه ما ساهل فكيف الحال بهولاء الضعفاء الذين لا يجدون اهتمام من الدولة
يا هاشم
هل تتخيل انوا المحكمة حكمت عليهم بخلاء الاستراحة لعجزهم من دفع الاجار
اى عالم هذا !!!!!!!!!!!!!!!
02-11-2013, 11:27 PM
هاشم الادريسى هاشم الادريسى
تاريخ التسجيل: 06-28-2011
مجموع المشاركات: 1046
سلام يا أخت رانيه ... . . لقد تبرعت بايجار شهر كحل سريع ..انتظرتك لأني عارفة هميمة في هذه المواضيع وعندما لم تظهري قلت يمكن تكوني مشغولة ...كلفت واحد في الخرطوم منذ يوم الخميس الماضي فالتزم بادخال المبلغ في حساب المنظمة يوم الأحد ......اتصلت عليه اليوم وللأسف لم يذهب .....التزم بالذهاب غدا الثلاثاء للبنك ................................
ياأخونا ناس السودان ديل لسع أمشي وتعال بكرة ! .. يوم بكرة ....!!! يومهم بيكون ضائع ساكت !!!!!!!!!!!!!!!
. .جزاكى الله كل خير على العمل الجميل الرائع
02-11-2013, 11:30 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
أمر الله تعالى المؤمنين الصالحين بالمسارعة إلى الصالحات والمسابقة في عمل الخيرات , قال سبحانه : \" وَلِكُلٍّ وِجْهَةٌ هُوَ مُوَلِّيهَا فَاسْتَبِقُوا الْخَيْرَاتِ أَيْنَ مَا تَكُونُوا يَأْتِ بِكُمُ اللَّهُ جَمِيعًا إِنَّ اللَّهَ عَلَى كُلِّ شَيْءٍ قَدِيرٌ (148) سورة البقرة . ووصف عز وجل المؤمنين المتقين بأنهم هم الذين يسارعون في الخيرات ويتسابقون إلى فعلها , قال تعالى : \" وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ (60) أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ (61) سورة المؤمنون .
وحث النبي صلى الله عليه وسلم على المبادرة والمسارعة في عمل الخير , قبل أن تتغير النفوس وتتقلب القلوب , عَنْ أَبِي هُرَيْرَةَ أَنَّ رَسُولَ اللهِ صلى الله عليه وسلم قَالَ :بَادِرُوا بِالأَعْمَالِ فِتَنًا كَقِطَعِ اللَّيْلِ الْمُظْلِمِ يُصْبِحُ الرَّجُلُ مُؤْمِنًا وَيُمْسِى كَافِرًا وَيُمْسِى مُؤْمِنًا وَيُصْبِحُ كَافِرًا يَبِيعُ أَحَدُهُمْ دِينَهُ بِعَرَضٍ مِنَ الدُّنْيَا.أخرجه أحمد2/303(8017) و\"مسلم\" 1/76 .
فى ميزان حسناتك يا وضاحه جزاك الله خيرا يا ريس الموقع له القدح المعلى فى فعل الخيرات
شكرا وضاحة - شكرا رانيا وكل المتداخلين ،،، اتمنى انطلاق حملة قومية لإنشاء مستشفى للسرطان ونحن جاهزين جدا للمساعدة من خلال معرفتي بالعمل الطوعي في بعض البلدان وجدت انو بعض المنظمات الطوعية بكون عندها ويب سايت ، وكل تبرع من اي شخص بكون معروف وممكن اي زول يشيك على تبرعو عبر النت والمنصرفات بتتنزل مباشرة على الموقع - وده كلو عشان المصداقية وثقة الناس في انو قروشهو بتمشي في الاتجاه الصحيح . الموضوع ما يبقي فوره بس او رد فعل آني ،،، خلنوا نمشي لي قدام ونعمل حاجة دايمة لمرضى السرطان !
02-12-2013, 07:31 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
فوق من أجل هؤلاء الأبرياء المساكين ...وفي ميزان حسناتك دكتوره وضاحه وكل من ساهم في إنجاح هذا المشروع الخيري الكبير ....
أعرف أن بعض أخواننا وخاصة في دول الخليج يعملون مع شخصيات هامة أو لديهم علاقات واسعة وصدقوني أمة محمد لا تزال بخير ... هنالك بعض المحسنين لا يعرفون كيف وأين ينفقون أموالهم ... فالدال على الخير كفاعله ....
صدقوني لو تكاتفت الهمم يمكننا أن نفعل الكثير من أجل هؤلاء .... فالنبدأ الآن كما قالت أختنا وضاحه ولا نستصغر أي مبلغ فنواية تسند الزير .....
شكراً لكم جميعاً .... ولنبدأ معاً هذا النفير من أجل هذه الفئة المستضعفة التي تستحق منا كل الاهتمام والتقدير طالما قصرت الدولة فنحن لها إن شاء الله .....
وأنا سوداني أنا .....
02-12-2013, 11:47 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: فوق من أجل هؤلاء الأبرياء المساكين ...وفي ميزان حسناتك دكتوره وضاحه وكل من ساهم في إنجاح هذا المشروع الخيري الكبير ....
أعرف أن بعض أخواننا وخاصة في دول الخليج يعملون مع شخصيات هامة أو لديهم علاقات واسعة وصدقوني أمة محمد لا تزال بخير ... هنالك بعض المحسنين لا يعرفون كيف وأين ينفقون أموالهم ... فالدال على الخير كفاعله ....
صدقوني لو تكاتفت الهمم يمكننا أن نفعل الكثير من أجل هؤلاء .... فالنبدأ الآن كما قالت أختنا وضاحه ولا نستصغر أي مبلغ فنواية تسند الزير .....
شكراً لكم جميعاً .... ولنبدأ معاً هذا النفير من أجل هذه الفئة المستضعفة التي تستحق منا كل الاهتمام والتقدير طالما قصرت الدولة فنحن لها إن شاء الله .....
وأنا سوداني أنا .....
الغالى ادريس
يا سلااااااام عليك يا ملك يا ريت كل الناس زيك كنا بقينا قوة عظمة اتحدت الصعاب
تسلم يا ملك ودا العشم فى كل سودانى
وأحب مكان بلدى السودان
02-12-2013, 11:43 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: شكرا وضاحة - شكرا رانيا وكل المتداخلين ،،، اتمنى انطلاق حملة قومية لإنشاء مستشفى للسرطان ونحن جاهزين جدا للمساعدة من خلال معرفتي بالعمل الطوعي في بعض البلدان وجدت انو بعض المنظمات الطوعية بكون عندها ويب سايت ، وكل تبرع من اي شخص بكون معروف وممكن اي زول يشيك على تبرعو عبر النت والمنصرفات بتتنزل مباشرة على الموقع - وده كلو عشان المصداقية وثقة الناس في انو قروشهو بتمشي في الاتجاه الصحيح . الموضوع ما يبقي فوره بس او رد فعل آني ،،، خلنوا نمشي لي قدام ونعمل حاجة دايمة لمرضى السرطان !
الاخ العزيز ايمن
زى ما بقولوا اهلنا العافية درجات خلينا فى الاول نحل المشاكل الاساسية وبعدين نشوف موضوع البناء دا
واكيد انت اول واحد حا تكون معنا فى المشروع دا
وان شاء الله المقدر يحققوا ابوى مع دكتور جعفر ابو نعوف نقدر نحققوا مع بعض
يلا همتك معنا يا ملك
02-22-2013, 04:08 AM
محمد علي عثمان محمد علي عثمان
تاريخ التسجيل: 08-21-2012
مجموع المشاركات: 10608
الناس بالناس مادام الحياء بهم ******* والسعد لا شك تارات وتارات وافضل الناس مابين الورى رجل **** تقضي على يده للناس حاجات لاتمنعن يد المعروف عن احد ******* مادمت مقتدرا فالسعد تارات واشكر فضائل صنع الله إذ جعلت **** إليك لا لك عند الناس حاجات قد مات قوم وما ماتت مكارمهم ****** وعاش قوم وهم في الناس أموات الامام الشافعي
جعله الله في ميزان حسناتك يا وضاحة
02-12-2013, 04:14 PM
محمد عوض السيد محمد عوض السيد
تاريخ التسجيل: 06-17-2011
مجموع المشاركات: 966
Quote: أمر الله تعالى المؤمنين الصالحين بالمسارعة إلى الصالحات والمسابقة في عمل الخيرات , قال سبحانه : \" وَلِكُلٍّ وِجْهَةٌ هُوَ مُوَلِّيهَا فَاسْتَبِقُوا الْخَيْرَاتِ أَيْنَ مَا تَكُونُوا يَأْتِ بِكُمُ اللَّهُ جَمِيعًا إِنَّ اللَّهَ عَلَى كُلِّ شَيْءٍ قَدِيرٌ (148) سورة البقرة . ووصف عز وجل المؤمنين المتقين بأنهم هم الذين يسارعون في الخيرات ويتسابقون إلى فعلها , قال تعالى : \" وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ (60) أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ (61) سورة المؤمنون .
وحث النبي صلى الله عليه وسلم على المبادرة والمسارعة في عمل الخير , قبل أن تتغير النفوس وتتقلب القلوب , عَنْ أَبِي هُرَيْرَةَ أَنَّ رَسُولَ اللهِ صلى الله عليه وسلم قَالَ :بَادِرُوا بِالأَعْمَالِ فِتَنًا كَقِطَعِ اللَّيْلِ الْمُظْلِمِ يُصْبِحُ الرَّجُلُ مُؤْمِنًا وَيُمْسِى كَافِرًا وَيُمْسِى مُؤْمِنًا وَيُصْبِحُ كَافِرًا يَبِيعُ أَحَدُهُمْ دِينَهُ بِعَرَضٍ مِنَ الدُّنْيَا.أخرجه أحمد2/303(8017) و\"مسلم\" 1/76 .
فى ميزان حسناتك يا وضاحه جزاك الله خيرا يا ريس الموقع له القدح المعلى فى فعل الخيرات
سلام عمو خالد
افتقدناك كثير وينكم علكم بخير انت وخالتوا عفاف
واسعدنى مرورك وكتر خيرك يا ملك
وهمتك معانا انت ود البوش فى عمل الخير
شيلوا عكاكيزكم ديل وامشوا لى على بورداب السعودية
02-12-2013, 11:32 AM
وضاحة وضاحة
تاريخ التسجيل: 01-16-2005
مجموع المشاركات: 9116
يا هاشم ازيك كده حيحصل تضارب يا جماعه فى المبالغ وحتجوط الحكايه حاليا فى ناس التزمت بالمبلغ واودعته فى الحساب والتزمت بدفعه فى المستقبل افضل شى نشوف الاحتياجات التانيه شنو ونديها ليهم عينيه غايتو انا مواضيع المبالغ الفى الحساب دى ماااااااااااااااااااااا بتجى على هواى شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل لكن طبعا ليكم حرية التصرف والاختيار دا مجرد رأى من سنين فى مجال شغلى دا
02-12-2013, 09:18 AM
طارق عياد طارق عياد
تاريخ التسجيل: 01-28-2013
مجموع المشاركات: 38
Quote: غايتو انا مواضيع المبالغ الفى الحساب دى ماااااااااااااااااااااا بتجى على هواى شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل لكن طبعا ليكم حرية التصرف والاختيار دا مجرد رأى من سنين فى مجال شغلى دا
دة كلام سليم ميه في الميه
02-12-2013, 09:43 AM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
Quote: شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل
ودا كلام غير سليم ..القائمون علي امر المنظمة او المنظمات هم ادري بصرف المبالغ المرسلة اليهم حسب احتياجاتهم واحتياجات المرضي ..اللهم الا في حالات التبرع من الشركات المنتجه بتوزيع منتجاتها علي هؤلاء المرضي
بارك الله في الجميع وخاصة صاحبة "الكورااااااااااااك "والنداء وأصحاب المبادرة وصاحب الحوش حين يكون التعاون والنفير يكون للحياة طعم عندي تار مع هذا الداء الفتّاك شال ست روحي وقرة عيني العام الماضي إنتشر بصورة مخيفة في البوادي والريف لا ندري من اين أتي............؟ شكرا لرقم المنظمة ولرقم الحساب ربنا يجعله في ميزان حسانتكم ويرفع به الشرور "ويكافي البلاء"
محبتي
02-12-2013, 12:06 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: بارك الله في الجميع وخاصة صاحبة "الكورااااااااااااك "والنداء وأصحاب المبادرة وصاحب الحوش حين يكون التعاون والنفير يكون للحياة طعم عندي تار مع هذا الداء الفتّاك شال ست روحي وقرة عيني العام الماضي إنتشر بصورة مخيفة في البوادي والريف لا ندري من اين أتي............؟ شكرا لرقم المنظمة ولرقم الحساب ربنا يجعله في ميزان حسانتكم ويرفع به الشرور "ويكافي البلاء"
محبتي
تسلم اخى العبيد
ربنا يرحم ست روحك و انشاء الله مكانة مع الشهداء واهل الجنة
اسعدنى مرورك ويلا ايد لى ايد تجدع بعيد خليك بتصال مع رانه
التفكير دا انقذنى من عمليات نصب كتيره فى زمنا دا مافى اسهل من الكلام والاحتياج بقى ممكن يكون وسيله استعباط ونصب عشان كده على قدر الامكان بنحاول نضمن الطريقه بانفسنا وزى ما قولت ليكى يا maawya اكيد كل زول عندو طريقته البيتبعها وبيرتاح ليها وانا اشتغلت فى المجال دا من 2002 وكنا اول منظمه فى النت تتأسس ولحسى مستمرين الحمدلله هدفنا الخير وبس بلا اى واجهات رسميه يكفى اننا بنساعد بالبنقدر عليه بطريقه بتريح ضمايرنا
02-12-2013, 12:01 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: ودا كلام غير سليم ..القائمون علي امر المنظمة او المنظمات هم ادري بصرف المبالغ المرسلة اليهم حسب احتياجاتهم واحتياجات المرضي ..اللهم الا في حالات التبرع من الشركات المنتجه بتوزيع منتجاتها علي هؤلاء المرضي
الغالى معاوية
المشكلة فى منظمات سمعتها ما طيبة علشان كده الناس فقدت الثقة فيهم
خلونا فى الاول نحل المشاكل الموجودة خالينا وبعداك نعمل لجنة ونشوف حا نعمل شنو
وكلنا مع بعض هدفنا الخير باذن الله
وان شاء الله ربنا يوفقنا طالما هدفنا عمل الخير حا نعمل عمل ممتاز وربنا يتقبل مننا
02-12-2013, 11:55 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: يا هاشم ازيك كده حيحصل تضارب يا جماعه فى المبالغ وحتجوط الحكايه حاليا فى ناس التزمت بالمبلغ واودعته فى الحساب والتزمت بدفعه فى المستقبل افضل شى نشوف الاحتياجات التانيه شنو ونديها ليهم عينيه غايتو انا مواضيع المبالغ الفى الحساب دى ماااااااااااااااااااااا بتجى على هواى شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل لكن طبعا ليكم حرية التصرف والاختيار دا مجرد رأى من سنين فى مجال شغلى دا
الغالية رانيا دا كلام سليم
ويلا همتك معانا وتركت ليك مهم المبالغ المحولة من هارج السودان بعد الاستلام تسلميها بوصولات لناس المنظمة وترفيها لينا فى الموقع علشان الناس الساهمت فى عمل الخير تعرف انوا المبالغ مشت الجه المقصودة
كنت بتكلم مع ناذر من شويه وكان مشى مع الاطفال لجرعه المستشفى وجيه راجع حسى بيهم للسكن موضوع ترحيل الاطفال دا محتاج نشوف له حل وقال بيحتاجوا عصاير طوالى يشربوها ومحتاجين خلاط ضرورى شددددددددددددددددديد
صحيح قال انه لقى ظرف سيبينه له فى البوابه فيه قيمة ايجار ال3 شهور قولت له مفروض يكون فى مبلغ نزل فى حسابكم قال ليسه ما عمل شيك على البنك اتاكدى لى من ناسكم هم سلموها باليد ولا فى البنك عشان نشوف الدفعيه حتبقى كيف لمقدم شهور ولا شنو
02-12-2013, 03:37 PM
محمد حامد محمد حامد
تاريخ التسجيل: 01-25-2013
مجموع المشاركات: 432
كنت بتكلم مع ناذر من شويه وكان مشى مع الاطفال لجرعه المستشفى وجيه راجع حسى بيهم للسكن موضوع ترحيل الاطفال دا محتاج نشوف له حل وقال بيحتاجوا عصاير طوالى يشربوها ومحتاجين خلاط ضرورى شددددددددددددددددديد
صحيح قال انه لقى ظرف سيبينه له فى البوابه فيه قيمة ايجار ال3 شهور قولت له مفروض يكون فى مبلغ نزل فى حسابكم قال ليسه ما عمل شيك على البنك اتاكدى لى من ناسكم هم سلموها باليد ولا فى البنك عشان نشوف الدفعيه حتبقى كيف لمقدم شهور ولا شنو
Quote: كنت بتكلم مع ناذر من شويه وكان مشى مع الاطفال لجرعه المستشفى وجيه راجع حسى بيهم للسكن موضوع ترحيل الاطفال دا محتاج نشوف له حل
في ميزان حسناتك اخوي ناذر وياهو دا عشمنا واملنا دائماً حقيقة اثرتي نقطة مهمة جداً يا اخت رانية موضوع الترحيل من السكن الى المستشفى والعكس الاخوة في الخرطوم البورداب وزوار سودانيز النداء موجه اليكم ومن كان له فضل ظهر فليعد به على من لا ظهر له ممكن الناس تعرف جدول الجرعات ودا دورك اختنا رانية وبقليل من التنسيق والترتيب يمكن ان يتناوب الاخوة في الترحيل بسياراتهم او بايجار سيارات
02-12-2013, 11:52 PM
وضاحة وضاحة
تاريخ التسجيل: 01-16-2005
مجموع المشاركات: 9116
منظمــة بسمات الطوعيه لرعاية اطفال السرطان السلام عليكم ورحمة الله:- وصلنا اليوم تبرع مادي من فاعلة خير عبارة عن الفان ومائة جنيه لسداد الايجار ومبلغ سبعمائة جنيه من فاعل خير ايضاً وابو ان تزكر اسمائهم بمعني الحمد لله الناس استجابت لنداء الاطفال وتبرعت وتم سداد اربعة شهور من قيمة الايجار البالغ 700 ج للشهر المتاخر من شهر ديسمبر الماضي وحتي شهر مارس القادم وجزاهم الله عنا خير الجزاء وربنا يتقبله بالاضافة لبعض الدعم العيني من فواكه وقضيم ودقيق وسكر وبيض وكل دة موجود ع الصفحة للمحافظة علي مبداء الشفافية بيننا وبينكم وسنرفق لكم اشعار توريد البنك بقيمة الايجار وايصال الاستلام من صاحب العقار
منظمــة بسمات الطوعيه لرعاية اطفال السرطان 6 hours ago جانب من التبرع العيني من فاعلة خير اليوم 13-2-2013
منظمــة بسمات الطوعيه لرعاية اطفال السرطان جهشت هذه الوالدة بالبكاء بعد التقاط هذه الصورة بان لسه انسان السودان بخير ولسان حالها ينطق باجمل الدعاء لفاعلة الخير والتي تبرعت بهذا الدعم العيني وجزاك الله الف خير وجعله في ميزان حسناتنا اجمعين
منقول من الفيس بوك
02-13-2013, 00:05 AM
وضاحة وضاحة
تاريخ التسجيل: 01-16-2005
مجموع المشاركات: 9116
وردتنا كثير من الاتصالات من داخل وخارج السودان وكل الناس نفسها تساهم مع هؤلاء الاطفال .... بس حابين نوضح حاجة كل الاخوة لديهم اهل ومعارف واقارب داخل السودان نتمني انو يوجوههم ان يجو للسكن الخاص بالاطفال ويشوفو بام عينهم ماذا يدور وماذا يواجه هؤلاء الاطفال من نقص في الاكل والشرب وحتي الكهرباء وهناك نقص حاد لعقار مهم جدا اسمه 6mp دة المصطلح العلمي له وهو معروف في دنيا سرطان الاطفال وله حوجة ماسه ... ونحب ننوه انو كل ماجتنا التبرعات عينية بتفيدنا اكتر بالنسبة للاكل ممكن التبرع يكون 1/ دقيق بانواعة 2/ زبادي اطفال 3/ بيض 4/ فواكه بكل انواعها لانو عندنا مشرفة تغذيه متطوعة اما بالنسبة للايجار حسب العقد المرفق ع الصفحة ماعليهو الا يتصل بصاحب العقار مباشرة بس ننوه انو لازم نكون عارفين انو دفع قدر ايه عشان نعرف ادفع كم شهر ... بالنسبة للحساب بنك تنميه الصادرات حساب رقم 3258 او الاتصال علي الرقم 0915510199,,,,,,,,,,,, احبتي فاعلين الخير مالقصد من هذا الا لان تثقو باننا نتعامل بمنتهي الشفافية ولتقديم اقصي عناية بهؤلاء الاطفال وزويهم
02-13-2013, 04:04 AM
Ridhaa Ridhaa
تاريخ التسجيل: 02-05-2002
مجموع المشاركات: 10057
أنا متبرع بالخلاط ....... بالله شوفي أحسن وأجود خلاط في السوق سعره كم والقروش حاتصلك في نفس اليوم ............ . . رسلي لي في الماسنجر . جزاكي الله كل خير .
02-13-2013, 04:05 AM
Ridhaa Ridhaa
تاريخ التسجيل: 02-05-2002
مجموع المشاركات: 10057
أنا متبرع بالخلاط ....... بالله شوفي أحسن وأجود خلاط في السوق سعره كم والقروش حاتصلك في نفس اليوم ............ . . رسلي لي في الماسنجر . جزاكي الله كل خير .
يا سلااااااااااااااااااااااااااااااااام عليك يا رضى ياخى
ان شاء الله ربنا يرضى عنك دنيا واخرة
قول أأأأأأأأأأأأأأأأأأأأأأأأمين
02-13-2013, 07:36 AM
وضاحة وضاحة
تاريخ التسجيل: 01-16-2005
مجموع المشاركات: 9116
ندا عاااااااااااجل لى العوض المسلمى وناذر الخليفة الليلة يوم حوبتكم جات
نزار بورتسودان · بورسودان التجارية · 1,200 من المشتركين
وصلنا اليوم اشعار بتوريد مبلغ 2100 جنيه علي رقم حساب المنظمة وبحمد الله تم دفع الايجار الخاص بسكن الاطفال وعلي حسب علمي انو المبالغ جات من فاعلة خير ابت ان يزكر اسمها وانشالله غداً سنرفع لكم اشعار البنك بالمبلغ وايصال استلام من صاحب العقار ... بس حابي اضيف نقطة نحن كمنظمة لدينا مكتب تنفيذي ومجلس امناء وخطة عام كامل لمشاكل نجدها نحن في حلول خطتنا العلمية تماما من خلال الواقع العايشنو داخل المستشفي يومياً والسكن الخاص بالاطفال هل تعلمو سادتي باننا وفرنا عدد 10 جرادل لاولياء الامور وبقيفو بيها امام الميناء البري يبيعو الموية الباردة لتوفير لقمة له ولطفله هل تعلمو ان الطفل كيف يكون حاله بعد الجرعة الكيمائية وهو راكب المواصلات في زحمة وجو ساخن هل تعلمو ماهي احلام طفل في نزهة عائلية هو بعض اخوانه الاطفال المصابين في حلم انو يقدر يركب عجلة او موتر او حتي مرجيحة وعينو للاطفال الاصحاء وهو ماقادر يتمتع زيهم وهل تعلمو ان كثير من الاطفال ياتو للمستشفي واولياء امورهم لايدرو بانهم مصابين بالسرطان وبياخدو في علاج ملاريا او حمي اويرقان ويكون المرض استفحل في الجسم وكلو لعدم وجود ابسط معينات الكشف المبكر للمرض والبكون نسبة الشفاء منه بنسبة اعلي من استكشافه متاخرا هل تعلمو ان الحيرة تصبح ملازمة لاهل الطفل المصاب في كيفية التعامل مع الطفل واحساسه بانه مريض وعزله تماما عن حياته مما يؤدي الي مرض نفسي اخر يلازمه حتي وفاته مع العلم بان الاطباء اكدوا ان 64% من علاج السرطان نفسي وهل تعلمو كيف يكون احساس طفل مصاب متفوق في دروسه ويكون اول الفصل ومع تقطيع زهابه للدراسه بسبب الجرعات يتدهور مستواه من غير اي مراعاة له من قبل وزارة التربية والتعليم وهنالك الكثير والكثير من المشاكل ... حبيت اسرد الحاجات دي عشان اوريكم ان هم المنظمة ليس ايجار فقط بل كثير من الاحلام والحلول لمشاكل تهم الاطفال المصابين واهاليهم باعتبار انها مشاكل تضامنية نحو مجتمع كامل اعزروني للاطاله ولكن قراءت مداخلاتكم وهزني ماكتبه بعض الاخوة عن المصاقية تجاههكم ..اعزائي اولا واخيرا دة عمل خير والبجزي به الله طالما نيتكم بان التبرع خالص لوجهه الكريم فاعلمو بان الاجر ثابت بازنه تعالي ومن جانبنا حنكون شفيفين في كل مايتعلق بالمسائل الماليه بان نرفع لكم اي اشعار بتحويل مبلغ تبرع واين انصب ... اعزائي حاليا حوجتنا لعربة ترحل الاطفال من والي المستشفي وبعض الرحلات الترفيهية التي نقوم بها نحو الاطفال كجانب نفسي حتي ولو كانت مؤجرة كاضعف الايمان وحوجة لمكيف هواء لانو عندنا مكيف واحد والدنيا سخانة خلاص وياريت شاشه تلقزيون لانو عندنا تلفزيون صغير لوجود الاطفال في السكن لفترات طويلة مجهدين من الجرعات مع العلم باننا لم نترك اي جهة او مؤسسة لم تصلها خطابتنا وردهم دائما مايكون بالاحباط ... ولكم جزيل شكري في وقفتكم معنا نحو هؤلاء الاطفال ابنكم المخلص نزار عباس محمد رئيس منظمة بسمات الطوعية لرعاية الاطفال مصابي السرطان
اختى وضاحه برضو وجد مبلغ 700 اضافى فى البنك غير 2100 جنيه وبكده بيكون ايجار شهر مارس مدفوع اتمنى الناس تنظم الدفع عشان ما يحصل تدبيل لمبالغ والامور تجوووووووط التنظيم فى الشى دا مهم يعنى الفكره ما الناس كلها تمشى تتبرع وخلاااااااااااااااااص الشغل مفروض يكون مرتب وبطريقه صحيحه التبرعات العينيه مافيها مشكله لكن الماديه بتحتاج تنظظظظظظظظيم عشان نتأكد من انها ماشيه فى الدرب العديل صح ولو الشخص ما حابى يوضح تبرعه علن يراسلنا فى البرايفيت لو حابى انه اتبرع ما يرسل لى قروش لو ما واثق فينا بس يوضح انه اتبرع وكيف ومتين عشان نقدر نتابع تدفق الكاش دا عموما دا رائى وانتو فى الاول والاخر احرار يا حلوين
الاخت رانية لكى التحية نحنوا اتعبناكى معنا لكن انتى خير من يمثلنا فى السودان ولن معكى اعمال كثيرة انشاءالله وربنا يجعلها فى ميزان حسناتك امين يارب العالمين
02-13-2013, 09:49 AM
هاشم الادريسى هاشم الادريسى
تاريخ التسجيل: 06-28-2011
مجموع المشاركات: 1046
نزار بورتسودان · متابعة · بورسودان التجارية · 1,200 من المشتركين وصلنا اليوم اشعار بتوريد مبلغ 2100 جنيه علي رقم حساب المنظمة وبحمد الله تم دفع الايجار الخاص بسكن الاطفال وعلي حسب علمي انو المبالغ جات من فاعلة خير ابت ان يزكر اسمها وانشالله غداً سنرفع لكم اشعار البنك بالمبلغ وايصال استلام من صاحب العقار ... بس حابي اضيف نقطة نحن كمنظمة لدينا مكتب تنفيذي ومجلس امناء وخطة عام كامل لمشاكل نجدها نحن في حلول خطتنا العلمية تماما من خلال الواقع العايشنو داخل المستشفي يومياً والسكن الخاص بالاطفال هل تعلمو سادتي باننا وفرنا عدد 10 جرادل لاولياء الامور وبقيفو بيها امام الميناء البري يبيعو الموية الباردة لتوفير لقمة له ولطفله هل تعلمو ان الطفل كيف يكون حاله بعد الجرعة الكيمائية وهو راكب المواصلات في زحمة وجو ساخن هل تعلمو ماهي احلام طفل في نزهة عائلية هو بعض اخوانه الاطفال المصابين في حلم انو يقدر يركب عجلة او موتر او حتي مرجيحة وعينو للاطفال الاصحاء وهو ماقادر يتمتع زيهم وهل تعلمو ان كثير من الاطفال ي...مشاهدة المزيد --- شكرا نزار بورتسودان مجهود رائع
اخى هاشم المبنى ما معروض للبيع المالك بيحرص يستلم ايجاره اول وباول ولمن يحصل تأخير بيهددهم بالاخلاء وان شاء الله مع المتبرعه التطوعت للالتزام بيه نتمنى المشكله دى تكون اتحليت
02-13-2013, 04:59 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
سجلنا الزياره انا والاخ صلاح الدين نادر اليوم للمسكن بحمدالله وفضله وتشرفنا بلقاء الاخ نزار ومحمد اللى استقبلونا بكل صدر رحب يديهم العافيه وبالجد احيهم على مشروعهم الخيرى ومساعيهم التى لا تقدر بثمن ولا توصف فى انشاء مسكن لاستقبال اطفال السرطان البيجوا من خارج الخرطوم لتلقى جرعات العلاج رائى الشخصى ان المسكن فعلا فى حوجه لكثيييييييييييييييييييييير من الاحتياجات ليصبح ملائم لمعيشه الاطفال ومبدئيا حصرتها فى القائمه التاليه 1- مراتب 2- مخدات 3-ملايات 4-الخلاط ( ويعتبر شبه منتهى موضوعه بوعد زميل بتكلفته بعد ايجاد النوع الجيد) 5- الايجار الشهرى ( ويعتبر شبه منتهى بعد التزام فاعلة خير بدفعه شهريا) 6- مكيفين لاقتراب فصل الصيف ( مكيفات مويه) 7- لو فى زول عنده ستاير مستعمله استعمال نظيف وطرابيزات وكراسى حتى لو بلاستيك بيكون مكسب للمسكن لعدم توفرهم فيه 8- التموين الغذائى العينى بكل انواعه 9- ترحيل الاطفال من المستشفى للمسكن والعكس 10- كولر مويه ديل مبدئيا ليكون المسكن شبه مؤهل بالاساسيات للطفل المريض لان اكيد الجانب المعنوى لعلاجه مهم وتوفير مسكن مريح من اوائل هذه المعطيات فى رائى ,.,. قام بتصوير اللقطات صلاح الدين نادر وشاكره لنذار ومحمد انهم سمحوا لينا بالتصوير لعكس فعليا ما اود توضيحه المسكن عباره عن شقه تحوى غرفتين وهول وحمام ومطبخ
انتى البديتى يا عسل المشوار ونحنا ما سوينا شى وفعلا ايد على ايد حنجدع بعيد ربنا يديكى العافيه ويزيدك من خيره وحبه ,.,. بكره ان شاء الله بحاول اعدى على محل سفنج الباقير اشوف اسعار المراتب ومخدات كيف
02-13-2013, 09:13 PM
على عبدالله بشير على عبدالله بشير
تاريخ التسجيل: 01-10-2013
مجموع المشاركات: 963
سورى حبيبتى لتأخير غايتو راسى قربت تتصلع بالجد :)))))) حاليا عندى 3 تبرعات لسكن الاطفال الاول قيمته 325 جنيه والثانى قيمته 500 جنيه والثالث قيمته 500 جنيه وفى متبقى من تبرع سابق فى ذمتى بحوالى 100 جنيه امس اتصل بينى نذار وقال اللمبات حرقت ومفروض اشتريها وامشى اوديها يا عسل غايتو اليوم ضارب معاى شديد بحاول بكره بدرى امر عليه قبال الشغل اتصلت بزول الزميل هجو لكن مافى رد وححاولوا تانى ان شاء الله الخلاط كنت حايمه افتش فى نوع باغ لان اللى لقيتهم الجك زجاج وصعب فى الاستعمال لان لو وقع موضوعه بيكون ضرب برضو بكره ان شاء الله بحاول اشوف نهايته ربنا يسهلها وعلى نهاية الاسبوع دا نكون رتبنا الامور دى وانتهينا منها يا غاليه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وضاحة
العوض المسلمي
طارق عياد
علي محمد الفكي
Ridhaa
هاشم الادريسى
Nagat Sid Ahmed Elshiekh
خالد المحرب
أيمن محمود
إدريس محمد إبراهيم
محمد علي عثمان
أيمن الفاضل
محمد عوض السيد
الطيب شيقوق
Maawya Hussein
عبيد الطيب
محمد حامد
احمد حمودى
عبد المنعم سيد احمد
محمد حيدر المشرف
هجو الأقرع
على عبدالله بشير
فيس بوك
تويتر
انستقرام
يوتيوب
بنتيريست